ဂျာမနီကုမ္ပဏီက ဂျပန်ရှိ လူနေခန်းအဆောက်အအုံသစ် ၁၈ ခုကို ကန်ဒေါ်လာ သန်း ၁၆၀ ဖြင့် ဝယ်ယူ

[Unicode]

ဂျာမနီနိုင်ငံမှ အာမခံကုမ္ပဏီကြီး Allianz ၏ အိမ်ခြံမြေကုမ္ပဏီခွဲဖြစ်သော Allianz Real Estate သည် ဂျပန်နိုင်ငံရှိ ၎င်းတို့၏ အိမ်ခြံမြေ ပိုင်ဆိုင်မှုတွင် ကန်ဒေါ်လာ သန်း ၁၆၀ တန်ကြေးရှိ ပိုင်ဆိုင်မှုများ ထပ်မံဖြည့်တင်းလိုက်ပြီ ဖြစ်သည်။

Allianz Real Estate သည် တိုကျိုမြို့ရှိ အသစ်ဆောက်လုပ်ထားသော လူနေအဆောက်အအုံ ၁၈ ခုကို ဝယ်ယူလိုက်ခြင်းဖြစ်ပြီး အခန်းပေါင်း ၃၈၀ ပါဝင်ကာ အငှားချထားနိုင်သည့် ကြမ်းခင်းဧရိယာမှာ စတုရန်းမီတာ ၁၂၂၄၀ ရှိသည်။

Allianz Real Estate ၏ အာရှ-ပစိဖိတ်ဒေသဆိုင်ရာ အမှုဆောင်အရာရှိချုပ် Rushabh Desai က ပြောကြားရာတွင် “ဂျပန်ရဲ့ လူနေအဆောက်အအုံကဏ္ဍဟာ အခက်ခဲဆုံးအခြေအနေတွေကနေ လျင်မြန်စွာရုန်းထနိုင်စွမ်းရှိပြီး ခုခံနိုင်စွမ်းအားကောင်းတဲ့ ပိုင်ဆိုင်မှု အမျိုးအစားတွေ ဖြစ်တယ်ဆိုတာ သက်သေပြခဲ့ပြီးဖြစ်ပါတယ်။” ဟု ပြောကြားသည်။

အငှားနေထိုင်မှုပမာဏမှာ မြင့်မားနေဆဲဖြစ်ကြောင်း၊ နေထိုင်နေကြသူများသည် အခြားနေရာသို့ ရွှေ့ပြောင်းရန် စိတ်ဝင်စားမှု နည်းပါးကြောင်း၊ အထူးသဖြင့် Covid 19 ကာလအတွင်းတွင် ဖြစ်ကြောင်းလည်း ၎င်းက ပြောကြားသည်။

အချက်အခြာကျပြီး ရထားဘူတာများနှင့် နီးစပ်သော အဆောက်အအုံသစ်များကို နေထိုင်မည့်သူများ စိတ်ဝင်စားကြသည်။

“အခုဝယ်ယူလိုက်တဲ့ အဆောက်အအုံတွေဟာ အသစ်ဆောက်လုပ်ပြီးစီးထားတာတွေဖြစ်ပြီး ပျှမ်းမျှအားဖြင့် အနီးဆုံးဘူတာရုံနဲ့ ၆ မိနစ်ခရီးအကွာအဝေးမှာ တည်ရှိကြပါတယ်” ဟု Desai က ပြောကြားသည်။

Allianz သည် ဂျပန်တွင် ပြီးခဲ့သော မေလအတွင်း လူနေတာဝါသစ် ၁၁ လုံးကို ယူရို သန်း ၁၁၀ ဖြင့် ဝယ်ယူခဲ့သေးသည်။

