လူရယ်လို့ ဖြစ်လာလျှင် မိမိ၏ ဘဝခရီးလမ်းဝယ် ငွေကြေး၊ ပစ္စည်း နှင့် အြ ခားသော ကိစ္စရပ်များအတွက် စာချုပ်စာတမ်းများ ချုပ်ဆိုရမည်မှာ မလွဲပေ။ ထိုသို့ချုပ်ဆိုရာတွင် ဥပဒေနှင့်ညီညွတ်မှ ဆုံးရှုံးမှုနှင့် ကင်းဝေးပေမည်။
တချို့လူများသည် အိမ်ခြံမြေဝယ်ယူရာ၌လည်းကောင်း၊ ကိစ္စကြီးငယ် ဆောင် ရွက်ရာ၌လည်းကောင်း တတ်ကျွမ်းနားလည်သည့် ရှေ့နေရှေ့ရပ်များကို ဥာဏ်ပူဇော်ခ သိန်းချီပေး၍ ငှားကြလေသည်။ တချို့လူများမှာမူ အသင့် ရိုက်နှိပ်ထားသည့် စာချုပ်များ ဝယ်ယူ၍ အလွယ်တကူ ချုပ်ဆိုကြသည်။ ပိုင် ဆိုင်မှု အားနည်းသည့် ကိစ္စနှင့်ကြုံတွေ့က ဆုံးရှုံးမှုနှင့် ရင်ဆိုင်ကြရလေသည်။
စာချုပ်ချုပ်ဆိုရာ၌ အဓိကအချက် (၃) ချက် ရှိပါသည်။ ပထမအချက်မှာ ပိုင် ဆိုင်မှုစာရွက်စာတမ်းများ မှန်မမှန်၊ ဒုတိယအချက်မှာ လက်ရှိပိုင်ရှင် ဟုတ်မ ဟုတ်နဲ့ သက်ဆိုင်ရာ ဥပဒေများနှင့် ညီညွတ်မှု ရှိမရှိ ဖြစ်လေသည်။
တချို့လူများသည် ပစ္စည်း (အိမ်၊ မြေ၊ တိုက်ခန်း) ၏ အနေအထားကို ဂဃ ဏန မသိဘဲ အခြားသူများ ချုပ်ဆိုသည့် စာချုပ်နမူနာအတိုင်း ချုပ်ဆိုကြလေ သည်။ နောင်တွင် ပိုင်ရှင်မဟုတ်သူထံမှ ဝယ်မိသဖြင့် ဆုံးရှုံးကြရလေသည်။
ကျွမ်းကျင်ရာလိမ္မာရာဆိုသလို စာချုပ်ရာ၌လည်း သူ့အတတ်ပညာနှင့်သူ ရှိလေသည်။ တချို့က အရပ်ကတိစာချုပ်များကို စာချုပ်တန်ဖိုးကြီးကြီးနဲ့ချုပ်မှ ခိုင်မာတယ်။ စာချုပ်နောက်ကြောမှာ ကိုယ်တိုင်ထုတ်ဝေတဲ့ စာချုပ်ဖြစ်မှ တရားဝင်တယ်။ ပြီးတော့ စာချုပ်နောက်ကြောမှာ စာရေးရင် တရားမဝင်းဘူး ဟု ဆိုကြလေသည်။ တကယ်တော့ တံဆိပ်ခေါင်းခွန်အက်ဥပဒေက ပြဌာန်း သည့်အတိုင်း သတ်မှတ်တံဆိပ်ခေါင်းခွန် ထမ်းဆောင်မှသာ တရားဝင်ပါ သည်။ လျော့နည်းလျှင်သာ အခက်တွေ့နိုင်ပါသည်။ သို့သော် ဥပဒေအရ ဆုံးရှုံးမှု မရှိနိုင်ပါ။ ပြီးတော့ ယင်းဥပဒေတွင် ကိုယ်တိုင်ထုတ်မှ နောက်ကျော တွင် အဘောတူညီချက်များ မရေးရဟု ပြဌာန်းမထားပါ။
