ဆိတ်ငြိမ်ရပ်ကွက်တွေရဲ့တန်ဖိုးကို အထပ်မြင့် အဆောက်အအုံ

ဆောက်လုပ်ခွင့်တွေ တွေက ပျက်စီးစေနိုင်သလားရန်ကုန်မြို့ရဲ့လူကုံတန် အသိုင်းအ၀န်းလို့ ခေါ်တဲ့ ဆိတ်ငြိမ်ရပ်ကွက်တွေထဲမှာ အထပ်မြင့်အဆောက်အအုံတွေ ကိုကြားညှပ်ပြီး ခွင့်ပြုပေးခဲ့တာတွေ ဟာ လူကုံတန် အသိုင်းအ၀န်းရဲ့ နေထိုင်ဘ၀ ရပ်တည်ရှင်သန်မှု နှင့် ပျော်ရွှင်မှုတွေကို ပါပျောက်ဆုံး လာတယ့် အပြင် အထပ်မြင့် အဆောက်အအုံ တွေကြောင့်လည်း ဆိတ်ငြိမ်ရပ်ကွက်
ရဲ့တန်ဖိုးတွေလည်း ကျဆင်းလို့လာနေတယ်လို့ အိမ်ခြံမြေ ကျွမ်းကျင်သူတွေကလည်း သုံးသပ်ထားပါတယ်။

““ အရင်တုံကတော့ အန်တီတို့ ခြံကို သံတမာန်တွေ လာဌားနေကြပေမယ့် အခုကျတော့ ဘေးမှာ
အထပ်မြင့်ဆောက်လာတော့ ဘယ်သူမှလည်း လာဌားတော့မှာ မဟုတ်ဘူး၊ ဆိတ်ငြိမ်ရပ်ကွက်ထဲမှာ အထပ်မြင့်ဆောက်ခွင့်ပေးလိုက်တဲ့ အတွက်လည်း လူတွေပိုများလာတဲ့ အပြင် အရင်တုံးကတည်းက ရှိနေတဲ့ လမ်းကျဉ်းတွေထဲမှာလည်း ကားအ၀င်အထွတ်တွေက ရှုပ်ပြီး ကားတွေပိတ်လို့ တစ်ချို့ရက်တွေဆို လမ်းမပေါ်ရောက်ဖို့ နာရီဝက်တစ်နာရီလောက်ကြာအောင် စောင့်ရတယ် ၊ တော်တော်ဒုက္ခများပါတယ် ”” ဆိုပြီး ခြံပိုင်ရှင် ဒေါ်စန္ဒာရီကလည်း
ပြောပြပါတယ်။

လုပ်ငန်းပေါင်း များစွာ၊ ကုမ္မဏီ အလုပ်တွေနဲ့ များပြားလှတဲ့ ချမ်းသာကြွယ်ဝသူတွေ အဖို့ ရန်ကုန်မြို့တော်အတွင်းမှာ ရှိတဲ့ ဆိတ်ငြိမ်ရပ်ကွက်တွေမှာ နေထိုင်ကြချင်းဖြင့် သူတို့ရဲ့တစ်နေ့တာ
ကိုယ်စိတ်နှလုံးပင်ပန်းနွမ်းနယ်မှုတွေကို ဖြေဖျောက်ဖို့ အာသီသတွေ အသီးသီးကိုယ်စီရှိသလို အေးချမ်းသာယာ ငြိမ်သက်တဲ့ နေရာကောင်းလေးတစ်ခု ကိုရနိုင်ဖို့ အတွက်လည်း ဈေးနှုန်းက သူတို့အတွက် အဓိက မကျပေမယ့် သူတို့တန်ဖိုးထားတာကတော့ ဆိတ်ငြိမ်ရပ်ကွက်တစ်ခုမှာ ရှိသင့်ရှိထိုက်တဲ့ ကြင်အင်လက္ခဏာတွေပျောက်ဆုံးသွားမှာကိုဘဲ စိုးရိမ်စိတ်တွေ အပြည့်ရှိကြပါတယ်။

