မန်းအိမ်ခြံမြေစံနှုန်းသတ်မှတ်ချက် ဈေးကွက်ပေါက်ဈေးအတိုင်း ဖြစ်ဖို့တင်ပြ

မန္တလေးတိုင်းအတွင်း အိမ်ခြံမြေစံနှုန်းသတ်မှတ်ထုတ်ပြန်ရာမှာ ဈေးကွက်ပေါက်ဈေးနဲ့ ကိုက်ညီဖို့ မန္တလေးတိုင်းအစိုးရအဖွဲ့ကို တင်ပြထားကြောင်းအကျိုးဆောင် လုပ်ငန်းရှင်တချို့က ပြောပါတယ်
အိမ်ခြံမြေ လွဲပြောင်းရောင်းဝယ်ရာမှာ ပေးဆောင်ရတဲ့ အခွန်နှုန်းတွက်ချက်ဖို့ စံနှုန်းသတ်မှတ်ချက်ကို နှစ်စဉ်ဇွန်၊ ဇူလိုင်လတွေမှာ တစ်နှစ်တစ်ခါ ထုတ်ပြန်လေ့ရှိပါတယ် ။ ၂၀၁၇ ခုနှစ်အတွက် စံနှုန်းသတ်မှတ်ချက်တွေ မကြာခင် ထုတ်ပြန်လာဖို့ ရှိပါတယ် ။

၂၀၁၅/၂၀၁၆ ခုနှစ် စံနှုန်းသတ်မှတ်ချက်ဟာ ဈေးကွက်ပေါက်ဈေးထက် များပြားတာကြောင့် ဝေဖတ်ခံခဲ့ရပါတယ် ။
ဖိုးလမင်းအိမ်ခြံမြေအကျိုးဆောင်လုပ်ငန်းပိုင်ရှင် ဦးဝဏ္ဏစိုးက ‘အိမ်ခြံမြေစံနှုန်းနဲ့ပတ်သက်ပြီး ကျွန်တော်တို့က တိုင်းဒေသကြီးအစိုးရအဖွဲ့ကိုလဲ အကြံပြုတင်ပြထားပါတယ် ၊ လက်ရှိအနေအထားအရောင်းအဝယ်ဖြစ်ထွန်းမှု ဈေးကွက်ကလဲ ပါးတယ် ၊ လျော့ကျသွားတယ် ၊ အရင်စံနှုန်းတွေဟာ ပြင်ပပေါက်ဈေးထက် တချို့နေရာတွေမှာ မြင့်နေတယ်ဆိုတာ အကြံပြုတင်ပြထားတယ်’ လို့ပြောပါတယ် ။

အခုနှစ်အတွက် အိမ်ခြံမြေစံနှုန်းသတ်မှတ်ချက်ကို ၂၀၁၅ ခုနှစ် ၊ ဇွန်လ ၂၃ ရက်က သတ်မှတ်ထုတ်ပြန်ခဲ့တယ် ။ တန်ဖိုးသတ်မှတ်ချက်ဟာ ကာလပေါက်ဈေးထက် ၁၀ ရာခိုင်နှုန်းကနေ ၃၀ ရာခိုင်နှုန်း အထိများပြားတယ်လို့ ဝေဖန်မှုတွေ ထွက်ပေါ်ခဲ့ပါတယ် ။

• 
• 

၂၀၁၅ ခုနှစ်က ထုတ်ပြန်တဲ့ မန္တလေးတိုင်းအိမ်ခြံမြေ ရာဖြတ်တန်ဖိုး စံနှုန်းသတ်မှတ်ချက်တွေကို လေ့လာရာမှာ တစ်ဧကစံနှုန်းနဲ့ ထုတ်ပြန်လေ့ရှိတာ တွေ့ရပါတယ်။

မန္တလေးအိမ်ခြံမြေဈေးကွက်ဟာ တစ်ဧကအလိုက် ရောင်းဝယ်တာမဟုတ်လို့ ဧကစံနှုန်းသတ်မှတ်ချက်က အမှန်တကယ်အရောင်းအဝယ်ဖြစ်တဲ့ တန်ဖိုးနဲ့ ကွာခြားတယ်လို့ ဆိုပါတယ် ။

ဥပမာ မြို့သစ် ၆၂ လမ်းပေါ်မေးတင်အကွက်က သိန်း ၁၀,၀၀ ကျပ်ပေါက်ရင် အဲသည်မြေကွက်နဲ့ တစ်ဆက်တည်းရှိနောက်အကွက်ဟာ ကျပ်သန်း ၂၅၀၀ ခန့်သာပေါက်ဈေးရှိတယ် ။ တစ်ဧက စံနှုန်းသတ်မှတ်ချက်ကြောင့် သိန်း ၂၅၀၀ ခန့်သာပေါက်ဈေးရှိတဲ့ နောက်အကွက်က လမ်းပေါ်မေးတင်အကွက်နည်းတူ အခွန်စံနှုန်းသတ်မှတ်ချက်ထဲ အကျုံးဝင်နေတယ်လို့ သိရတယ် ။

ဈေးကွက်ပေါက်ဈေးနဲ့ စံနှုန်းသတ်မှတ်ချက်ကြား ပွဲပြားမှုက အခွန်ရှောင်စေတယ်လို့ အိမ်ခြံမြေအကျိုးဆောင် အချို့က ဆိုပါတယ် ။

မန္တလေးအိမ်ခြံမြေဈေးကွက်စံနှုန်းထုတ်ပြန်ရာမှာ နေရာအနေအထားအလိုက် တစ်စတုရန်းပေနှုန်းနဲ့ သတ်မှတ်ပေးစေချင်တယ်လို့ အကျိုးဆောင်အချို့က ပြောပါတယ် ။



Credit: The Modern