WHO တွင် အမေရိကန် ဆက်ရှိရန် အီးယူခေါင်းဆောင်များ တိုက်တွန်း

[Unicode]

အမေရိကန်သမ္မတ ဒေါ်နယ်ထရန့်၏ အမေရိကန်အား ကမ္ဘာ့ကျန်းမာရေးအဖွဲ့ (WHO) မှ ဆွဲထုတ်ပစ်ရန် မကြာသေးမီက ကြေညာလိုက်သည့် အစီအစဉ်များကို ပြန်လည်စဉ်းစားပေးရန် ဥရောပသမဂ္ဂ (EU) ရှိ တာဝန်ရှိသူများက သမ္မတထရန့်အား တိုက်တွန်းလိုက်ကြကြောင်း သိရသည်။

သမ္မတထရန့်က WHO နှင့် ဆက်ဆံရေးအား ထာဝရဖြတ်တောက်ပစ်ပြီး အခြားအဖွဲ့အစည်းများသို့ ပြောင်းလဲထောက်ပံ့သွားမည့် အစီအစဉ်များကို မေ ၂၉ တွင် သတင်းထောက်များသို့ ပြောကြားခဲ့သည်။

မေ ၃၀ တွင် ဥရောပကော်မရှင်ဥက္ကဋ္ဌ Ursula von der Leyen နှင့် အီးယူထိပ်တန်းသံတမန် Josep Borrell တို့က ထရန့်အား COVID-19 ကပ်ဘေးအတွင်း နိုင်ငံတကာရလဒ်များကို အားပျော့စေမည့်လုပ်ရပ်များကို ရှောင်ကြဉ်ရမည်ဖြစ်ကြောင်း ပြောကြားလျက် သူ၏အစီအစဉ်များကို ပြန်လည်စဉ်းစားရန် တောင်းဆိုခဲ့ကြခြင်းဖြစ်သည်။

“WHO ဟာ လတ်တလောနဲ့ အနာဂတ်မှာ ၎င်းကပ်ရောဂါကို နိုင်ငံတကာတုံ့ပြန်မှုအပေါ် ဆက်လက်ဦးဆောင်နိုင်ဖို့လိုပါတယ်။ ဒီအတွက် အားလုံးရဲ့ ပါဝင်ဆောင်ရွက်ပံ့ပိုးမှုကို အလွန့်အလွန်ကို လိုအပ်ပါတယ်။” ဟု von der Leyen နှင့် Borrell တို့က ပူးတွဲထုတ်ပြန်ချက်တစ်ရပ်တွင် ပြောကြားခဲ့သည်။

သူတို့နှစ်ဦးက WHO အဖွဲ့ဝင်များသည် ကပ်ဘေးတုံ့ပြန်ဖြေရှင်းချက်မှ ရရှိခဲ့သော သင်ခန်းစာများကို ပြန်လည်သုံးသပ်ကြရန် ယခုလအစောပိုင်းက သဘောတူထားခဲ့ကြကြောင်းလည်း မှတ်ချက်ပြုပြောကြားခဲ့ကြသည်။

ဧပြီတုန်းကလည်း ထရန့်က WHO သည် ကိုရိုနာဗိုင်းရပ်စ်ပျံ့နှံ့မှုနှင့်ပတ်သက်၍ ဖုံးကွယ်ခဲ့ပြီး ဗိုင်းရပ်စ်ထိန်းချုပ်မှုအရေးစီမံခန့်ခွဲမှုညံ့ဖျင်းသည်ဟု စွပ်စွဲကာ WHO သို့ အမေရိကန်၏ရန်ပုံငွေထောက်ပံ့မှုကို ခေတ္တရပ်ဆိုင်းခဲ့သည်။ WHO အပေါ် တရုတ်၏ လွှမ်းမိုးမှုအလွန်များသည်ဟုလည်း ထရန့်က စောဒကတက်ခဲ့သေးသည်။

ထို့နောက် မေ ၁၈ တွင် ထရန့်က WHO အား မည်မည်ရရအပြောင်းအလဲများကို ပြုလုပ်ရန် သို့မဟုတ် အမေရိကန်၏ရန်ပုံငွေထောက်ပံ့မှုထာဝရရပ်ဆိုင်းမှု ထာဝရဖြစ်လာခြင်းကို ရင်ဆိုင်ရန် ရက် ၃၀ အချိန်ပေးခဲ့သည်။ ထရန့်၏ မေ ၂၉ တွင် ကြေညာချက်သည် ထိုသို့ရာဇသံပေးပြီးနောက် သီတင်းပတ်နှစ်ပတ်နီးပါးအကြာတွင် ထွက်ရှိလာခဲ့ခြင်းဖြစ်သည်။

ထရန့်၏ယင်းကြေညာချက်နှင့်ပတ်သက်၍ WHO က တစ်စုံတစ်ရာတုံ့ပြန်ခဲ့ခြင်းမရှိသေးသော်လည်း အဖွဲ့ဝင်နိုင်ငံများနှင့် ကျန်းမာရေဝန်ကြီးများက အဖွဲ့၏ တစ်နိုင်ငံတည်းသော အများဆုံးအလှူရှင်၏ အဆိုပါကြေညာချက်အပေါ် စိတ်ပျက်နေကြကြောင်း သိရသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏာန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: European Union Leaders Urge U.S. To Remain In WHO (npr)

[Zawgyi]

