ရန်ကုန်မြို့သစ် စီမံကိန်း တင်ဒါများကို စိစစ်နေပြီး လိုအပ်ပါက တင်ဒါစိစစ်ရေး အဖွဲ့တွင်နိုင်ငံတကာပညာရှင်များ ထပ်မံဖြည့်ဆည်းမည်ဟု ဆို

ရန်ကုန်မြို့သစ် စီမံကိန်းအတွက် တင်သွင်းခဲ့သော တင်ဒါများကို စတင်စိစစ်နေပြီး လိုအပ်ပါက တင်ဒါစိစစ်ရေး အဖွဲ့တွင် နိုင်ငံတကာ ပညာရှင်များ ထပ်မံဖြည့်ဆည်း သွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ သိရသည်။

ရန်ကုန်မြို့သစ် စီမံကိန်းအတွက် ရန်ကုန်အနောက်တောင် ဒေသဖွံ့ဖြိုးရေး အများနှင့် သက်ဆိုင်သော ကုမ္ပဏီ၊ Business Capital City Development Ltd နှင့် ရွှေသံလွင် ကုမ္ပဏီ၏ ကုမ္ပဏီခွဲဖြစ်သည့် ရွှေပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီလီမိတက် စသည့် ကုမ္ပဏီသုံးခုက ယှဉ်ပြိုင်ရန် တင်ဒါတင်သွင်းခဲ့ကြောင်း သိရသည်။

လက်ရှိတွင် တင်ဒါတင်သွင်းထားသည့် ကုမ္ပဏီများ၏ ငွေကြေးရင်းနှီးမြှုပ်နှံမှု၊ အကောင်အထည်ဖော်မည့် မြို့သစ်၏ အဆိုပြုပုံစံများကို အသေးစိတ် စစ်ဆေးနေကြောင်း သိရသည်။

“တင်ဒါတွေ စိစစ်တုန်းပါပဲ။ စိစစ်ဆဲကာလဆိုတော့ ဘယ်တော့ တင်ဒါရွေးချယ်နိုင်မယ် ဆိုတာတော့ ပြောရခက်ပါတယ်”ဟု ရန်ကုန်တိုင်းဒေသကြီး အစိုးရအဖွဲ့မှ တာဝန်ရှိသူ တစ်ဦးက ဆိုသည်။

ရန်ကုန်မြို့သစ် စီမံကိန်းကို လက်ရှိ ရန်ကုန်မြို့၏ အနောက်ဘက်၊ ပန်းလှိုင်မြစ်နှင့် တွံတေးတူးမြောင်းအကြား၊ လှိုင်မြစ်နှင့် လှိုင်သာယာ-တွံတေး ကားလမ်းအကြား မြေနေရာများကို အကောင်အထည်ဖော်ရန် လျာထားပြီး ကြည့်မြင်တိုင် တစ်ဖက်ကမ်း၊ တွံတေးမြို့နယ်ရှိ မြေနေရာများ ပါဝင်ကြောင်း သိရသည်။

ရန်ကုန်မြို့သစ် စီမံကိန်းနှင့် ပတ်သက်၍ ဝေဖန်မှုများ ထွက်ပေါ်နေပြီး ယခင် ရန်ကုန်တိုင်းဒေသကြီး လွှတ်တော်တွင် တရားဝင် ရုပ်သိမ်းသွားပြီးဖြစ်သည့် စီမံကိန်းကို ‘မဟာရန်ကုန် မြို့ပြဖွံ့ဖြိုးရေး မဟာဗျူ ဟာ စီမံကိန်း ၂၀၄၀’ တွင် ဒုတိယဦးစားပေး အနေဖြင့် ထည့်သွင်း၍ အကောင်အထည်ဖော်ရန် စီစဉ်နေခြင်းကြောင့်ဖြစ်ကာ ယင်းစီမံကိန်းနှင့် ပတ်သက်၍ မည်မျှ ပွင့်လင်းမြင်သာမှု ရှိ၊မရှိ စောင့်ကြည့်နေကြသည်။

သို့ဖြစ်၍ တင်ဒါစိစစ်ရွေးချယ်ရေး အဖွဲ့အား လွတ်လပ်သော ပညာရှင်များ၊ နိုင်ငံတကာ ပညာရှင်များဖြင့် ပါဝင်ဖွဲ့စည်း၍ လုပ်ဆောင်သင့်ကြောင်း ထောက်ပြမှုများ ရှိနေသည်။ ထို့ကြောင့် လိုအပ်ပါက နိုင်ငံတကာ ပညာရှင်များ ဖြည့်ဆည်းသွားမည်ဟု သိရသည်။

ထို့ပြင် ရန်ကုန်မြို့သစ် စီမံကိန်းတွင် ရင်းနှီးမြှုပ်နှံမည့် ငွေကြေးများနှင့် ပတ်သက်၍ တရားဝင်ငွေကြေးများ ဟုတ်မဟုတ် သက်ဆိုင်ရာ ဌာနများက ဥပဒေနှင့်အညီစိစစ်သွားမည် ဖြစ်ကြောင်းလည်း ရန်ကုန်တိုင်းဒေသကြီး အစိုးရအဖွဲ့က ဆိုသည်။

ရန်ကုန်မြို့သစ် စီမံကိန်းအတွက် ရန်ကုန်အနောက်တောင်ဒေသ ဖွံ့ဖြိုးရေး အများနှင့် သက်ဆိုင်သော ကုမ္ပဏီက အမေရိကန်ဒေါ်လာ ၁၅ ဘီလျံ၊ Business Capital City Development Ltd က ပြည်တွင်းပြည်ပ ဘဏ်များမှ ချေးငွေရယူခြင်းနှင့် ရှယ်ယာခေါ်ယူခြင်း၊ ဒါရိုက်တာများ ပိုင်ဆိုင်သည့် ရင်းနှီးမြှုပ်နှံမှုများ၊ ရွှေသံလွင် ကုမ္ပဏီ၏ ကုမ္ပဏီခွဲဖြစ်သည့်
ရွှေပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီလီမိတက်က ကျပ်ငွေဘီလျံ ၅၀၀ နှင့် ပြည်တွင်းပြည်ပ ဘဏ်များမှ ချေးငွေများ ရယူရင်းနှီးမြှုပ်နှံမည်ဖြစ်ကြောင်း အဆိုပါ ကုမ္ပဏီများ၏ တင်ပြချက်များအရ သိရသည်။

ရန်ကုန်မြို့သစ် စီမံကိန်းသည် အနည်းဆုံး အမေရိကန်ဒေါ်လာ ဘီလျံ ၅၀ မှ ဘီလျံ ၇၀ အထိ အမြတ်အစွန်း ရရှိနိုင်မည့် စီမံကိန်းကြီးလည်း ဖြစ်ပြီး အကောင်အထည်ဖော်မည့် ကုမ္ပဏီများ အနေဖြင့် ဒေသခံများ၏ အလုပ်အကိုင်နှင့် ဒေသအတွက် အမှန်တကယ် လိုအပ်ချက်များကို ဖြည့်ဆည်းပေးနိုင်ရန် အရေးကြီးကြောင်း ကြည့်မြင်တိုင်မြို့နယ် တစ်ဖက်ကမ်းမှ ဒေသခံတို့က ပြောကြားသည်။

Credit:Eleven News