ကျောက်ဖြူဇုန် လုပ်ကိုင်ခွင့် ရရှိတော့မည်

ကျောက်ဖြူ အထူးစီးပွားရေးဇုန် တည်ဆောက်လိုသူ တင်ဒါ အောင်မြင်သည့် စာရင်းကို
ယခုမတ်လကုန်ပိုင်းတွင် အပြီးသတ် ထုတ်ပြန်သွားရန်ရှိကြောင်း တင်ဒါစိစစ်ရွေးချယ်ရေးအဖွဲ့
အဖွဲ့ဝင် ဒေါက်တာမောင်မောင်သိမ်းက ပြောသည်။

"နောက်ဆုံးအဆင့် အင်တာဗျူးတာတွေ အခုလုပ်နေပါပြီ။ အဲဒါပြီးရင်တော့ အပြီးသတ်စာရင်း
ထုတ်ပြန်သွားမှာပါ " ဟု ၎င်းက မြန်မာတိုင်း(မ်)ကို ပြောသည်။

ကျောက်ဖြူ အထူးစီးပွားရေးဇုန် တည်ဆောက်လိုသူအဖြစ် နောက်ဆုံး ဆန်ခါတင်ကျန်ရှိသည့်
ကုမ္ပဏီစာရင်းများအရ တရုတ်နိုင်ငံအခြေစိုက် ကုမ္ပဏီအများစုဖြစ်ခြင်းကြောင့်
တင်ဒါအောင်မြင်မည့် ကုမ္ပဏီမှာလည်း တရုတ်နိုင်ငံအခြေစိုက် ကုမ္ပဏီများ ဖြစ်နိုင်ခြေ
အလားအလာများလျက်ရှိကြောင်း တင်ဒါရွေးချယ်မှု လုပ်ငန်းစဉ်နှင့် ဆက်စပ်လျက်ရှိသည့်
စီးပွားရေးလုပ်ငန်းရှင်တစ်ဦးက ပြောသည်။

ကျောက်ဖြူ အထူးစီးပွားရေးဇုန် တည်ဆောက်လိုသူအဖြစ် နောက်ဆုံးဆန်ခါတင် စာရင်းတွင်
ကုမ္ပဏီ ၁၂ ခုကျန်ရစ်ပြီး ယင်းအနက် နိုင်ငံသားကုမ္ပဏီ တစ်ခုသာ ပြည်တွင်းအခြေစိုက်အဖြစ်
ပါဝင်ပြီး ကျန်ကုမ္ပဏီ ၁၁ ခုမှာ တရုတ်နိုင်ငံ အခြေစိုက်ကုမ္ပဏီများဖြစ်ကြောင်း သိရသည်။

"ကျွန်တော် သိရသလောက် နောက်ဆုံး အဆင့်ညှိနှိုင်းမှုမှာ အကျိုးအမြတ်ရာခိုင်နှုန်းနဲ့
ပတ်သက်လို့ မြန်မာဘက်ခြမ်းက တောင်းဆိုထားတဲ့ဟာနဲ့ တည်ဆောက်လိုသူဘက်က
ပေးနိုင်တဲ့ အခြေအနေမှာ သဘောတူညီမှု မရသေးလို့ ကြန့်ကြာနေတာ" ဟု ဂိုးဒင်းလ်လန်း
ဖွံ့ဖြိုးတိုးတက်မှုအများပိုင်ကုမ္ပဏီ အမှုဆောင်အရာရှိ ဦးဖိုးချိုက မြန်မာတိုင်း(မ်)ကို ပြောသည်။

တင်ဒါစိစစ်ရွေးချယ်ရေးအဖွဲ့ တွဲဖက်အတွင်းရေးမှူး ဦးအောင်ကျော်သန်းက နောက်ဆုံးအဆင့်
တင်ဒါရွေးချယ်မှုသည် ထိလွယ်ရှလွယ်သဖြင့် အသေးစိတ် စိစစ် လုပ်ဆောင်လျက်ရှိကြောင်း၊
စိစစ်ရွေးချယ်ပြီးစီးပါက ဗဟိုကော်မတီသို့ တင်ပြပြီးမှသာ ထုတ်ပြန်သွားရန်ရှိကြောင်းဆိုသည်။

"နောက်ဆုံးအဆင့် တင်ဒါစိစစ်မှုကို သတိထားလုပ်ဆောင်နေပါတယ်" ဟု ဦးအောင်ကျော်သန်း
က ပြောသည်။

ပါရမီ စွမ်းအင်ကုမ္ပဏီများအုပ်စု အကြီးတန်းစီးပွားရေးအကြံပေး ဦးတင်ချိုက "အစိုးရအနေနဲ့
ဒီစီးပွားရေးဇုန်ကနေ တိုင်းပြည်အတွက် ဘယ်လောက်အထိ အကျိုးအမြတ်ဖြစ်ထွန်းမလဲ
ဆိုတာကို စဉ်းစားသင့်တယ်။ အဲဒီလိုမဟုတ်ဘူးဆိုရင် တိုင်းပြည်အတွက် အကျိုးအမြတ်မရဘဲ
ရင်းမြစ်တွေ ဆုံးရှုံးသွားတဲ့ အရင် တရုတ်ကုမ္ပဏီတွေနဲ့ လုပ်တဲ့လုပ်ငန်းတွေလိုပဲ ဆုံးရှုံးမှုတွေ
ထပ်ဖြစ်လာဦးမှာပဲ" ဟု ဦးတင်ချို ကပြောသည်။

