ဟောလိဝုဒ်ရုပ်ရှင်မင်းသား Mark Wahlberg သြစတေးလျတွင် Play Dirty ရုပ်ရှင်ဇာတ်ကားသစ် ရိုက်ကူးနေစဉ် ဆစ်ဒနီမြို့ရှိ ဒေါ်လာ သန်း ၁၀၀ တန်စံအိမ်ကြီး၌ ငှားရမ်းနေထိုင်

[Unicode]

အော်စကာဆုရ The Departed ဇာတ်ကားတွင် ပါဝင်သရုပ်ဆောင်ခဲ့သူ ဟောလိဝုဒ်ရုပ်ရှင်မင်းသား မာ့ခ် ဝါးလ်ဘာ့ဂ် (Mark Wahlberg) သည် သူ၏ ရုပ်ရှင်ဇာတ်ကားသစ် Play Dirty တွင် ပါဝင်သရုပ်ဆောင် နေစဉ်အတွင်း ဆစ်ဒနီမြို့ရှိ ၃ ထပ်စံအိမ်ကြီးတစ်လုံးကို ငှားရမ်းနေထိုင်ခဲ့သည်။

အဆိုပါစံအိမ်ကြီးသည် ၂၀၂၀ ပြည့်နှစ်၊ ဧပြီလအတွင်းက ဒေါ်လာ ၅၁ သန်းဖြင့် အရောင်းအဝယ်ဖြစ်ခဲ့ပြီး ပိုင်ရှင်ပြောင်းလဲခဲ့ကာ ဆစ်ဒနီ၏ အိမ်ခြံမြေဈေးနှုန်း မြင့်တက်မှုများကြောင့် ယခုအခါ ဝယ်ဈေးထက် ၂ ဆခန့် တန်ကြေးရှိနေပြီဟု ခန့်မှန်းရသည်။

အထင်ကရ ဆစ်ဒနီဆိပ်ကမ်းကို စီးမိုးတွေ့မြင်ရပြီး ဆစ်ဒနီ၏ ဂုဏ်ရှိန်အကြီးဆုံးနေရာဟု သတ်မှတ်ထားကြ သော Point Piper အရပ်တွင် တည်ရှိသည်။

(ကျယ်ပြောသော deck နေရာ။ ဓာတ်ပုံ-Domain)

(outdoor ရေကူးကန်များအနက်မှ တစ်ခု။ ဓာတ်ပုံ-Domain)

(ဆစ်ဒနီဆိပ်ကမ်းကို စီးမိုးတွေ့မြင်ရသော ရေချိုးခန်း။ ဓာတ်ပုံ-Domain)

မာ့ခ် ဝါးလ်ဘာ့ဂ်ငှားရမ်းနေထိုင်သော စံအိမ်ကြီးမှာ သြစတေးလျ ဝန်ကြီးချုပ်ဟောင်း Malcolm Turnbull နှင့် ဘီလျံနာသူဌေးကြီး Scott Farquhar တိို့၏ စံအိမ်အနီးတွင် တည်ရှိသည်ဟု ဆိုသည်။

စံအိမ်အတွင်း အိပ်ခန်း ၅ ခန်း၊ ကျယ်ဝန်းသော လသာဆောင်၊ ရေကူးကန်များစွာ၊ အိမ်တွင်းရုပ်ရှင်ရုံနှင့် ကား ၇ စင်းဆန့် ကားဂိုဒေါင်တို့ ပါဝင်သည်။ ဒေါ်လာ သန်း ၆၀၀ ချမ်းသာကြွယ်ဝသူ၊ အသက် ၅၂ နှစ်အရွယ်ရှိ မာ့ခ် ဝါးဘာ့ဂ်က The Daily Telegraph သတင်းဌာနသို့ ပြောသည်မှာ “ကျွန်တော်က ဒီအိမ်ရဲ့ပိုင်ရှင်မဟုတ်ပါဘူး။ အိမ်ကတော့ တကယ်ကောင်း ပါတယ်။ အခက်အခဲတစ်ခုက မိသားစုနဲ့ အရမ်းဝေးတာပါပဲ” ဟု ဆိုသည်။

(အိမ်တွင်း ရုပ်ရှင်ရုံ။ ဓာတ်ပုံ-Domain)

(ဝိုင်သိုလှောင်ခန်း။ ဓာတ်ပုံ-Domain)

(အိပ်ခန်းမှတဆင့် အထင်ကရ ဆစ်ဒနီဆိပ်ကမ်းအား တွေ့ရပုံ။ ဓာတ်ပုံ-Domain)

