စက်မှုဇုန်ရှိ မြေကွက်နှင့် ဂိုဒေါင်အလွတ်များလုပ်ငန်း အစီ အစဉ်တင်ပြရန် သတ်မှတ်ရက် အတွင်းလုပ်ငန်းရှင် ၁,၄၀၀ ခန့် အဆိုပြုလွှာတင်ပြထားကြောင်း ရန်ကုန်တိုင်းဒေသကြီးအစိုးရအ ဖွဲ့ သစ်တောနှင့် စွမ်းအင်ဝန်ကြီး ဦးကျော်စိုးက ပြောသည်။
‘‘တချို့ဆို နှစ်ခါခွဲတင်ပြတာ တွေရှိတယ်။ ဒီပမာဏက မြေ ကွက်ကုန်လောက်ပါပြီ’’ဟု ဦးကျော်စိုးကဆက်လက်ပြောသည်။
ယခုအခါ အဆိုပြုလွှာများ ကို စိစစ်နေပြီး ယင်းတုိ့အနက်လုပ် ငန်းမဖြစ်နိုင်သော အဆိုပြုလွှာ များကို ဖယ်ရှား၍ အရေးယူရန် စီစဉ်ထားကြောင်း ၎င်းက ဆိုသည်။ သတ်မှတ်ရက်အတွင်း အဆိုပြုလွှာများမတင်ဘဲ ပျက် ကွက်ပါက အစိုးရထံမှ စက်မှုဇုန် စတင်ဝယ်ယူစဉ်က ချုပ်ဆို ထားသော စာချုပ်စည်းမျဉ်းများ အတိုင်း အရေးယူမည်ဟု ဦး ကျော်စိုးကပြောကြားသည်။
‘‘ထပ်တိုးပေးထားတဲ့ ရက် နောက်ပိုင်းထိအဆိုပြုလွှာမတင် ရင် ပိုင်ရှင်ကို မူလတန်ဖိုးငွေပြန် အမ်းပြီးသိမ်းမှာပါ။ ပိုင်ရှင်တချို့ ကလည်း ဒါကိုဂရုမစိုက်ဘူး’’ဟု လှိုင်သာယာ စက်မှုဇုန် စီမံခန့်ခွဲမှုကော်မရှင်ဥက္ကဋ္ဌ ဦးမြတ်သင်း အောင်ကပြောကြားသည်။
ရန်ကုန်တိုင်း ဒေသကြီး အတွင်းရှိ စက်မှုဇုန်များတွင် မြေ ကွက်လွတ် ၂,၄၀၀ နီးပါးနှင့် ဂို ဒေါင်အလွတ် ၁,၂၉၉ လုံးရှိနေ သည်။ ယင်းတို့ကို လုပ်ငန်းမလုပ် ဘဲ ရင်းနှီးမြှုပ်နှံမှုအနေဖြင့် ၀ယ် ယူထားပြီး လုပ်ငန်းမလုပ်သဖြင့် စက်ရုံကို တစ်နှစ်အတွင်း တည် ဆောက်ကာလုပ်ငန်းလုပ်ကိုင်ရန် အစိုးရက စီစဉ်နေခြင်းဖြစ်သည်။
မြေကွက်နှင့် ဂိုဒေါင်အလွတ်ပိုင်ရှင်များကို လုပ်ငန်းလုပ်ရန် အစီအစဉ်များတင်ပြရေး ရန်ကုန် တိုင်းဒေသကြီး စက်မှုဇုန် စီမံခန့်ခွဲမှုကော်မတီက အောက်တိုဘာ လကုန်တွင် စာထုတ်ပြန်ခဲ့ သည်။ လုပ်ငန်းအစီအစဉ်အဆို ပြုလွှာများ နောက်ဆုံးတင်ပြရမည့်ရက်ကို ဒီဇင်ဘာ ၁ ရက် သတ်မှတ်ထားသည်။ သို့သော် ဒီဇင်ဘာ ၂ ရက်အထိ အဆိုပြု လွှာတင်သည့် လုပ်ငန်းရှင်ပေါင်း ၆၈၀ ခန့်သာရှိသဖြင့် ထပ်မံပြီး ၁၅ ရက်တိုးပေးခဲ့သည်။
စက်မှုဇုန်များမှ မြေကွက် လွတ်များနှင့် ဂိုဒေါင်အလွတ် များ သိမ်းယူမည့်အစီအစဉ်တွင် အဆင့်သုံးဆင့်ရှိပြီး ဒီဇင်ဘာ၁၅ ရက် နောက်ပိုင်းအဆိုပြုလွှာ မတင်သော မြေကွက်များကို ဦး စွာသိမ်းယူမည်ဖြစ်သည်။ ဒုတိယ အဆင့်မှာ အဆိုပြုလွှာတွင် ယုတ္တိ မရှိသောအကြောင်းပြချက်များပါဝင်သည့်မြေကွက်များသိမ်းယူ မည်ဖြစ်သည်။ တတိယအဆင့်အ နေဖြင့် လုပ်ငန်းမလုပ်သော ဂို ဒေါင်များကို အစိုးရက ပြန်လည် သိမ်းယူမည်ဖြစ်ကြောင်း သတင်း ရရှိသည်။
စက်မှုဇုန်များတွင် ငွေကြေး ချမ်းသာသူများသည် ကုန်ထုတ် လုပ်မှုပြုလုပ်ရန် မဟုတ်ဘဲ ရင်းနှီးမြှုပ်နှံမှုအနေဖြင့် မြေကွက်များ ၀ယ်ယူရင်းနှီးမြှုပ်နှံပြီး မြေ ကစားကြသည်။ ထို့ကြောင့် စက် မှုဇုန်များအတွင်းရှိ မြေကွက်များ သည် တစ်ကွက်လျှင် ကျပ်သိန်း ထောင်ဂဏန်းမှ သောင်းဂဏန်း ထိဈေးရှိကြောင်း အိမ်ခြံမြေ အကျိုးဆောင်များက ပြောသည်။
Credit: 7 day daily
