နှစ်ပေါင်း ၆၅၀ ကျော် မျိုးရိုးစဉ်ဆက်ထိန်းသိမ်းလာခဲ့ကြသော အလယ်ခေတ်ရဲတိုက်ကြီးတစ်လုံးကို လေလံတင်ရောင်းချတော့မည်
အီတလီနိုင်ငံ၊ အရှေ့မြောက်ပိုင်း၊ ဗင်းနစ်မြို့အနီးရှိ ဒိုလိုမိုက်တောင်တန်းပေါ်တွင်တည်ရှိသော ၁၃ ရာစုခေတ် ရဲတိုက်ကြီးတစ်လုံးကို မျိုးရိုးစဉ်ဆက်ထိန်းသိမ်းလာခဲ့ကြသော မိသားစုမှ လေလံတင် ရောင်းချမည်ဖြစ်ကြောင်း ဘန်ကောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
အီတလီနိုင်ငံရှိ နာမည်ကျော်မြို့ကြီးများဖြစ်သော မီလန်၊ ဗီရိုနာ၊ ဗင်းနစ်မြို့ကြီးများအနီးတွင် တည်ရှိသည်။
ယင်းရဲတိုက်ကြီးကို ၁၂၀၀ ပြည့်နှစ်မှ ၁၇၀၀ ပြည့်နှစ်အထိ နှစ်ပေါင်း ၅၀၀ ကျော်အချိန်ယူဆောက်လုပ်ခဲ့ရသည်ဟု ဆိုသည်။
ယခုရောင်းချမည့် ဆပါးမိသားစုက အဆိုပါရဲတိုက်ကြီးကို ၁၃၆၈ ခုနှစ်တွင် ၀ယ်ယူခဲ့ခြင်း ဖြစ်သည်။
ရဲတိုက်ကို ရိုမန်နက်စ်၊ ဂေါ့သစ်နှင့် ဘာရုတ်ဗိသုကာဟန်များ ရောယှက်ဆောက်လုပ်ထားပြီး ယူရို ၃၁ သန်း (ကန်ဒေါ်လာ ၃၅ သန်း) ခန့် တန်ကြေးရှိသည်ဟု ခန့်မှန်းသည်။
“ဒီနေအိမ်ကြီးဟာ ကျွန်တော်တို့ မိသားစုအတွက်သာမက တိုင်းပြည်အတွက်ပါ သမိုင်းဝင်နေအိမ်ကြီးဖြစ်ပါတယ်။ ဒီနေအိမ်ကြီးထဲမှာ ကျွန်တော် အမြတ်နိုးဆုံးက ဂေါ့သစ်ဟန် ၀တ်ပြုခန်းနဲ့ အူလ်ရစ်ခန်းမပါ။ ဒီခန်းမက ဘိုးဘွားတွေကို ဂုဏ်ပြုအမည်ပေးထားတာပါ” ဟု မြို့စားကြီး ဆပါးဇူဖလာဗွန်အွန်ဗာလာက ပြောကြားသည်။
ရဲတိုက်ကြီးအတွင်း အိပ်ခန်း ၁၅ ခန်း၊ ရေချိုးခန်း ၁၄ ခန်း၊ မီးဖိုဆောင် ၅ ခု၊ ကပွဲခန်းမတစ်ခု၊ စာကြည့်တိုက်၊ ဘုရားဝတ်ပြုခန်း ၂ ခု၊ ရှစ်ထောင့်မျှော်စင် ၁ ခု၊ ရေကူးကန်၊ ၀ိုင်သိုလှောင်ခန်းတို့ ပါဝင်သည်။
ခြံဝန်းအကျယ်အ၀န်းမှာ ၁၈ ဒသမ ၅ ဧကခန့်အထိ ကျယ်ဝန်းပြီး ပန်းခြံများ၊ သစ်ခွခြံများနှင့် တောအုပ်များ ပါဝင်သည်။
ရှေးဟောင်းပစ္စည်းအသုံးအဆောင်များစွာပါဝင်ရာ ဗဲနီရှင်း မှန်များနှင့် ဖန်မီးဆိုင်းများလည်း အပါအ၀င်ဖြစ်သည်။
ဗာလာရဲတိုက်ကြီးကို လာမည့် စက်တင်ဘာ ၈ ရက်တွင် လေလံတင်ရောင်းချမည် ဖြစ်သည်။
အဆိုပါရဲတိုက်ကြီး၏အလှအား ရိုက်ကူးထားသည့် ဗွီဒီယိုဖိုင်ကို https://youtu.be/dIhyKV_WXEc အင်တာနက်လင့်ခ်တွင် ကြည့်ရှုနိုင်ပါသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)