အိမ်၊ မြေ ပေါင်နှံသူများ ဥပဒေ နားမလည်သည့် အတွက် နစ်နာမှုများ ကြုံရ

မြန်မာ အိမ်ခြံမြေ ဈေးကွက် အတွင်း အိမ်ခန်း၊ တိုက်ခန်း၊ မြေ ကွက်များကို ပေါင်နှံလျက် ငွေကြေး ချေးယူရာတွင် ငွေရှင်အများစုက စာချုပ်စာတမ်း ချုပ်ဆိုရာ၌ အားသာ ချက်များ ရယူချုပ်ဆိုခြင်း၊ မြေရှင်၊ အိမ်ရှင်များအနေဖြင့်လည်း အပေါင် ပစ္စည်းဖြင့် ငွေရှင်းမှုအတွက် ပြဋ္ဌာန်း ထားသည့် ဥပဒေများကို စေ့စေ့ငင နားလည်မှု အားနည်းခြင်း စသည် တို့ကြောင့် ပိုင်ရှင်များဘက်မှ ဆုံးရှုံး နစ်နာမှုများ ဖြစ်ပေါ်နေရကြောင်း ဝါရင့်တရားလွှတ်တော်ရှေ့နေများ နှင့် အိမ်ခြံမြေ အကျိုးဆောင်များ ထံမှ သိရသည်။

”အိမ်ဈေးတွေကလည်း တက် လာတော့ ငွေရှင်တွေက အိမ်ကို အရင်ပေါင်ထားတဲ့ ဈေးနဲ့တင် သိမ်း ချင်ကြတယ်။ မြေရှင်တွေဘက်က လည်း စပေါင်ခါစ အရောင်းအဝယ် စာချုပ်ချုပ်တဲ့ အချိန်မှာကတည်းက မှတ်ချက်အနေနဲ့ နှစ်အပိုင်းအခြား တစ်ခုအတွင်း သူ့ကိုပဲ တန်ဖိုး သတ်မှတ်ချက်တစ်ခုနဲ့ ပြန်ရောင်း ပေးရမယ်ဆိုတဲ့ အချက်ကလေး တစ်ခုကို ထည့်သွင်းချုပ်ဆိုထား ရမယ်။ မဟုတ်ရင်တော့ အိမ်မြေ ဆုံးသွားတာများတဲ့အပြင် တရားမ မှုတွေနဲ့ အပြန်အလှန်စွဲရမှာ ဆို တော့ အမှုကြာနိုင်တယ်။ ငွေရှင် တွေက ဥပဒေအသာစီးယူပြီး စာချုပ် စာတမ်းတွေနဲ့ အပိုင်ချုပ်တာရယ်။ မြေရှင်၊ အိမ်ရှင်တွေကလည်း ငွေရ လိုမှု တစ်ခုတည်းနဲ့ အလွယ် လက်မှတ်ထိုးမိတာကြောင့် နစ်နာ တဲ့သူ အများစုက မြေရှင်၊ အိမ်ရှင် တွေ များတယ်”ဟု ဝါရင့် တရား လွှတ်တော်ရှေ့နေကြီး ဦးထွန်းအေး က ပြောသည်။

• 
• 

မိမိတို့ ပိုင်ဆိုင်သည့် အိမ်၊ ခြံ၊ တိုက်ခန်းများကို နိုင်ငံပိုင်ဘဏ် များ၊ ပုဂ္ဂလိကပိုင် ဘဏ်များတွင် သွားရောက်ပေါင်နှံမည်ဆိုပါက အတိုးနှုန်းမှာ တစ်နှစ်လျှင် ၁၃ ရာခိုင်နှုန်းသာ ရှိသော်လည်း ပိုင်ဆိုင်မှု စာရွက်စာတမ်းများ အပြင် လုပ်ငန်းဝင်ငွေများပါ ထည့် သွင်းဖော်ပြရခြင်း၊ ယင်းလုပ်ငန်း များမှ နှစ်ချုပ်စာရင်းဇယားများကို တင်ပြရသည့်အပြင် မီတာ၊ မြေခွန် ဆောင်သည့် စာရွက်စာတမ်းများ ကိုပါ ထည့်သွင်းတင်ပြခြင်းတို့ ပြုရ ကြောင်း၊ ထိုသို့ တင်ပြရာတွင် စာရွက်စာတမ်း အထောက်အထား မြောက်မြားစွာ တောင်းဆိုခြင်း၊ စစ်ဆေးချိန် ကြာမြင့်ခြင်း စသည် တို့ရှိသည့်အတွက် ငွေကြေး အမြန် လိုအပ်နေသည့် အိမ်ရှင်၊ မြေရှင်တို့ အနေဖြင့် မိတ်ဆွေအချင်းချင်း ငွေ လှည့်ခြင်းဖြင့်သော်လည်ကောင်း၊ ငွေရှင်များနှင့် ချိတ်ဆက်၍သော် လည်းကောင်း ပေါင်နှံမှုများ အများ အပြားရှိကြောင်း၊ ယခုကဲ့သို့ အိမ်ခြံ မြေဈေးကွက် အေးနေချိန်တွင် အိမ် ခြံမြေများကို ဈေးကွက်ပေါက်ဈေး ၏ ထက်ဝက်ပမာဏဖြင့် အပေါင် ထားကာ ငွေလှည့်သုံးသည့် အလေ့ အထများကြောင့် အရှုပ်အရှင်းများ ဖြစ်ပေါ်လျက်ရှိကြောင်း သိရသည်။

