အထက်တန်းကျောင်းသားဘဝက ချစ်ကြိုက်ခဲ့သည့် ချစ်သူ ၂ ဦး နှစ်ပေါင်း ၇၀ နီးပါး ကွဲကွာပြီးမှ ပြန်လည်ဆုံစည်းကာ လက်ထပ်ခဲ့ကြ

[Unicode]

အထက်တန်းကျောင်းသားဘဝက ချစ်ကြိုက်ခဲ့ကြပြီး လွန်ခဲ့သော နှစ်ပေါင်း ၇၀ နီးပါးက ကွဲကွာသွားခဲ့ကြသော ချစ်သူ ၂ ဦးသည် ကိုရိုနာဗိုင်းရပ်စ် ကပ်ဘေးကြီးအတွင်း ပြန်လည်ဆုံစည်းကာ ယခုအခါ လက်ထပ်လိုက်ကြပြီ ဖြစ်သည်။

၎င်းတို့ချစ်သူ ၂ ဦး၏ အချစ်ဇာတ်လမ်းမှာ လွန်ခဲ့သော ၆၈ နှစ်က စတင်ခဲ့ခြင်းဖြစ်ပြီး ဖရက်ဒ် ပေါလ်နှင့် ဖလောရန့်စ် ဟာဗေးတို့နှစ်ဦး ပထမဆုံး စတင်ဆုံစည်းခဲ့ကြခြင်း ဖြစ်သည်။

ကနေဒါနိုင်ငံ အရှေ့ဖျားရှိ နယူးဖန်လန်နှင့် လားဘရေဒေါ (Newfoundland and Labrador) ပြည်နယ်ရှိ၊ ဝမ်းစ်ဝါ့သ်အမည်ရှိ မြို့ငယ်ကလေးတွင် ဆယ်ကျော်သက်ဘဝက စတင်ဆုံစည်းခဲ့ကြ၏။

၎င်းတို့ချစ်သူ ၂ ဦး တပူးတွဲတွဲရှိခဲ့ကြသည်။ ဘုရားကျောင်းတက်ပြီးလျှင် လမ်းလျှောက်ရင်း စကားပြောကြ၏။ အတန်းချိန် တစ်ချိန်နှင့်တစ်ချိန်ကြား ခိုးခိုးနမ်းကြ၏။ ဂီတဖျော်ဖြေပွဲများ အတူသွားကြ၏။

သူတို့ ၂ ဦး ဆုံစည်းခဲ့ကြသည့် ၂ နှစ်တာကာလအတွင်း ပေါလ်က ညပိုင်းအိပ်ယာမဝင်မီ သူ၏နေအိမ်ဆင်ဝင်မှ မီးကို မှိတ်တုတ်မှိတ်တုတ် အချက်ပြလေ့ရှိသည်။ ထိုမီးရောင်ဖြင့် ဖလောရန့်စ်အား ကောင်းသောညပါ၊ ကိုယ်မင်းကိုချစ်တယ်ဟု အချက်ပြခြင်း ဖြစ်၏။

“သူက ကျွန်တော့်အချစ်ဦးပါ။ ကျွန်တော့်ရဲ့ ပထမဆုံး ချစ်သူ၊ ကျွန်တော့်ရဲ့ ပထမဆုံး အချစ်စစ်ပါ” ဟု ယခုအခါ အသက် ၈၄ နှစ်အရွယ် ရှိပြီဖြစ်သည့် ပေါလ်က CNN သတင်းဌာနသို့ ပြောသည်။

ပေါလ်က အသက် ၁၈ နှစ်အရွယ်သို့ ရောက်ပြီး ဖလောရန့်စ်က ၁၅ နှစ်သို့ ရောက်ချိန်တွင် နှစ်ဦးသား၏ ဘဝရှေ့ရေးအတွက် လျှောက်လှမ်းခဲ့ကြရသည်။ ပေါလ်က တိုရွန်တိုမြို့သို့ အလုပ်လုပ်ရန် သွားခဲ့၏။

