iPhone 5 ထွက်ရှိစဉ်ကတည်းက တစ်နာရီလျှင် ၃၃ ဒေါ်လာယူကာ တန်းစီဝယ်ယူပေးခဲ့သော အမေရိကန် အမျိုးသားမှာ ယခုအခါ iPhone ဝယ်ယူလိုသူများအတွက် ကိုယ်စားတန်းစီပေးသည့် ကုမ္ပဏီတစ်ခု တည်ထောင်လာနိုင်ပုံ

များစွာသောသူတို့အတွက် တန်းစီရခြင်းမှာ အချိန်ပြုန်းတီးခြင်း ဖြစ်သည်။

သို့သော အချို့အတွက်မူ တန်းစီခြင်းမှာ စီးပွားရေးအခွင့်အလမ်းတစ်ခု ဖြစ်လာသည်။

အမေရိကန်ပြည်တွင် ရောဘတ် ဆင်မြူရယ်အမည်ရှိ အမျိုးသားတစ်ဦးရှိသည်။

ရောဘတ် ဆင်မြူရယ်သည် ယခင်က နယူးယောက်မြို့ရှိ AT&T တွင် လုပ်ကိုင်ခဲ့သော ဝန်ထမ်းတစ်ဦး ဖြစ်သည်။

ရောဘတ် ဆင်မြူရယ်က iPhone တစ်လုံးဝယ်ရန် တန်းစီစောင့်ဆိုင်းခဲ့ရသော သာမန်အတွေ့အကြုံလေး တစ်ခုကို သုံးသပ်ကာ ဝင်ငွေကောင်းသည့် business model တစ်ခုကို စတင်ခဲ့သည်။

ယနေ့အခါတွင် ဆင်မြူရယ်သည် Same Ole Line Dudes အမည်ရှိ ကုမ္ပဏီကို တည်ထောင်ထားသည်။

သူ၏ ကုမ္ပဏီက iPhone ဝယ်ယူရန်အတွက် တန်းစီစောင့်ဆိုင်းခြင်း မလုပ်လိုသူများအတွက် တစ်နာရီလျှင် ဒေါ်လာ ၄၀ ဖြင့် ကိုယ်စားတန်းစီပေးသည်။

(( iPhone 5 ဝယ်ရန် တန်းစီခဲ့စဉ် အကြံရခဲ့))

ဆင်မြူရယ်၏ အကြံဉာဏ်မှာ ၂၀၁၂ ခုနှစ်တွင် အစပျိုးခဲ့ခြင်း ဖြစ်သည်။

ထိုစဉ်က ဆင်မြူရယ်သည် တယ်လီကွန်လုပ်ငန်းနယ်တွင် အလုပ်လုပ်ကိုင်နေချိန်ဖြစ်သည်။

ဆင်မြူရယ်က iPhone 5 ဝယ်ယူလိုသူများကို ကိုယ်စားတန်းစီပေးမည်ဖြစ်ကြောင်း အခမဲ့ကြော်ငြာတင်သည့် ဝက်ဘ်ဆိုက်ဖြစ်သော Craigslist တွင် ကြော်ငြာခဲ့ရာ client တစ်ဦးက ဆက်သွယ်လာပြီး ၃ နာရီ ငှားရမ်းခဲ့သည်။

သို့သော် နောက်ဆုံးအချိန်ရောက်မှ ငှားရမ်းမှုကို ဖျက်သိမ်းသွားခဲ့သည်။

ထိုနေ့က ဆင်မြူရယ်သည် မိမိတန်းစီထားသောနေရာကို အခြားတစ်ဦးထံ ဆက်သွယ်ရောင်းချခဲ့သည်။ ထို့နောက် ထပ်မံ၍ နေရာရောင်းပြန်သည်။

