မန္တလေး(ဧရာဝတီ)ဆိပ်ကမ်းတွင် ယာယီတဲများဖြင့်နေထိုင်ကာ ကာယ အင်အားဖြင့် အသက်မွေးဝမ်းကျောင်းပြုနေကြသည့် ရွှေ့ပြောင်းလုပ်သား မိသားစုများအနေဖြင့် ၄င်းတို့လုပ်ငန်းလုပ်ကိုင်ရာနေရာများ၌ လုံခြုံမှုအဆင့် မြင့်စွာ နေထိုင်စေရန်နှင့် ပြည်တွင်းရှိကာယ
လုပ်သားများ ပြည်ပသို့ ရောက်ရှိမသွားရန်ရည်ရွယ်ချက်
များဖြင့် မန္တလေးမြို့တော် စည်ပင်သာယာရေး ကော်မတီက အငှားအိမ်ရာများတည်ဆောက်ပေး ခဲ့ရာ နေထိုင်ရန်လျှောက် ထားသည့် အိမ်ထောင်စုပေါင်း ၁၈၈၉ ဦးရှိကြောင်း သိရသည်။
တိုင်းဒေသကြီးအစိုးရအဖွဲ့ ညွှန်ကြားမှုဖြင့် အောင်မြေသာစံမြို့နယ် ကမ်းနားလမ်းတစ်လျှောက်တွင် အငှားအိမ်ရာ ၁၂ ခန်းတွဲ ခြောက်ထပ် အဆောက်အအုံပေါင်း ၂၂ လုံးကို ၂ဝ၁၄ ခုနှစ် မတ်လက စတင်တည်ဆောက် ခဲ့ပြီး ၇ဝ ရာခိုင်နှုန်း ပြီးစီးပြီဖြစ်သည်။
''ဒီလိုတန်ဖိုးနည်း အငှားအိမ်ရာတွေကို မြန်မာနိုင်ငံမှာ စတင်အကောင် အထည်ဖော်တာက ပထမဆုံးဖြစ်ပါတယ်။ ငှားရမ်းခအချိုသာဆုံးဖြစ်တဲ့အပြင်ထိုက်သင့်တဲ့အဆင့်အ
တန်းတစ်ခုနဲ့ ရွှေ့ပြောင်းလုပ်သားတွေ နေထိုင် နိုင်အောင် တည်ဆောက်ခဲ့တာပါ။ တိုင်းဒေသကြီးအစိုးရက အခြားဖွံ့ဖြိုး ရေးလုပ်ငန်းတွေကို လုပ်ဆောင်နေတဲ့ကြား ထဲက ရွှေ့ပြောင်းလုပ်သားတွေ မိသားစုဘဝနေထိုင်ရေးကိုလည်း စဉ်းစားပေးပြီး အကောင်းဆုံးလုပ်ပေးတာ ပါ''ဟု မြို့တော်စည်ပင် သာယာရေးကော်မတီတွဲဖက်အတွင်းရေးမှူး ဦးသက် နိုင်ထွန်းက ပြောသည်။
မြို့တော်စည်ပင်အနေဖြင့် ¤င်းတို့အား အခမဲ့နေထိုင်ခွင့်ပေးလိုသော်လည်းယင်းအဆောက်အအုံများ ဆောက်လုပ်သည့် ကုန်ကျငွေမှာ မန္တလေး ပြည်သူများ ထမ်းဆောင်ထားသည့် အခွန်အခငွေများ၏ တစ်စိတ်တစ်ပိုင်း ကို ထည့်သွင်းအသုံးပြုထားသည့် အပြင် နောက်ပိုင်းပြုပြင်ထိန်းသိမ်းရေး လုပ်ငန်းများတွင်လည်း ဆက်လက်သုံးစွဲရမည်ဖြစ်၍ ငှားရမ်းခယူရခြင်းဖြစ် ကြောင်း ဆက်လက်ပြောကြားသည်။
အဆိုပါအငှားအိမ်ရာနေထိုင်ခွင့် လျှောက်လွှာများကို ဇန်နဝါရီ ၂၆ ရက်မှ ဖေဖော်ဝါရီ ၃ ရက်အထိ စိစစ်လက်ခံပေးခဲ့ပြီး အငှားချထားပေးမည့် လုပ် ငန်းများဆောင်ရွက်ရန်စာရင်းကောက်ယူခြင်းနှင့် လျှောက်လွှာ များစိစစ်ခြင်း တို့အတွက် ဆပ်ကော်မတီဖွဲ့စည်း၍ မြို့နယ် အထွေထွေအုပ်ချုပ်ရေး ဦးစီး ဌာနများ၊ မြို့နယ်စည်ပင် သာယာ အုပ်ချုပ်ရေးမှူးများနှင့် ရပ်ကွက်အုပ်ချုပ် ရေးမှူးများပူးပေါင်းကာ အသေးစိတ် စာရင်းကောက်ယူခဲ့ခြင်းဖြစ်သည်။
စာရင်းများအရ ယာယီတဲများဖြင့်နေထိုင်သူ အိပ်ထောင်စုပေါင်း ၂၆၅၈ ရှိသည့်အနက် လျှောက်ထားသူ ၁၈၈၉ ရှိပြီး အခန်းပေါင်း ၁၅၈၄ ကို မဲစနစ် ဖြင့် ချထားပေးသွားမည်ဖြစ်ကြောင်း၊ အခန်းတစ်ခန်းလျှင် (၁ဝ x ၂ဝ) ပေ ကျယ်၍ အခန်းများအလိုက် ရေချိုးခန်း၊ သန့်စင်ခန်း၊ အိပ်ခန်းများပါဝင်ပြီးလျှပ်စစ်မီးနှင့် ရေရရှိရေးကို ဆောင်ရွက်ထားကြောင်း၊ ငှားရမ်းခများမှာ ငွေကျပ် ၃ဝဝဝဝ ဖြစ်ပြီး ပထမထပ်မှ ဆဋ္ဌမထပ်အထိ မည်သည့်အခန်းမဆို တစ်လလျှင် ငွေကျပ်သုံးသောင်းဖြင့်တစ်ပြေးညီသတ်မှတ်ထားကြောင်း သိရသည်။
Credit: MOI Webportal Myanmar
