မြေရိုင်းစားကျက်မြေ အကြောင်း ဥပဒေဗဟုသုတအနေဖြင့် ရေးသား ဖော်ပြပေးလိုက်ပါသည်။

ကျွဲနွားများမှီတင်းနေထိုင်ရာ အရပ်ဒေသဖြစ်ပြီး လယ်ယာမြေနှင့် တစက်တည်းရှိကာ စားကျက်မြေမှာ လယ်ယာမြေ အမျိုးအစားထဲ မပါဝင်ပါ။ ကျေးရွာအလိုက် နွားကျောင်းရာတွင် အသုံးပြုသည့် မြေနေရာပင်ဖြစ်ပါသည်။ အထွေထွေအုပ်ချုပ်ရေးဦးစီးဌာနတွင် စားကျက်မြေမှတ်တမ်းအား ကျေးရွာအလိုက် သီးခြားမှတ်သား သည်များရှိပြီး အဆိုပါမြေအား ဝင်ရောက်ကျူးကျော်ကာ အိမ်ဆောက်လုပ်နေထိုင်ခွင့်မရှိပါ။ ကျုးကျော်လျှင် ခရိုင် အထွေထွေအုပ်ချုပ် ရေးဦးစီးဌာနမှ အမှုဖွင့်လှစ်အရေးယူဆောင်ရွက်မည်ဖြစ်ပါသည်။

မြေလွတ်၊ မြေလပ်၊ မြေရိုင်း ဥပဒေအရ မြေရို်ငးဆိုသည်မှာ မြေမျက်နှာသွင်ပြင် ညီညာသည်ဖြစ်စေ၊ ညီညာသည်ဖြစ်စေ တစ်ကြိမ်တစ်ခါမှ အသုံးမပြုသေးသော မြေသစ်ကြိုးဝိုင်း သစ်တောမြေ၊ စားကျက်မြေတို့ပါဝင်ကြောင်း ဖော်ပြပါရှိပါသည်။ စားကျက်မြေမှာ မြေလွတ်၊ မြေလပ်၊ မြေရိုင်းဥပဒေပါ မြေရိုင်းအမျိုးအစားပင် ဖြစ်ပြီး ကျေးရွာဘုံမြေအဖြစ် အများအသုံးပြုနိုင်ပါသည်။

မြေလွတ်၊မြေလပ်၊မြေရိုင်း ဥပဒေအရ ဗဟိုကော်မတီနှင့် စီမံခန့်ခွဲရေးကော်မတီတို့လဲ ဖွဲ့စည်းထားပါသည်။ အသုံးပြုခွင့် လျှောက်ထားလိုလျှင်လဲ မြေလွတ်၊ မြေလပ်၊ မြေရိုင်း ဥပဒေပါလုပ်ထုံး လုပ်နည်းများနှင့်အညီ လျှောက်ထားဆောင်ရမည်ဖြစ်ပါသည်။ စိုက်ပျိုးမြေအဖြစ် ပြောင်းလဲလိုသည့်အခါတွင်လဲ မြေလွတ်၊ မြေလပ်၊ မြေရိုင်းဥပဒေနှင့်အညီ လျှောက်ထားမှုပြုရမည်ဖြစ်ပါသည်။

ထို့အပြင် စားကျက်မြေအဖြစ် အသုံးပြုမှု နည်းပါးလျှင် ကော်လိတ်တော်အရာရှိမှ အများပြည်သူအကျိုး၊ နိုင်ငံတော်အကျိုးအတွက် စားကျက်မြေကို ပယ်ဖျက်ခြင်း လဲ ဆောင်ရွက်နိုင်ပါသည်။

နည်းဥပဒေပါလုပ်ငန်းအလိုက် မြေခွန်အား လုပ်ငန်းနှင့်စိုက်ပျိုးသီးနှံအမျိုးအလိုက် ထမ်းဆောင်ရပါမည်။ သတ်မှတ် အာမခံကြေးအားလဲ လျှောက်ထားသူမှ ပေးအပ်ထားနိုင်ရပါမည်။ မြေလွတ်၊ မြေလပ်၊ မြေရိုင်းကို ပုဒ်မ - ၄ အရ စိုက်ပျိုးရေးလုပ်ငန်း၊ မွေးမြူရေးလုပ်ငန်း၊ ဓာတ်သတ္တူ ထုတ်လုပ်ခြင်းလုပ်ငန်း၊ အစိုးရက ခွင့်ပြုသော လုပ်ငန်းများတွင် အသုံးပြုခွင့်ရှိပါသည်။

မိသားစု တစ်နိုင်တစ်ပိုင် စီးပွား ရေးလုပ်ဆောင်လိုလျှင် ဧက - ၅၀ ထိ နှစ် (၃၀)လျှင် တစ်ကြိမ် ခွင့်ပြုချက်ထုတ်ပေးနိုင်ပြီး သက်တမ်းတိုးလဲ လျှောက်ထားခွင့်ရှိပါသည်။ ခွင့်ပြုထားသည့် စည်းကမ်းချက်များအတိုင်း လျှောက်ထားသူမှ လိုက်နာ‌ဆောင်ရွက်ရမည်ဖြစ်ကာ မြေပေါ်မြေအောက်ရှိ သယံဇာတပစ္စည်းများအား ထုတ်ယူသုံးစွဲခွင့် မရှိပါ။

အသုံးပြုရန် ခွင့်ပြုထားသည် မြေရိုင်းစားကျက်မြေအား ပေါင်နှံခြင်း၊ ပေးကမ်းခြင်း၊ ရောင်းချခြင်း၊ အငှားချထားခြင်း တနည်းနည်းဖြင့် ခွဲစိတ်လွှဲပြောင်း ဆောင်ရွက်ခွင့်မရှိကြောင်း ဥပဒေဗဟုသုတ အနေဖြင့် ရေးသားဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com