ရန်ကုန်မှာ တစ်နေရာကနေ တစ်နေရာကိုသွားဖို့ ယာဉ်ကြောပိတ်ဆို့မှုတွေ ရင်ဆိုင်နေရတာကြောင့် သန့်ရှင်းကောင်းမွန်တဲ့ ဝန်းကျင်လေးတစ်ခုဖန်တီးပြီး အများပြည်သူတွေ အနားယူနိုင်တဲ့ Plaza အသေးစားတွေကို မြို့နယ်တိုင်းမှာ တည်ဆောက်သွားမယ်လို့ Capella အိမ်ခြံမြေအကျိုးဆောင်က ဒီဇင်ဘာ ၁၈မှာ ကြေညာလိုက်ပါတယ်။ ဘယ်လို ပလာဇာတွေကို တည်ဆောက်မှာလဲ။
ဆိုင်ခန်း ၁ဝခန်းကနေ အခန်း ၂ဝလောက်ပါဝင်ပြီး ကော်ဖီဆိုင်၊ ဆံပင်ညှပ်ဆိုင်၊ စာအုပ်ဆိုင်တွေကနေ ကလေးပစ္စည်းဆိုင်တွေ ဖွင့်လှစ်ပြီး အများပြည်သူတွေ ခိုနားရာ နေရာလေးတစ်ခုအဖြစ် ၃ထပ်ကနေ ၆ထပ် အဆောက်အအုံ Plaza တွေ များများဆောက်ပြီး ဘဏ်တွေပါ ထည့်သွင်းသွားမယ်လို့ ဆီဒိုးနားဟိုတယ်မှာ ကျင်းပတဲ့ ကုမ္ပဏီမိတ်ဆက်ပွဲမှာ ပြောဆိုခဲ့ပါတယ်။
လမ်းထိပ်လက်ဖက်ရည်ဆိုင်မှာ မိသားစုနဲ့အတူတူ၊ သူငယ်ချင်းတွေနဲ့အတူတူ စုဝေးပြီး အနားယူဖို့ဆိုတာ မရှိသလောက်ဖြစ်နေတဲ့ ရန်ကုန်မှာ ကိုယ့်ရဲ့ရပ်ကွက်နဲ့ မြို့နယ်အတွင်းမှာပဲ ကော်ဖီသောက်၊ အွန်လိုင်းသုံးပြီး လိုအပ်တာတွေ တပါတည်းဝယ်နိုင်မယ့် Plaza တွေရှိနေရင် လူနေထိုင်မှုဘဝတွေ အဆင်ပြေလာမယ်လို့ ကိုဇော်မင်းထွန်းက ပြောပြပါတယ်။
လာမယ့် ၃နှစ်အတွင်း Capella Plaza တွေ သိသိသာသာပေါ်ပေါက်လာဖို့ သူတို့အနေနဲ့ မျှော်မှန်းထားပြီး ပထမဆုံးအဖြစ် လှိုင်မြို့နယ် အင်းစိန်လမ်းမပေါ်မှာ စတင်ဆောက်လုပ်နေပြီး မြေပေါ်မူတည်ကာ ဒီဇိုင်းတွေ ရေးဆွဲသွားမယ်လို့ ဆိုပါတယ်။
ကောင်းမွန်သန့်ရှင်းလှပတဲ့ ပတ်ဝန်းကျင်နဲ့ လူနေမှုဘဝတွေရှိစေဖို့ လူတိုင်းမှာ တာဝန်ရှိပြီး အမေရိကန်ပြည်ထောင်စုမှာ လေ့လာခဲ့တဲ့Investment Banking နဲ့ Commercial Bankingအတွေ့အကြုံတွေကိုလည်း မျှဝေချင်တယ်လို့ ဆိုပါတယ်။
Credit: kamayutmedia