မန္တလေးမြို့တော်ကို လက်ရှိမြို့၏ တောင်ပိုင်းနှင့် အရှေ့ပိုင်းသို့ တဖြည်းဖြည်း တိုးချဲ့ သွားမည်ဖြစ်ကြောင်း မန္တလေးမြို့ တော်ဝန် ဦးအောင်မောင်းကပြောကြားသည်။
မန္တလေးမြို့၏တောင်ပိုင်း နှင့် အရှေ့တောင်ပိုင်းတို့အတွက် ဖွံ့ဖြိုးမှုစီမံကိန်းများ ရေးဆွဲထားကြောင်း၊ ယင်းနေရာများတွင် မြို့ပြဖွံ့ဖြိုးမှုစီမံကိန်းများအပြင် သီးသန့်ထားမည့် မြေလွတ်ဧရိယာများလည်း ပါဝင်မည်ဖြစ်ကြောင်း မန္တလေးမြို့တော်ဝန် ဦးအောင်မောင်းကပြောသည်။
ဇူလိုင် ၁၄ရက်က မန္တလေးမြို့တော် စည်ပင်သာယာရေးကော်မတီ အစည်းအဝေးခန်းမတွင် ပြုလုပ်သည့် ကျူံးဘေးဝန်းကျင်အဆောက်အ အုံများစနစ်တကျရှိစေရေး အစည်းအဝေး၌ ထည့်သွင်းပြောကြားခဲ့ခြင်းဖြစ်သည်။ မြို့ပြအစီအမံများရေးဆွဲရာတွင် မြေနေရာများကိုလည်း ထည့်သွင်းရေးဆွဲထားကြောင်း မြို့တော်ဝန်ကပြောသည်။ မန္တလေးမြို့သည်တောင်ဘက်သို့ တဖြည်းဖြည်းချဲ့ထွင်လာပြီး မကြာမီ တောင်ဘက်စွန်းရှိ တံတားဦးမြို့နယ်အထိသို့ပါ ရောက်ရှိလာနိုင်သည်ဟု ပြည်ထောင်စုဝန်ကြီးအချို့က ခန့်မှန်းထားသည်။
ထို့အပြင် မန္တလေးမြို့တော် ဖွံ့ဖြိုးတိုးတက်မှု အကောင်အထည်ဖော်ရေးနှစ်(၃၀)စီမံကိန်းတွင် မန္တလေးမြို့ပြချဲ့ထွင်မှုကို တောင်ဘက်သို့ ဦးစားပေးခဲ့သည်။
ရှေးဟောင်းယဉ်ကျေးမှု အမွေအနှစ်များ တိမ်မြုပ်ပျောက်ကွယ်ခြင်းမရှိ၊ သဘာဝပတ်ဝန်းကျင် ယိုယွင်းခြင်းမရှိဘဲ ဖွံ့ဖြိုးတိုးတက်သာယာလှပနိုင်ရေးနှင့် စိမ်းလန်းစိုပြည်သည့်မြို့တော်ဖြစ်စေရေးအတွက် မဖြစ်မနေ ဆောင်ရွက်ရမည့်လုပ်ငန်းခုနစ်ခုတွင် မြေယာစီမံခန့်ခွဲမှုနှင့် မြို့မြေတိုးချဲ့ရေးလုပ်ငန်းများကို အထူးဦးစားပေးအဖြစ် သတ်မှတ်ထားသည်။
နှစ် ၃၀ စီမံကိန်းတွင် မြို့ပြဖွံ့ဖြိုးရေးစီမံကိန်း ဆောင်ရွက်ရန်အတွက် မန္တလေးအနီးဝန်းကျင် မြို့နယ်များကို မန္တလေးမြို့တော်စည်ပင် နယ်နိမိတ်အောက်သို့ ထည့်သွင်း၍ ဧရိယာတိုးချဲ့စီမံထားပြီး ပထမငါးနှစ်တာကာလ (၂၀၁၁-၂၀၁၅)အတွင်း ပုသိမ်ကြီးမြို့နယ်ကို မန္တလေးမြို့တော် စည်ပင်သာယာရေးကော်မတီ နယ်နိမိတ်အတွင်း ထည့်သွင်းသွားမည်ဖြစ်သည်။
ထို့အပြင် ရှေးဟောင်းယဉ်ကျေးမှုအမွေအနှစ်များ ပြည့်နှက်နေသော မြို့ဧရိယာအတွင်းရှိ ရှေးဟောင်းအဆောက်အအုံများကို လွှမ်းမိုးမှုရှိနိုင်သော အထပ်မြင့်အ ဆောက်အအုံဆောက်လုပ်ခြင်းများကို စိစစ်ကန့်သတ်ထားမည်ဟုပါရှိသည်။ အရှေ့ဘက်မြို့ပတ်လမ်းနှင့် မန္တလေးတူးမြောင်းကြားရှိ လယ်မြေများကို မြို့မြေအဖြစ် လုံးဝအသုံးမပြုဘဲ စိုက်ပျိုးမြေအဖြစ်သာ အသုံးပြုသွားပါက Green Cityအဖြစ်အထောက်အကူပြု မည်ဖြစ်ကြောင်း၊ ထို့အပြင် ယခု ဖော်ထုတ်ပြီး မြို့ကွက်သစ်အရှေ့ဘက်ခြမ်းကိုလည်း လူနေမြို့ပြဧရိယာအဖြစ် ဆက်လက်ဖော်ထုတ်ခြင်းမပြုတော့ဘဲ စိုက်ပျိုးမြေလယ်မြေများအဖြစ်သာ ထားရှိသွားမည်ဖြစ်ကြောင်း ဖော်ပြထားသည်။မြို့တော် တောင်ဘက်ခြမ်း ထုံးဘို-မြစ်ငယ်ဖြတ်လမ်း ၀န်းကျင်ကိုလည်း စိမ်းလန်းစိုပြည်မှုကို မထိခိုက်စေနိုင်သည့် သင့်တင့်သောမြေအသုံးချမှုကိုသာ စိစစ်ပြောင်းလဲသတ်မှတ်ပေးသွားမည်ဖြစ်ကြောင်း မန္တလေးမြို့တော် ဖွံ့ဖြိုးတိုးတက်မှု အကောင်အထည်ဖော်ရေး နှစ်(၃၀)စီမံကိန်းတွင် ချမှတ်ထားသည်။
Credit :7day daily
