ကမ္ဘောဒီးယားနိုင်ငံ ဖနွမ်းပင်မြို့ တော်အနှံ့အပြား၌ ခမ်းနား သော ဈေးဝယ်ကုန်တိုက်ကြီးများ၊ အထပ် မြင့်အဆောက်အအုံများ၊ ကြယ်ငါးပွင့်အဆင့် ဟိုတယ်ကြီးများ အပြိုင်းအရိုင်းထွက်ပေါ်လာ သည် နှင့်အမျှ ဇီမ်ခံအဆောက်အအုံဈေး ကွက် တစ်ရှိန်ထိုး မြင့်တက်လာမှုသည် တစ်ချိန်က အရှေ့တောင်အာရှ၏ အခြောက် ကပ်ဆုံး မြို့တော်ဖြစ်သည့် ဖနွမ်းပင်မြို့တော် ကို အာရှ၏ ဖွံ့ဖြိုးမှုအမြန်ဆုံးမြို့တော်စာ ရင်းအတွင်း တွန်းပို့ပေးလိုက်ပြီဖြစ်သည်။
မကြာသေးမီက ဖွင့်လှစ်လိုက်သော ကမ္ဘောဒီးယားနိုင်ငံ၏ ပထမဆုံးမီဂါကုန် ပဒေသာတိုက်ကြီးဖြစ်သည့် အေယွန်ကုန် ပဒေသာတိုက်အတွင်း ကမ္ဘောဒီးယားဈေး ၀ယ်ထွက်သူများက လီဗိုင်း၊ ဂျော်ဒန်းနိုး စသည့်နောက်ဆုံးပေါ် ဖက်ရှင်အမှတ်တံဆိပ် များကို ၀ယ်ယူနေကြသည်။ ဤပဒေသာ တိုက်တွင် ထားရှိသော ခရစ်္စမတ်သစ်ပင် ရှေ့၌ စမတ်ဖုန်းများဖြင့် ကိုယ့်ကိုယ်ကိုယ် ဓာတ်ပုံရိုက်နေကြသည်။
အရှေ့တောင်အာရှမြို့ကြီးအများ အပြား၌ တွေ့မြင်နေကျဖြစ်သော အထက်ပါ မြင်ကွင်းများကို နိုင်ငံလူဦးရေ၏ ၂၀ ရာခိုင်နှုန်းမှာ တစ်နေ့ဝင်ငွေ အမေရိကန် ဒေါ်လာ ၁ ဒသမ ၂၅ ဒေါ်လာဖြင့် ဘ၀ ရပ်တည်နေရဆဲဖြစ်သည့် ကမေ်္ဘာဒီးယား နိုင်ငံတွင်လည်း တွေ့မြင်နိုင်ပြီဖြစ်သည်။
ဆင်းရဲနွမ်းပါးမှုပြဿနာ ခြေကုပ်မြဲ နေသည့်တိုင် တရိပ်ရိပ်တိုးပွားလာသော ကမ္ဘောဒီးယားလူလတ်တန်းစားများနှင့် ထိပ်တန်းစီးပွားရေးလုပ်ငန်းရှင်များသည် ၎င်းင်းတို့ပိုင် ငွေကြေးများကို ပြည်တွင်းဈေး ကွက်တွင်သာ သုံးစွဲရေးအတွက် နည်း လမ်းပေါင်းစုံကို ရှာကြံလာကြသည်။ သို့ ဖြစ်ရာ ကမေ်္ဘာဒီးယားကြေးရတတ်များ သည် ယခင်က ဈေးဝယ်လိုလျှင် ထိုင်းနှင့် စင်ကာပူနိုင်ငံများသို့ သွားရောက်တတ် ကြသော်လည်း ယခုဆိုလျှင် အခြေအနေ များပြောင်းလဲသွားပြီဖြစ်သည်။
