ကမ္ဘာ့လက်ဝှေ့ချန်ပီယံ ဖလွိုက်မေဝယ်သာက နယူးယောက်မြို့တွင် တိုက်ခန်းတစ်ခန်းကို တစ်လလျှင် ဒေါ်လာ ၁ သိန်းဖြင့် ငှားရမ်း

ကမ္ဘာ့လက်ဝှေ့ချန်ပီယံ ၂ ကြိမ်ရရှိထားပြီး လက်ဝှေ့လောကမှ အနားယူထားသူ ဖလွိုက်မေဝယ်သာသည် နယူးယောက်မြို့ မန်ဟက်တန်အရပ်ရှိ နေအိမ်ခန်းတစ်ခန်းကို တစ်လလျှင် ဒေါ်လာ ၁ သိန်းဖြင့် ငှားရမ်းခဲ့သည်။

လူမှုကွန်ရက်တွင် Follower သန်း ၃၀ ရှိသူ မေဝယ်သာ ငှားရမ်းခဲ့သည်မှာ အနောက် ၅၃ လမ်း၊ အမှတ် ၂၀ ရှိ Baccarat Hotel and Residences မှ Duplex အခန်းဖြစ်သည်။

(ဖလွိုက်မေဝယ်သာ။ ဓာတ်ပုံ-Getty Images)

(မီးဖိုဆောင်။ ဓာတ်ပုံ-DDReps)

(အပန်းဖြေရန် နေရာများစွာ ရှိသည်။ ဓာတ်ပုံ-DDReps)

(စတုရန်းပေ ၃၁၀၀ ကျယ်ဝန်းသော သီးသန့်လသာဆောင် ပိုင်ဆိုင်ထားသည်။ ဓာတ်ပုံ-DDReps)

(အိပ်ခန်း ၅ ခန်းအနက်မှ တစ်ခန်း။ ဓာတ်ပုံ-DDReps)

(အခန်းတွင်းမှ Column တိုင်များ။ ဓာတ်ပုံ-DDReps)

(အရက်ဘားနှင့် Wine fridge။ ဓာတ်ပုံ-DDReps)

မေဝယ်သာသည် နယူးယောက်မြို့တွင် နေအိမ်လိုက်လံရှာဖွေခဲ့ရာတွင် Uber တည်ထောင်သူ Travis Kalanick ပိုင်ဆိုင်သော တစ်လလျှင် ဒေါ်လာ ၁၅၀၀၀၀ ပေးရမည့်အခန်းအပြင် ဒေါ်လာ ၄၉ ဒသမ ၅ သန်းတန် နေအိမ်တစ်လုံးတို့ကိုလည်း ကြည့်ရှုခဲ့သေးသည်။

နောက်ဆုံးတွင် စတုရန်းပေ ၄၁၇၈ ကျယ်ဝန်းပြီး အိပ်ခန်း ၅ ခန်းပါသော ယခု Duplex ခန်းကို ရွေးချယ်လိုက်ခြင်း ဖြစ်သည်။

Gemstone Terrace ဟု လူသိများသော ယခု duplex ခန်းမှာ အဆောက်အအုံ၏ ၁၈ ထပ်နှင့် ၁၉ ထပ်တို့တွင် ဖြန့်ကျက်တည်ရှိသည်။

(full bathroom ၅ ခန်းနှင့် half bathroom ၂ ခန်းပါဝင်သည်။ ဓာတ်ပုံ-DDReps)

(အိမ်ခန်းနောက်ဘက်မှ တွေ့မြင်ရသော နယူးယောက်မြို့ကြီး၏ မြင်ကွင်း။ ဓာတ်ပုံ-DDReps)

Duplex ခန်းတွင် eat-in kitchen ၊ ရေချိုးခန်း ၇ ခန်း၊ အပန်းဖြေဧည့်ခံရန် နေရာများစွာ၊ စတုရန်းပေ ၃၁၀၀ ကျယ်ဝန်းသော သီးသန့်လသာဆောင်တို့ ပါဝင်သည်။

Baccarat Residential ကွန်ဒိုခန်းနေထိုင်သူတစ်ဦးအဖြစ် မေဝယ်သာအနေဖြင့် အားကစားလေ့ကျင့်ခန်းမ၊ ရေကူးကန်နှင့် Concierge တို့အပါအဝင် Baccarat ဟိုတယ်၏ ဝန်ဆောင်မှုများ ရရှိမည် ဖြစ်သည်။

ဈေးကွက်တင်ပေးသော အကျိုးဆောင်များမှာ Compass အိမ်ခြံမြေကုမ္ပဏီမှ Ryan Garson နှင့် Brian K.Lewis တို့ ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Floyd Mayweather Jr. inks a $100K/month deal for a home in NYC: ‘It’s a high price — a record — for a Midtown rental’ (nypost) Photo Credit-DDReps, Getty Images