နောက်ဆုံးဖြစ်နေတဲ့ ပြသနာတစ်ခုကတော့ ရန်ကုန်မြို့ရဲ့ဈေးကွက် အနေအထားအရ
အထပ်မြင့်တိုက်တွေအလျှိုလျှိုပေါ်ထွတ်လာနေတဲ့ အခြေအနေမှာ မြေနေရာ အကွက်အကွင်းကျကျ၊ ကျယ်ကျယ်ဝန်းဝန်း နဲ့ ကျန်ရှိနေတာဟာလည်း ဆိတ်ငြိမ်ရပ်ကွက်တွေထဲမှာဘဲ ကျန်တဲ့ အနေအထားကြောင့် ဆိတ်ငြိမ်ရပ်ကွက်တွေကို အမြတ်အစွန်းသာ ကြည့်တဲ့ ဆောက်လုပ်ရေး သမားတွေ၊ စီးပွုားရေး သမားတွေက မျက်စိကျလာပြီး အမြတ်အစွန်းမြားပြားတဲ့ ကွန်ဒိုဆောက်လုပ်တဲ့ လုပ်ငန်းတွေ အတွက် နည်းမျိုးစုံဖြင့် စတင်ကြိုးပမ်းလာတာကို ရန်ကုန်မြို့အနှံ့အပြားက ဆိတ်ငြိမ်ရပ်ကွက်တွေအထဲမှာ တွေ့မြင်ရတဲ့ အထပ်မြင့် အဆောက်အအုံတွေက သက်သေ
ခံလို့နေပါတယ်၊ ဆိတ်ငြိမ်ရပ်ကွက်လို့ အများက သတ်မှတ်ထားကြတဲ့ အင်းလျားလမ်းလို နေရာမျိုး ၊ ရွှေတောင်ကြားရပ်ကွက်၊ ပါရမီ ရပ်ကွက် နဲ့ မရမ်းကုန်မြို့နယ်ထဲက သလ္လာဝတီလမ်းလို ရပ်ကွက်တွေထဲမှာ တောင် အထပ်မြင့်အဆောက်အအုံတွေ ဆောက်လုပ်ဖို့ နည်းလမ်းပေါင်းစုံနဲ့ ကြိုးစားလာတဲ့ အတွက် ဆိတ်ငြိမ်ရပ်ကွက်တွေမှာရှိသင့်ရှိထိုက်တဲ့ လက္ခဏာ တွေ တစ်စတစ်စ ပျောက်ဆုံးလို့ လာနေပါပြီ။

““ အေးအေးဆေးဆေးနေချင်လို့ ဒီနေရာလေးကို လာနေပါတယ်၊ အခုဘေးမှာအထပ်မြင့်ဆောက်တာ ပိုင်ရိုက်လို့နေအိမ်ပျက်စီးတာတွေ ရှိတဲ့ အပြင် နေရာထိုင်ရတာလည်း အရင်လို သာသာယာယာ မဖြစ်တော့ဘူး ””လို့မရမ်းကုန်မြို့နယ်၊ ၇ ရပ်ကွက် သလ္လာဝတီ တစ်ဖက်ပိတ်လမ်းထဲက ဆိတ်ငြိမ်ရပ်ကွက်လေး ထဲမှာ အထပ်မြင့်အဆောက်အအုံ တစ်လုံး ပေါ်ထွတ်လာခဲ့တဲ့ အတွက် စိတ်ဆင်းရဲနေရတဲ့ ခြံနီးစပ် ကုမ္မဏီပိုင်ရှင် တစ်ဦးလည်းဖြစ်တဲ့ ဦးစိုးနိုင်ကလည်း ပြောပြပါတယ်။

ရန်ကုန်မြို့ရဲ့ဆိတ်ငြိမ်ရပ်ကွက်တော်တော်များများ ရဲ့အဓိကအားသာချက်တွေ ဖြစ်တဲ့ တောင်ကုန်တောင်စွယ်၊ ချိုင့်ဝှမ်း လျှိူမြောင်တွေ နဲ့ သာယာလှပတဲ့ သစ်ပင်ပန်းမန်းတွေ အကြားမှာ ရှိတဲ့ ခြံဝန်းကျယ်ကြီးထဲက မိသားစုတွေ လုံလုံခြုံခြုံနဲ့ နေနိုင်တဲ့ တန်ဖိုးကို ယခုနောက်ပိုင်းမှာ အသစ်ဖော်ထုတ်လိုက်တဲ့ အဆင့်မြင့် အိမ်ရာ စီမံကိန်းလုပ်ငန်းခွင်တွေက မကျော်လွှားနိုင်တဲ့ အနေအထား မှာရှိတဲ့ အပြင် သဘာဝကဖန်တီးပေးထားတဲ့ အရာတွေကိုလည်း အဆင့်မြင့် အိမ်ရာစီမံကိန်းတွေမှာ developer တွေက ဖန်တီးပေးနိုင်ခြင်း မရှိသေးတဲ့ အတွက်
လည်း ရန်ကုန်မြို့တော်မှာ ရွှေတောင်ကြားလို ဆိတ်ငြိမ်ရပ်ကွက်တွေကို ဖန်တီးပေးခြင်းဖြင့် ဆိတ်ငြိမ်ရပ်ကွက်တွေရဲ့တန်ဖိုးကို မြုင့်တင်ပေးဖို့ တိုင်းဒေသကြီးလွှတ်တော်ကို ဒေါက်တာညိုညိုသင်းက တင်ပြခဲ့ဖူးပါတယ်။

