ဘီလ်ဂိတ်၏ ဖလော်ရီဒါတောင်ပိုင်းမှ စံအိမ် ကန်ဒေါ်လာ ၂၃ ဒသမ ၅ သန်းဖြင့် အရောင်းဈေးကွက်ဝင်လာ

အမေရိကန်ပြည်၊ ဖလော်ရီဒါပြည်နယ်တောင်ပိုင်းတွင် တချိန်က ဘီလ်ဂိတ် ပိုင်ဆိုင်ခဲ့ဖူးသော စံအိမ်ကြီးတစ်လုံး ကန်ဒေါ်လာ ၂၃ ဒသမ ၅ သန်းဖြင့် အရောင်းဈေးကွက်ဝင်လာသည်။

Martin County ၏ မှတ်တမ်းများအရ ဘီလ်ဂိတ်၏ ကုမ္ပဏီတစ်ခုဖြစ်သော Front Range Investment Holdings LLC သည် Jupiter Island ရှိ စံအိမ်ကို ၂၀၀၉ ခုနှစ်အတွင်း ကန်ဒေါ်လာ ၅ သန်းဖြင့် ဝယ်ယူခဲ့ခြင်း ဖြစ်ကြောင်း သိရသည်။

၂၀၁၈ ခုနှစ်တွင် အဆိုပါစံအိမ်ကို စီးပွားရေးလုပ်ငန်းရှင် John Textor ထံ ကန်ဒေါ်လာ ၄ သန်းဖြင့် အရှုံးခံ ရောင်းချခဲ့သည်။

Textor သည် digital media လောကတွင် ကာလကြာရှည် လုပ်ကိုင်ခဲ့သူဖြစ်ပြီး Fubo TV ၏ အမှုဆောင် ဥက္ကဌအဖြစ် ၂၀၁၈ မှ ၂၀၂၀ ပြည့်နှစ်အထိ လုပ်ကိုင်ခဲ့သည်။

လက်ရှိအားဖြင့် Textor သည် Eagle Football Holdings Limited ၏ ဥက္ကဌဖြစ်သည့်အပြင် ဘောလုံးကလပ် များဖြစ်သော Rio de Jeneiro ရှိ Botafogo ၊ လန်ဒန်ရှိ ခရစ္စတယ်ပဲလေ့စ်၊ ဘရပ်ဆဲရှိ RWT Molenbeek နှင့် ပြင်သစ်နိုင်ငံ၊ လိုင်ယွန်ရှိ Olympique Lyonnais တို့၏ ထိပ်တန်းရှယ်ယာရှင်တစ်ဦးလည်း ဖြစ်သည်။

(▲ ယခုစံအိမ်မှာ ဖလော်ရီဒါ၏ နာမည်ကျော် Intracoastal Waterway မှ ရေပြင်နှင့် ထိစပ်မှု ကမ်းခြေ ပေ ၂၀၀ ပိုင်ဆိုင်ထားသည်။ ဓာတ်ပုံ-Steven Martine Photography Inc / ONE Sotheby’s International Realty)

စံအိမ်မှာ တစ်ထပ်အိမ်ဖြစ်ပြီး အကျယ်အဝန်း စတုရန်းပေ ၉၅၀၀ နီးပါးရှိကာ အိပ်ခန်း ၄ ခန်းနှင့် ရေချိုးခန်း ၇ ခန်း ပါဝင်သည်။

တစ်အိမ်လုံးအပြည့် ဖြန့်ကျက်ထားသော စပီကာစနစ်၊ Lutron Lighting စနစ်တို့ ထည့်သွင်းထားပြီး နေအိမ်နေရာအများစုတွင် စကျင်ကျောက်ပြားများ ခင်းကျင်းထားသည်။ အရောင်းဈေးကွက်တင်ပေးသူမှာ ONE Sotheby’s International Realty မှ အကျိုးဆောင် Susan Hemmes ဖြစ်သည်။

ဖလော်ရီဒါရှိ နေအိမ်အများစုမှာ outdoor ရေကူးကန်များ ပါဝင်သော်လည်း ယခုအိမ်တွင် indoor ရေကူးကန်နှင့် ရေပူစိမ်ကန်တို့ ရှိသည်။

Indoor ရေကူးကန်တွင် သစ်သားမျက်နှာကြက်များ သုံးထားပြီး နောက်ဘက်ခြံဝန်းဆီသို့ ပေါက်သည်။

နောက်ဘက်ခြံဝန်းတွင် အမိုးရှိသောနေရာနှင့် အမိုးမရှိသော နားနေ နေရာများရှိကာ outdoor မီးဖိုဆောင် တစ်ခုလည်း ထားရှိသည်။

(▲ နေအိမ်အတွင်း indoor ရေကူးကန်နှင့် ရေပူစိမ်ကန်တို့ ရှိသည်။ ဓာတ်ပုံ-Steven Martine Photography Inc / ONE Sotheby’s International Realty)

ခြံနောက်ဘက်မှတဆင့် ရေပြင်ဆီသို့ ရောက်နိုင်ပြီး ရေစပ်တွင် ဆိပ်ခံတစ်ခုနှင့် နေစွမ်းအင်သုံး မီးစနစ်တို့ ရှိသည်။

အခြား feature များအနေဖြင့် ကား ဆယ်စင်းဆန့် ကားဂိုဒေါင်၊ EV အားသွင်းစက်နှင့် ခြင်ထိန်းချုပ်ရေးစနစ်တို့ ရှိသည်။

ဂျူပီတာကျွန်းသည် ဂျူပီတာမြို့၏ တောင်ဘက်တွင် တည်ရှိပြီး ဖလော်ရီဒါတောင်ပိုင်း၏ အချမ်းသာဆုံး ပုဂ္ဂိုလ်များ နေထိုင်သောနေရာတစ်ခုလည်း ဖြစ်သည်။

Textor ၏ ယခုစံအိမ်မှာ လက်ရှိဈေးကွက်ဝင်နေသော ကန်ဒေါ်လာ သန်း ၂၀ အထက် နေအိမ် ၁၀ လုံးတွင် တစ်ခုအပါအဝင်ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Bill Gates’s Former South Florida House Hits the Market for $23.5 Million Photo Credit- Steven Martine Photography Inc / ONE Sotheby’s International Realty