သီချင်းစာသားများ ကဗျာဆန်သောကြောင့်ဟုဆိုကာ စာပေနိုဘယ်ဆု ချီးမြှင့်ခံရသည့် ကမ္ဘာ့တစ်ဦးတည်းသော အဆိုတော် ဘော့ဘ် ဒိုင်လန် နေထိုင်ခဲ့သော နယူးယောက်လျှို့ဝှက်ပန်းဥယျာဉ်ထဲမှ နေအိမ်တစ်လုံး ကန်ဒေါ်လာ ၁၁ ဒသမ ၅ သန်းဖြင့် အရောင်းဈေးကွက်ဝင်လာ

အမေရိကန်ပြည် ၊ နယူးယောက်မြို့ မန်ဟက်တန်အရပ် အရှေ့ ၄၈ လမ်း၊ အမှတ် ၂၄၁ ရှိ ဂျော်ဂျီယာ ဗိသုကာဟန်ဖြင့် ဆောက်လုပ်ထားသော နေအိမ်တစ်လုံးကို အသေးစိတ် ပြုပြင်မွမ်းမံမှုများ ပြုလုပ်ခဲ့ပြီးနောက် ကန်ဒေါ်လာ ၁၁ ဒသမ ၅ သန်းဖြင့် အရောင်းဈေးကွက်ဝင်လာသည်။ Turtle Bay Gardens အမည်ရှိ သီးသန့်ပန်းဥယျာဉ်တစ်ခုအတွင်း တည်ရှိသည်။ စုစုပေါင်း နေအိမ် ၂၀ ခန့်သာ အသုံးပြုခွင့်ရှိသည့် လျှို့ဝှက်ဥယျာဉ် ဖြစ်သည်။ စတုရန်းပေ ၅၅၀၀ ကျယ်ဝန်းသော စံအိမ်ဖြစ်ပြီး ကန်ဒေါ်လာ ၁၁ ဒသမ ၅ သန်း ဈေးခေါ်ထားသည်။ ၅ ထပ်အိမ်ဖြစ်ပြီး မြေအောက်ခန်းတစ်ခု မကြာသေးမီက ဆောက်လုပ်ပြီးစီးထားသည်။ ခေတ်ပေါ် feature များဖြစ်သော smart home system နှင့် ဓာတ်လှေကားတို့ ပါဝင်သည်။ ထိုသို့ ခေတ်ပေါ် မွမ်းမံမှုများ ပြုလုပ်ထားသော်လည်း ခေတ်ဟောင်း၏ ခမ်းနားသော လက်ရာများကိုလည်း ဆက်လက်ထိန်းသိမ်းထားသည်။

(▲ နေအိမ်၏ အကျယ်အဝန်းမှာ စတုရန်းပေ ၅၅၀၀ ရှိသည်။ ဓာတ်ပုံ-Travis Mark for Sotheby’s International Realty)

(▲ ခန်းမကျယ်ကြီး။ ဓာတ်ပုံ-Travis Mark for Sotheby’s International Realty)

(▲ ညစာစားခန်းမှတဆင့် နားနေဆောင်နှင့် လျှို့ဝှက်ပန်းဥယျာဉ်တို့ဆီသို့ ပေါက်သည်။ ဓာတ်ပုံ-Travis Mark for Sotheby’s International Realty)

(▲ လျှို့ဝှက်ဥယျာဉ်မှာ ဝန်းကျင်ရှိ နေအိမ် ၂၀ သာ ဝင်ရောက်ခွင့်ရှိသည်။ ဓာတ်ပုံ-Heritage Images via Getty Images)

(▲ ပန်းဥယျာဉ်ကို ၁၉၁၉ ခုနှစ်က ရိုက်ကူးခဲ့သည့်ဓာတ်ပုံ။ ဓာတ်ပုံ-Heritage Images via Getty Images)