ဆိတ်ငြိမ်ရပ်ကွက်တွေထဲမှာ အထပ်မြင့်တွေ ဆောက်လုပ်ခွင့်ရခဲ့တဲ့ ဇတ်လမ်းကို ပြန်ကြည့်မယ်ဆိုရင်တော့အဓိကပြသနာက ရန်ကုန်မြို့မှာ အဆောက်အအုံတွေကို ဇုန်အဖြစ် သတ်မှတ်ပြဌာန်းပေးထားတဲ့ မြို့မြေအသုံးချမှုဇုန်လို့ ခေါ်တဲ့ zoning law မရှိသေးတာကြောင့်လို့ ဆိုသလို အထပ်မြင့် ခွင့်ပြုပေးနိုင်တဲ့ Road building ratio နဲ့ Standard Ratio ကလည်း ၂၀၁၄ ခုနှစ်မှသာ ထွတ်ရှိလာတဲ့ အတွက် ၂၀၁၄ ခုနှစ်မတိုင်ခင်က ဆိတ်ငြိမ်ရပ်ကွက်အတွင်း အထပ်မြင့် ချထားပေးမှုတွေကို ခွင့်ပြုပေးခဲ့ရတယ်လို့ ရန်ကုန်မြို့တော်စည်ပင်သာယာရေး ကော်မတီ အင်ဂျင်နီယာ ဌာန (ယာ / အုံ ) ဘက်က ပြန်လည်ဖြေကြားထားပြီး ခွင့်ပြုပေးခဲ့ပြီး
ဖြစ်တဲ့ အလုံးရေ ၁၀ လုံးကျော်သာ ရှိတဲ့ အပြင် ထပ်မံပြီးတော့လည်း ဆိတ်ငြိမ်ရပ်ကွက်တွေထဲမှာ
အထပ်မြင့်တွေ လျှောက်ထားလာမှုတွေကို လည်းချထားပေးတော့မှာ မဟုတ်ဘူးလို့ ဆိုပါတယ် ။

နိုင်ငံတကာမှာ ဆိတ်ငြိမ်ရပ်ကွက်တစ်ခုရဲ့ တန်ဖိုးကို ခြံဝန်းကျယ်ကျယ် ၊ သွားလာရေး အဆင်ပြေတဲ့ နေရာလည်းဖြစ်ရမယ့် အပြင် အထပ်မြင့် အဆောက်အအုံ တွေ မရှိဘဲ နေထိုင်တဲ့ သူတွေရဲ့ pricavy ရှိနိုင်မယ့် နေရာလေး တွေ အဖြစ် သတ်မှတ်ထားသလို ရေ၊ လမ်း၊ မီး ၊တယ်လီဖုန်း၊ အင်တာနက် စတဲ့ အခြေခံအဆောက်အအုံတွေလည်း ပြည့်စုံရမှာဖြစ်ပါတယ်။

““ ကျွန်တော်အခုနေနေတဲ့ လမ်ဆို တစ်ဖက်ပိတ် လမ်းလည်း ဖြစ်သလို လမ်းအကျယ်ကလည်း ၁၂ ပေဘဲရှိတယ်၊ အဒါကို လမ်းထဲမှာ ထူးထူးဆန်းဆန်း ရှစ်ထပ်ခွဲတိုက် ဆောက်ခွင့်ပေးလိုက်လို့ ကျွန်တော်တို့အိမ်နီးနားချင်းတွေက ကန့်ကွက်ထားပေမယ့် YCDC ဘယ်ဥပဒေနဲ့ ချထားပေးလိုက်လဲ ဆိုတာလည်း လမ်းသူလမ်းသားတွေ အားလုံးက သိချင်နေကြတယ် ”“ ဆိုပြီး သလ္လာဝတီလမ်း အတွင်း နေထိုင်သည့် ခြံပိုင်ရှင် ဦးရဲမင်းကလည်း ခွင့်ပြုချက်ချထားပေးခဲ့သည့် YCDC ကို သတင်းစာရှင်းလင်းပွဲ ပြုလုပ်ကာ ပြန်လည်မေးခွန်းထုတ်ခဲ့သည်။

မြို့နယ်တူ၊ ရပ်ကွက်တူ ချင်းဖြစ်ရင်တောင် မြေဈေးနှုန်းက ဆိတ်ငြိမ်ရပ်ကွက်လို့ အများက
သတ်မှတ်ပေးထားတဲ့ မြေတစ်စတုရန်းပေ နှုန်းထားက ပိုများလေ့ရှိသလို ခြံဝန်းကျယ်ကျယ် နဲ့ နေထိုင်နိုင်တဲ့လူတန်းစား သီးသန့်နေရာတစ်ခု အဖြစ် ဈေးနှုန်းက သတ်မှတ်ထားလို့လည်း တော်ရုံတန်ရုံ ပိုက်ဆံရှိရုံသက်သက်နဲ့တော့ ဒီလိုရပ်ကွက်တွေမှာ အခြေချနေထိုင်ဖို့ မလွယ်ကူပါဘူး ။ တစ်ပေပတ်လည်ကို အနည်းဆုံးရောင်းဈေးကလည်း နေရာ အကွက်အကွင်းပေါ်မူတည်ပြီး ကျပ်သုံးသိန်းကနေ ခြောက်သိန်း လောက်ထိ ပေးမှဝယ်လို့ရပေမယ့် အေးအေးဆေးဆေးနေချင်တဲ့ သူတွေများတဲ့ အတွက်လည်း ရောင်းကွက် ရှားတယ်လို့ အိမ်ခြံမြေအကျိုးဆောင်ကိုတိုးထိန်က သူ့အတွေ့အကြုံကို ပြောပြပါတယ်။

ကိုချစ်ခင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com