စာဆိုတော်ကျူးယွမ်၊ ဝက်သားကောက်ညှင်းထုပ်နှင့် နဂါးလှေပွဲတော်တို့၏ ဒဏ္ဍာရီ (သို့မဟုတ်) မေလ ၃၁ ရက်တွင် ကျင်းပမည့် တရုတ်ရိုးရာ နဂါးလှေပွဲတော်အကြောင်း

တရုတ်ရိုးရာ နဂါးလှေပွဲတော်ကို တရုတ်ပြက္ခဒိန် ၅ လပိုင်း ၊ ၅ ရက်နေ့တွင် နှစ်စဉ်ကျင်းပလေ့ရှိသည်။

အနောက်တိုင်း ပြက္ခဒိန်အရ ကျရောက်သည့်နေ့မှာ အမျိုးမျိုးကွဲပြားသည်။ ယေဘုယျအားဖြင့်မူ ဇွန်လတွင် အများကြီး ကျရောက်လေ့ရှိပြီး ရံဖန်ရံခါတွင်မူ မေလတွင် ကျရောက်သည်။

ယခု ၂၀၂၅ ခုနှစ်အတွက်မူ မေလ ၃၁ ရက်သည် တရုတ်ပြက္ခဒိန်အားဖြင့် ၅ လပိုင်း၊ ၅ ရက်နေ့ဖြစ်သည်။

နဂါးလှေပွဲတော်အတွက် ရုံးပိတ်ရက် ၃ ရက်သတ်မှတ်ထားရာ ယခုနှစ်တွင် တရုတ်လူမျိုးတို့အတွက် မေလ ၃၁ ရက်မှ ဇွန်လ ၂ ရက်အထိ ရုံးပိတ်ရက် ဖြစ်သည်။

တရုတ်ဘာသာအားဖြင့် တွမ်းဝူပွဲတော်ဟုခေါ်ပြီး တရုတ်ပြည်တွင် အဆိုပါပွဲတော်ကို ကျင်းပခဲ့သည်မှာ နှစ်ပေါင်း ၂၀၀၀ ကျော်ရှိခဲ့ပြီဖြစ်သည်။

အထင်ကရ ကဗျာစာဆို ကျူးယွမ် သေဆုံးမှုကို လွမ်းဆွတ်ဖွယ်အမှတ်တရအဖြစ် ကျင်းပခြင်းဖြစ်သည်။

(▲ ဟောင်ကောင်ရှိ Aberdeen ဆိပ်ကမ်းတွင် ကျင်းပခဲ့ဖူးသော နဂါးလှေပွဲတော်)

(▲ နဂါးလှေပွဲတော်တွင် အားသွန်ခွန်စိုက် လှေလှော်နေသူများကို တွေ့ရပုံ)

(▲ နှစ်ထောင်ချီကျင်းပခဲ့သော နဂါးလှေပွဲတော် ကျင်းပပြီးစီးချိန်တွင် ပါဝင်ခဲ့သော လှေလှော်သူတို့အား အမှတ်တရဆုများ ချီးမြှင့်သည်)

(▲ နဂါးလှေပွဲတော်ကို ထိုင်ဝမ်၊ မလေးရှားနှင့် စင်္ကာပူတို့တွင်လည်း နှစ်စဉ်ကျင်းပသည်)

((ကျူးယွမ်၏ ဇာတ်ကြောင်း))

ခရစ်တော်မပေါ်မီ BC 339 မှ BC 278 အကြား တရုတ်ပြည်တွင် ကျူးယွမ်ဟူသော ကဗျာစာဆိုကြီး ပေါ်ထွန်းခဲ့ဖူးသည်။

ကျူးယွမ်သည် ကဗျာများဖြင့် ကျော်ကြားသည်သာမက ဖြောင့်မတ်တည်ကြည်သူဖြစ်သောကြောင့် ပြည်သူတို့က ချစ်ခင်လေးစားကြသည်။

ကျူးယွမ်ကို မနာလိုမုန်းထားသူအချို့က ကျူးယွမ်မှာ တိုင်းပြည်အပေါ်သစ္စာဖောက်ကြောင်း စွပ်စွဲခဲ့ကြရာ ကျူးယွမ်မှာ အလွန်စိတ်ပျက်ကာ မီလိုအမည်ရှိ မြစ်ထဲသို့ ခုန်ချပြီး အဆုံးစီရင်သွားခဲ့သည်။ကျူးယွမ်ကို ချစ်ခင်လေးစားသူတို့က ၎င်း၏ အလောင်းကို ငါးများစားမည်စိုးရိမ်သောကြောင့် ငါးများကို ကောက်ညှင်းထုပ်များ ချကျွေးခဲ့ကြသည်။

ထို့အပြင် ပြည်သူတို့က နဂါးလှေများဖြင့် ရေပြင်ဆီသို့သွားကြကာ ကျူးယွမ်၏ အလောင်းကို ငါးများမစားစေရန် ရေပြင်ကို လှော်တက်ဖြင့် ရိုက်ကြ၏။

ထိုအဖြစ်ကို အမှတ်ရစေသောအားဖြင့် နှစ်စဉ် ငါးတို့ကို ကောက်ညှင်းထုပ်ကျွေးခြင်း၊ နဂါးလှေပွဲတော်ကျင်းပခြင်းဖြင့် နှစ်ထောင်ချီ အစဉ်အလာမပျက် လုပ်ဆောင်လာခဲ့ကြသည်။

(▲ ဒဏ္ဍာရီအရ ကျူးယွမ်၏ အလောင်းကို ငါးများ မစားစေရန် ရေပြင်ကို လှော်တက်ဖြင့် ရိုက်ကြခြင်း ဖြစ်သည်ဟု ဆိုသည်)

(▲ ဟောင်ကောင်တွင် မိုးမျှော်တိုက်ကြီးများကို နောက်ခံထားပြီး Aberdeen ဆိပ်ကမ်း၌ နဂါးလှေပြိုင်ပွဲဝင်သူတို့ အားကြိုးမာန်တက် လှော်ခတ်ကြသည်)

(▲ နဂါးလှေလှော်သူတို့သည် ဘင်သံစည်းချက်နှင့်အညီ အပြိုင်အဆိုင်လှော်ခတ်ကြပြီး ပရိသတ်တို့မှာ ကမ်းလုံးညွှတ်မျှ လာရောက်အားပေးလေ့ရှိသည်)

(▲ နှစ်စဉ် တရုတ်ရိုးရာ ၅ လပိုင်းတွင် ကျင်းပလေ့ရှိသည်)

ထိုင်ဝမ်၊ မလေးရှားနှင့် စင်္ကာပူတို့တွင်လည်း နှစ်စဉ်ကျင်းပသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

The festival is also celebrated in Taiwan, Malaysia and Singapore Ref: Chinese Dragon Boat Festival Photo Credit-dailymail