သိန်းပေါင်းသောင်းချီတန်သည့် အိမ်ခြံမြေ အရောင်းအဝယ် စရန်ငွေပေး ကတိစာချုပ်ကို အရပ်ကတိစာချုပ်(၆)ကျပ်တန် (ယခု ၆၀၀ိ/ ) ဖြင့် ချုပ်ဆို လျှင် ဥပဒေနှင့်ညီ၍ ခိုင်မာပါသည်။ မှတ်ပုံတင်စာချုပ် ချုပ်ဆိုက တံဆိပ်ခေါင်း ခွန် ၇% ၊ နယ် ၅% (မှတ်ချက် ။ ။ အချိန်နှင့်အမျှ ဈေနှုန်း ပြောင်းနိုင်ပါသည်) သတ်မှတ်သဖြင့် တံဆိပ်ခေါင်းခွန် သိန်းချီ၍ ထမ်းဆောင်ရပါမည်။ ဤခြားနား ချက်ကို သတိချပ်ဖို့ လိုပါသည်။
တစ်ဖန် ပိုင်ရှင်ဟုဆိုရာ၌ လက်ရှိအမည်ပေါက်ပိုင်ရှင် ဖြစ်ရပါမည်။ မပိုင် သူက ရောင်း၍မရပါ။ လင်းမယား နှစ်ဦး အမည်ပေါက်က နှစ်ဦးစလုံး ပါဝင် ရပါမည်။ လင်(သို့မဟုတ်) မယားကွယ်လွန်က အမွေခံလင် (သို့မဟုတ်) မယားဖြစ်ရပါမည်။ မိဘနှစ်ပါး ကွန်လွန်က အမွေခံကိတ္တိမ သားသမီး အပါအ ဝင် သားရင်းသမီးရင်းများ၊ အမွေမီမြေးနှင့် အမွေမမီ မြေးများ ပါဝင်ရပါမည်။ အချို့လက်ရှိ နေထိုင်သူ အိမ်ငှားနှင့် ကျုးကျော်သူများထံမှ ဝယ်ယူမိသဖြင့် နစ်နာဆုံးရှုံးသူများလည်း မနည်းပေ ။
တချို့လူများမှာ အရေးပေါ် ငွေလိုသဖြင့် အခြားသူအမည်ပေါက် ပိုင်ဆိုင် သည့် အိမ်မြေ/တိုက်ခန်းများကို နိုတြီပါဝါဖြင့် ရောင်းဝယ်ကြရာ ပိုင်ရှင်ဖြစ်သူ မှ ထိုသူအား ပါဝါပေးထားခြင်း မရှိသဖြင့် ဝယ်သူမှာ ဆုံးရှုံး နစ်နာရလေ သည်။
ဆိုဦးအံ့ ၊ တချို့မြေရှင်များသည် ကန်ထရိုက်တာနှင့် အခန်းပေးအခန်းယူ စနစ်ဖြင့် မိမိပိုင်မြေပေါ်တွင် ကန်ထရိုက်တိုက်သစ် ဆောက်လုပ်၍ စာချုပ် ရာ၌ တိုက်သစ်ပေးအပ်မည့် ရက်စွဲ မပါသဖြင့် တရားစွဲမရ ဖြစ်ကြရလေ သည်။ တချို့ကန်ထရိုက်တို့သည် တိုက်သစ်ဆောက်ရန်အတွက် မြေရှင်ထံမှ ဂရန်မူရင်းနှင့် အထွေထွေကိုယ်စာလှယ်လွှဲစာများ ယူထားကြပြီး ၊ တိုက်သစ် မဆောက်သည့်အပြင် ထိုမြေကွက်ကို ရောင်းချပေါင်းနှံကြသည့် အတွက် မြေရှင်များ နစ်နာကြရလေသည်။ မြေရှင်အနေဖြင့် GP ကို ပေး သာပေးလိုက်ရသည်။ GP တွင် မည်သည့်အချက်များ ပါသည်ကို မသိပေ။ သိအောင်လည်း မကြိုးစား ။
စာချုပ်ချုပ်ဆိုရာတွင် ပဋိညာန်ဥပဒေကို အဓိကထား၍ ချုပ်ဆိုကြရပါသည်။ ပျက်ပြယ်သည့်အချက်များမှ လွဲ၍ နှစ်ဖက် မိမိဖြစ်ချင်သည့်အချက်များကို ချုပ်ဆိုနိုင်ပါသည်။ ပြည့်စုံလေ ကောင်းလေပါပဲ ။ နှုတ်တရာ စာတစ်လုံးဆိုသ လို နောင်တွင်ပြဿနာဖြစ်က စာချုပ်ပါအချက်များအတိုင်း လိုက်နာကြရလေ သည်။
Credit : Winningland
