အေမရိကန္သမၼတေဟာင္း ေရာ္နယ္ေရဂင္ႏွင့္ ဇနီးျဖစ္သူ ေအာ္စကာဆုရွင္ ရုပ္ရွင္မင္းသမီးတို႔၏ ေလာ့စ္အိန္ဂ်လိစံအိမ္ ကန္ေဒၚလာ ၆ ဒ သမ ၇၅ သန္းျဖင့္ အေရာင္းေစ်းကြက္ဝင္လာ

### Zawgyi Version ###

ေရာ္နယ္ေရဂင္သည္ အေမရိကန္ျပည္ေထာင္စု၏ ၄၀ ဆက္ေျမာက္ သမၼတၾကီးျဖစ္ျပီး ၁၉၈၁ ခုႏွစ္မွ ၁၉၈၉ ခုႏွစ္အထိ သမၼတသက္တမ္း ၂ ၾကိမ္တာဝန္ထမ္းေဆာင္ခဲ့သည္။

သမၼတအျဖစ္ တာဝန္မထမ္းေဆာင္မီက ေရဂင္သည္ ေဟာလိဝုဒ္သရုပ္ေဆာင္တစ္ဦးျဖစ္ခဲ့သည္။

သူ၏ ဒုတိယသက္တမ္းကာလအတြင္း စစ္ေအးေခတ္ အဆံုးသတ္ျခင္း၊ လစ္ဗ်ားကို ဗံုးၾကဲတိုက္ခိုက္ျခင္း၊ အီရန္-အီရတ္စစ္ပြဲႏွင့္ အီရန္-ကြန္ထရာ အေရးမ်ား ေပၚေပါက္ခဲ့သည္။

Hellcats of the Navy ဟူေသာ ရုပ္ရွင္ဇာတ္ကားတြင္ ေရာ္နယ္ေရဂင္သည္ ဇနီးျဖစ္သူ နန္စီေရဂင္ႏွင့္အတူ ပါဝင္သရုပ္ေဆာင္ခဲ့သည္။

ယခုအခါ ေလာ့စ္အိန္ဂ်လိျမိဳ႕ရွိ လူကံုထံရပ္ကြက္ တစ္ခုျဖစ္ေသာ Little Holmby တြင္ တည္ရွိသည့္ ေနအိမ္တစ္လံုး အေရာင္းေစ်းကြက္ဝင္လာသည္။

Little Holmby သည္ ေလာ့စ္အိန္ဂ်လိ၏ နာမည္ေက်ာ္ Holmby Hills ၊ Bel Air အစရွိသည့္ ေဒသမ်ားႏွင့္ ကပ္လ်က္တည္ရွိျပီး ေလာ့စ္အိန္ဂ်လိတြင္ လူၾကိဳက္အမ်ားဆံုးေနရာတစ္ခုျဖစ္ကာ ေျမထဲပင္လယ္၊ စပိန္ရီဗိုက္ဗယ္အစရွိသည့္ ဗိသုကာလက္ရာဟန္ စံအိမ္မ်ားျဖင့္ နာမည္ေက်ာ္ေသာေဒသျဖစ္သည္။

ယခုေစ်းကြက္ဝင္လာသည့္ ေနအိမ္ကို ကိုလိုနီ ရီဗိုက္ဗယ္လ္ဗိသုကာဟန္ျဖင့္ ေဆာက္လုပ္ထားျပီး ေရာ္နယ္ေရဂင္ႏွင့္ ဇနီးျဖစ္သူ ဂ်ိန္း ဝိုင္မန္းတို႔ လက္ထပ္ျပီးေနာက္ ေနထိုင္ခဲ့ၾကသည့္ေနအိမ္ျဖစ္ကာ ကန္ေဒၚလာ ၆ ဒသမ ၇၅ သန္း ေစ်းေခၚထားသည္။ အဆိုပါစံအိမ္သည္ လြန္ခဲ့ေသာ ၂ ႏွစ္က ကန္ေဒၚလာ ၆ ဒသမ ၄၅ သန္းျဖင့္ အေရာင္းအဝယ္ျဖစ္ခဲ့ဖူးျပီး ၁၉၃၈ ခုႏွစ္အတြင္း စတင္ေဆာက္လုပ္ခဲ့စဥ္က ကုန္က်စရိတ္မွာ ကန္ေဒၚလာ ၁၂၈၀၀ သာ ကုန္က်ခဲ့သည္။

ေရဂင္သည္ ရုပ္ရွင္သရုပ္ေဆာင္အျဖစ္ က်င္လည္ေနစဥ္ ၁၉၄၀ ျပည့္လြန္ကာလမ်ားအတြင္း အဆိုပါစံအိမ္ကို ဇနီးျဖစ္သူ ဝုိင္မန္းႏွင့္အတူ ဝယ္ယူခဲ့ျခင္းျဖစ္သည္။