အမျိုးသားစီမံကိန်းနှင့် စီးပွားရေးဖွံ့ဖြိုး တိုးတိက်မှုဝန်ကြီးဌာန၊ နိုင်ငံတကာစီးပွား ဆက်ဆံရေးဌာန
ညွှန်ကြားရေးမှူးဟောင်း ဒေါ်တင်တင်ဌေးက အထူးစီးပွားရေးဇုန် စတင်ချိန်တွင် ခိုင်မာ
ထိရောက်သည့် ဥပဒေနှင့် လုပ်ထုံးလုပ်နည်းများကို ချမှတ်ပြဋ္ဌာန်းနိုင်ရန် လိုအပ်ကြောင်း
ပြောသည်။

"အန်တီတို့အနေနဲ့ တရုတ်နဲ့ပဲဖြစ်ဖြစ်၊ အိန္ဒိယနဲ့ပဲဖြစ်ဖြစ် ပူးပေါင်းလုပ်ဆောင် ရမှာပါပဲ။ တာဝန်ခံမှု
ရှိတဲ့ စီးပွားရေးလုပ်ဆောင်သူတွေ ဖြစ်ဖို့အတွက်တော့ လုပ်ဆောင်ရမှာဖြစ်တယ်" ဟု ၎င်းက
ပြောသည်။

ကျောက်ဖြူ အထူးစီးပွားရေးဇုန် တည်ဆောက်မှုလုပ်ငန်းကို ၂၀၁၃ ခုနှစ်၊ စက်တင်ဘာလ
အတွင်းက စတင်မိတ်ဆက်ခဲ့ခြင်းဖြစ်ပြီး အစိုးရချင်း ချိတ်ဆက်လုပ်ဆောင်သည့် ထားဝယ်၊
သီလ၀ါ အထူးစီးပွားရေးဇုန်လုပ်ငန်းများကဲ့သို့ မဟုတ်ဘဲ စီးပွားရေးလုပ်ငန်းချင်း ချိတ်ဆက်
လုပ်ကိုင်သွားရန် ထုတ်ပြန်ထားခဲ့ခြင်း ဖြစ်သည်။

မဟာစီမံကိန်းကို ၂၀၁၄ ခုနှစ်၊ မတ်လအစောပိုင်းက ထုတ်ပြန်ခဲ့ပြီး ရည်မှန်းထားချက်အရ
ဧက ၄,၀၀၀ ကျော်မြေဧရိယာတွင် ကနဦးရင်းနှီးမြှုပ်နှံမှု အမေရိကန် ဒေါ်လာ ၂၂၇ သန်းဖြင့်
စတင်သွားရန် ရှိခြင်းဖြစ်သည်။

ကျောက်ဖြူ အထူးစီးပွားရေးဇုန် တည်ဆောက်မှုအတွက် ပြည်တွင်းကုမ္ပဏီက တင်ဒါဝင်ရောက်
ယှဉ်ပြိုင်ထားသည့် ပါရမီစွမ်းအင်ကုမ္ပဏီများအုပ်စု အမှုဆောင်အရာရှိ ဦးပြည့်ဝထွန်းက
ကော်မတီက မြန်မာနိုင်ငံ၏ စီးပွားရေး ရေရှည်ဖွံ့ဖြိုးမှုကို တွက်ဆပြီး တင်ဒါရွေးချယ်မှု
လုပ်ငန်းစဉ်ကို ဆောင်ရွက်သင့်ကြောင်း၊ အဆောတလျင် ဆုံးဖြတ်အတည်ပြုခြင်းမျိုး မပြုမိအောင်
ဂရုပြုသင့်ကြောင်း ပြောသည်။

"ကျွန်တော်တို့အနေနဲ့ ရေရှည်အခြေအနေကို စဉ်းစားပြီး လုပ်ဆောင်သင့်တာအမှန်ပါပဲ" ဟု
၎င်းကပြောသည်။

အဆိုပါ ကျောက်ဖြူ အထူးစီးပွားရေးဇုန်ကို ကျောက်ဖြူမြို့အရှေ့ဘက် တစ်မိုင်ခန့် အကွာရှိ
မြေနေရာတွင် တည်ဆောက်အကောင်အထည်ဖော်သွားရန် လျာထားခြင်းဖြစ်ပြီး စီမံကိန်း
တည်ဆောက်မှုကို နှစ်တို၊ နှစ်လတ်၊ နှစ်ရှည် စီမံချက်များ ချမှတ်၍ ၂၀၄၅ ခုနှစ်ထိ
ရေရှည်စီမံကိန်းအဖြစ် အကောင်အထည်ဖော်သွားရန် ရှိကြောင်း သိရသည်။

Credit: mmtimes