ရခိုင်ပြည်နယ်တွင် အသင့်ဆောက်အိမ် တစ်သောင်းခန့်တည်ဆောက်မည်

[Unicode]

ရခိုင်ပြည်နယ်တွင် ဘင်္ဂါလီများ နေရာချထားရေးအတွက် တရုတ်ပြည်မှ လှူဒါန်းသည့် အသင့်ဆောက်အိမ်အလုံးရေ ၁၀၀၀၀ ခန့် ဆောက်လုပ်သွားမည်ဖြစ်ကြောင်း ဆောက်လုပ်ရေးဝန်ကြီးဌာနထံမှ သိရသည်။

“ အခုတရုတ်က အသင့်ဆောက်လို့ရတဲ့ အိမ်တွေ အလုံး ၁၂၀၀ လှူထားတယ်၊ ဒါတွေကို အခုဆောက်နေတာ အလုံး ၉၀ ပြီးနေပြီ နောက်ထပ် အလုံး ၁၀၀ ကျော်နေရာချဖို့ရှိတယ်”ဟု ဆောက်လုပ်ရေးဝန်ကြီးဌာနမှ ဒုတိယဝန်ကြီးဦးကျော်လင်းကပြောကြားသည်။

အဆိုပါနေအိမ်များသည် ၁၀ပေ၊ ပေ ၂၀ အကျယ်ရှိပြီးနေအိမ်တစ်လုံးလျှင် လူဦးရေ ၃ ဦးမှ ၄ဦးအထိ နေထိုင်နိုင်မည်ဖြစ်သည်။တရုတ်နိုင်ငံသည် မြန်မာနိုင်ငံအတွင်း ဒုက္ခသည်များအတွက်နေအိမ်များကို ပြီးခဲ့သည့် နှစ်များမှစတင်ကာလှူဒါန်းခဲ့ခြင်းဖြစ်ပြီး ယခုနှစ်အတွင်းနောက်ထပ် အိမ်အလုံးပေါင်း ၉၀၀၀ ကျော် ထပ်မံလှူဒါန်းထားသည့်အတွက် စုစုပေါင်း အိမ်အလုံးရေ ၁သောင်းခန့် ဆောက်လုပ်သွားမည်ဖြစ်ကြောင်း ယင်းဝန်ကြီးဌာနထံမှ သိရသည်။

လက်ရှိတွင် ဆောက်လုပ်ရေးဝန်ကြီးဌာနသည် အသင့်တပ်ဆင်နေထိုင်နိုင်သည့် အိမ်များကို ရန်ကုန်မြို့ ပုဇွန်တောင်မြို့နယ်ရှိ ဆရာဝန်များနှင့် သူနာပြုများ နားနေအသုံးပြုနိုင်ရန် အသုံးပြုလျက်ရှိပြီး ကျန်ရှိသည့် အိမ်များကိုလည်း Covid-19 အတွက် လိုအပ်သည့် နေရာများတွင်ထပ်မံအသုံးပြုသွားမည်ဖြစ်ကြောင်း ဆောက်လုပ်ရေးဝန်ကြီးဌာနထံမှ သိရသည်။

တရုတ်ပြည်သူ့သမ္မတနိုင်ငံသည် ဧပြီလအတွင်းကလည်း မြန်မာနိုင်ငံသို့ အသင့်ဆောက်အိမ် Modular House များလှူဒါန်းခဲ့သည်။Modular House တစ်လုံးလျှင် ၁၈ ပေ ပတ်လည် အခန်း ၅ ခန်း ပါဝင်ပြီး တည်ဆောက်မှုအနေဖြင့် ၇ ရက်သာ ကြာမြင့်ကြောင်းသိရသည်။ ဆောက်လုပ်ရေးဝန်ကြီးဌာနသည် COVID-19 ကာကွယ်ရေးလုပ်ငန်းများတွင် အသုံးပြုနိုင်ရန် ပြည်နယ်နှင့် တိုင်းဒေသကြီး ၉ ခုရှိ ဌာနပိုင် အိမ်ရာ ၃၁ လုံးမှ အခန်း ၇၅၀ ကျော်ကို Quarantine center အဖြစ် အသုံးပြုနိုင်ရန် ဆောင်ရွက်ခဲ့ကြောင်း သိရသည်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ရခိုင္ျပည္နယ္တြင္ အသင့္ေဆာက္အိမ္ တစ္ေသာင္းခန႔္တည္ေဆာက္မည္

