ကေမၻာဒီးယားတြင္ ေက်းရြာသားမ်ားကို ေျမယာမ်ားခြဲေဝေပးျပီး ျပန္လည္ေရာင္းခ်ျခင္း၊ ေပါင္ႏွံျခင္းမျပဳလုပ္ရန္ ဝန္ၾကီးက ေမတၱာရပ္ခံ ေျပာၾကား

### Zawgyi Version ###

ကေမၻာဒီးယားတြင္ ေက်းရြာသားမ်ားကို ေျမယာမ်ားခြဲေဝေပးလိုက္ျပီး အဆိုပါေျမယာမ်ားတြင္ ေနအိမ္မ်ား ေဆာက္လုပ္ရန္ႏွင့္ ထြန္ယက္စိုက္ပ်ဳိးရန္ႏွင့္ သားသမီးမ်ားကို အေမြအျဖစ္ လက္ဆင့္္ကမ္းလႊဲေျပာင္းရန္အတြက္သာ ဦးတည္ၾကရန္ႏွင့္ ျပန္လည္ေရာင္းခ်ျခင္း၊ ေပါင္ႏွံျခင္းမျပဳလုပ္ရန္ “ေျမယာစီမံခန္႔ခြဲေရး၊ ျမိဳ႕ျပစီမံကိန္းႏွင့္ ေဆာက္လုပ္ေရးဝန္ၾကီးဌာ”ဝန္ၾကီး ခ်ီယာ ဆိုဖာရာက ေမတၱာရပ္ခံ ေျပာၾကားလိုက္ေၾကာင္း ကေမၻာဒီးယားအေျခစိုက္ သတင္းဝက္ဘ္ဆိုက္တစ္ခုတြင္ ေဖာ္ျပသည္။

ကေမၻာဒီးယားႏိုင္ငံ၊ ကမ္ေပါင္ခ်န္းျပည္နယ္တြင္ ျပဳလုပ္ခဲ့ေသာ မေရႊ႕ေျပာင္းႏိုင္သည့္ ေျမယာပိုင္ဆိုင္မႈလက္မွတ္မ်ား ထုတ္ေပးျခင္းႏွင့္ “လူမႈေရးႏွင့္ စီးပြားေရးဖြံ႔ျဖိဳးရန္အတြက္ ေျမယာခ်ထားေပးေရး စီမံကိန္းအဆင့္ ၂” ေအာင္ပြဲအထိမ္းအမွတ္ အခမ္းအနားတြင္ ဝန္ၾကီးက ထိုသို႔ ေမတၱာရပ္ခံခဲ့ျခင္း ျဖစ္သည္။

ဆင္းရဲသားမ်ားႏွင့္ စစ္မႈထမ္းေဟာင္းမ်ားအနက္ ေျမယာလိုအပ္ေနသူမ်ားကို ေနအိမ္ေဆာက္လုပ္ရန္၊ ထြန္ယက္စိုက္ပ်ဳိးရန္အတြက္ အစိုးရက ေျမယာမ်ား ခ်ထားေပးျခင္းျဖစ္ေၾကာင္း ဝန္ၾကီး ဆိုဖာရာက ေျပာၾကားသည္။

ရရွိလာသည့္ ေျမမ်ားတြင္ ေမြးျမဴေရးလုပ္ငန္းမ်ားလုပ္ျခင္း၊ ထြန္ယက္စိုက္ပ်ဳိးျခင္းတို႔ျဖင့္ ဘဝျမင့္မားလာေအာင္ၾကိဳးပမ္းၾကရန္ ၊ ဆင္းရဲတြင္းမွ ရုန္းထြက္ၾကရန္ဝန္ၾကီးက လမ္းညႊန္ခဲ့ေၾကာင္း ဆမာကီ မီးေခ်းခရိုင္ အုပ္ခ်ဳပ္ေရးမွဴး ဗြန္ ဆီဖာက ေျပာၾကားသည္။