တစ်နှစ်ကြာ အလုပ်လုပ်ပြီး မြို့ကလေးသို့ ပြန်ရောက်လာကာ ဖလောရန့်စ်ကို ရှာဖွေသောအခါ ဖလောရန့်စ်မှာ အခြားမြို့သို့ ပြောင်းသွားခဲ့ပြီ ဖြစ်သည်။ နောက်ပိုင်းတွင်ကား ၎င်းတို့နှစ်ဦးလုံး အခြားသူများနှင့် လက်ထပ်ခဲ့ကြပြီး မိသားစုဘဝများ ဖြတ်သန်းခဲ့ကြသည်။

၂၀၁၇ ခုနှစ်တွင် ဖလောရန့်စ်၏ ခင်ပွန်းဖြစ်သူ “လန်း” မှာ ကင်ဆာဖြင့် ကွယ်လွန်သွားခဲ့သည်။ သူတို့၏ အိမ်ထောက်သက်တမ်း ၅၇ နှစ်ရှိပြီး သားသမီး ၅ ဦးထွန်းကားခဲ့သည်။

နောင် ၂ နှစ်အကြာ ၂၀၁၉ ခုနှစ်တွင် ပေါလ်၏ ဇနီး အသက် ၆၀ နီးပါးအရွယ်ရှိ ဟယ်လင်မှာလည်း ဦးနှောက်ကောင်းစွာအလုပ်မလုပ်မှု ဝေဒနာအပြင် ကျန်းမာရေးပြဿနာမျိုးစုံခံစားရကာ ကွယ်လွန်သွားခဲ့သည်။ ၎င်းတို့တွင် သားသမီး ၂ ဦး ထွန်းကားခဲ့၏။

အိမ်ထောင်ဖက်များ ဆုံးရှုံးသွားခဲ့ကြမှုကြောင့် ပူဆွေးရမှုများ တူညီနေသည့် ပေါလ်တို့ ၂ ဦး ပြန်လည်ပေါင်းစည်းရန် အကြောင်းဖြစ်လာသည်။

ပေါလ်၏ ဇနီးသည် ကွယ်လွန်သွားကြောင်း သတင်းကြားချိန်တွင် ဖလောရန့်စ်က ပေါလ်အားဆက်သွယ်ကာ အချိန်က ကုစားသွားမည်ဖြစ်ကြောင်း ဖြေသိမ့်ပေးခဲ့သည်။

ချစ်သူများနေ့ ပြီးဆုံးပြီးနောက်တစ်ရက်တွင် ၎င်းတို့ ၂ ဦး ပထမဆုံး ပြန်လည်တွေ့ဆုံ စကားပြောဖြစ်ကြသည်။ ထိုသို့ ပြန်လည်တွေ့ဆုံရာတွင် မိမိတို့၏ ဘဝများ၊ သားသမီးများ၊ မြေးများအကြောင်းအပြင် ဘဝဖြတ်သန်းခဲ့ရမှုတစ်လျှောက် ပျော်ရွှင်ဖွယ်ရာ အဖြစ်အပျက်များကို ပြောပြကြ၏။

ကနဦးတွင် ရက်သတ္တပတ်လျှင် ၁ ကြိမ် တွေ့ဆုံစကားပြောဖြစ်ရာမှ ၂ ကြိမ်၊ ၃ ကြိမ်၊ ထိုမှတဆင့် နေ့တိုင်းနာရီပေါင်းများစွာ ပြောဖြစ်ခဲ့ကြကြောင်း အသက် ၈၁ နှစ်ရှိပြီဖြစ်သည့် ဖလောရန့်စ်က CNN သတင်းဌာနသို့ ပြောသည်။

လပေါင်းများစွာ ဖြတ်သန်းကုန်လွန်သွားအပြီး ဇူလိုင်လတွင် ကျရောက်သော ပေါလ်၏ မွေးနေ့တွင် ဖလောရန့်စ်က တိုရွန်တိုသို့ လိုက်လာခဲ့ကာ ပေါလ်အား အံ့အားသင့်စေခဲ့သည်။ ယင်းနောက်သူတို့ ပြန်လည်ပေါင်းစည်းခဲ့ကြ၏။

