ကိုရိုနာဗိုင်းရပ်ဟာ သင့်ဖုန်းပေါ်မှာ ၉ ရက်အသက်ရှင်နိုင်၊ ဘယ်လို ဆေးကြောသုတ်သင်မလဲ

### Unicode Version ###

သိပ္ပံပညာရှင်များ၏ ပြောကြားချက်အရ ကိုရိုနာဗိုင်းရပ်စ် အပါအဝင် ဗိုင်းရပ်စ်ပိုးများသည် လက်ကိုင်ဖုန်းများပေါ်တွင် ၉ ရက်ခန့်အထိ အသက်ရှင်နေနိုင်သည်ဟု နယူးယောက်ပို့စ်သတင်းတစ်ရပ်တွင် ဖော်ပြသည်။

ထို့ကြောင့် သင့်ဖုန်းကို ကောက်ကိုင်ကာ လူမှုကွန်ရက်စာမျက်နှာများပေါ်တွင် ကိုရိုနာဗိုင်းရပ်စ်နှင့် ပတ်သက်သည့် သတင်းများကို မရှာဖွေမီပင် သင့်ကိုဗိုင်းရပ်စ်ကူးစက်နိုင်သည်ကို သတိပြုပါ။

ဂျာမာန်သုတေသနပညာရှင်တို့၏ ပြောကြားချက်အရ ဖုန်းကိုပြုလုပ်သည့် ပစ္စည်းများဖြစ်သော သတ္တု၊ ဖန်၊ ပလတ်စတစ်အစရှိသည့် သက်မဲ့ ပစ္စည်းအားလုံးအပေါ်တွင် ၉ ရက်တာ အသက်ရှင်နိုင်သည်ဟု ဆိုသည်။

ဂျာမန်သုတေသနာပညာရှင်တို့၏ လေ့လာတွေ့ရှိချက်ကို Journal of Hospital Infection တွင် ပုံနှိပ်ဖော်ပြခဲ့ခြင်းဖြစ်သည်။

ယင်းလေ့လာချက်သည် ယခင်ဖြစ်ပွားခဲ့သည့်ရောဂါများဖြစ်သော ဆားစ်ရောဂါ (Severe Acute Respiratory Syndrome) ၊ မားစ် ရောဂါ (Middle East Respiratory Syndrome) နှင့် နိုင်ငံအလိုက်ပျံ့ပွားသော လူသားတို့တွင်ကူးစက်သည့် ကိုရိုနာဗိုင်းရပ်စ် (HcoV) ရောဂါများတွင် လေ့လာခဲ့သော လေ့လာချက် ၂၂ ရပ်အပေါ် အခြေခံထားခြင်း ဖြစ်သည်။

လေ့လာချက်များအရ ဆိုဒီယမ် ဟိုက်ပိုကလိုရိုက်ဒ် (အစွန်းချွတ်ဆေး) ၀ ဒသမ ၁ ရာခိုင်နှုန်းနှင့် အီသနော (လက်ဆေးရည် hand sanitizers) ၆၂ ရာခိုင်နှုန်းမှ ၇၁ ရာခိုင်နှုန်းအကြား ရောစပ်ကာ လက်ကိုင်ဖုန်းများကို တစ်မိနစ်ခန့် အချိန်ယူ သန့်ရှင်းပေးရမည် ဖြစ်သည်။

အဆိုပါ ရောစပ်ရည်ဖြင့် သန့်စင်ရာတွင် စပရေးဖြန်းသကဲ့သို့ ဖြန်းချခြင်းမပြုလုပ်ရပါ။ နူးညံ့သောအဝတ်စတွင် ဆွတ်ကာ ပွတ်ပေးရမည် ဖြစ်သည်။

တရုတ်ပြည်မှ ရောဂါထိန်းချုပ်ရေးနှင့် ကာကွယ်ရေးဌာန၏ သုတေသနပညာရှင်များ တွေ့ရှိချက်အရ ကိုရိုနာဗိုင်းရပ်စ် ကူးစက်ခံရသူတို့၏ မစင်တွင် ဗိုင်းရပ်စ်များ ရှင်သန်ပေါက်ဖွားနေကြောင်း ပြောကြားသည်။