ဝိုင္မန္းသည္ ေအာ္စကာဆုရ ရုပ္ရွင္မင္းသမီးျဖစ္ျပီး ၁၉၄၉ ခုႏွစ္တြင္ ဇနီးေမာင္ႏွံကြာရွင္းျပီးေနာက္ပိုင္း ေနအိမ္ကို ဆက္လက္ပိုင္ဆိုင္ခဲ့သည္။

ေနအိမ္ကို ဒီဇိုင္းေရးဆြဲေပးခဲ့သည့္ ဗိသုကာပညာရွင္ ေပါလ္ ဝီလ်ံသည္ ဖရန္႔ စီနာထရာ၊ လူစီေဘာ၊ ေဒစီ အားနက္ဇ္ႏွင့္ ဘာဘရာ စတန္းဝစ္ခ္တို႔အတြက္လည္း ေနအိမ္ဒီဇိုင္းေရးဆြဲေပးခဲ့သူ ျဖစ္သည္။

စံအိမ္အတြင္း အိပ္ခန္း ၅ ခန္းႏွင့္ ေရခ်ဳိးခန္း ၇ ခန္း၊ စံမီညစာစားခန္းႏွင့္ အျဖဴ၊ အမည္းေရာင္မ်ားျဖင့္ မြမ္းမံထားေသာ မီးဖိုေဆာင္တစ္ခု ပါဝင္ကာ စံအိမ္အက်ယ္အဝန္းမွာ စတုရန္းေပ ၆၁၅၃ ရွိသည္။

ပန္းေရာင္မ်ား လႊမ္းမိုးေသာ master bedroom တြင္ ျခံေနာက္ဘက္ ပန္းျခံကို စီးမိုးေတြ႔ျမင္ႏိုင္သည့္ လသာေဆာင္တစ္ခုလည္း ပါဝင္သည္။

ေရာ္နယ္ေရဂင္သည္ ရုပ္ရွင္သရုပ္ေဆာင္အျဖစ္ ျဖတ္သန္းျပီးေနာက္ပိုင္း ကယ္လီဖိုးနီးယားျပည္နယ္ အုပ္ခ်ဳပ္ေရးမွဴးအျဖစ္ ၈ ႏွစ္ၾကာ တာဝန္ထမ္းေဆာင္ခဲ့ျပီး ၁၉၈၁ ခုႏွစ္မွ စတင္ကာ အေမရိကန္ျပည္ေထာင္စု၏ ၄၀ ဆက္ေျမာက္ သမၼတၾကီးအျဖစ္ တာဝန္ထမ္းေဆာင္ခဲ့ျခင္းျဖစ္သည္။

၂၀၀၄ ခုႏွစ္တြင္ ေရာ္နယ္ေရဂင္ ကြယ္လြန္ခဲ့ျပီး ကြယ္လြန္ခ်ိန္တြင္ အသက္ ၉၃ ႏွစ္ရွိျပီ ျဖစ္သည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

### Unicode Version ###

ရော်နယ်ရေဂင်သည် အမေရိကန်ပြည်ထောင်စု၏ ၄၀ ဆက်မြောက် သမ္မတကြီးဖြစ်ပြီး ၁၉၈၁ ခုနှစ်မှ ၁၉၈၉ ခုနှစ်အထိ သမ္မတသက်တမ်း ၂ ကြိမ်တာဝန်ထမ်းဆောင်ခဲ့သည်။

သမ္မတအဖြစ် တာဝန်မထမ်းဆောင်မီက ရေဂင်သည် ဟောလိဝုဒ်သရုပ်ဆောင်တစ်ဦးဖြစ်ခဲ့သည်။

သူ၏ ဒုတိယသက်တမ်းကာလအတွင်း စစ်အေးခေတ် အဆုံးသတ်ခြင်း၊ လစ်ဗျားကို ဗုံးကြဲတိုက်ခိုက်ခြင်း၊ အီရန်-အီရတ်စစ်ပွဲနှင့် အီရန်-ကွန်ထရာ အရေးများ ပေါ်ပေါက်ခဲ့သည်။

Hellcats of the Navy ဟူသော ရုပ်ရှင်ဇာတ်ကားတွင် ရော်နယ်ရေဂင်သည် ဇနီးဖြစ်သူ နန်စီရေဂင်နှင့်အတူ ပါဝင်သရုပ်ဆောင်ခဲ့သည်။

ယခုအခါ လော့စ်အိန်ဂျလိမြို့ရှိ လူကုံထံရပ်ကွက် တစ်ခုဖြစ်သော Little Holmby တွင် တည်ရှိသည့် နေအိမ်တစ်လုံး အရောင်းဈေးကွက်ဝင်လာသည်။