“ကျွန်တော်နေထိုင်တဲ့မြို့ထဲကို သူရောက်နေပြီး ကျွန်တော့်ဆီလာနေပြီဆိုတာသိလိုက်တဲ့အချိန်က ည ၁၀ နာရီ ၃၀ ဖြစ်နေပြီ။ ကျွန်တော် အိပ်ယာထဲက ပြေးထွက်၊ အဝတ်အစားလဲပြီး ကားဝင်လမ်းမှာ …ကြိုဆိုပါတယ်..ဖလောရန့်စ်…ဆိုတဲ့ စာတန်းကို မြေဖြူခဲနဲ့ ရေးပါတယ်။ သူရောက်လာတော့ ကျွန်တော် ကားဆီကို သွားခဲ့ပြီး သူ့ကိုဖက်တယ်။ ပါးလေးကို နမ်းလိုက်တယ်။ သူ့ရဲ့ လက်ကလေးကို ကိုင်လိုက်တဲ့အချိန်မှာပဲ ကျွန်တော်သိလိုက်တာက သူမဟာ ကျွန်တော့်နှလုံးသားတွေကို ယူဆောင်သွားခဲ့တယ်ဆိုတာပါပဲ” ဟု ပေါလ်က ပြောသည်။

သူတို့ ၂ ဦး ပြန်လည်ပေါင်းစည်းပြီးနောက် ၃ ရက်အကြာတွင် လက်ထပ်ရန် စီစဉ်ကြသည်။

နှစ်ဘက်မိသားစုတို့က အဘယ်ကြောင့် အဆောတလျင် စီစဉ်ရသနည်းဟု မေးခွန်းထုတ်ကြသည်။

သို့သော် ပေါလ်နှင့် ဖလောရန့်စ်တို့အတွက်ကား အချိန်သိပ်မကျန်တော့ရာ ကျန်ရှိနေသေးသည့် နောက်ဆုံးနာရီများကို အတူတကွ ဖြတ်သန်းလိုကြမည်သာ ဖြစ်၏။

ပေါလ်မှာ အစာအိမ်ကင်ဆာကို ခွဲစိတ်ကုသမှု ပြုလုပ်ရန်လည်း တစ်လသာ လိုတော့သည်။

ဖလောရန့်စ်ကမူ ကြုံလာမည့် အကောင်းအဆိုး အခြေအနေအားလုံးတွင် ပေါလ်၏ ဘေး၌ အတူရှိနေမည်ဖြစ်ကြောင်း ကတိပြုခဲ့သည်။

ယင်းနောက် ကနေဒါနိုင်ငံ၊ အွန်တေရီယိုပြည်နယ်၊ ဂျော့ချ်တောင်းမြို့ရှိ Norval United ဘုရားကျောင်းတွင် မိသားစုနှင့် မိတ်ဆွေရင်းချာများရှေ့တွင် လက်ထပ်သစ္စာကတိပြုမှု ပြုလုပ်ခဲ့ကြသည်။

ကိုရိုနာဗိုင်းရပ်စ် ကပ်ဘေးကာလဖြစ်ခြင်းကြောင့် ဧည့်ပရိသတ်အနည်းငယ်သာ ဖိတ်ကြားခဲ့၏။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: 'An unimaginable love story': High school sweethearts reunite and marry after nearly 70 years apart (CNN)

[Zawgyi]

အထက္တန္းေက်ာင္းသားဘဝက ခ်စ္ၾကိဳက္ခဲ့သည့္ ခ်စ္သူ ၂ ဦး ႏွစ္ေပါင္း ၇၀ နီးပါး ကြဲကြာျပီးမွ ျပန္လည္ဆံုစည္းကာ လက္ထပ္ခဲ့ၾက

