ဗဟုသုတ | Posted by နှင်းအိခင်
နှစ်ကူးဖို့နီးလာတာနဲ့အမျှ အွန်လိုင်းပေါ်မှာ နှစ်သစ်အတွက်ကံကောင်းစေမယ့်အနောက်တိုင်းအစီအမံလေးတစ်ခု နာမည်ကြီးလာပြန်ပါတယ်။ အဲ့တာကတော့ ထမင်းစားပွဲအောက်မှာ ငုံ့ပြီးစားရတဲ့ စပျစ်သီး ၁၂ လုံးအကြောင်းပါပဲ။ အဲ့တော့ စားပွဲအောက်က စပျစ်သီး ၁၂ လုံးအစီအရင်လေးကို အသေးစိတ်လေး ပြောပြချင်ပါတယ်။
12 Grapes Under The Table AT Midnight ဆိုတဲ့အတိုင်းပဲ နှစ်သစ်ကူး ည ၁၂ နာရီမှာ စပျစ်သီး ၁၂ လုံးစားရမယ့် အစီအရင်လေးပါ။ ထူးခြားတာက သူ့မှာကန့်သတ်ချက်တွေရှိနေပါတယ်။ စပျစ်သီး ၁၂ လုံးဟာ နှစ်သစ်ရဲ့ လ ၁၂ လတာကိုရည်ညွှန်းတာဖြစ်ပါတယ်။ စပျစ်သီးတစ်လုံးစီကို ည ၁၂ နာရီထိုးတဲ့အချိန် နာရီမှ ၁၂ ချက်မြည်တဲ့အခါမှာစားရပါမယ်။ စက္ကန့်မှာ တစ်ချက်မြည်တာဆိုတော့ စပျစ်သီး ၁၂ လုံးကို ၁၂ စက္ကန့်အတွင်း မနားတမ်းစားရမှာပါ။ အကယ်၍ နာရီမြည်တာကို မကြားနိုင်တဲ့နေရာမှာရောက်နေခဲ့ရင်လည်း ကိုယ့်လက်ပတ်နာရီကနေ ၁၂ နာရီထိုးကနေ တစ်စက္ကန့်စီရေတွက်သွားပြီး စပျစ်သီးစားလို့ရပါတယ်။ အသီးနင်တာ စားချိန်ကြာတာမဖြစ်ရအောင် စပျစ်သီးအလုံးသေးလေးတွေ ရွေးထားဖို့တော့လိုပါမယ်။ စပျစ်သီးစားရမယ့်နေရာကတော့ စားပွဲခုံအောက်မှာ ငုံ့စားရမှာပါ။ စားပွဲခုံမရှိတဲ့အခါ စာရေးစားပွဲအမြင့်အောက် ငုံ့ဝင်စားလဲရပါတယ်။ စပျစ်သီးမစားခင်မှာ ကိုယ်ဖြစ်ချင်တဲ့ဆုတောင်းများကို စိတ်ထဲကဆုတောင်းနိုင်ပါတယ်။ စပျစ်သီး ၁၂ လုံးစာအတွက် ဆုတောင်း ၁၂ ခုပါ။ ဆုတောင်းတစ်ခုထဲကိုပဲ ထပ်ခါဆုတောင်းလို့ရပါသေးတယ်။ နောက်ထပ်တစ်မျိုးကတော့ စပျစ်သီးစားနေတဲ့အချိန်မှာ အချစ်ရေးကံကောင်းစေဖို့အတွက် အနီရောင်အတွင်းခံ၊ နှစ်သစ်မှာပိုမိုပျော်ရွှင်စေဖို့အတွက် အဝါရောင်အတွင်းခံ၊ ငွေကြေးပြည့်စုံချမ်းသာမှုအတွက် အစိမ်းရောင်အတွင်းခံ သုံးမျိုးရှိပြီး ကြိုက်နှစ်သက်ရာကိုဝတ်ထားနိုင်ပါတယ်။ ဆုတောင်းလေးတွေတကယ်ပြည့်တာကြောင့် တစ်ယောက်နဲ့တစ်ယောက် လက်ဆင့်ကမ်းလာခဲ့ရင်း ဒီအစီအရင်လေးက အွန်လိုင်းအသုံးပြုသူများကြားနာမည်ကြီးလို့လာပါတယ်။ အထူးသဖြင့် အတွင်းခံအနီရောင်လေးဝတ်ပြီး အချစ်ရေးပိုမိုကံကောင်းလာစေရန်အတွက် ရည်ရွယ်စားသုံးကြတာပါ။ ကဲ နှစ်သစ်လည်း နီးလာပြီဆိုတော့ အချစ်ရေးမှာကျွန်းခံနေသူများ Try ကြည့်လိုက်တော့နော်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