ထို့ကြောင့် ဗိုင်းရပ်စ်သည် နှာချေခြင်း၊ ချောင်းဆိုးခြင်းမှ ထွက်လာသည့်အမှုန်များတွင် တွေ့ရသည့်နည်းတူ မစင်တွင်လည်း ပေါက်ဖွားသည်ဟု ဆိုလိုသည်။

များစွာသောသူတို့သည် အိမ်သာသို့ ဖုန်းများယူဆောင်သွားကာ အချိန်ကြာမြင့်စွာ သုံးစွဲလေ့ရှိကြသည်။ အိမ်သာသည် ဗိုင်းရပ်စ်ပိုး မျိုးစုံပေါက်ဖွားရှင်သန်ရာအရပ်ဖြစ်ပြီး အထူးသဖြင့် ယခုကာလတွင် ကိုရိုနာဗိုင်းရပ်စ်များ ရှိနေနိုင်သည်။

အမေရိကန်ပြည်ထောင်စု ၊ အရီဇိုးနားတက္ကသိုလ်မှ အနုဇီဝဗေဒနှင့်ကိုယ်ခံအားစနစ်ဆိုင်ရာ ပါမောက္ခ ချားလ်စ် ဂါဘာက ပြောကြားရာတွင် လူတို့၏လက်သည် မသန့်ရှင်းသောနေရာများကို ထိကိုင်ပြီး ချက်ချင်းဆိုသလို ဖုန်းကို ကိုင်လေ့ရှိသဖြင့် ဖုန်းသည် အလွန်အန္တရာယ်ကြီးမားသည့် ပစ္စည်းတစ်ခုဖြစ်လာကြောင်း ပြောကြားသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

### Zawgyi Version ###

ကို႐ိုနာဗိုင္းရပ္ဟာ သင့္ဖုန္းေပၚမွာ ၉ ရက္အသက္ရွင္ႏိုင္၊ ဘယ္လို ေဆးေၾကာသုတ္သင္မလဲ

သိပၸံပညာရွင္မ်ား၏ ေျပာၾကားခ်က္အရ ကို႐ိုနာဗိုင္းရပ္စ္ အပါအဝင္ ဗိုင္းရပ္စ္ပိုးမ်ားသည္ လက္ကိုင္ဖုန္းမ်ားေပၚတြင္ ၉ ရက္ခန္႔အထိ အသက္ရွင္ေနႏိုင္သည္ဟု နယူးေယာက္ပို႔စ္သတင္းတစ္ရပ္တြင္ ေဖာ္ျပသည္။

ထို႔ေၾကာင့္ သင့္ဖုန္းကို ေကာက္ကိုင္ကာ လူမႈကြန္ရက္စာမ်က္ႏွာမ်ားေပၚတြင္ ကို႐ိုနာဗိုင္းရပ္စ္ႏွင့္ ပတ္သက္သည့္ သတင္းမ်ားကို မရွာေဖြမီပင္ သင့္ကိုဗိုင္းရပ္စ္ကူးစက္ႏိုင္သည္ကို သတိျပဳပါ။

ဂ်ာမာန္သုေတသနပညာရွင္တို႔၏ ေျပာၾကားခ်က္အရ ဖုန္းကိုျပဳလုပ္သည့္ ပစၥည္းမ်ားျဖစ္ေသာ သတၱဳ၊ ဖန္၊ ပလတ္စတစ္အစရွိသည့္ သက္မဲ့ ပစၥည္းအားလုံးအေပၚတြင္ ၉ ရက္တာ အသက္ရွင္ႏိုင္သည္ဟု ဆိုသည္။

ဂ်ာမန္သုေတသနာပညာရွင္တို႔၏ ေလ့လာေတြ႕ရွိခ်က္ကို Journal of Hospital Infection တြင္ ပုံႏွိပ္ေဖာ္ျပခဲ့ျခင္းျဖစ္သည္။

