ပြည်တွင်းမှာ ကမ္ဘာ့ရွှေဈေးပေါ်မှုတည်ပြီး ငွေကြေးရင်းနှီးမြှုပ်နှံရတဲ့ ငွေကြေးဈေးကွက်ဟာ စတော့ခ်ဈေးကွက်ဖွင့်ပြီးနောက်ပိုင်းမှာ စိတ်ဝင်စားမှုပိုများလာတယ်လို့ သိရပါတယ်။
‘ပြည်တွင်းမှာ စနေတာကတော့ သုံးလေးနှစ်လောက်ရှိနေပါပြီ ၊ စတော့ခ်အိမ်ချိန်းဖွင့်ပြီးနောက်မှာ ဒီဈေးကွက်တွေကဆက်စပ်နေတော့ ပိုပြီးစိတ်ဝင်စားလာကြတယ် ၊ အရပ်နားလည်အောင်ပြောရရင် သူက ရွှေစတော့ခ်လိုပုံစံပါ ၊ ရွှေဈေးနှုန်းပေါ်မှုတည်ပြီး ကစားရတာ’ လို့ SK Trading ကမန်နေဂျာ Jack ကပြောပါတယ်။
Online Financial Market ဆိုတာဘာလဲ
အွန်လိုင်းကနေ ကမ္ဘာ့ရွှေဈေးနှုန်း ကိုယ်ပိုင်အကောင့်ဖွင့်ပြီး ရောင်းဝယ်တဲ့ Financial market ဟာ ခုနောက်ပိုင်းခေတ်စားလာပါတယ်။ financial market မှာ ရင်းနှီးမြှုပ်နှံဖို့အတွက် ကိုယ့်ပိုင်အကောင့်တစ်ခု လိုအပ်ပါတယ်။ကိုယ်ပိုင်အကောင့်ဖွင့်ဖို့အတွက် သတ်မှတ်ဘဏ်မှာ doposit ငွေသွင်းပြီး ဒေါ်လာ ၁၀၀၀ နဲ့စတင်ရောင်းဝယ်လို့ရမှာဖြစ်ပါတယ်။ Spot gold တစ်ခုတည်းမဟုတ်ဘဲ Foreign exchange တွေ ၊ spot silver တွေကိုလည်း အရောင်းအဝယ်လုပ်လို့ရမှာဖြစ်ပါတယ်။
အကျိုးကျေးဇူး
ကမ္ဘာ့ရွှေဈေးပေါ်မှုတည်ပြီး အွန်လိုင်းကနေ ရောင်းဝယ်ရတာဖြစ်တာကြောင့် အချိန်ကုန်သက်သာစေခြင်း ၊ အရင်းနှီးနည်းခြင်း ၊ အခြားလုပ်ငန်းတွေနဲ့ တွဲဖက်လုပ်ကိုင်နိုင်ခြင်း ၊ အွန်လိုင်းရရှိတဲ့မည်သည့်နေရာမဆို မည်သည့် device နဲ့မဆို အသုံးပြုနိုင်ခြင်းတို့ပဲ ဖြစ်ပါတယ်။
‘ချိတ်ဆက်ထားတဲ့ ဘဏ်မှာ ငွေသွင်းပြီး အကောင့်တစ်ခုရမယ် ၊ ဖုန်းထဲမှာ ဆောဖ်ဝဲထဲဝင်ပြီးတော့ အရောင်းအဝယ်လုပ်ရတာ ၊ ဆောဖ်ဝဲကလည်း ဗားရှင်းအမျိုးမျိုးနဲ့လာတယ် ၊ ကုမ္ပဏီတွေက ထည့်ပေးလိုက်တယ် ၊ ဒီဆော့ဖ်ဝဲလေးကလဲ ဖေစ်ဘုတ်ခ်လိုပဲ user name နဲ့ password လေးရှိတယ် ၊ အဲဒါလေးပေးလိုက်တယ်’ လို့ Jack ကဆိုပါတယ်။
သတိထားသင့်တဲ့အချက်
Financial market နဲ့ပတ်သက်ပြီး လက်ရှိမှာ ဥပဒေပြဌာန်းခြင်းမရှိသေးတာကြောင့် ကုမ္ပဏီရွှေးချယ်တတ်ဖို့လိုပါတယ်။ ဥပဒေပြဌာန်းထားခြင်း မရှိသေးတာကြောင့် ကုမ္ပဏီတွေအနေနဲ့ အခွင့်ရေးယူမှုတွေရှိလိုနိုင်တယ်လို့ သိရပါတယ်။ စတော့ခ်အိမ်ချိန်းဖွင့်ပြီးနောက်ပိုင်းမှာ Financial market လုပ်ကိုင်တဲ့ ကုမ္ပဏီတွေလည်း ပိုများလာပါတယ် ။ ဒါကြောင့်မှားယွင်းမှုတွေ ၊ လိမ်လည်မှုတွေကြောင့် မှားယွင်းမှုတွေ ၊ လိမ်လည်မှုတွေမဖြစ်အောင် သေချာလေ့လာပြီးမှ လုပ်သင့်တယ်လို့သိရပါတယ်။ Financial market ဟာတစ်ကမ္ဘာလုံး အရောင်းအဝယ်လုပ်နေတဲ့ ဈေးကွက်ဖြစ်တာကြောင့် သတိထားလုပ်ကိုင်သင့်တယ်။ ဈေးကွက်ကို မလေ့လာဘဲ ဝင်ရောက်လုပ်ကိုင်ပါက အကျိုးအမြတ်ထက် ဆုံးရူံးမှုပိုများနိုင်ပါတယ်။
ငွေကြေးဆုံးရှုံးနိုင်
‘ကြားထဲမှာ ကုမ္ပဏီတွေနဲ့ပတ်သက်ပြီး ဖြစ်သွားတာရှိတယ် ၊ ကုမ္ပဏီလာဖွင့်တယ် ၊ နောက်ပိတ်ပြီးပြေးသွားတယ်ဆိုတော့ ထည့်ထားတဲ့ငွေကြေးတွေ ဆုံးရှုံးနိုင်တယ် ၊ လက်ရှိမှာ စတောခ်လဲ ဖွင့်လိုက်ပြီဆိုတော့ ဒါတွေလဲ ဖြစ်လာနိုင်တယ် ၊ ဒါတွေသတိထားဖို့လိုပါတယ်’ လို့ Jack ကပြောပါတယ်။
Financial market ဟာလက်ရှိမှာတော့ ပြည်ပကုမ္ပဏီတွေနဲ့ ချိတ်ဆက်ပြုလုပ်နေကြတာဖြစ်ပါတယ်။ ပြည်တွင်းမှာလည်း local gold market ပေါ်ပေါက်လာဖို့ကိုလည်း ရွှေလုပ်ငန်းရှင်များအသင်းက ကြိုးစားဆောင်ရွှက်နေတယ်လို့ သိရပါတယ်။
Credit: The Modern
