အာရွပစိဖိတ္တြင္ ေတာင္ကိုရီးယားၿပီးလွ်င္ စကၤာပူက အဓိကအိမ္ၿခံေျမရင္းႏွီးျမႇဳပ္ႏွံသူျဖစ္

### Zawgyi Version ###

၂၀၁၉ စက္တင္ဘာလကုန္အထိ ေတာင္ကိုရီးယားႏုိင္ငံသည္ အာရွပစိဖိတ္ေဒသတြင္ အဓိကအိမ္ၿခံေျမရင္းႏွီးျမႇဳပ္ႏွံသူျဖစ္ေၾကာင္း၊ က်န္အာရွႏုိင္ငံမ်ားမွ ျပဳလုပ္ခဲ့ေသာ အိမ္ၿခံေျမရင္းႏွီးျမႇဳပ္ႏံွမႈ၏ ၃၅ ရာခုိင္ႏႈန္းရွိခဲ့ေၾကာင္း Korea Times သတင္းစာက ေလ့လာမႈတစ္ရပ္ကို ကိုးကား၍ ႏိုဝင္ဘာ ၁၂ တြင္ ေဖာ္ျပခဲ့သည္။

ကမာၻ႕အိမ္ၿခံေျမဝန္ေဆာင္မႈႏွင့္ ရင္းႏွီးျမႇဳပ္ႏွံမႈကုမၸဏီ CBRE ႏွင့္ ကိုရီးယားဘ႑ာေရးအဖြဲ႕အစည္း Korea Institutes of Finance (KIF) ထံမွရရွိေသာ အခ်က္အလက္မ်ားကို အေျခခံရေသာ္ ေတာင္ကိုရီးယားႏုိင္ငံသည္ စကၤာပူ (၂၀ ရာခိုင္ႏႈန္း)၊ ေဟာင္ေကာင္ (၁၄ ရာခုိင္ႏႈန္း) ႏွင့္ ဂ်ပန္ (၁၀ ရာခိုင္ႏႈန္း) တို႔အထက္မွ အဆင့္အျမင့္ဆံုးျဖစ္ခဲ့သည္။ ဆုိလိုသည္မွာ အာရွပစိဖိတ္တြင္ ေတာင္ကိုရီးယားၿပီးလွ်င္ စကၤာပူက အမ်ားဆံုးအိမ္ၿခံေျမရင္းႏီွးျမႇဳပ္ႏွံသူျဖစ္သည္။

၂၀၁၇ ခုႏွစ္တြင္ တ႐ုတ္က အာရွပစိဖိတ္ေဒသတြင္း စုစုေပါင္းရင္းႏွီးျမႇဳပ္ႏံွမႈ၏ ၅၅ ရာခိုင္ႏႈန္း ရွိခဲ့ၿပီး တ႐ုတ္ေနာက္မွ စကၤာပူက ၁၇ ရာခိုင္ႏႈန္း၊ ေဟာင္ေကာင္က ၁၄ ရာခုိင္ႏႈန္းႏွင့္ ေတာင္ကိုရီးယားက ၆ ရာခိုင္ႏႈန္းသာ ရွိခဲ့သည္။

သို႔ေသာ္လည္း ၿပိဳင္ဆုိင္မႈႀကီးထြားလာျခင္းေၾကာင့္ ၎ရင္းႏွီးျမႇဳပ္ႏံွမႈျမင့္တက္မႈသည္ အျမတ္အစြန္းမ်ားကို က်ဆင္းေစႏိုင္သည္ဟု KIF က ေတာင္ကိုရီးယားႏိုင္ငံသားမ်ားအား သတိေပးထားသည္။ ယခုႏွစ္မွာတင္ ႐ံုးအေဆာက္အအံုမ်ားအတြက္ ရင္းႏွီးျမႇဳပ္ႏွံမႈအျမတ္အစြန္းသည္ ၂၀၁၀ ျပည့္ႏွစ္တြင္ ၇ ရာခိုင္ႏႈန္းရွိခဲ့ရာမွ ၄ ရာခိုင္ႏႈန္းသို႔ က်ဆင္းခဲ့ေၾကာင္း သိရသည္။

