စက်မှုဇုန်မြေကွက်လွတ်ရဲ့ လုပ်ငန်းအစီအစဉ်တင်ပြကြရာမှာ ဂိုဒေါင်ဆောက်ဖို့ တင်ပြမှုအရေအတွက်ပိုများနေတာကြောင့် စိစစ်ဖို့လိုအပ်တယ်လို့ သိရပါတယ်။
လုပ်ငန်းမလုပ်ပဲ မြေကွက်လွတ်တွေကို လုပ်ငန်းအစီအစဉ်တင်ပြဖို့ စာရင်းကောက်ယူရာမှာ တချို့က ပြီးပြီးရော လုပ်ငန်းအပြသဘောအဖြစ် ၈ိုဒေါင်တည်ဆောက်ဖို့ တင်ပြလာတာကြောင့် ယခုလိုများလာတာလို့ အကျိုးဆောင်တချို့နှင့် လုပ်ငန်းရှင်တချို့က ပြောပါတယ်။
ပထ၀ီမြေအကျိုးဆောင်မှ ဦးမောင်ကျော်ဝင်းက "ပြီးပြီးရောသဘောနှင့် လုပ်ငန်းပြတာ၊ ပြန်စိစစ်ဖို့များပါတယ်၊ စက်မှုဇုန်မြေဆိုတာ စက်မှုဇုန်လည်ပတ်ဖို့အတွက် လုပ်ငန်းဖြစ်သင့်တာ၊ ဂိုဒေါင်တည်ဆောက်ဖို့ဆိုတာကတော့ မြေကွက်သိမ်းမခံရအောင် ပြတဲ့သဘောဖြစ်နေတာ"လို့ ပြောပါတယ်။
ရန်ကုန်တိုင်းဒေသကြီးရှိ စက်မှုဇုန်မြေကွက်အလွတ်တွေကို လုပ်ငန်းအစီအစဉ်တင်ပြဖို့ အောက်တိုဘာလက ထုတ်ပြန်ခဲ့တာဖြစ်ပြီး ဒီဇင်ဘာ ၁၅ ရက်နေ့အထိနောက်ဆုံးတင်ပြရတာ ဖြစ်ပါတယ်။ လုပ်ငန်းအစီအစဉ်တင်ပြမှုတွေထဲမှာ ဂိုဒေါင်တည်ဆောက်ဖို့ များနေတာကြောင့် အခုလိုသုံးသပ်မှုတွေ ဖြစ်လာတာပါ။
ရင်းနှီးမြှုပ်နှံဖို့ သက်သက်ဝယ်ယူထားစက်မှုဇုန်မြေ၀ယ်ယူထားသူတွေက အမှန်တကယ်အလုပ်လုပ်ဖို့ လိုအပ်လို့ ၀ယ်ယူတာရှိသလို ဈေးကောင်းရင်ပြန်ရောင်းမယ်ဆိုတဲ့ ရည်ရွယ်ချက်နဲ့ ရင်းနှီးထားကြတာလည်း ရှိတယ်။ စီးပွားရေးသမားတွေက အမှန်တကယ် စက်ရုံဆောက်ဖို့မဟုတ်ဘဲ ရင်းနှီးမြှုပ်နှံထားကြတာပါ။ နိုင်ငံခြားရင်းနှီးမြှုပ်နှံမှု ပြုလုပ်ဖို့လေ့လာကြတာတွေ ရှိပေမယ့် စက်မှုဇုန်မြေဈေးမြင့်နေတာဟာ အစိုးရပေါ်လစီတွေကြောင့်လို့ ဝေဖန်မှုတွေရှိကြပါတယ်။
ရွှေအိမ်ကမ္ဘာအကျိုးဆောင်မှ ဦးသိန်းလှညိုက "ဂိုဒေါင်အနေနဲ့ကတော့ ငှားလို့ရတယ်၊ စက်ရုံအလုပ်ရုံလုပ်မယ်ဆိုတဲ့အခါကျတော့ ဂိုဒေါင်က ဒီလောက်အသုံးမတည့်ဘူး၊ တစ်ဖက်ကိုကပ်ဆောက်ပြီး ဂိုဒေါင်ကတော့ ကျန်တဲ့ မြေပိုမြေလျှံရှိရင် စက်ရုံဆက်လုပ်လို့ရတာပေါ့"လို့ ပြောပါတယ်။
သူကပဲစက်မှုဇုန်တွေမှာ အုတ်တံတိုင်းခတ်ထားတာများတယ်။ လုပ်ငန်းပြအနေနဲ့ ဂိုဒေါင်လုပ်ကြတာပေါ့။ ဒါကတော့ ဖြစ်လာတဲ့အပေါ်မူတည်ပြီး ရှောင်တာ။ သဘာဝတရားပဲ ဘယ်သူမဆိုလုပ်ကြမှာပဲ။ စက်ရုံတကယ်လုပ်မယ့်သူကတော့ မြေရှာရမခက်ပေမယ့် ဈေးကတော့ ကွာသွားလိမ့်မယ် လို့ရှင်းပြပါတယ်။
စက်မှုဇုန်မြေဈေးမြင့်ပြီး အရောင်းအ၀ယ်အေးနေပေမယ့် ဒဂုံဆိပ်ကမ်းမှာတော့ အ၀ယ်လိုက်နေတယ်လို့ သိရပါတယ်။ သန်လျင်နဲ့ နီးတဲ့အပြင် သီလ၀ါနဲ့ အနီးအနားဝန်းကျင် ဖြစ်နေတဲ့ ဒဂုံဆိပ်ကမ်းက ၀ယ်သူရှိနေတယ်လို့ အကျိုးဆောင်တချို့က ပြောပါတယ်။
အဆိုပြုလွှာမတင်တဲ့မြေကွက်တွေ၊ အဆိုပြုလွှာမှာ ပါရှိတဲ့ အကြောင်းပြချက်တွေက ယုတ္တိမရှိတာတွေပါဝင်တဲ့အကွက်တွေနဲ့ လုပ်ငန်းမလုပ်တဲ့ ဂိုဒေါင်တွေကို အဆင့်ဆင့်သိမ်းယူသွားမှာ ဖြစ်တယ်လို့ သိရပါတယ်။
Credit : The Kumudra
