ဖာပွန်မြို့နယ် ကျေးရွာနေပြည်သူများအတွက် မြေငှားဂရန်စာချုပ်များ ပေးအပ်

ကျေးလက်နေပြည်သူများ၏ ဖွံ့ဖြိုးတိုးတက်ရေးကို အထောက်အကူပြုနိုင်ရေး အတွက် ကရင်ပြည်နယ် ဖာပွန်မြို့နယ် ဝှေမှုန်ကျေးရွာတွင် ဇူလိုင်လမှစ၍ ခရိုင်၊ မြို့နယ် လယ်ယာမြေစီမံ ခန့်ခွဲရေးနှင့် စာရင်းအင်းဦးစီးဌာနမှ ကွင်းဆင်းတိုင်းတာ၍ နိုင်ဝင်ဘာ ၃ရက် နံနက် ၈ နာရီခွဲက အ.မ.က ဝှေမှုန်ကျောင်းတွင် ကျေးရွာနေပြည်သူများအတွက် မြေငှားဂရန်များ ထုတ်ပေးပွဲအခမ်းအနားကျင်းပခဲ့ကြောင်း သိရသည်။

အခမ်းအနားသို့ ခရိုင်၊ မြို့နယ်အဆင့် တာဝန်ရှိသူများ၊ မြေငှားဂရန် ထုတ်ပေးရေးအဖွဲ့ဝင်များ၊ မြေငှားဂရန်ရရှိသည့် ကျေးရွာနေပြည် သူများ၊ ကျေးရွာအုပ်ချုပ်ရေးမှူးများ၊ မြို့နယ်၊ ကျေးရွာဖွံ့ဖြိုးတိုးတက်ရေး အထောက်အကူပြုကော်မတီဝင်များ တက်ရောက်ခဲ့ကြသည်။
ရှေးဦးစွာ ဖာပွန်ခရိုင်အုပ်ချုပ်ရေးမှူး ဦးဆန်းဦးက ကျေးရွာ ပြည်သူများ အနေဖြင့် ခိုင်မာသည့် တရားဝင်အထောက်အထား ရရှိခြင်းဖြင့် စိတ်ပိုင်းဆိုင်ရာလုံခြုံမှု၊ ရုပ်ပိုင်းဆိုင်ရာလုံခြုံမှုများ ရရှိကာ နိုင် ငံတော်နှင့် ပြည်သူများအတွက် အကျိုးရှိစေကြောင်း၊ မိမိပိုင်မြေအား တန်ဖိုးထားကြရန်လိုအပ်ကြောင်း ပြောကြားခဲ့သည်။

ယင်းနောက် မြို့နယ်အုပ်ရေးမှူး ဦးအောင်သန်းဇော် က မြေငှားဂရန်တွင် ပါရှိသည့် အချက်အလက်များကိုရှင်းလင်းကာ မြို့နယ်လယ်ယာမြေ စီမံခန့်ခွဲမှုနှင့် စာရင်းအင်းဦးစီးဌာန ဒုတိယဦးစီးမှူး ဦးစောအောင်မြ သိန်းက ကျေးရွာပြည်သူ များအနေဖြင့် မိမိတို့ကျေးရွာတွင် မြေငှား ဂရန်ရရှိခြင်း ဖြစ်ရာ လုပ်ငန်းတိုးချဲ့လုပ်ကိုင်သူများ၊ အရင်းအနှီးရယူ လိုသူများအတွက် အခွင့်အလမ်းတစ်ခုရရှိလိုက်ပြီဖြစ်ကြောင်း ပြောကြား၍ ကျေးရွာအုပ်ချုပ်ရေးမှူး ဦးအောင်ရွှေက ကျေးဇူးတင်စကား ပြောကြားခဲ့သည်။

ယင်းနေ့ အခမ်းအနားတွင်မြေငှားဂရန် စာချုပ်ရရှိသူ ၉ဝ တို့အား တာဝန်ရှိသူများက တစ်ဦးချင်းပေးအပ်ခဲ့သည်။

Credit: MOI Webportal Myanmar