Turtle Bay Gardens သည် ဒုတိယနှင့် တတိယရိပ်သာလမ်းများအကြား ၊ အရှေ့ ၄၈ လမ်းနှင့် ၄၉ လမ်းကြားတွင် တည်ရှိပြီး နှစ်ပေါင်းများစွာ ကာလအတွင်း အကျော်ဒေးယျပုဂ္ဂိုလ်တို့ အခြေချခဲ့ကြဖူးသည်။ ၁၉၂၀ ပြည့်နှစ်တွင် Charlotte Hunnewell Sorchan ဆိုသူက ဝန်းကျင်မြေကွက်များကို ဝယ်ယူပြီး စည်းလုံးသော အသိုက်အဝန်းတစ်ခုအဖြစ် ပြောင်းလဲခဲ့သည်။

(▲ နေအိမ်၏ နားနေဆောင်မှတဆင့် လျှို့ဝှက်ဥယျာဉ်ဆီသို့ ပေါက်သည်။ ဓာတ်ပုံ-Travis Mark for Sotheby’s International Realty)

(▲ မီးဖိုဆောင်။ ဓာတ်ပုံ-Travis Mark for Sotheby’s International Realty)

(▲ နံနက်စာ စားသည့်နေရာ။ ဓာတ်ပုံ-Travis Mark for Sotheby’s International Realty)

(▲ ဒုတိယထပ် ဧည့်ခန်း။ ဓာတ်ပုံ-Travis Mark for Sotheby’s International Realty)

(▲ ပဉ္စမထပ်တွင် လသာဆောင်တစ်ခု ပါဝင်သည်။ ဓာတ်ပုံ-Travis Mark for Sotheby’s International Realty)

(▲ တတိယထပ်ရှိ အိပ်ခန်း ၂ ခန်းအနက်မှ တစ်ခန်း။ ဓာတ်ပုံ-Travis Mark for Sotheby’s International Realty)

လျှို့ဝှက်ဥယျာဉ်ရှိ နေအိမ်များတွင် နေထိုင်ခဲ့သူများအနက် အထင်ရှားဆုံးပုဂ္ဂိုလ်မှာ ဘော့ဘ်ဒိုင်လန် ဖြစ်သည်။ ဘော့ဘ်ဒိုင်လန်သည် အရှေ့ ၄၉ လမ်း၊ အမှတ် ၂၄၂ တွင် ဆယ်စုနှစ် ၂ ခုကြာ နေထိုင်ခဲ့သည်။ ကာလအားဖြင့် ၁၉၈၀ ပြည့်လွန်မှသည် ၂၀၀၅ ခုနှစ်အထိ ဖြစ်သည်။ ဘော့ဘ်ဒိုင်လန်၏ နေအိမ်မှာ ၂၀၂၄ ခုနှစ်၊ ဒီဇင်ဘာလအတွင်းက ကန်ဒေါ်လာ ၇ ဒသမ ၂၅ သန်းဖြင့် အရောင်းဈေးကွက်ဝင်ခဲ့ပြီး ဖေဖော်ဝါရီလတွင် အရောင်းအဝယ်တည့်သွားသည်။ (ဆက်စပ်သတင်း) ► သီချင်းစာသားများအတွက် စာပေနိုဘယ်ဆုရခဲ့သည့် ကမ္ဘာ့တစ်ဦးတည်းသော အဆိုတော် ဘော့ဘ် ဒိုင်လန်က ကာလကြာရှည်နေထိုင်ခဲ့သော နယူးယောက်နေအိမ်ကို ကန်ဒေါ်လာ ၇ ဒသမ ၂၅ သန်းဖြင့် အရောင်းဈေးကွက်တင်လာ https://www.imyanmarhouse.com/news/read/1133076

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com Ref:  NYC townhouse hidden in an ultra-exclusive garden enclave where Bob Dylan once lived asks $11.5M for sale Photo Credit-Travis Mark for Sotheby’s International Realty, Heritage Images via Getty Images