Little Holmby သည် လော့စ်အိန်ဂျလိ၏ နာမည်ကျော် Holmby Hills ၊ Bel Air အစရှိသည့် ဒေသများနှင့် ကပ်လျက်တည်ရှိပြီး လော့စ်အိန်ဂျလိတွင် လူကြိုက်အများဆုံးနေရာတစ်ခုဖြစ်ကာ မြေထဲပင်လယ်၊ စပိန်ရီဗိုက်ဗယ်အစရှိသည့် ဗိသုကာလက်ရာဟန် စံအိမ်များဖြင့် နာမည်ကျော်သောဒေသဖြစ်သည်။

ယခုဈေးကွက်ဝင်လာသည့် နေအိမ်ကို ကိုလိုနီ ရီဗိုက်ဗယ်လ်ဗိသုကာဟန်ဖြင့် ဆောက်လုပ်ထားပြီး ရော်နယ်ရေဂင်နှင့် ဇနီးဖြစ်သူ ဂျိန်း ဝိုင်မန်းတို့ လက်ထပ်ပြီးနောက် နေထိုင်ခဲ့ကြသည့်နေအိမ်ဖြစ်ကာ ကန်ဒေါ်လာ ၆ ဒသမ ၇၅ သန်း ဈေးခေါ်ထားသည်။ အဆိုပါစံအိမ်သည် လွန်ခဲ့သော ၂ နှစ်က ကန်ဒေါ်လာ ၆ ဒသမ ၄၅ သန်းဖြင့် အရောင်းအဝယ်ဖြစ်ခဲ့ဖူးပြီး ၁၉၃၈ ခုနှစ်အတွင်း စတင်ဆောက်လုပ်ခဲ့စဉ်က ကုန်ကျစရိတ်မှာ ကန်ဒေါ်လာ ၁၂၈၀၀ သာ ကုန်ကျခဲ့သည်။

ရေဂင်သည် ရုပ်ရှင်သရုပ်ဆောင်အဖြစ် ကျင်လည်နေစဉ် ၁၉၄၀ ပြည့်လွန်ကာလများအတွင်း အဆိုပါစံအိမ်ကို ဇနီးဖြစ်သူ ဝိုင်မန်းနှင့်အတူ ဝယ်ယူခဲ့ခြင်းဖြစ်သည်။

ဝိုင်မန်းသည် အော်စကာဆုရ ရုပ်ရှင်မင်းသမီးဖြစ်ပြီး ၁၉၄၉ ခုနှစ်တွင် ဇနီးမောင်နှံကွာရှင်းပြီးနောက်ပိုင်း နေအိမ်ကို ဆက်လက်ပိုင်ဆိုင်ခဲ့သည်။

နေအိမ်ကို ဒီဇိုင်းရေးဆွဲပေးခဲ့သည့် ဗိသုကာပညာရှင် ပေါလ် ဝီလျံသည် ဖရန့် စီနာထရာ၊ လူစီဘော၊ ဒေစီ အားနက်ဇ်နှင့် ဘာဘရာ စတန်းဝစ်ခ်တို့အတွက်လည်း နေအိမ်ဒီဇိုင်းရေးဆွဲပေးခဲ့သူ ဖြစ်သည်။

စံအိမ်အတွင်း အိပ်ခန်း ၅ ခန်းနှင့် ရေချိုးခန်း ၇ ခန်း၊ စံမီညစာစားခန်းနှင့် အဖြူ၊ အမည်းရောင်များဖြင့် မွမ်းမံထားသော မီးဖိုဆောင်တစ်ခု ပါဝင်ကာ စံအိမ်အကျယ်အဝန်းမှာ စတုရန်းပေ ၆၁၅၃ ရှိသည်။

ပန်းရောင်များ လွှမ်းမိုးသော master bedroom တွင် ခြံနောက်ဘက် ပန်းခြံကို စီးမိုးတွေ့မြင်နိုင်သည့် လသာဆောင်တစ်ခုလည်း ပါဝင်သည်။

ရော်နယ်ရေဂင်သည် ရုပ်ရှင်သရုပ်ဆောင်အဖြစ် ဖြတ်သန်းပြီးနောက်ပိုင်း ကယ်လီဖိုးနီးယားပြည်နယ် အုပ်ချုပ်ရေးမှူးအဖြစ် ၈ နှစ်ကြာ တာဝန်ထမ်းဆောင်ခဲ့ပြီး ၁၉၈၁ ခုနှစ်မှ စတင်ကာ အမေရိကန်ပြည်ထောင်စု၏ ၄၀ ဆက်မြောက် သမ္မတကြီးအဖြစ် တာဝန်ထမ်းဆောင်ခဲ့ခြင်းဖြစ်သည်။ ၂၀၀၄ ခုနှစ်တွင် ရော်နယ်ရေဂင် ကွယ်လွန်ခဲ့ပြီး ကွယ်လွန်ချိန်တွင် အသက် ၉၃ နှစ်ရှိပြီ ဖြစ်သည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com