ရုပ်ရှင်ရိုက်ကူးခြင်းများမှ အားလပ်ချိန်များတွင် မာ့ခ် ဝါးလ်ဘာ့ဂ်သည် ၎င်းပူးတွဲတည်ထောင်ထားသော Municipal အမှတ်တံဆိပ်နှင့် ရင်းနှီးမြှုပ်နှံမှုများ အဓိက ပါဝင်ထားသော Ultra-premium Tequila အမှတ်တံဆိပ်တို့အတွက် ရောင်းအားမြှင့်တင်မှုများ ပြုလုပ်ပေးလျက်ရှိသည်။

(မာ့ခ်ဝါးလ်ဘာ့ဂ်က Ultra-premium Tequila အား ရောင်းအားမြှင့်တင်မှုများ ပြုလုပ်ပေးသည်။ ဓာတ်ပုံ-Zach Margolius)

(မာ့ခ်ဝါးလ်ဘာ့ဂ်နှင့် ဂေါက်ကွင်းပိုင်ရှင် Greta Packer တို့ကို Ellerston ဂေါက်ကွင်းတွင် တွေ့ရပုံ။ ဓာတ်ပုံ-Mark Wahlberg)

(Ellerston ဂေါက်ကွင်း။ ဓာတ်ပုံ-Ellerston Golf Course)

မာ့ခ်ဝါးလ်ဘာ့ဂ်သည် Play Dirty ဇာတ်ကားတွင် အော်စကာဆု ဇကာတင်စာရင်းဝင် LaKeith Stanfield, Dermot Mulroney, Rosa Salazar တို့နှင့်အတူ ပါဝင်သရုပ်ဆောင်ထားပြီး Iron Man 3 ရိုက်ကူးခဲ့သော ဒါရိုက်တာ Shane Black က ရိုက်ကူးထားသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Hollywood star Mark Wahlberg based in $100m Sydney Harbour mansion while shooting new film Play Dirty (perthnow)

Photo Credit: Domain, Zach Margolius, Mark Wahlberg, Ellerston Golf Course

ေဟာလိဝုဒ္ရုပ္ရွင္မင္းသား Mark Wahlberg ၾသစေတးလ်တြင္ Play Dirty ရုပ္ရွင္ဇာတ္ကားသစ္ ရိုက္ကူးေနစဥ္ ဆစ္ဒနီျမိဳ႕ရွိ ေဒၚလာ သန္း ၁၀၀ တန္စံအိမ္ၾကီး၌ ငွားရမ္းေနထိုင္

ေအာ္စကာဆုရ The Departed ဇာတ္ကားတြင္ ပါဝင္သရုပ္ေဆာင္ခဲ့သူ ေဟာလိဝုဒ္ရုပ္ရွင္မင္းသား မာ့ခ္ ဝါးလ္ဘာ့ဂ္ (Mark Wahlberg) သည္ သူ၏ ရုပ္ရွင္ဇာတ္ကားသစ္ Play Dirty တြင္ ပါဝင္သရုပ္ေဆာင္ ေနစဥ္အတြင္း ဆစ္ဒနီျမိဳ႕ရွိ ၃ ထပ္စံအိမ္ၾကီးတစ္လံုးကို ငွားရမ္းေနထိုင္ခဲ့သည္။

အဆိုပါစံအိမ္ၾကီးသည္ ၂၀၂၀ ျပည့္ႏွစ္၊ ဧျပီလအတြင္းက ေဒၚလာ ၅၁ သန္းျဖင့္ အေရာင္းအဝယ္ျဖစ္ခဲ့ျပီး ပိုင္ရွင္ေျပာင္းလဲခဲ့ကာ ဆစ္ဒနီ၏ အိမ္ျခံေျမေစ်းႏႈန္း ျမင့္တက္မႈမ်ားေၾကာင့္ ယခုအခါ ဝယ္ေစ်းထက္ ၂ ဆခန္႔ တန္ေၾကးရွိေနျပီဟု ခန္႔မွန္းရသည္။

အထင္ကရ ဆစ္ဒနီဆိပ္ကမ္းကို စီးမိုးေတြ႔ျမင္ရျပီး ဆစ္ဒနီ၏ ဂုဏ္ရွိန္အၾကီးဆံုးေနရာဟု သတ္မွတ္ထားၾက ေသာ Point Piper အရပ္တြင္ တည္ရွိသည္။

(က်ယ္ေျပာေသာ deck ေနရာ။ ဓာတ္ပံု-Domain)