ဝန္ၾကီးက ေျမယာမ်ားကို ျပန္လည္ေရာင္းခ်ျခင္းမျပဳရန္ႏွင့္ အဆိုပါေျမယာမ်ားသည္ မိမိတို႔၏ အနာဂတ္၊ မိမိတို႔ရင္ေသြးမ်ားအတြက္ အေမြအႏွစ္ျဖစ္ေၾကာင္းလည္း ေျပာၾကားခဲ့သည္။

ေျမယာမ်ားကို ေပါင္ႏွံပါကလည္း ျပန္လည္မေရြးယူႏုိင္ပါက ဆံုးရံႈးႏိုင္ေသာေၾကာင့္ ေပါင္ႏွံျခင္းလည္း မျပဳလုပ္ရန္ ဝန္ၾကီးက ေမတၱာရပ္ခံခဲ့သည္။ “တခါတရံမွာ ရြာသားေတြဟာ ေန႔စဥ္ေနထိုင္မႈစရိတ္ရဖို႔၊ လုပ္ငန္းတိုးခ်ဲ႕ဖို႔ အစရွိတဲ့အေၾကာင္းေၾကာင္းေၾကာင့္ ေျမယာေတြကို ေပါင္ႏွံေလ့ရွိၾကပါတယ္။ ဒီလိုေတြမလုပ္ဖို႔ ဝန္ၾကီးက လမ္းညႊန္ခဲ့တာပါ။ ကၽြန္ေတာ္တို႔ သူ႔ဆီက ေထာက္ခံမႈရျပီး ေျမယာေတြ ရေအာင္ ေတာ္ေတာ္ၾကိဳးစားထားရတာပါ။ ဒါေပမယ့္ ေျမယာကို ရရွိသြားတဲ့ ရြာသားေတြမွာ ေရာင္းခ်၊ ေပါင္ႏွံခြင့္ေတြ ရွိသြားျပီျဖစ္တာေၾကာင့္ သူတုိိ႔ ေရာင္းခ်၊ ေပါင္ႏွံတာေတြလုပ္ခဲ့ရင္ ကၽြန္ေတာ္တုိ႔အေနနဲ႔ တားဆီးပိတ္ပင္လို႔ မရပါဘူး” ဟု ဗြန္ ဆီဖာက ဆိုသည္။

“ေက်းဇူးျပဳျပီး ဒီေျမေတြကို ေရာင္းခ်၊ ေပါင္ႏွံတာေတြ မလုပ္ၾကပါနဲ႔။ ဒီလိုလုပ္တာက ပိုမိုက်ပ္တည္းမႈေတြနဲ႔ပဲ ရင္ဆိုင္လာရႏိုင္ပါတယ္”ဟု အုပ္ခ်ဳပ္ေရးမွဴးက ဆက္လက္ေျပာၾကားသည္။

ဆမာကီ မီေခ်းခရိုင္တြင္ ေနထိုင္ေသာ စစ္မႈထမ္းေဟာင္း ရဲဝန္ထမ္းတစ္ဦးျဖစ္သည့္ ဆြန္ ကင္ေရာင္သည္ မီတာ ၃၀ ပတ္လည္ လူေနေျမကြက္ႏွင့္ ၁ ဟက္တာက်ယ္ဝန္းေသာ စိုက္ပ်ဳိးေျမရရွိခဲ့ျပီး အလြန္ဝမ္းေျမာက္လ်က္ရွိသည္။

အစိုးရက ခ်ထားေပးသည့္ ေျမယာမ်ားကို ေကာင္းစြာထိန္းသိမ္းေစာင့္ေရွာက္သြားမည္ဟု ကင္ေရာင္က ကတိျပဳစကား ေျပာၾကားသည္။ “ကၽြန္ေတာ္ ေနအိမ္တစ္လံုးနဲ႔ ထြန္ယက္စိုက္ပ်ဳိးဖို႔ ေျမတစ္ကြက္ရခဲ့ပါတယ္။ ဒီလိုေျမယာေတြရေတာ့ ကၽြန္ေတာ္အရမ္းေပ်ာ္မိပါတယ္”ဟု ကင္ေရာင္က ဝမ္းေျမာက္စကားဆိုသည္။

