[အင်္ဂလန်ရဲ့ ဈေးအသက်သာဆုံးအိမ်] အင်္ဂလန်တွင် အိပ်ခန်း ၃ ခန်းပါ နေအိမ်တစ်လုံး ၁ ပေါင်မျှဖြင့် အရောင်းဈေးကွက်ဝင်လာ

ဗြိတိန်တွင် အိပ်ခန်း ၃ ခန်း၊ ခုံးထွက်ပြတင်းများ၊ ရှုခင်းအလှများပိုင်ဆိုင်ထားသော အိမ်တစ်လုံး ၁ ပေါင်မျှဖြင့် အရောင်းဈေးကွက်ဝင်လာသည်။

တည်နေရာမှာ ဟမ့်ပ်ရှိုင်းယား ကောင်တီ၊ New Forest ခရိုင်တွင် ဖြစ်သည်။

အမျိုးသားစာရင်းအင်းရုံးမှ အချက်အလက်များအရ New Forest ခရိုင်တွင် ပြီးခဲ့သော ဒီဇင်ဘာလအတွင်း ပျမ်းမျှအိမ်ဈေးမှာ ပေါင် ၃၈၉၀၀၀ ဖြစ်သည်ဟု ဆိုသည်။

(▲ bowling green ကစားကွင်း၏ စိမ်းလန်းသောရှုခင်းများ တွေ့မြင်ရသည်။ ဓာတ်ပုံ-Mitchells Estate Agents, New Milton)

(▲ New Forest ခရိုင်၊ New Milton ဈေးမြို့လေး၏ မြိ့လယ်တွင် တည်ရှိသည်။ ဓာတ်ပုံ-Mitchells Estate Agents, New Milton)

(▲ ပြန်လည်မွမ်းမံဆောက်လုပ်နိုင်သည့် အလားအလာရှိသည်။ ဓာတ်ပုံ-Mitchells Estate Agents, New Milton)

Whitefield လမ်းရှိ နေအိမ်ထဲသို့ ဝင်လိုက်သည်နှင့် သစ်ကြမ်းခင်းက ဆီးကြိုနေမည် ဖြစ်သည်။

မြေညီထပ်တွင် နေအိမ်ရှေ့ကို တွေ့မြင်ရသော ကြီးမားသည့် ခုံးထွက်ပြတင်းကြီးများပါသော နားနေခန်း/ညစာစားခန်း ရှိသည်။

မီးဖိုဆောင်တွင် နံရံကပ်နှင့် အောက်ခြေဗီရိုအံများပါဝင်ပြီး အိမ်ပြင်သို့ထွက်သည့် တံခါးပေါက်တစ်ခု ရှိသည်။

အောက်ထပ်တွင် အိပ်ခန်းနှင့်၊ ရေချိုးခန်းတစ်ခန်းလည်းပါဝင်ပြီး အိပ်ခန်းတွင်လည်း သစ်ကြမ်းခင်းများ ဖြစ်သည်။

အပေါ်ထပ်တွင် အခြား နားနေခန်း/ညစာစားခန်းတစ်ခုရှိပြီး bay window ကြီးတစ်ခုပါဝင်ကာ အပြင်ဘက်ဆီရှိ bowling green ၏ စိမ်းလန်းသောရှုခင်းများကို တွေ့မြင်နေရသည်။

မီးဖိုဆောင်နှင့် double bedroom တို့တွင် built-in storage နေရာများ ပါသည်။

အနီးတွင် ရထားဘူတာရုံ ၂ ခုရှိရာ ၁ ဒသမ ၄ မိုင်အကွာတွင် New Milton ဘူတာနှင့် ၂ ဒသမ ၅ မိုင်အကွာတွင် Sway ဘူတာရုံတို့ ဖြစ်သည်။

New Milton မြို့လယ်တွင် တည်ရှိသော ယခုအိမ်မှာ အလုံးစုံပြန်လည်ပြုပြင်မှုများ ပြုလုပ်ရန် လိုအပ်နေကြောင်း ရောင်းချပေးမည့် ကုမ္ပဏီဖြစ်သည့် Mitchells အကျိုးဆောင်ကုမ္ပဏီက ပြောသည်။

ယခုနေအိမ်ကို ကြမ်းခင်းဈေး ၁ ပေါင် သတ်မှတ်ထားပြီး ချိတ်ပိတ် တင်ဒါဖြင့် ရောင်းချသွားမည်ဖြစ်ကာ ဝယ်ယူလိုသူတို့အနေဖြင့် ၂၀၂၅ ခုနှစ်၊ မတ်လ ၃၁ ရက် မွန်းတည့်ချိန်မတိုင်မီ နောက်ဆုံးထားကာ ဆက်သွယ်ဝယ်ယူနိုင်ကြောင်း Mitchells က ထုတ်ပြန်ထားသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: CHEAP STREET-Britain’s cheapest home with 3 bedrooms, huge bay windows & spectacular views goes on sale for just £1 Photo Credit- Mitchells Estate Agents, New Milton