ရွှေဈေး ၁၀ သိန်းကျော်၊ တစ်ဒေါ်လာ ၁၅၈၀ ကျပ်ရောက်

မြင့်တက်နေသော အမေရိကန်ဒေါ်လာဈေးနှုန်းသည် ယခုနှစ်အတွင်း ထပ်မံ၍ စံချိန်တင်အမြင့်ဆုံးဈေးအဖြစ် တစ်ဒေါ်လာလျှင် ကျပ် ၁၅၈၀ သို့ ရောက်ရှိပြီး အခေါက်ရွှေဈေးမှာလည်း တစ်ကျပ်သားလျှင် ကျပ် ၁၀ သိန်းကျော်သို့ စံချိန်တင်ရောက်ရှိကြောင်း ငွေကြေးဈေးကွက်နှင့် ရွှေဈေးကွက်များအတွင်းမှ သိရသည်။

ဒေါ်လာဈေးသည် အမြင့်ဈေးဖြင့် ငြိမ်သက်နေရာမှ ပြီးခဲ့သည့်ရက်ပိုင်း အတွင်းမှစတင်၍ ပြန်လည်မြင့်တက်ခဲ့ပြီး ယင်းရက်ပိုင်းကထက် တစ်ဒေါ်လာလျှင် ၂၀ ကျပ်ခန့်အထိ မြင့်တက်လာကြောင်း ရွှေဈေးမှာ ပြီးခဲ့သည့်ရက်ပိုင်းကတည်းက မြင့်တက်နေရာမှ ဆက်လက်မြင့်တက်လာပြီး စံချိန်တင်ဈေးအဖြစ်သို့ ရောက်ရှိလာစေခဲ့ခြင်းဖြစ်ကြောင်း အဆိုပါဈေးကွက်များအတွင်းမှ သိရသည်။

ဒေါ်လာဈေးသည် ဈေးကစားသူများနှင့် သွင်းကုန်အတွက် ဒေါ်လာဝယ်ယူသူများခြင်းကြောင့် မြင့်တက်လာခြင်းဖြစ်ပြီး ဆက်လက်မြင့်တက်လာနိုင်ခြေရှိကြောင်း ဈေးကွက်ကျွမ်းကျင်သူများက သုံးသပ်ပြောကြားသည်။

“ဈေးတက်တာက အမေရိကန်နဲ့ တရုတ်အခြေအနေကြောင့်လည်းပါတယ်။ ဆက်တက်မတက်ကတော့ ပြောရတော့ ခက်တယ်” ဟု ဝါးခယ်မ ငွေလဲကောင်တာပိုင်ရှင် ဒေါက်တာစိုးထွန်းက ပြောဆိုသည်။

ဒေါ်လာဈေးသည် ယခုနှစ်အတွင်း သမိုင်းတစ်လျှောက် အမြင့်ဆုံးအဖြစ် ဩဂုတ်လဒုတိယပတ်အတွင်းက တစ်ဒေါ်လာလျှင် ၁၅၇၅ ကျပ်ဖြင့် စံချိန်တင်ထားရာမှ ယခုအခါ ယင်းဈေးနှုန်းထက် မြင့်တက်သွားခြင်းဖြစ်သည်။

လက်ရှိအမေရိကန်ဒေါ်လာဈေးကွက်အတွင်း ပြည်ပဈေးသည် တစ်ဒေါ်လာလျှင် ၁၅၈၀ ကျပ်၊ ပုဂ္ဂလိကဘဏ်ဈေးသည် တစ်ဒေါ်လာလျှင် ၁၅၈၀ ကျပ်နှင့် ဗဟိုဘဏ်ဈေးသည် တစ်ဒေါ်လာလျှင် ၁၅၅၀ ကျပ်ဈေးရှိကြောင်း ငွေကြေးဈေးကွက်အတွင်းမှ သိရသည်။

ထို့ပြင် ရွှေဈေးနှုန်းများမှာလည်း မြင့်တက်နေပြီး ၁၆ ပဲရည် အခေါက်ရွှေ တစ်ကျပ်သားလျှင် ကျပ်ဆယ်သိန်းနှစ်ထောင့်ငါးရာဈေးရှိကာ ကမ္ဘာ့ရွှေဈေးမှာ တစ်အောင်စလျှင် အမေရိကန်ဒေါ်လာ ၁၁၉၈ ဈေးရှိကြောင်း ရန်ကုန်ရွှေဈေးကွက်အတွင်းမှ သိရသည်။

Credit: The Voice