ထိုတစ်နေ့တည်းတွင်ပင် ဆင်မြူရယ်မှာ ဒေါ်လာ ၃၀၀ ရသွားသည်။

ထိုအတွေ့အကြုံကြောင့် ဆင်မြူရယ်က ဝန်ဆောင်မှု လုပ်ငန်းတစ်ခုအဖြစ် စီးပွားရေးတစ်ခုသဖွယ် လုပ်ဆောင်ရန် ဆုံးဖြတ်ခဲ့သည်။

ဆင်မြူရယ်က လူမှုကွန်ရက်တွင် အကောင့်ဖွင့်သည်။ ထို့နောက် ကုမ္ပဏီတစ်ခု တည်ထောင်၏။

(နယူးယောက်မှ ဆင်မြူရယ်၏ ကုမ္ပဏီ))

ယနေ့အခါတွင် ဆင်မြူရယ်၏ နယူးယောက်မြို့မှ Same Ole Line Dudes ကုမ္ပဏီမှာ ဝန်ထမ်း ၄၅ ဦးဖြင့် လည်ပတ်နေသည်။

ကုမ္ပဏီ၏ ဝန်ဆောင်မှုမှာ နယ်ပယ်ချဲ့ထွင်လာပြီး iPhone သာမက ဂီတဖျော်ဖြေပွဲလက်မှတ်များနှင့် အခြားသော ဝယ်လိုအား မြင့်မားသည့် ထုတ်ကုန်များအတွက် တန်းစီပေးခြင်းများလည်း လုပ်ဆောင်ပေးသည်။

ဝန်ဆောင်ခမှာ တစ်နာရီလျှင် ၂၅ ဒေါ်လာမှ ဒေါ်လာ ၄၀ ကြားယူသည်။ အနည်းဆုံး ၂ နာရီ ဝန်ဆောင်မှု ရယူရမည် ဖြစ်သည်။

ထပ်ဆောင်း ဝန်ဆောင်ခအနေဖြင့် ရာသီဥတုဆိုးရွားချိန်များတွင် တစ်နာရီလျှင် ၃ နာရီ ပိုပေးရသည်။

တစ်ညလုံး စောင့်ရလျှင် ၁၅ ဒေါ်လာ ပိုပေးရပြီး အမြန်လိုသူများအတွက်မူ ဒေါ်လာ ၂၀ ပိုမိုကောက်ခံသည်။

ခရစ္စမတ်ကာလကဲ့သို့ အလွန်လူရှုပ်သောကာလများနှင့် ဝယ်လိုအားအလွန်များသော ထုတ်ကုန်များအတွက်လည်း ဝန်ဆောင်ခပိုမိုကောက်ခံသည်။

အောင်မြင်မှုရခဲ့သည့် လျှို့ဝှက်ချက်ကို ရောဘတ် ဆင်မြူရယ်အား မေးမြန်းရာတွင် “ဘယ်အရာက လူတွေကို စိတ်ပျက်စေသလဲဆိုတာ လေ့လာပါ။ စောဒကတိုင်းရဲ့ နောက်ကွယ်မှာ အခွင့်အလမ်းတစ်ခု ရှိပါတယ်” ဟု ဖြေကြားသည်။

နယူးယောက်တွင် တန်းစီစောင့်ဆိုင်းရခြင်းများကို အမြဲတွေ့ကြုံရပြီး စိတ်ပျက်စရာ ဖြစ်ရပ်ဖြစ်နေသည်။

အဆိုပါ စိတ်ပျက်ဖွယ်အကြောင်းရပ်ကို ဆင်မြူရယ်က ဝန်ဆောင်မှုအဖြစ် ပြောင်းလဲပေးလိုက်ရာ ပြဿနာတစ်ခုကို ဖြေရှင်းပေးလိုက်နိုင်ရုံမျှမက ဈေးကွက်သစ်တစ်ခုလည်း ဖန်တီးနိုင်ခဲ့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: This man charges $33 an hour to stand in line for you. After making a lot of money with the launch of the iPhone 5, he now owns a business empire.