ယင္းေလ့လာခ်က္သည္ ယခင္ျဖစ္ပြားခဲ့သည့္ေရာဂါမ်ားျဖစ္ေသာ ဆားစ္ေရာဂါ (Severe Acute Respiratory Syndrome) ၊ မားစ္ ေရာဂါ (Middle East Respiratory Syndrome) ႏွင့္ ႏိုင္ငံအလိုက္ပ်ံ႕ပြားေသာ လူသားတို႔တြင္ကူးစက္သည့္ ကို႐ိုနာဗိုင္းရပ္စ္ (HcoV) ေရာဂါမ်ားတြင္ ေလ့လာခဲ့ေသာ ေလ့လာခ်က္ ၂၂ ရပ္အေပၚ အေျခခံထားျခင္း ျဖစ္သည္။

ေလ့လာခ်က္မ်ားအရ ဆိုဒီယမ္ ဟိုက္ပိုကလို႐ိုက္ဒ္ (အစြန္းခြၽတ္ေဆး) ၀ ဒသမ ၁ ရာခိုင္ႏႈန္းႏွင့္ အီသေနာ (လက္ေဆးရည္ hand sanitizers) ၆၂ ရာခိုင္ႏႈန္းမွ ၇၁ ရာခိုင္ႏႈန္းအၾကား ေရာစပ္ကာ လက္ကိုင္ဖုန္းမ်ားကို တစ္မိနစ္ခန္႔ အခ်ိန္ယူ သန္႔ရွင္းေပးရမည္ ျဖစ္သည္။

အဆိုပါ ေရာစပ္ရည္ျဖင့္ သန္႔စင္ရာတြင္ စပေရးျဖန္းသကဲ့သို႔ ျဖန္းခ်ျခင္းမျပဳလုပ္ရပါ။ ႏူးညံ့ေသာအဝတ္စတြင္ ဆြတ္ကာ ပြတ္ေပးရမည္ ျဖစ္သည္။

တ႐ုတ္ျပည္မွ ေရာဂါထိန္းခ်ဳပ္ေရးႏွင့္ ကာကြယ္ေရးဌာန၏ သုေတသနပညာရွင္မ်ား ေတြ႕ရွိခ်က္အရ ကို႐ိုနာဗိုင္းရပ္စ္ ကူးစက္ခံရသူတို႔၏ မစင္တြင္ ဗိုင္းရပ္စ္မ်ား ရွင္သန္ေပါက္ဖြားေနေၾကာင္း ေျပာၾကားသည္။

ထို႔ေၾကာင့္ ဗိုင္းရပ္စ္သည္ ႏွာေခ်ျခင္း၊ ေခ်ာင္းဆိုးျခင္းမွ ထြက္လာသည့္အမႈန္မ်ားတြင္ ေတြ႕ရသည့္နည္းတူ မစင္တြင္လည္း ေပါက္ဖြားသည္ဟု ဆိုလိုသည္။

မ်ားစြာေသာသူတို႔သည္ အိမ္သာသို႔ ဖုန္းမ်ားယူေဆာင္သြားကာ အခ်ိန္ၾကာျမင့္စြာ သုံးစြဲေလ့ရွိၾကသည္။ အိမ္သာသည္ ဗိုင္းရပ္စ္ပိုး မ်ိဳးစုံေပါက္ဖြားရွင္သန္ရာအရပ္ျဖစ္ၿပီး အထူးသျဖင့္ ယခုကာလတြင္ ကို႐ိုနာဗိုင္းရပ္စ္မ်ား ရွိေနႏိုင္သည္။

အေမရိကန္ျပည္ေထာင္စု ၊ အရီဇိုးနားတကၠသိုလ္မွ အႏုဇီဝေဗဒႏွင့္ကိုယ္ခံအားစနစ္ဆိုင္ရာ ပါေမာကၡ ခ်ားလ္စ္ ဂါဘာက ေျပာၾကားရာတြင္ လူတို႔၏လက္သည္ မသန္႔ရွင္းေသာေနရာမ်ားကို ထိကိုင္ၿပီး ခ်က္ခ်င္းဆိုသလို ဖုန္းကို ကိုင္ေလ့ရွိသျဖင့္ ဖုန္းသည္ အလြန္အႏၲရာယ္ႀကီးမားသည့္ ပစၥည္းတစ္ခုျဖစ္လာေၾကာင္း ေျပာၾကားသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com