KIF ၏ သုေတသနတစ္ဦးျဖစ္သူ Shyn Yong-sang က အိမ္ၿခံေျမရင္းႏွီးျမႇဳပ္ႏွံမႈမ်ားတြင္ အႏၱရာယ္မ်ားကို ႏိုးႏိုးၾကားၾကားေစာင့္ၾကည့္စီမံခန္႔ခြဲရန္ ဝယ္လက္မ်ားအား အားေပးတိုက္တြန္းထားသည္။

၂၀၁၉ စက္တင္ဘာအထိ ႏုိင္ငံျခားအိမ္ၿခံေျမရင္းႏွီးျမႇဳပ္ႏွံမႈမ်ားသည္ ကိုရီးယားဝမ္ ၅၀ ဒသမ ၇ ထရီလ်ံ (အေမရိကန္ေဒၚလာ ၄၃ ဒသမ ၅ ဘီလ်ံ) သို႔ ျမင့္တက္ခဲ့ၿပီး ကိုရီးယားဝမ္ ၁၂ ဒသမ ၃ ထရီလ်ံ ရွိခဲ့သည့္ ၂၀၁၅ ခုႏွစ္ကထက္ ေလးဆမ်ားျပားခဲ့ေၾကာင္း ကိုရီးယားဘ႑ာေငြရင္းႏွီးျမႇဳပ္ႏွံမႈအသင္း (KOFIA) ၏ ထုတ္ျပန္ခ်က္အရ သိရသည္။

၎႐ုတ္တရက္ျမင့္တက္မႈသည္ အျမတ္အစြန္းျမင့္မားသည့္ထုတ္ကုန္ကို ပိုမိုဦးစားေပးေသာ ကမာၻ႕ရင္းႏွီးျမႇဳပ္ႏွံမႈအဟုန္ႏွင့္ ကိုက္ညီသည္ဟုလည္း KOFIA က ထုတ္ျပန္ခဲ့သည္။ အခ်က္အလက္ႏွင့္ ခြဲျခမ္းစိတ္ျဖာေလ့လာေရးကုမၸဏီ Real Capital Analytics ၏ ထုတ္ျပန္ခ်က္အရလည္း အိမ္ၿခံေျမႏွင့္ပတ္သက္ေသာ ကမာၻ႕ရင္းႏွီးျမႇဳပ္ႏွံမႈသည္ ယခုႏွစ္တြင္ အေမရိကန္ေဒၚလာ ၁,၇၄၆ သို႔ တစ္ဟုန္ထုိးျမင့္တက္ခဲ့ကာ အေမရိကန္ေဒၚလာ ၄၄၆ ထရီလ်ံ ရွိခဲ့သည့္ ၂၀၀၉ ခုႏွစ္ထက္ ေလးဆခန္႔ ပိုမိုမ်ားျပားခဲ့ေၾကာင္း သိရသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

၂၀၁၉ စက်တင်ဘာလကုန်အထိ တောင်ကိုရီးယားနိုင်ငံသည် အာရှပစိဖိတ်ဒေသတွင် အဓိကအိမ်ခြံမြေရင်းနှီးမြှုပ်နှံသူဖြစ်ကြောင်း၊ ကျန်အာရှနိုင်ငံများမှ ပြုလုပ်ခဲ့သော အိမ်ခြံမြေရင်းနှီးမြှုပ်နံှမှု၏ ၃၅ ရာခိုင်နှုန်းရှိခဲ့ကြောင်း Korea Times သတင်းစာက လေ့လာမှုတစ်ရပ်ကို ကိုးကား၍ နိုဝင်ဘာ ၁၂ တွင် ဖော်ပြခဲ့သည်။

ကမ္ဘာ့အိမ်ခြံမြေဝန်ဆောင်မှုနှင့် ရင်းနှီးမြှုပ်နှံမှုကုမ္ပဏီ CBRE နှင့် ကိုရီးယားဘဏ္ဍာရေးအဖွဲ့အစည်း Korea Institutes of Finance (KIF) ထံမှရရှိသော အချက်အလက်များကို အခြေခံရသော် တောင်ကိုရီးယားနိုင်ငံသည် စင်္ကာပူ (၂၀ ရာခိုင်နှုန်း)၊ ဟောင်ကောင် (၁၄ ရာခိုင်နှုန်း) နှင့် ဂျပန် (၁၀ ရာခိုင်နှုန်း) တို့အထက်မှ အဆင့်အမြင့်ဆုံးဖြစ်ခဲ့သည်။ ဆိုလိုသည်မှာ အာရှပစိဖိတ်တွင် တောင်ကိုရီးယားပြီးလျှင် စင်္ကာပူက အများဆုံးအိမ်ခြံမြေရင်းနှီးမြှုပ်နှံသူဖြစ်သည်။