“ကျွန်တော်တို့ဟာ ဒေသတွင်းတစ်လွှားမှာ အများယုံကြည်လက်ခံမှု၊ လျင်မြန်စွာအကောင်အထည်ဖော်နိုင်မှုတွေနဲ့ လုပ်ဆောင်နိုင်စွမ်းရှိတယ်ဆိုတာ မကြာခဏ ပြသခဲ့ပြီး ဖြစ်ပါတယ်။ ပြီးခဲ့တဲ့ နိုဝင်ဘာလအတွင်း ဂျပန်မှာ ပထမဆုံး လူနေအိမ်ခြံမြေ ဝယ်ယူပြီးကတည်းက ဒေသတွင်းမှာရှိတဲ့ developer တွေ၊ ဘဏ်တွေ အစရှိတဲ့ ဈေးကွက်ထဲမှာ ပါဝင်သူတွေနဲ့ ကောင်းမွန်တဲ့ဆက်ဆံရေး တည်ဆောက်နိုင်ခဲ့ပြီး ဖြစ်ပါတယ်”ဟု Desai က ဆိုသည်။

Alllianz သည် အမေရိကန်ကုမ္ပဏီကြီး Blackstone ထံမှ ဂျပန်ရှိ လူနေခန်းများကို ယူရို ၁ ဒသမ ၁ ဘီလီယံဖြင့် ပြီးခဲ့သောနှစ်အတွင်း ဝယ်ယူခဲ့သည်။

Alllianz သည် ပြီးခဲ့သော ၁၀ လတာအတွင်း ဂျပန်တွင် စုစုပေါင်းအားဖြင့် ကန်ဒေါ်လာ ၁ ဒသမ ၆ ဘီလီယံနီးပါး ရင်းနှီးမြှုပ်နှံထားခဲ့ပြီ ဖြစ်သည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Allianz Asia property fund buys $160m Japanese residential assets (realassets.ipe)

[Zawgyi]

ဂ်ာမနီကုမၸဏီက ဂ်ပန္ရွိ လူေနခန္းအေဆာက္အအံုသစ္ ၁၈ ခုကို ကန္ေဒၚလာ သန္း ၁၆၀ ျဖင့္ ဝယ္ယူ

ဂ်ာမနီႏိုင္ငံမွ အာမခံကုမၸဏီၾကီး Allianz ၏ အိမ္ျခံေျမကုမၸဏီခြဲျဖစ္ေသာ Allianz Real Estate သည္ ဂ်ပန္ႏိုင္ငံရွိ ၎တို႔၏ အိမ္ျခံေျမ ပိုင္ဆိုင္မႈတြင္ ကန္ေဒၚလာ သန္း ၁၆၀ တန္ေၾကးရွိ ပိုင္ဆိုင္မႈမ်ား ထပ္မံျဖည့္တင္းလိုက္ျပီ ျဖစ္သည္။

Allianz Real Estate သည္ တိုက်ဳိျမိဳ ႔ရွိ အသစ္ေဆာက္လုပ္ထားေသာ လူေနအေဆာက္အအံု ၁၈ ခုကို ဝယ္ယူလိုက္ျခင္းျဖစ္ျပီး အခန္းေပါင္း ၃၈၀ ပါဝင္ကာ အငွားခ်ထားႏိုင္သည့္ ၾကမ္းခင္းဧရိယာမွာ စတုရန္းမီတာ ၁၂၂၄၀ ရွိသည္။

Allianz Real Estate ၏ အာရွ-ပစိဖိတ္ေဒသဆိုင္ရာ အမႈေဆာင္အရာရွိခ်ဳပ္ Rushabh Desai က ေျပာၾကားရာတြင္ “ဂ်ပန္ရဲ႕ လူေနအေဆာက္အအံုက႑ဟာ အခက္ခဲဆံုးအေျခအေနေတြကေန လ်င္ျမန္စြာရုန္းထႏိုင္စြမ္းရွိျပီး ခုခံႏိုင္စြမ္းအားေကာင္းတဲ့ ပိုင္ဆိုင္မႈ အမ်ဳိးအစားေတြ ျဖစ္တယ္ဆိုတာ သက္ေသျပခဲ့ျပီးျဖစ္ပါတယ္။” ဟု ေျပာၾကားသည္။

