ပဲခူးတိုင်းဒေသကြီး၊ တောင်ငူခရိုင်ရေတာရှည်မြို့နယ်တွင် အကြောင်းအမျိုးမျိုးဖြင့် အသိမ်းဆည်းခံရသောလယ်မြေများနှင့် အသိမ်းဆည်းခံလယ်သမားများ တရားစွဲခံရသည်များကို အမြန်ဆုံးပြန်လည်ရုပ်သိမ်းပေးရေးအတွက် ရေတာရှည်မြို့နယ်ရှိ ကျေးရွာပေါင်း ၂၀ ခန့်မှ အသိမ်းဆည်းခံ လယ်သမား ၂၅၀ ၀န်းကျင်ခန့် ပါဝင်ဆန္ဒထုတ်ဖော်သွားခဲ့ကြောင်း သိရသည်။
ဆန္ဒထုတ်ဖော်ပွဲအား ရေတာရှည်မြို့နယ် ညောင်ပင်သာကျေးရွာ တောင်ဘက်ထိပ်ကွေ့မှ နံနက် ၈ နာရီခွဲတွင် စတင်ထွက်ခွာ၍် ကြွေးကြော်သံများဖြင့် အော်ဟစ်ဆန္ဒထုတ်ဖော်ခဲ့ကြပြီး မြို့နယ်ရဲတပ်ဖွဲ့မှူး၏ တရားဝင်ခွင့်ပြုချက်ဖြင့် ဆန္ဒထုတ်ဖော်ခဲ့ခြင်းဖြစ်သည်။
"တောင်သူဘက်ကကြည့်မယ်ဆိုရင် သူတို့ရဲ့နစ်နာမှု၊ သူတို့ရဲ့ခံစားမှုတွေက အရမ်းများနေတယ် အောက်ခြေကဌာနဆိုင်ရာတွေ၊ ၀န်ထမ်းအဖွဲ့အစည်းတွေက ဘက်လိုက်မှုတွေ အဂတိလိုက်စားမှုတွေရှိနေတဲ့အတွက် မူလလယ်ပိုင်ရှင်လယ်သမားတွေဟာ သူတို့လယ်တွေကို သူတို့ပြန်မရဘဲနဲ့ မြေယာပြဿနာတွေဖြစ်၊ အမှုအခင်းတွေဖြစ် တရားတွေရင်ဆိုင်နေရနဲ့ အချိန်ကုန် လူပန်း၊ ဒုက္ခရောက်ရတဲ့ဘ၀တွေနဲ့ ကြုံတွေ့နေရပါတယ်။ ရေတာရှည်မြို့နယ်မှာ ပုဒ်မ ၄၄၇/၄၂၇ တွေနဲ့ တရားစွဲခံရတဲ့ လယ်သမား ၁၅၀ ကျော်ရှိနေပါတယ်။ ရေတာရှည်အမှတ် (၆) သကြားစက်နယ်မြေမှာဆိုရင် သူတို့က သီးစားခချတဲ့သူတွေနဲ့ မူလလယ်သမားတွေအချင်းချင်း တုတ်တွေဓားတွေနဲ့ ခိုက်ရန်ဖြစ်ပြီး အမှုရင်ဆိုင်နေရတာတွေလည်းရှိနေပါတယ်။ တချို့ဆိုရင်အမှုရင်ဆိုင်ရတာ တစ်နှစ်ကျော်နေပြီ။ ရုံးချိန်းတွေလည်း ခဏခဏသွားနေရတော့ အလုပ်ပျက်အကိုင်ပျက်ဖြစ်နေကြရတယ်။ ဒါကြောင့် မတရားအသိမ်းခံရတဲ့ လယ်မြေတွေကို မူလတောင်သူတွေကို အမြန်ဆုံးပြန်ပေးဖို့နဲ့ တရားစွဲဆိုထားတာတွေကို အမြန်ဆုံးပြန်ရုပ်သိမ်းပေးဖို့ အခုလိုဆန္ဒထုတ်ဖော်ခဲ့ရတာပါ" ဟု ဆန္ဒထုတ်ဖော်ပွဲအား ဦးဆောင်ကူညီဆောင်ရွက်ပေးသူ ကိုချစ်ထွေးကဆိုသည်။
ရေတာရှည်မြို့နယ်တွင် စစ်တပ်၊ ကုမ္ပဏီ၊ ရေနီစက္ကူစက်၊ မြို့လှသကြားစက်၊ ရေတာရှည်သကြားစက်နှင့် ဆောက်လုပ်ရေးဝန်ကြီးဌာနမှ သိမ်းဆည်းထားသောမြေ စုစုပေါင်း ဧက ၁၁၀၀၀ ကျော်ရှိနေပြီး ယနေ့အထိစစ်တပ်မှ စွန့်လွှတ်မြေဧက ၁၀၀၀ ကျော်နှင့် ပြည်သူ့ဆောက်လုပ်ရေးလုပ်ငန်းမှ စွန့်လွှတ်မြေဧက ၃၇၁ စုစုပေါင်းစွန့်လွှတ်မြေ ဧက ၁၅၀၀ ၀န်းကျင်ခန့်သာရှိသေးကြောင်း၊ လယ်ယာမြေပြဿနာကြောင့် လယ်သမားအချင်းချင်း ခိုက်ရန်ဖြစ်ပွားမှုများ၊ တရားရင်ဆိုင်နေရသည်များ ဖြစ်ပွားနေကြောင်း၊ ထို့ကြောင့်မြေယာပြဿနာများကို သမ္မတကြီးကိုယ်တိုင် ဦးစီးဆောင်ရွက်ဖြေရှင်းပေးစေလိုပြီး မြေယာစုံစမ်းရေးကော်မရှင်အဖွဲ့မှလည်း အမှန်တကယ်ကွင်းဆင်းလေ့လာပြီး တိတိကျကျ သုံးသပ်ဆောင်ရွက်ပေးစေလိုကြောင်း၊ ဆန္ဒပြလယ်သမားများနှင့် ဦးဆောင်သူများက ပြောကြားသည်။
"အမှတ် ၆ သကြားစက်က ၉၅ခု၊ ၉၆ ခုလောက်ကစပြီး သိမ်းထားတာ ကျွန်တော်တို့မိသားစုအားလုံးပေါင်းရင် ၁၆ ဧကပါတယ်၊ ကျွန်တော်တို့လယ်တွေမှာ လယ်ဝင်ထွန်တော့ သကြားစက်ကကုမ္ပဏီဝန်ထမ်းတွေက ပိုင်နက်ကျူးလွန်တယ်ဆိုပြီး ပုဒ်မ ၄၄၇ နဲ့ မတရား၊ တရားစွဲတာခံထားရပါတယ်။ ဒါကြောင့် အခုလိုဆန္ဒပြတာကို လာရောက်တာပါ" ဟု ဆန္ဒထုတ်ဖော်ရာတွင်ပါဝင်ခဲ့သူ အင်းပလပ်ကျေးရွာမှ အသိမ်းဆည်းခံ တောင်သူဦးစိုးမြင့်က ပြောကြားသည်။
Credit: Madalay & others