ေဒသတြင္းတြင္ အေျခခံအေဆာက္အအံု မျပည့္စံုမႈေၾကာင့္ ေျမယာရရွိသူအခ်ဳိ႕မွာ ေငြေၾကးအက်ပ္အတည္းၾကံဳရကာ ေရာင္းခ်၊ ေပါင္ႏွံျခင္းမ်ား ျပဳလုပ္ေလ့ရွိေၾကာင္းလည္း ကင္ေရာင္က ဆက္လက္ေျပာၾကားသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

 ### Unicode Version ###

 ကမ္ဘောဒီးယားတွင် ကျေးရွာသားများကို မြေယာများခွဲဝေပေးလိုက်ပြီး အဆိုပါမြေယာများတွင် နေအိမ်များ ဆောက်လုပ်ရန်နှင့် ထွန်ယက်စိုက်ပျိုးရန်နှင့် သားသမီးများကို အမွေအဖြစ် လက်ဆင့်ကမ်းလွှဲပြောင်းရန်အတွက်သာ ဦးတည်ကြရန်နှင့် ပြန်လည်ရောင်းချခြင်း၊ ပေါင်နှံခြင်းမပြုလုပ်ရန် “မြေယာစီမံခန့်ခွဲရေး၊ မြို့ပြစီမံကိန်းနှင့် ဆောက်လုပ်ရေးဝန်ကြီးဌာ”ဝန်ကြီး ချီယာ ဆိုဖာရာက မေတ္တာရပ်ခံ ပြောကြားလိုက်ကြောင်း ကမ္ဘောဒီးယားအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ကမ္ဘောဒီးယားနိုင်ငံ၊ ကမ်ပေါင်ချန်းပြည်နယ်တွင် ပြုလုပ်ခဲ့သော မရွှေ့ပြောင်းနိုင်သည့် မြေယာပိုင်ဆိုင်မှုလက်မှတ်များ ထုတ်ပေးခြင်းနှင့် “လူမှုရေးနှင့် စီးပွားရေးဖွံ့ဖြိုးရန်အတွက် မြေယာချထားပေးရေး စီမံကိန်းအဆင့် ၂” အောင်ပွဲအထိမ်းအမှတ် အခမ်းအနားတွင် ဝန်ကြီးက ထိုသို့ မေတ္တာရပ်ခံခဲ့ခြင်း ဖြစ်သည်။

ဆင်းရဲသားများနှင့် စစ်မှုထမ်းဟောင်းများအနက် မြေယာလိုအပ်နေသူများကို နေအိမ်ဆောက်လုပ်ရန်၊ ထွန်ယက်စိုက်ပျိုးရန်အတွက် အစိုးရက မြေယာများ ချထားပေးခြင်းဖြစ်ကြောင်း ဝန်ကြီး ဆိုဖာရာက ပြောကြားသည်။

ရရှိလာသည့် မြေများတွင် မွေးမြူရေးလုပ်ငန်းများလုပ်ခြင်း၊ ထွန်ယက်စိုက်ပျိုးခြင်းတို့ဖြင့် ဘဝမြင့်မားလာအောင်ကြိုးပမ်းကြရန် ၊ ဆင်းရဲတွင်းမှ ရုန်းထွက်ကြရန်ဝန်ကြီးက လမ်းညွှန်ခဲ့ကြောင်း ဆမာကီ မီးချေးခရိုင် အုပ်ချုပ်ရေးမှူး ဗွန် ဆီဖာက ပြောကြားသည်။

ဝန်ကြီးက မြေယာများကို ပြန်လည်ရောင်းချခြင်းမပြုရန်နှင့် အဆိုပါမြေယာများသည် မိမိတို့၏ အနာဂတ်၊ မိမိတို့ရင်သွေးများအတွက် အမွေအနှစ်ဖြစ်ကြောင်းလည်း ပြောကြားခဲ့သည်။