အငွားေနထိုင္မႈပမာဏမွာ ျမင့္မားေနဆဲျဖစ္ေၾကာင္း၊ ေနထုိင္ေနၾကသူမ်ားသည္ အျခားေနရာသို႔ ေရႊ႕ေျပာင္းရန္ စိတ္ဝင္စားမႈ နည္းပါးေၾကာင္း၊ အထူးသျဖင့္ Covid 19 ကာလအတြင္းတြင္ ျဖစ္ေၾကာင္းလည္း ၎က ေျပာၾကားသည္။

အခ်က္အျခာက်ျပီး ရထားဘူတာမ်ားႏွင့္ နီးစပ္ေသာ အေဆာက္အအံုသစ္မ်ားကို ေနထိုင္မည့္သူမ်ား စိတ္ဝင္စားၾကသည္။

“အခုဝယ္ယူလိုက္တဲ့ အေဆာက္အအံုေတြဟာ အသစ္ေဆာက္လုပ္ျပီးစီးထားတာေတြျဖစ္ျပီး ပွ်မ္းမွ်အားျဖင့္ အနီးဆံုးဘူတာရံုနဲ႔ ၆ မိနစ္ခရီးအကြာအေဝးမွာ တည္ရွိၾကပါတယ္” ဟု Desai က ေျပာၾကားသည္။

Allianz သည္ ဂ်ပန္တြင္ ျပီးခဲ့ေသာ ေမလအတြင္း လူေနတာဝါသစ္ ၁၁ လံုးကို ယူရို သန္း ၁၁၀ ျဖင့္ ဝယ္ယူခဲ့ေသးသည္။

“ကၽြန္ေတာ္တို႔ဟာ ေဒသတြင္းတစ္လႊားမွာ အမ်ားယံုၾကည္လက္ခံမႈ၊ လ်င္ျမန္စြာအေကာင္အထည္ေဖာ္ႏိုင္မႈေတြနဲ႔ လုပ္ေဆာင္ႏိုင္စြမ္းရွိတယ္ဆိုတာ မၾကာခဏ ျပသခဲ့ျပီး ျဖစ္ပါတယ္။ ျပီးခဲ့တဲ့ ႏိုဝင္ဘာလအတြင္း ဂ်ပန္မွာ ပထမဆံုး လူေနအိမ္ျခံေျမ ဝယ္ယူျပီးကတည္းက ေဒသတြင္းမွာရွိတဲ့ developer ေတြ၊ ဘဏ္ေတြ အစရွိတဲ့ ေစ်းကြက္ထဲမွာ ပါဝင္သူေတြနဲ႔ ေကာင္းမြန္တဲ့ဆက္ဆံေရး တည္ေဆာက္ႏိုင္ခဲ့ျပီး ျဖစ္ပါတယ္”ဟု Desai က ဆိုသည္။

Alllianz သည္ အေမရိကန္ကုမၸဏီၾကီး Blackstone ထံမွ ဂ်ပန္ရွိ လူေနခန္းမ်ားကို ယူရို ၁ ဒသမ ၁ ဘီလီယံျဖင့္ ျပီးခဲ့ေသာႏွစ္အတြင္း ဝယ္ယူခဲ့သည္။

Alllianz သည္ ျပီးခဲ့ေသာ ၁၀ လတာအတြင္း ဂ်ပန္တြင္ စုစုေပါင္းအားျဖင့္ ကန္ေဒၚလာ ၁ ဒသမ ၆ ဘီလီယံနီးပါး ရင္းႏွီးျမွဳပ္ႏွံထားခဲ့ျပီ ျဖစ္သည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Allianz Asia property fund buys $160m Japanese residential assets (realassets.ipe)