မန္တလေးတွင် လယ်မြေများတစ်ဧက ကျပ်သိန်း ၅၀၀ ကျော်ဈေးပေါက်

မန္တလေးတိုင်းဒေသကြီး၊ ပုသိမ်ကြီးမြို့နယ် မဲကင်းကုန်းကျေးရွာ အနီးတဝိုက်တွင် လယ်ယာမြေ တစ်ဧကလျှင် ကျပ်သိန်း ၁၀၀မှ ကျပ်သိန်း၅၀၀ ကျော်အထိဈေးဖြစ်ပေါ်နေပြီး ရွာနှင့်ထိစပ်နေသည့် လယ်မြေများမှာ ကျပ်သိန်း၁၀၀၀ခန့် အထိဈေးပေါက်နေကြောင်း ဒေသခံများထံမှ စုံစမ်းသိရှိရသည်။

လယ်ယာမြေများကို အကွက်ရိုက်မရောင်းချရန် သတိပေးဆိုင်းပုဒ်များဖြင့် အသိပေးထားသော်လည်း နားလည်မှုဖြင့် နေ့စဉ်အရောင်း အဝယ်ဖြစ်နေကြောင်း မဲကင်းကုန်းကျေးရွာ အသက် ၇၂ နှစ်ရွယ် ဦးမှတ်ကြီး ကပြောသည်။

"ခေတ်ကပြောင်းပြီလေဗျာ။ဗွက်ထဲမှာနွားနဲ့ဖက်ပြီး မရုန်းချင်ကြတော့ဘူး။ကိုယ်ပိုင်တဲ့မြေကိုရောင်းတာပြသနာမရှိပါဘူး။"ဟု မိဘများ ပိုင်ဆိုင်ခဲ့သော လယ် သုံးဧက ရောင်းခဲ့သူ ကိုခင်မောင်စိုး ကပြောသည်။

စီးပွားရေးအဆင်မပြေသူများက ငွေဖော်သည့်သဘောဖြင့် လယ်ယာမြေကိုရောင်းချသည့်အတွက် အရောင်းအဝယ်ဖြစ်နေခြင်းဖြစ်ကြောင်း ကျေးရွာလယ်ယာမြေစီမံခန့်ခွဲမှုကော်မတီဝင် တစ်ဦး ကပြောသည်။

အသက် ၆၈ နှစ်အရွယ် လယ် ၆ ဧက ပိုင်ဆိုင်သူ ဒေါ်အေးမယ် က " ရွှေဥတစ်နေ့တစ်လုံး ဥပေးတာကို လောဘကြီးပြီးရိုတ်သတ်လိုက်သလိုပဲ ။
မြေက အမေတို့တောသူတောင်သားတွေအနေနဲ့က ပဒေသာပင်ပဲလေ။ဒါကိုအပြတ်ရောင်းနေတော့ နောင်ကြာလာရင် စိုက်ပျိုးမြေပျောက်သွားတော့မယ်။"ဟုပြောသည်။

အဆိုပါလယ်ယာမြေများကိုရောင်းချပြီး အများစုသည် စိုက်ပျိုးရေးမပြုလုပ်တော့ဘဲ အခြားစီးပွားရေးပြောင်းလုပ်မှုများရှိခဲ့ပြီး သက်ကြီးပိုင်းတစ်ချို့သာ မိဘလက်ငုတ်လက်ရင်းအဖြစ်မပျောက်ပျက်ရန် ဆက်လက်စိုက်ပျိုးလျှက်ရှိနေကြောင်း ဒေသခံအချို့ကဆိုသည်။

ပုသိမ်ကြီးမြို့နယ်အုပ်ချုပ်ရေးမှူးကလည်း "အဲဒီနေရာတွေက ရွာမြေလျှောက်ထားတယ်။ တစ်ချို့နေရာတွေကတော့ နိုင်ငံတော်ကစီမံခန့်ခွဲနိုင်တဲ့ မြေတွေပါ။အဲဒီနေရာတွေကတော့ မရောင်းရပါဘူး။မရောင်းဖို့လည်း အသိပေးစာတွေကပ်ထားပါတယ်။"ဟုပြောသည်။

စိုက်ပျိုးမြေများ ပျောက်ကွယ်သွားမည်ကို စိုးရိမ်သူအချို့ကလည်း ယင်းကဲ့သို့လယ်ယာမြေများကို အကွက်ရိုက်ရောင်းချနေမှုကို သက်ဆိုင်ရာမှ တားမြစ်ပေးစေချင်သည်ဟု ဒေသခံတစ်ချို့ က ဆိုသည်။

Credit : Myanmar Upper Land