အထက္တန္းေက်ာင္းသားဘဝက ခ်စ္ၾကိဳက္ခဲ့ၾကျပီး လြန္ခဲ့ေသာ ႏွစ္ေပါင္း ၇၀ နီးပါးက ကြဲကြာသြားခဲ့ၾကေသာ ခ်စ္သူ ၂ ဦးသည္ ကိုရိုနာဗိုင္းရပ္စ္ ကပ္ေဘးၾကီးအတြင္း ျပန္လည္ဆံုစည္းကာ ယခုအခါ လက္ထပ္လိုက္ၾကျပီ ျဖစ္သည္။

၎တို႔ခ်စ္သူ ၂ ဦး၏ အခ်စ္ဇာတ္လမ္းမွာ လြန္ခဲ့ေသာ ၆၈ ႏွစ္က စတင္ခဲ့ျခင္းျဖစ္ျပီး ဖရက္ဒ္ ေပါလ္ႏွင့္ ဖေလာရန္႔စ္ ဟာေဗးတို႔ႏွစ္ဦး ပထမဆံုး စတင္ဆံုစည္းခဲ့ၾကျခင္း ျဖစ္သည္။

ကေနဒါႏိုင္ငံ အေရွ႕ဖ်ားရွိ နယူးဖန္လန္ႏွင့္ လားဘေရေဒါ (Newfoundland and Labrador) ျပည္နယ္ရွိ၊ ဝမ္းစ္ဝါ့သ္အမည္ရွိ ျမိဳ႕ငယ္ကေလးတြင္ ဆယ္ေက်ာ္သက္ဘဝက စတင္ဆံုစည္းခဲ့ၾက၏။

၎တို႔ခ်စ္သူ ၂ ဦး တပူးတြဲတြဲရွိခဲ့ၾကသည္။ ဘုရားေက်ာင္းတက္ျပီးလွ်င္ လမ္းေလွ်ာက္ရင္း စကားေျပာၾက၏။ အတန္းခ်ိန္ တစ္ခ်ိန္ႏွင့္တစ္ခ်ိန္ၾကား ခိုးခိုးနမ္းၾက၏။ ဂီတေဖ်ာ္ေျဖပြဲမ်ား အတူသြားၾက၏။

သူတို႔ ၂ ဦး ဆံုစည္းခဲ့ၾကသည့္ ၂ ႏွစ္တာကာလအတြင္း ေပါလ္က ညပိုင္းအိပ္ယာမဝင္မီ သူ၏ေနအိမ္ဆင္ဝင္မွ မီးကို မွိတ္တုတ္မွိတ္တုတ္ အခ်က္ျပေလ့ရွိသည္။ ထိုမီးေရာင္ျဖင့္ ဖေလာရန္႔စ္အား ေကာင္းေသာညပါ၊ ကိုယ္မင္းကိုခ်စ္တယ္ဟု အခ်က္ျပျခင္း ျဖစ္၏။

“သူက ကၽြန္ေတာ့္အခ်စ္ဦးပါ။ ကၽြန္ေတာ့္ရဲ႕ ပထမဆံုး ခ်စ္သူ၊ ကၽြန္ေတာ့္ရဲ႕ ပထမဆံုး အခ်စ္စစ္ပါ” ဟု ယခုအခါ အသက္ ၈၄ ႏွစ္အရြယ္ ရွိျပီျဖစ္သည့္ ေပါလ္က CNN သတင္းဌာနသုိ႔ ေျပာသည္။

ေပါလ္က အသက္ ၁၈ ႏွစ္အရြယ္သို႔ ေရာက္ျပီး ဖေလာရန္႔စ္က ၁၅ ႏွစ္သို႔ ေရာက္ခ်ိန္တြင္ ႏွစ္ဦးသား၏ ဘဝေရွ႕ေရးအတြက္ ေလွ်ာက္လွမ္းခဲ့ၾကရသည္။ ေပါလ္က တိုရြန္တိုျမိဳ႕သို႔ အလုပ္လုပ္ရန္ သြားခဲ့၏။

