ရန်ကုန်မြို့၌ အထပ်မြင့်၊ အထပ်နိမ့် အဆောက်အအုံ ဆောက်လုပ်မှု တစ်လလျှင် ပျမ်းမျှအလုံး ၂၀၀ ခန့် လျော့ကျသွားဟု သိရ

ပြီးခဲ့သည့် နိုဝင်ဘာနှင့် လက်ရှိ ဒီဇင်ဘာလအတွင်း ရန်ကုန်မြို့၌ အထပ်မြင့်၊ အထပ်နိမ့် အဆောက်အအုံ ဆောက်လုပ်မှု အရေအတွက် လျော့ကျသွားပြီး ယခင်ထက် တစ်လလျှင် ပျမ်းမျှအလုံး ၂၀၀ ခန့် လျော့ကျသွားကြောင်း ရန်ကုန်မြို့တော် စည်ပင်သာယာရေးကော်မတီ အဆောက်အအုံဌာနမှ တာဝန်ရှိသူ တစ်ဦးက ပြောကြားသည်။

ရန်ကုန်မြို့၌ ယခုနှစ်အတွင်း အဆောက်အအုံ ဆောက်လုပ်မှု တစ်လလျှင် ပျမ်းမျှ အလုံး ၆၀၀ ခန့် ဆောက်လုပ်ခဲ့ရာမှ အလုံးရေ ၄၀၀ ကျော်အထိ လျော့ကျသွားခဲ့ခြင်း ဖြစ်ကြောင်း သိရသည်။

“ဒီနှစ်လအတွင်းမှာ အဆောက်အအုံ ဆောက်လုပ်မှု လျော့သွားတယ်။ ပုံမှန်အလုံး ၆၀၀ လောက်ခွင့် ပြုရာကနေ ဒီလတွေအတွင်း လျော့သွားတယ်။ ပြီးခဲ့တဲ့ နိုဝင်ဘာက ၄၀၀ လောက်ပဲ ဆောက်လုပ်ခွင့် ပြုခဲ့တယ်” ဟု ရန်ကုန်မြို့တော် စည်ပင်သာယာရေး ကော်မတီ၊ အဆောက်အအုံဌာနမှ တာဝန်ရှိသူ တစ်ဦးက ပြောကြားသည်။

“ဘာအကြောင်းကြောင့် ကျသွားလဲတော့ သေချာမသိဘူး။ ဒါပေမဲ့ ကျတာတော့ ကျသွားတယ်” ဟု ယင်းတာဝန်ရှိသူက ဆိုသည်။

ယခုနှစ်အတွင်း ဆောက်လက်စ တိုက်ခန်းအရောင်းအ၀ယ် ဈေးကွက်မှာ သိသာစွာ ကျဆင်းခဲ့ပြီး ၀ယ်ယူမည့်သူပင် မရှိတော့သည့် အခြေအနေနှင့် ရင်ဆိုင်ခဲ့ရကြောင်း ဆောက်လုပ်ရေးလုပ်ငန်း အသိုင်းအ၀ိုင်းမှ သိရသည်။

ထိုကဲ့သို့ အထပ်မြင့် အထပ်နိမ့် ဆောက်လုပ်မှုလျော့ကျသွားခြင်းမှာ ဈေးကွက်အတွင်း တိုက်ခန်းအ၀ယ် အေးနေခြင်းနှင့် သက်ဆိုင်နေကြောင်း၊ စီမံကိန်းအသစ်များ ထပ်မံဆောက်လုပ်ခြင်းကို ထိန်းနေရကြောင်း ရန်ကုန်မြို့ရှိ ဆောက်လုပ်ရေး လုပ်ငန်းရှင်တစ်ဦးဖြစ်သူ ကိုမျိုးမြင့်က ပြောကြားသည်။

“တိုက်ခန်းဈေးကွက် တော်တော်ကို အေးနေပါတယ်။ ဒါပေမဲ့ ကျွန်တော်တို့ အနေနဲ့ကတော့ ဆောက်နေတာပဲ။ ထိန်းတော့ ထိန်းရတာပေါ့။ အရင်လို ၀ုန်းဒိုင်းကြဲ မဆောက်ရဲတော့ဘူး။ အခုက ဆောက်လုပ်ရေးထဲကို ပေါ်ပင်ဝင်လာတဲ့ သူတွေကတော့ ဈေးကွက် အနေအထားအရ စီမံကိန်းအသစ်တွေ ထပ်မဆောက်တော့ဘူး။ နောက်တစ်နှစ်ခွဲလောက် ဆိုရင်တော့ အစိုးရ အပြောင်းအလဲနဲ့ ပြည်ပကလည်း ၀င်လာမယ်ဆိုရင် လိုအပ်ချက်မြင့်မားပြီး ဈေးကွက်ပြန်ကောင်း လာမယ်လို့ မျှော်လင့်ထားပါတယ်” ဟု ကိုမျိုးမြင့်က သုံးသပ်ပြောကြားသည်။

ဈေးကွက်အေးနေမှုနှင့်အတူ တိုက်ခန်းဈေးများလည်း ကျဆင်းနေကြောင်း၊ သို့သော် သိသိသာသာ ကျဆင်းမှုမျိုး မဟုတ်ကြောင်း ကိုမျိုးမြင့်က ဆက်လက်ပြောကြားသည်။

ပြီးခဲ့သည့် ၂၀၁၄ ခုနှစ် ဇန်န၀ါရီမှ သြဂုတ်လကုန်အထိ ရန်ကုန်မြို့၌ အထပ်မြင့် အထပ်နိမ့် အဆောက်အအုံ အရေအတွက် ၄၃၂၉ လုံး ဆောက်လုပ်ခွင့်ပြုခဲ့ရာမှ ယခု ၂၁၁၅ ခုနှစ် ဇန်န၀ါရီလမှ သြဂုတ်လကုန်အထိ အထပ်မြင့် အထပ်နိမ့် အဆောက်အအုံ စုစုပေါင်း ၄၈၅၃ လုံး ဆောက်လုပ်ခွင့် ပြုခဲ့ခြင်းကြောင့် အဆောက်အအုံ ဆောက်လုပ်မှု လျော့ကျသွားခြင်း မရှိခဲ့ကြောင်း စည်ပင်က ထုတ်ပြန်ထားခဲ့သော်လည်း လက်ရှိနှစ်ကုန်ပိုင်းမှ ဆောက်လုပ်မှုများ ကျဆင်းသွားခဲ့ခြင်း ဖြစ်ကြောင်း သိရသည်။

တိုက်ခန်းဈေးကွက် အေးနေခြင်းကြောင့် ခွင့်ပြုချက်မဲ့ ကန်ထရိုက်တိုက်များလည်း ဆောက်လုပ်မှု ကျဆင်းသွားခဲ့ကြောင်း၊ အလားတူ အချို့တိုက်ခန်းများ ပြီးစီးအောင် ဆောက်လုပ်ခြင်းမရှိဘဲ ကန်ထရိုက် ထွက်ပြေးသွားမှုများလည်း ရှိနေပြီး ယင်းသို့ ထွက်ပြေးသွားသည့် ကန်ထရိုက်များအား စတင်တရား စွဲဆိုနေကြောင်း ရန်ကုန်မြို့တော် စည်ပင်သာယာရေးကော်မတီ အဆောက်အအုံဌာနမှ သိရသည်။

Credit: Eleven Media