ကမ္ဘောဒီးယားနိုင်ငံ၏ စီးပွားရေးဖွံ့ဖြိုး မှုနှုန်း အရှိန်ကောင်းလာသည်နှင့်အမျှ ဖနွမ်းပင်မြို့တော်၌လည်း ခေတ်သစ်ကြေးရ တတ်များအတွက် ကမ်္ဘာသစ်စီမံကိန်းများ ထွက်ပေါ်လာခဲ့ရာ အမေရိကန်ဒေါ်လာ သန်း ၂၀၀ အကုန်အကျခံ၍ ဂျပန်ကုမ္ပဏီ တစ်ခုက တည်ဆောက်ထားသော အေယွန် မီဂါ ကုန်ပဒေသာတိုက်သည်လည်း တစ်ခု အပါအ၀င်ဖြစ်သည်။
ကမ္ဘာဘဏ်အုပ်စု၏ ခန့်မှန်းချက်အရ ကမ္ဘောဒီးယားနိုင်ငံ၏ ၂၀၁၅ ခုနှစ် စီးပွား ရေးဖွံ့ဖြိုးမှုနှုန်းသည် ၃ ဒသမ ၉ ရာခိုင်နှုန်း အထိ ရှိလာခဲ့ကြောင်း သိရသည်။ တစ်ချိန် တည်းမှာပင် ၂၀၁၅ ခုနှစ် ပထမကိုးလတာ ကာလအတွင်း ဆောက်လုပ်ရေးလုပ်ငန်း၏ ရင်းနှီးမြှုပ်နှံမှုတန်ဖိုးမှာ အမေရိကန်ဒေါ်လာ ၁ ဒသမ ၇၅ ဘီလီယံအထိရှိခဲ့ရာ ၂၀၁၄ ခုနှစ်နှင့် နှိုင်းယှဉ်ပါက ၁၃ ဒသမ ၇ ရာခိုင်နှုန်းမြင့်တက်လာသည့် သဘောဖြစ် သည်။ ကမ္ဘောဒီးယားအိမ်ခြံမြေဈေးကွက် အတွင်း ၀င်ရောက်လာသော ပြည်ပမြို့ပြ ဖွံ့ဖြိုးရေးလုပ်ငန်းရှင်များမှာ ဂျပန်၊ တရုတ်၊ တောင်ကိုရီးယားနှင့် စင်ကာပူနိုင်ငံတို့ဖြစ် ကြသည်။
ကမ္ဘောဒီးယားအိမ်ခြံမြေဈေးကွက် အတက်ကြမ်းလာသည်နှင့်အမျှ တစ်ချိန်က အာရှ၏ ပုလဲရတနာဟု ထင်ရှားခဲ့ဖူးသော ဖနွမ်းပင်မြို့တော်၏ မူလမြို့ပြပုံစံထိခိုက် ခံရသည့်အရေးသည်လည်း စိုးရိမ်ရမည့် ပြဿနာတစ်ရပ် ဖြစ်လာခဲ့ရသည်။ ပြင်သစ် ကိုလိုနီလက်အောက် ကျရောက်ခဲ့စဉ်အတွင်း တည်ဆောက်ထားသည့် ဥရောပ၏ လမ်းမ ကြီးများ၊ ဥယျာဉ်များနှင့် ညီညာလှပသော လူနေအိမ်တန်းများကြောင့် ဖနွမ်းပင်မြို့ သည် တစ်ချိန်က အာရှ၏ အလှပဆုံးမြို့ တော်များ စာရင်းတွင် ပါဝင်ခဲ့ဖူးသည်။
ဖနွမ်းပင်မြို့တော်၏ ဥရောပမြို့ပြ အခင်းအကျင်း ဗိသုကာ အမွေအနှစ် သည် ကမ္ဘာကျော်ကြောင်း၊ သို့ရာတွင် အိမ်ခြံမြေနှင့် ဆောက်လုပ်ရေးဈေးကွက် အတက်ကြမ်းမှုကြောင့် ဖနွမ်းပင်၏ ဥရောပဗိသုကာဟန် မြို့ပြအခင်းအကျင်း ကို ကိုယ်စားပြုသော အဆောက်အအုံများ ဖျက်သိမ်းခံရမည့်အရေး စိုးရိမ်မိကြောင်း အာရှဖောင်ဒေးရှင်းအဖွဲ့က ပြောကြား ထားသည်။ ယခုပင်လျှင် ကမ္ဘောဒီးယား အိမ်ခြံမြေဈေးကွက် ပေါက်ကွဲမှုကြောင့် နာမည်ကျော်ကမေ်္ဘာဒီးယားဗိသုကာပညာ ရှင် ဗင်မိုလီဗင်ပုံစံထုတ်တည်ဆောက်ခဲ့ သော ဂန်္ထ၀င်ဟန်အဆောက်အအုံများ ပျောက်ကွယ်ဆုံးရှုံးခဲ့ပြီဖြစ်သည်။
အလားတူ ကမ္ဘောဒီးယားငွေရှင် ကြေးရှင်များက အသစ်အသစ်သော ဘ၀ နေထိုင်မှုပုံစံများကို ခံစားရန် ငွေထုပ်ပိုက် တန်းစီစောင့်ဆိုင်းနေကြချိန်တွင် ဖနွမ်းပင် မြို့တော် အစွန်အဖျားဒေသများ၌ နေထိုင် သည့် မြို့ပြနေဆင်းရဲသားအရေအတွက် သည်လည်း တဖြည်းဖြည်းမြင့်တက်လာရာ အမြတ်အစွန်းရှိမည့် မြို့ပြဖွံ့ဖြိုးမှုစီမံကိန်း များ ဆက်လက်ကျယ်ပြန့်လာဦးမည့်အခြေ အနေရှိသည်။
သို့ရာတွင် ကမ္ဘောဒီးယားနိုင်ငံကို နှစ်ပေါင်းများစွာ ဓားမိုးအုပ်ချုပ်ခဲ့သော ၀န်ကြီးချုပ်ဟွန်ဆန်ကမူ ဖနွမ်းပင်မြို့တော် ၏ လျင်မြန်သောအသွင်ကူးပြောင်းမှုကို ထိန်းချုပ်မည့်လက်္ခဏာကို မပြခဲ့ပေ။ ခမာနီ အစိုးရသာ ဆက်လက်အုပ်ချုပ်မည် ဆိုလျှင် ဖနွမ်းပင်မြို့တော်မှာ အုန်းတော အဖြစ်က တက်ဦးမည်မဟုတ်ကြောင်း၊ သေဆုံးနေသည့် ဖနွမ်းပင်မြို့တော် အသက် ၀င်လာရေးအတွက် ကမ္ဘောဒီးယားပြည်သူ တို့က သုညမှစ၍ ကြိုးပမ်းခဲ့ရကြောင်း ၀န်ကြီး ချုပ်ဟွန်ဆန်က ပြောကြားခဲ့ဖူး သည်။
ဖနွမ်းပင်မြို့တော် ပြန်လည်အသက်ဝင် ရေးအတွက် ကြိုးပမ်းခဲ့သော ကမ္ဘောဒီး ယားပြည်သူတိုင်း ဖွံ့ဖြိုးမှုအသီးအပွင့်ကို ခံစားခွင့်မရှိသေးပေ။ အေယွန်ကဲ့သို့သော မီဂါကုန်ပဒေသာတိုက်ကြီးများသို့ ၀င် ရောက်လာသော ကမေ်္ဘာဒီးယားပြည်သူ အများစုမှာ ဈေးနှုန်းကြည့်ပြီး ပြန်ထွက် လာရသူများဖြစ်သည်။
စာကိုး -Phnom Penh turns from ghost town to boom town.
မျိုးဝင်းမောင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