၂၀၁၇ ခုနှစ်တွင် တရုတ်က အာရှပစိဖိတ်ဒေသတွင်း စုစုပေါင်းရင်းနှီးမြှုပ်နံှမှု၏ ၅၅ ရာခိုင်နှုန်း ရှိခဲ့ပြီး တရုတ်နောက်မှ စင်္ကာပူက ၁၇ ရာခိုင်နှုန်း၊ ဟောင်ကောင်က ၁၄ ရာခိုင်နှုန်းနှင့် တောင်ကိုရီးယားက ၆ ရာခိုင်နှုန်းသာ ရှိခဲ့သည်။

သို့သော်လည်း ပြိုင်ဆိုင်မှုကြီးထွားလာခြင်းကြောင့် ၎င်းရင်းနှီးမြှုပ်နံှမှုမြင့်တက်မှုသည် အမြတ်အစွန်းများကို ကျဆင်းစေနိုင်သည်ဟု KIF က တောင်ကိုရီးယားနိုင်ငံသားများအား သတိပေးထားသည်။ ယခုနှစ်မှာတင် ရုံးအဆောက်အအုံများအတွက် ရင်းနှီးမြှုပ်နှံမှုအမြတ်အစွန်းသည် ၂၀၁၀ ပြည့်နှစ်တွင် ၇ ရာခိုင်နှုန်းရှိခဲ့ရာမှ ၄ ရာခိုင်နှုန်းသို့ ကျဆင်းခဲ့ကြောင်း သိရသည်။

KIF ၏ သုတေသနတစ်ဦးဖြစ်သူ Shyn Yong-sang က အိမ်ခြံမြေရင်းနှီးမြှုပ်နှံမှုများတွင် အန္တရာယ်များကို နိုးနိုးကြားကြားစောင့်ကြည့်စီမံခန့်ခွဲရန် ဝယ်လက်များအား အားပေးတိုက်တွန်းထားသည်။

၂၀၁၉ စက်တင်ဘာအထိ နိုင်ငံခြားအိမ်ခြံမြေရင်းနှီးမြှုပ်နှံမှုများသည် ကိုရီးယားဝမ် ၅၀ ဒသမ ၇ ထရီလျံ (အမေရိကန်ဒေါ်လာ ၄၃ ဒသမ ၅ ဘီလျံ) သို့ မြင့်တက်ခဲ့ပြီး ကိုရီးယားဝမ် ၁၂ ဒသမ ၃ ထရီလျံ ရှိခဲ့သည့် ၂၀၁၅ ခုနှစ်ကထက် လေးဆများပြားခဲ့ကြောင်း ကိုရီးယားဘဏ္ဍာငွေရင်းနှီးမြှုပ်နှံမှုအသင်း (KOFIA) ၏ ထုတ်ပြန်ချက်အရ သိရသည်။

၎င်းရုတ်တရက်မြင့်တက်မှုသည် အမြတ်အစွန်းမြင့်မားသည့်ထုတ်ကုန်ကို ပိုမိုဦးစားပေးသော ကမ္ဘာ့ရင်းနှီးမြှုပ်နှံမှုအဟုန်နှင့် ကိုက်ညီသည်ဟုလည်း KOFIA က ထုတ်ပြန်ခဲ့သည်။ အချက်အလက်နှင့် ခွဲခြမ်းစိတ်ဖြာလေ့လာရေးကုမ္ပဏီ Real Capital Analytics ၏ ထုတ်ပြန်ချက်အရလည်း အိမ်ခြံမြေနှင့်ပတ်သက်သော ကမ္ဘာ့ရင်းနှီးမြှုပ်နှံမှုသည် ယခုနှစ်တွင် အမေရိကန်ဒေါ်လာ ၁,၇၄၆ သို့ တစ်ဟုန်ထိုးမြင့်တက်ခဲ့ကာ အမေရိကန်ဒေါ်လာ ၄၄၆ ထရီလျံ ရှိခဲ့သည့် ၂၀၀၉ ခုနှစ်ထက် လေးဆခန့် ပိုမိုများပြားခဲ့ကြောင်း သိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)