တစ္ႏွစ္ၾကာ အလုပ္လုပ္ျပီး ျမိဳ႕ကေလးသို႔ ျပန္ေရာက္လာကာ ဖေလာရန္႔စ္ကို ရွာေဖြေသာအခါ ဖေလာရန္႔စ္မွာ အျခားျမိဳ႕သို႔ ေျပာင္းသြားခဲ့ျပီ ျဖစ္သည္။ ေနာက္ပိုင္းတြင္ကား ၎တို႔ႏွစ္ဦးလံုး အျခားသူမ်ားႏွင့္ လက္ထပ္ခဲ့ၾကျပီး မိသားစုဘဝမ်ား ျဖတ္သန္းခဲ့ၾကသည္။

၂၀၁၇ ခုႏွစ္တြင္ ဖေလာရန္႔စ္၏ ခင္ပြန္းျဖစ္သူ “လန္း” မွာ ကင္ဆာျဖင့္ ကြယ္လြန္သြားခဲ့သည္။ သူတို႔၏ အိမ္ေထာက္သက္တမ္း ၅၇ ႏွစ္ရွိျပီး သားသမီး ၅ ဦးထြန္းကားခဲ့သည္။

ေနာင္ ၂ ႏွစ္အၾကာ ၂၀၁၉ ခုႏွစ္တြင္ ေပါလ္၏ ဇနီး အသက္ ၆၀ နီးပါးအရြယ္ရွိ ဟယ္လင္မွာလည္း ဦးေႏွာက္ေကာင္းစြာအလုပ္မလုပ္မႈ ေဝဒနာအျပင္ က်န္းမာေရးျပႆနာမ်ဳိးစံုခံစားရကာ ကြယ္လြန္သြားခဲ့သည္။ ၎တို႔တြင္ သားသမီး ၂ ဦး ထြန္းကားခဲ့၏။

အိမ္ေထာင္ဖက္မ်ား ဆံုးရံႈးသြားခဲ့ၾကမႈေၾကာင့္ ပူေဆြးရမႈမ်ား တူညီေနသည့္ ေပါလ္တို႔ ၂ ဦး ျပန္လည္ေပါင္းစည္းရန္ အေၾကာင္းျဖစ္လာသည္။

ေပါလ္၏ ဇနီးသည္ ကြယ္လြန္သြားေၾကာင္း သတင္းၾကားခ်ိန္တြင္ ဖေလာရန္႔စ္က ေပါလ္အားဆက္သြယ္ကာ အခ်ိန္က ကုစားသြားမည္ျဖစ္ေၾကာင္း ေျဖသိမ့္ေပးခဲ့သည္။

ခ်စ္သူမ်ားေန႔ ျပီးဆံုးျပီးေနာက္တစ္ရက္တြင္ ၎တို႔ ၂ ဦး ပထမဆံုး ျပန္လည္ေတြ႔ဆံု စကားေျပာျဖစ္ၾကသည္။ ထိုသို႔ ျပန္လည္ေတြ႔ဆံုရာတြင္ မိမိတို႔၏ ဘဝမ်ား၊ သားသမီးမ်ား၊ ေျမးမ်ားအေၾကာင္းအျပင္ ဘဝျဖတ္သန္းခဲ့ရမႈတစ္ေလွ်ာက္ ေပ်ာ္ရႊင္ဖြယ္ရာ အျဖစ္အပ်က္မ်ားကို ေျပာျပၾက၏။

ကနဦးတြင္ ရက္သတၱပတ္လွ်င္ ၁ ၾကိမ္ ေတြ႔ဆံုစကားေျပာျဖစ္ရာမွ ၂ ၾကိမ္၊ ၃ ၾကိမ္၊ ထိုမွတဆင့္ ေန႔တိုင္းနာရီေပါင္းမ်ားစြာ ေျပာျဖစ္ခဲ့ၾကေၾကာင္း အသက္ ၈၁ ႏွစ္ရွိျပီျဖစ္သည့္ ဖေလာရန္႔စ္က CNN သတင္းဌာနသို႔ ေျပာသည္။