”အခုနောက်ပိုင်း အပေါင်ခံတဲ့ လူတွေက အရောင်းအဝယ်စာချုပ် လည်း ချုပ်ခိုင်းတယ်။ GP လည်း လုပ်ခိုင်းတဲ့အပြင် မူရင်းဂရန်ကို လည်း ယူထားတဲ့အတွက် ပိုင်ဆိုင် သွားတာ သေချာသလောက်ဖြစ် လို့ ဖြစ်နိုင်ရင် အိမ်ရှင်၊ မြေရှင်တွေ ကို GP လွှဲပေးတာမျိုး မလုပ်စေ ချင်ပါဘူး။ တကယ်လို့ မဖြစ်မနွေဏ လွှဲပေးမှ ဖြစ်မှာမို့ လုပ်ပေးရ မယ်ဆိုရင်လည်း စာချုပ်ထဲမှာ ပိုင်အောင် ထည့်ချုပ်စေချင်တယ်” ဟု ဦးထွန်းအေးက ပြောသည်။

အိမ်ခန်း၊ မြေကွက်များကို အပေါင်ထားရာတွင် အရပ်စာချုပ် များဖြင့် နှစ်ဦးသဘောတူ စာချုပ် ချုပ်ဆိုလျက် အတိုးရယူခြင်းသည် မြန်မာနိုင်ငံ ငွေချေးငှားခြင်း အက်ဥပဒေနှင့် အကျုံးမဝင်သည့် အတွက် ငွေရှင်များနှင့် အိမ်ပေါင် သူများအကြား အပေါင်ပစ္စည်းဖြင့် ငွေချေးရာတွင် အိမ်အရောင်းအဝယ် စာချုပ် ချုပ်ဆိုပြီး ¤င်းအိမ်တွင်ပင် မူလနေထိုင်သူများကို မေတ္တာဖြင့် နေထိုင်ခွင့်ပေးခြင်း၊ စာချုပ်များ ပြန်လည်ချုပ်ဆိုပြီး အတိုးနှုန်းများ ကို နှစ်ဦးနှစ်ဖက်ကျေနပ်သည့် နှုန်း ထား သတ်မှတ်၍ ပေါင်နှံကြခြင်း ဖြစ်ကြောင်း၊ ငှားရမ်းကာလအား အများဆုံး တစ်နှစ်နှင့် အတိုးနှုန်းကို ကျပ် ၁ဝဝ လျှင် ငွေ ငါးကျပ်နှုန်း သတ်မှတ်ကာ အပေးအယူလုပ်ကြ ကြောင်း အိမ်ခြံမြေအကျိုးဆောင် များထံမှ သိရသည်။

”လူနေရင် ငွေရှင်တွေက ငွေ မချေးတာ များတယ်။ ချေးမယ်ဆို ရင်လည်း အတိုးက ရှစ်ကျပ်ယူ တယ်။ ပုံမှန်ကတော့ ငါးကျပ်ယူ တယ်။ အရောင်းအဝယ်စာချုပ်၊ Special Power မရရင် General Power တောင်းတယ်။ အများဆုံး ပေးတာကတော့ ဈေးကွက်ထဲမှာ ရှိတဲ့ ပေါက်ဈေး၊ တကယ်ရရမယ့် အိမ်တန်ဖိုးရဲ့ ၃ဝ ရာခိုင်နှုန်းပဲ ထုတ်ချေးပေးတာ များတယ်။ ကျွန်တော့အတွေ့အကြုံအရတော့ မြေရှင်၊ အိမ်ရှင်တွေဘက်ကသာ ဆုံးရှုံးသွားပြီး ဘာမှ ပြန်မလုပ်နိုင် တာများတယ်”ဟု အေးရိပ်စံ အိမ် ခြံမြေ အကျိုးဆောင်လုပ်ငန်းမှ ကိုဝင်းထိန်က ပြောသည်။

Credit: thetradetimes