ပြင်သစ်နိုင်ငံ ပါရီမြို့ ဆင်ဖြေဖုံး ရော့စနီ-ဆို-ဘွိုက်စ်ရှိ လေးထပ် အဆောက်အအုံ တစ်ခု တနင်္ဂနွေနေ့ နံနက်ပိုင်းတွင် ပေါက်ကွဲမှု ဖြစ်ပွားပြီး ပြိုကျခဲ့မှုကြောင့် လူအများအပြား အပျက်အစီးများ အောက်၌ နစ်မြုပ်နေခဲ့ရာ တနင်္လာနေ့တွင် ရုပ်အလောင်း (၇) ခုကို ကယ်ဆယ်ရေး သမားများ ထုတ်ယူ နိုင်ခဲ့ကြောင်း သိရသည်။
အဆောက်အအုံ ပြိုကျမှုကြောင့် အသက် (၈၀) နှစ် အရွယ် သက်ကြီးရွယ်အို တစ်ဦး၊ အသက် (၄၀) နှစ် အရွယ် မိခင်တစ်ဦး၊ ၎င်း၏ အသက် (၁၄) နှစ် နှင့် (၁၈) နှစ် အရွယ်သား သမီး နှစ်ဦး၊ အသက် (၁၀) နှစ် အရွယ်ကလေး ငယ်တစ်ဦး၊ အသက် (၄၅) နှစ် အရွယ် အမျိုးသမီး တစ်ဦး နှင့် အခြား လူကြီး တစ်ဦးတို့ သေဆုံးခဲ့ပြီး ဖြစ်သည်။ အပျက်အစီးများ အောက်တွင် ပိတ်မိ နေသူများအား ကယ်ဆယ်ရေး ၀န်ထမ်းများ က ရှာဖွေရေး ခွေးများနှင့် ယန္တရားကြီးများကို အသုံးပြုပြီး ဆက်လက် ရှာဖွေလျက် ရှိနေသည်။ အချိန် မရတော့ကြောင်း ပါရီ မီးသတ် တပ်ဖွဲ့မှ ပြောခွင့်ရှိသူ ဂေဘရီယယ် ပလက်စ်က ပြောဆိုခဲ့သည်။
အဆောက်အအုံ ပြိုကျမှုကြောင့် လူ ၁၁ ဦး ဒဏ်ရာ ရရှိခဲ့ပြီး ၎င်းတို့ အနက် လေးဦးမှာ ဒဏ်ရာ အပြင်းအထန် ရရှိခဲ့ကာ ၎င်းတို့ အနက် နှစ်ဦးမှာ အသက် (၁၀) နှစ် နှင့် (၁၃) နှစ်အရွယ် ကလေးငယ်များ ဖြစ်ကြကြောင်း ဒေသဆိုင်ရာ အုပ်ချုပ်ရေး အရာရှိ ဖိလစ်ဂါလီက ပြောဆိုခဲ့သည်။
ဓါတ်ငွေ့ ပေါက်ကွဲမှုကြောင့် အဆောက်အအုံ ပြိုကျခဲ့ခြင်း ဖြစ်နိုင်ကြောင်း၊ အပျက်အစီး များ ကြားတွင် ဓါတ်ငွေ့နှင့် လျှပ်စစ် ဆိုင်ရာ ပစ္စည်းများ ကို မြင်တွေ့ခဲ့ရကြောင်း ပလက်စ် က ပြောဆို ခဲ့သည်။ ဓါတ်ငွေ့ ပိုက်လိုင်း ယိုပေါက်မှုကြောင့် ပေါက်ကွဲမှု ဖြစ်ခဲ့ခြင်း ဖြစ်နိုင်ကြောင်း ပြင်သစ် ပြည်ထဲရေး ၀န်ကြီး ဘားနတ်ကာဇန်နူး က ပြောဆိုခဲ့သည်။
ပေါက်ကွဲမှု ဖြစ်ပွားခဲ့သည့် ရပ်ကွက်တွင် ဓါတ်ငွေ့ ပိုက်လိုင်း ယိုပေါက်မှု ဖြစ်ခဲ့သည်ဟု သတင်း ပေးပို့မှု မရှိခဲ့ကြောင်း နေအိမ်များသို့ ဓါတ်ငွေ့များ ထောက်ပံ့ ပေးနေသည့် GRDF ကုမ္ပဏီက ပြောဆိုခဲ့သည်။ အဆောက်အအုံ ကို ၁၉၇၀ ခုနှစ် များတွင် ဆောက်လုပ်ခဲ့ခြင်း ဖြစ်ပြီး လူနေထိုင်ရန် ကောင်းမွန်သည့် အဆောက်အအုံ တစ်ခု ဖြစ်ခဲ့ကြောင်း ပါရီဒုတိယ မြို့တော်ဝန် ဆာဒီနူလင်က ပြောဆိုခဲ့သည်။ မြို့အာဏာပိုင်များ သည် အနီးအနားရှိ စာသင်ကျောင်း တစ်ခုတွင် အရေးပေါ် ခိုလှုံရေး စခန်းတစ်ခု ဖွင့်လှစ်ထားပြီး ဆေးကုသမှုများ ပြုလုပ် ပေးလျက် ရှိနေသည်။
Credit: Messenger