မြေယာများကို ပေါင်နှံပါကလည်း ပြန်လည်မရွေးယူနိုင်ပါက ဆုံးရှုံးနိုင်သောကြောင့် ပေါင်နှံခြင်းလည်း မပြုလုပ်ရန် ဝန်ကြီးက မေတ္တာရပ်ခံခဲ့သည်။ “တခါတရံမှာ ရွာသားတွေဟာ နေ့စဉ်နေထိုင်မှုစရိတ်ရဖို့၊ လုပ်ငန်းတိုးချဲ့ဖို့ အစရှိတဲ့အကြောင်းကြောင်းကြောင့် မြေယာတွေကို ပေါင်နှံလေ့ရှိကြပါတယ်။ ဒီလိုတွေမလုပ်ဖို့ ဝန်ကြီးက လမ်းညွှန်ခဲ့တာပါ။ ကျွန်တော်တို့ သူ့ဆီက ထောက်ခံမှုရပြီး မြေယာတွေ ရအောင် တော်တော်ကြိုးစားထားရတာပါ။ ဒါပေမယ့် မြေယာကို ရရှိသွားတဲ့ ရွာသားတွေမှာ ရောင်းချ၊ ပေါင်နှံခွင့်တွေ ရှိသွားပြီဖြစ်တာကြောင့် သူတို့ ရောင်းချ၊ ပေါင်နှံတာတွေလုပ်ခဲ့ရင် ကျွန်တော်တို့အနေနဲ့ တားဆီးပိတ်ပင်လို့ မရပါဘူး” ဟု ဗွန် ဆီဖာက ဆိုသည်။

“ကျေးဇူးပြုပြီး ဒီမြေတွေကို ရောင်းချ၊ ပေါင်နှံတာတွေ မလုပ်ကြပါနဲ့။ ဒီလိုလုပ်တာက ပိုမိုကျပ်တည်းမှုတွေနဲ့ပဲ ရင်ဆိုင်လာရနိုင်ပါတယ်”ဟု အုပ်ချုပ်ရေးမှူးက ဆက်လက်ပြောကြားသည်။

ဆမာကီ မီချေးခရိုင်တွင် နေထိုင်သော စစ်မှုထမ်းဟောင်း ရဲဝန်ထမ်းတစ်ဦးဖြစ်သည့် ဆွန် ကင်ရောင်သည် မီတာ ၃၀ ပတ်လည် လူနေမြေကွက်နှင့် ၁ ဟက်တာကျယ်ဝန်းသော စိုက်ပျိုးမြေရရှိခဲ့ပြီး အလွန်ဝမ်းမြောက်လျက်ရှိသည်။

အစိုးရက ချထားပေးသည့် မြေယာများကို ကောင်းစွာထိန်းသိမ်းစောင့်ရှောက်သွားမည်ဟု ကင်ရောင်က ကတိပြုစကား ပြောကြားသည်။ “ကျွန်တော် နေအိမ်တစ်လုံးနဲ့ ထွန်ယက်စိုက်ပျိုးဖို့ မြေတစ်ကွက်ရခဲ့ပါတယ်။ ဒီလိုမြေယာတွေရတော့ ကျွန်တော်အရမ်းပျော်မိပါတယ်”ဟု ကင်ရောင်က ဝမ်းမြောက်စကားဆိုသည်။

ဒေသတွင်းတွင် အခြေခံအဆောက်အအုံ မပြည့်စုံမှုကြောင့် မြေယာရရှိသူအချို့မှာ ငွေကြေးအကျပ်အတည်းကြုံရကာ ရောင်းချ၊ ပေါင်နှံခြင်းများ ပြုလုပ်လေ့ရှိကြောင်းလည်း ကင်ရောင်က ဆက်လက်ပြောကြားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)