လေပါင္းမ်ားစြာ ျဖတ္သန္းကုန္လြန္သြားအျပီး ဇူလိုင္လတြင္ က်ေရာက္ေသာ ေပါလ္၏ ေမြးေန႔တြင္ ဖေလာရန္႔စ္က တိုရြန္တိုသုိ႔ လိုက္လာခဲ့ကာ ေပါလ္အား အံ့အားသင့္ေစခဲ့သည္။ ယင္းေနာက္သူတို႔ ျပန္လည္ေပါင္းစည္းခဲ့ၾက၏။

“ကၽြန္ေတာ္ေနထိုင္တဲ့ျမိဳ႕ထဲကို သူေရာက္ေနျပီး ကၽြန္ေတာ့္ဆီလာေနျပီဆိုတာသိလိုက္တဲ့အခ်ိန္က ည ၁၀ နာရီ ၃၀ ျဖစ္ေနျပီ။ ကၽြန္ေတာ္ အိပ္ယာထဲက ေျပးထြက္၊ အဝတ္အစားလဲျပီး ကားဝင္လမ္းမွာ …ၾကိဳဆိုပါတယ္..ဖေလာရန္႔စ္…ဆိုတဲ့ စာတန္းကို ေျမျဖဴခဲနဲ႔ ေရးပါတယ္။ သူေရာက္လာေတာ့ ကၽြန္ေတာ္ ကားဆီကို သြားခဲ့ျပီး သူ႔ကိုဖက္တယ္။ ပါးေလးကို နမ္းလိုက္တယ္။ သူ႔ရဲ႕ လက္ကေလးကို ကိုင္လိုက္တဲ့အခ်ိန္မွာပဲ ကၽြန္ေတာ္သိလိုက္တာက သူမဟာ ကၽြန္ေတာ့္ႏွလံုးသားေတြကို ယူေဆာင္သြားခဲ့တယ္ဆိုတာပါပဲ” ဟု ေပါလ္က ေျပာသည္။

သူတို႔ ၂ ဦး ျပန္လည္ေပါင္းစည္းျပီးေနာက္ ၃ ရက္အၾကာတြင္ လက္ထပ္ရန္ စီစဥ္ၾကသည္။

ႏွစ္ဘက္မိသားစုတို႔က အဘယ္ေၾကာင့္ အေဆာတလ်င္ စီစဥ္ရသနည္းဟု ေမးခြန္းထုတ္ၾကသည္။

သို႔ေသာ္ ေပါလ္ႏွင့္ ဖေလာရန္႔စ္တို႔အတြက္ကား အခ်ိန္သိပ္မက်န္ေတာ့ရာ က်န္ရွိေနေသးသည့္ ေနာက္ဆံုးနာရီမ်ားကို အတူတကြ ျဖတ္သန္းလိုၾကမည္သာ ျဖစ္၏။

ေပါလ္မွာ အစာအိမ္ကင္ဆာကို ခြဲစိတ္ကုသမႈ ျပဳလုပ္ရန္လည္း တစ္လသာ လိုေတာ့သည္။

ဖေလာရန္႔စ္ကမူ ၾကံဳလာမည့္ အေကာင္းအဆိုး အေျခအေနအားလံုးတြင္ ေပါလ္၏ ေဘး၌ အတူရွိေနမည္ျဖစ္ေၾကာင္း ကတိျပဳခဲ့သည္။

ယင္းေနာက္ ကေနဒါႏိုင္ငံ၊ အြန္ေတရီယိုျပည္နယ္၊ ေဂ်ာ့ခ်္ေတာင္းျမိဳ႕ရွိ Norval United ဘုရားေက်ာင္းတြင္ မိသားစုႏွင့္ မိတ္ေဆြရင္းခ်ာမ်ားေရွ႕တြင္ လက္ထပ္သစၥာကတိျပဳမႈ ျပဳလုပ္ခဲ့ၾကသည္။

ကိုရိုနာဗိုင္းရပ္စ္ ကပ္ေဘးကာလျဖစ္ျခင္းေၾကာင့္ ဧည့္ပရိသတ္အနည္းငယ္သာ ဖိတ္ၾကားခဲ့၏။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: 'An unimaginable love story': High school sweethearts reunite and marry after nearly 70 years apart (CNN)