ရခိုင္ျပည္နယ္တြင္ ဘဂၤါလီမ်ား ေနရာခ်ထားေရးအတြက္ တ႐ုတ္ျပည္မွ လႉဒါန္းသည့္ အသင့္ေဆာက္အိမ္အလုံးေရ ၁၀၀၀၀ ခန႔္ ေဆာက္လုပ္သြားမည္ျဖစ္ေၾကာင္း ေဆာက္လုပ္ေရးဝန္ႀကီးဌာနထံမွ သိရသည္။

“ အခုတ႐ုတ္က အသင့္ေဆာက္လို႔ရတဲ့ အိမ္ေတြ အလုံး ၁၂၀၀ လႉထားတယ္၊ ဒါေတြကို အခုေဆာက္ေနတာ အလုံး ၉၀ ၿပီးေနၿပီ ေနာက္ထပ္ အလုံး ၁၀၀ ေက်ာ္ေနရာခ်ဖို႔ရွိတယ္”ဟု ေဆာက္လုပ္ေရးဝန္ႀကီးဌာနမွ ဒုတိယဝန္ႀကီးဦးေက်ာ္လင္းကေျပာၾကားသည္။

အဆိုပါေနအိမ္မ်ားသည္ ၁၀ေပ၊ ေပ ၂၀ အက်ယ္ရွိၿပီးေနအိမ္တစ္လုံးလွ်င္ လူဦးေရ ၃ ဦးမွ ၄ဦးအထိ ေနထိုင္ႏိုင္မည္ျဖစ္သည္။တ႐ုတ္ႏိုင္ငံသည္ ျမန္မာႏိုင္ငံအတြင္း ဒုကၡသည္မ်ားအတြက္ေနအိမ္မ်ားကို ၿပီးခဲ့သည့္ ႏွစ္မ်ားမွစတင္ကာလႉဒါန္းခဲ့ျခင္းျဖစ္ၿပီး ယခုႏွစ္အတြင္းေနာက္ထပ္ အိမ္အလုံးေပါင္း ၉၀၀၀ ေက်ာ္ ထပ္မံလႉဒါန္းထားသည့္အတြက္ စုစုေပါင္း အိမ္အလုံးေရ ၁ေသာင္းခန႔္ ေဆာက္လုပ္သြားမည္ျဖစ္ေၾကာင္း ယင္းဝန္ႀကီးဌာနထံမွ သိရသည္။

လက္ရွိတြင္ ေဆာက္လုပ္ေရးဝန္ႀကီးဌာနသည္ အသင့္တပ္ဆင္ေနထိုင္ႏိုင္သည့္ အိမ္မ်ားကို ရန္ကုန္ၿမိဳ႕ ပုဇြန္ေတာင္ၿမိဳ႕နယ္ရွိ ဆရာဝန္မ်ားႏွင့္ သူနာျပဳမ်ား နားေနအသုံးျပဳႏိုင္ရန္ အသုံးျပဳလ်က္ရွိၿပီး က်န္ရွိသည့္ အိမ္မ်ားကိုလည္း Covid-19 အတြက္ လိုအပ္သည့္ ေနရာမ်ားတြင္ထပ္မံအသုံးျပဳသြားမည္ျဖစ္ေၾကာင္း ေဆာက္လုပ္ေရးဝန္ႀကီးဌာနထံမွ သိရသည္။

တ႐ုတ္ျပည္သူ႔သမၼတႏိုင္ငံသည္ ဧၿပီလအတြင္းကလည္း ျမန္မာႏိုင္ငံသို႕ အသင့္ေဆာက္အိမ္ Modular House မ်ားလွဴဒါန္းခဲ့သည္။Modular House တစ္လုံးလွ်င္ ၁၈ ေပ ပတ္လည္ အခန္း ၅ ခန္း ပါဝင္ၿပီး တည္ေဆာက္မႈအေနျဖင့္ ၇ ရက္သာ ၾကာျမင့္ေၾကာင္းသိရသည္။ ေဆာက္လုပ္ေရးဝန္ႀကီးဌာနသည္ COVID-19 ကာကြယ္ေရးလုပ္ငန္းမ်ားတြင္ အသုံးျပဳႏိုင္ရန္ ျပည္နယ္ႏွင့္ တိုင္းေဒသႀကီး ၉ ခု႐ွိ ဌာနပိုင္ အိမ္ရာ ၃၁ လုံးမွ အခန္း ၇၅၀ ေက်ာ္ကို Quarantine center အျဖစ္ အသုံးျပဳႏိုင္ရန္ ေဆာင္႐ြက္ခဲ့ေၾကာင္း သိရသည္။

မင္းခ်ိဳ ( iMyanmarHouse.com အိုင္ျမန္မာေဟာက္စ္ေဒါ့ကြန္း) မွ အထူးေရးသားေဖာ္ျပသည္။

Credit: iMyanmarHouse.com