(outdoor ေရကူးကန္မ်ားအနက္မွ တစ္ခု။ ဓာတ္ပံု-Domain)

(ဆစ္ဒနီဆိပ္ကမ္းကို စီးမိုးေတြ႔ျမင္ရေသာ ေရခ်ဳိးခန္း။ ဓာတ္ပံု-Domain)

မာ့ခ္ ဝါးလ္ဘာ့ဂ္ငွားရမ္းေနထိုင္ေသာ စံအိမ္ၾကီးမွာ ၾသစေတးလ် ဝန္ၾကီးခ်ဳပ္ေဟာင္း Malcolm Turnbull ႏွင့္ ဘီလ်ံနာသူေဌးၾကီး Scott Farquhar တိုိ႔၏ စံအိမ္အနီးတြင္ တည္ရွိသည္ဟု ဆိုသည္။

စံအိမ္အတြင္း အိပ္ခန္း ၅ ခန္း၊ က်ယ္ဝန္းေသာ လသာေဆာင္၊ ေရကူးကန္မ်ားစြာ၊ အိမ္တြင္းရုပ္ရွင္ရံုႏွင့္ ကား ၇ စင္းဆန္႔ ကားဂိုေဒါင္တို႔ ပါဝင္သည္။ ေဒၚလာ သန္း ၆၀၀ ခ်မ္းသာၾကြယ္ဝသူ၊ အသက္ ၅၂ ႏွစ္အရြယ္ရွိ မာ့ခ္ ဝါးဘာ့ဂ္က The Daily Telegraph သတင္းဌာနသို႔ ေျပာသည္မွာ “ကၽြန္ေတာ္က ဒီအိမ္ရဲ႕ပိုင္ရွင္မဟုတ္ပါဘူး။ အိမ္ကေတာ့ တကယ္ေကာင္း ပါတယ္။ အခက္အခဲတစ္ခုက မိသားစုနဲ႔ အရမ္းေဝးတာပါပဲ” ဟု ဆိုသည္။

(အိမ္တြင္း ရုပ္ရွင္ရံု။ ဓာတ္ပံု-Domain)

(ဝိုင္သိုေလွာင္ခန္း။ ဓာတ္ပံု-Domain)

(အိပ္ခန္းမွတဆင့္ အထင္ကရ ဆစ္ဒနီဆိပ္ကမ္းအား ေတြ႔ရပံု။ ဓာတ္ပံု-Domain)

ရုပ္ရွင္ရိုက္ကူးျခင္းမ်ားမွ အားလပ္ခ်ိန္မ်ားတြင္ မာ့ခ္ ဝါးလ္ဘာ့ဂ္သည္ ၎ပူးတြဲတည္ေထာင္ထားေသာ Municipal အမွတ္တံဆိပ္ႏွင့္ ရင္းႏွီးျမွဳပ္ႏွံမႈမ်ား အဓိက ပါဝင္ထားေသာ Ultra-premium Tequila အမွတ္တံဆိပ္တို႔အတြက္ ေရာင္းအားျမွင့္တင္မႈမ်ား ျပဳလုပ္ေပးလ်က္ရွိသည္။

(မာ့ခ္ဝါးလ္ဘာ့ဂ္က Ultra-premium Tequila အား ေရာင္းအားျမွင့္တင္မႈမ်ား ျပဳလုပ္ေပးသည္။ ဓာတ္ပံု-Zach Margolius)

(မာ့ခ္ဝါးလ္ဘာ့ဂ္ႏွင့္ ေဂါက္ကြင္းပိုင္ရွင္ Greta Packer တို႔ကို Ellerston ေဂါက္ကြင္းတြင္ ေတြ႔ရပံု။ ဓာတ္ပံု-Mark Wahlberg)

(Ellerston ေဂါက္ကြင္း။ ဓာတ္ပံု-Ellerston Golf Course)

မာ့ခ္ဝါးလ္ဘာ့ဂ္သည္ Play Dirty ဇာတ္ကားတြင္ ေအာ္စကာဆု ဇကာတင္စာရင္းဝင္ LaKeith Stanfield, Dermot Mulroney, Rosa Salazar တို႔ႏွင့္အတူ ပါဝင္သရုပ္ေဆာင္ထားျပီး Iron Man 3 ရိုက္ကူးခဲ့ေသာ ဒါရိုက္တာ Shane Black က ရိုက္ကူးထားသည္။

Ref: Hollywood star Mark Wahlberg based in $100m Sydney Harbour mansion while shooting new film Play Dirty (perthnow)

Photo Credit: Domain, Zach Margolius, Mark Wahlberg, Ellerston Golf Course