WHO တြင္ အေမရိကန္ ဆက္ရွိရန္ အီးယူေခါင္းေဆာင္မ်ား တိုက္တြန္း

အေမရိကန္သမၼတ ေဒၚနယ္ထရန႔္၏ အေမရိကန္အား ကမာၻ႔က်န္းမာေရးအဖြဲ႕ (WHO) မွ ဆြဲထုတ္ပစ္ရန္ မၾကာေသးမီက ေၾကညာလိုက္သည့္ အစီအစဥ္မ်ားကို ျပန္လည္စဥ္းစားေပးရန္ ဥေရာပသမဂၢ (EU) ရွိ တာဝန္ရွိသူမ်ားက သမၼတထရန႔္အား တိုက္တြန္းလိုက္ၾကေၾကာင္း သိရသည္။

သမၼတထရန႔္က WHO ႏွင့္ ဆက္ဆံေရးအား ထာဝရျဖတ္ေတာက္ပစ္ၿပီး အျခားအဖြဲ႕အစည္းမ်ားသို႔ ေျပာင္းလဲေထာက္ပံ့သြားမည့္ အစီအစဥ္မ်ားကို ေမ ၂၉ တြင္ သတင္းေထာက္မ်ားသို႔ ေျပာၾကားခဲ့သည္။

ေမ ၃၀ တြင္ ဥေရာပေကာ္မရွင္ဥကၠ႒ Ursula von der Leyen ႏွင့္ အီးယူထိပ္တန္းသံတမန္ Josep Borrell တို႔က ထရန႔္အား COVID-19 ကပ္ေဘးအတြင္း ႏိုင္ငံတကာရလဒ္မ်ားကို အားေပ်ာ့ေစမည့္လုပ္ရပ္မ်ားကို ေရွာင္ၾကဥ္ရမည္ျဖစ္ေၾကာင္း ေျပာၾကားလ်က္ သူ၏အစီအစဥ္မ်ားကို ျပန္လည္စဥ္းစားရန္ ေတာင္းဆိုခဲ့ၾကျခင္းျဖစ္သည္။

“WHO ဟာ လတ္တေလာနဲ႔ အနာဂတ္မွာ ၎ကပ္ေရာဂါကို ႏိုင္ငံတကာတုံ႔ျပန္မႈအေပၚ ဆက္လက္ဦးေဆာင္ႏိုင္ဖို႔လိုပါတယ္။ ဒီအတြက္ အားလုံးရဲ႕ ပါဝင္ေဆာင္႐ြက္ပံ့ပိုးမႈကို အလြန႔္အလြန္ကို လိုအပ္ပါတယ္။” ဟု von der Leyen ႏွင့္ Borrell တို႔က ပူးတြဲထုတ္ျပန္ခ်က္တစ္ရပ္တြင္ ေျပာၾကားခဲ့သည္။

သူတို႔ႏွစ္ဦးက WHO အဖြဲ႕ဝင္မ်ားသည္ ကပ္ေဘးတုံ႔ျပန္ေျဖရွင္းခ်က္မွ ရရွိခဲ့ေသာ သင္ခန္းစာမ်ားကို ျပန္လည္သုံးသပ္ၾကရန္ ယခုလအေစာပိုင္းက သေဘာတူထားခဲ့ၾကေၾကာင္းလည္း မွတ္ခ်က္ျပဳေျပာၾကားခဲ့ၾကသည္။

ဧၿပီတုန္းကလည္း ထရန႔္က WHO သည္ ကို႐ိုနာဗိုင္းရပ္စ္ပ်ံ႕ႏွံ႔မႈႏွင့္ပတ္သက္၍ ဖုံးကြယ္ခဲ့ၿပီး ဗိုင္းရပ္စ္ထိန္းခ်ဳပ္မႈအေရးစီမံခန႔္ခြဲမႈညံ့ဖ်င္းသည္ဟု စြပ္စြဲကာ WHO သို႔ အေမရိကန္၏ရန္ပုံေငြေထာက္ပံ့မႈကို ေခတၱရပ္ဆိုင္းခဲ့သည္။ WHO အေပၚ တ႐ုတ္၏ လႊမ္းမိုးမႈအလြန္မ်ားသည္ဟုလည္း ထရန႔္က ေစာဒကတက္ခဲ့ေသးသည္။

ထို႔ေနာက္ ေမ ၁၈ တြင္ ထရန႔္က WHO အား မည္မည္ရရအေျပာင္းအလဲမ်ားကို ျပဳလုပ္ရန္ သို႔မဟုတ္ အေမရိကန္၏ရန္ပုံေငြေထာက္ပံ့မႈထာဝရရပ္ဆိုင္းမႈ ထာဝရျဖစ္လာျခင္းကို ရင္ဆိုင္ရန္ ရက္ ၃၀ အခ်ိန္ေပးခဲ့သည္။ ထရန႔္၏ ေမ ၂၉ တြင္ ေၾကညာခ်က္သည္ ထိုသို႔ရာဇသံေပးၿပီးေနာက္ သီတင္းပတ္ႏွစ္ပတ္နီးပါးအၾကာတြင္ ထြက္ရွိလာခဲ့ျခင္းျဖစ္သည္။

ထရန႔္၏ယင္းေၾကညာခ်က္ႏွင့္ပတ္သက္၍ WHO က တစ္စုံတစ္ရာတုံ႔ျပန္ခဲ့ျခင္းမရွိေသးေသာ္လည္း အဖြဲ႕ဝင္ႏိုင္ငံမ်ားႏွင့္ က်န္းမာေရဝန္ႀကီးမ်ားက အဖြဲ႕၏ တစ္ႏိုင္ငံတည္းေသာ အမ်ားဆုံးအလႉရွင္၏ အဆိုပါေၾကညာခ်က္အေပၚ စိတ္ပ်က္ေနၾကေၾကာင္း သိရသည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏာန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပုံမ်ားအေသးစိတ္ကို ဤေနရာတြင္ ဖတ္ရႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: European Union Leaders Urge U.S. To Remain In WHO (npr)