ထားဝယ္ အထူးစီးပြားေရးဇုန္အပါအဝင္ တနသၤာရီတိုင္းေဒသႀကီးတစ္ခုလုံး ဖြံ႕ၿဖိဳးတိုးတက္ေရး လုပ္ကိုင္ရန္ ဂ်ပန္ႏိုင္ငံက စိတ္ဝင္စားေန

### Zawgyi Version ###

ထားဝယ္အထူးစီးပြားေရးဇုန္အပါအဝင္ တနသၤာရီတိုင္းေဒသႀကီးတစ္ခုလုံး ဖြံ႕ၿဖိဳးတိုးတက္ေရးလုပ္ကိုင္ရန္ ဂ်ပန္ႏိုင္ငံက စိတ္ဝင္စားေနၿပီး စီမံကိန္းဆိုင္ရာစာတမ္းတစ္ခု ျပဳလုပ္ထားၿပီျဖစ္ေၾကာင္း စီးပြားေရးႏွင့္ ကူးသန္းေရာင္းဝယ္ေရးဝန္ႀကီးဌာန ဒုတိယဝန္ႀကီး ဦးေအာင္ထူးက ေျပာၾကားသည္။

လြန္ခဲ့သည့္ ၁၀ ႏွစ္ေက်ာ္ကတည္းက ထားဝယ္အထူးစီးပြားေရးဇုန္စီမံကိန္း စီစဥ္ခဲ့ေသာ္လည္း တိုးတက္မႈေႏွးေကြးခဲ့ေၾကာင္း၊ အီတာလ်ံ-ထိုင္းကုမၸဏီ ပထမလုပ္ခဲ့တာျဖစ္ၿပီး ဘ႑ာေရးအေျခအေနခိုင္မာမႈမရွိေၾကာင္း ၊ ေနာက္ပိုင္းမွာ ဂ်ပန္ကစိတ္ဝင္စားမႈပိုၿပီးျမင့္တက္လာ ေၾကာင္းသိရသည္။

ဂ်ပန္အေနျဖင့္ ထားဝယ္အထူးစီးပြားေရးဇုန္တင္မကဘဲ တနသၤာတိုင္းေဒသႀကီး တစ္ခုလုံး ဖြံ႕ၿဖိဳးတိုးတက္ဖို႔အတြက္ လုပ္ခ်င္ တဲ့ Survey မၾကာခင္က လုပ္ထားတာရွိေၾကာင္း သိရသည္။

ဒုတိယဝန္ႀကီး “ တစ္ဖက္မွာလည္း ဒီဟာကိုေအာင္ျမင္ဖို႔အတြက္ အေျခခံလိုအပ္ခ်က္ေတြ ျဖည့္ဆည္းေပးဖို႔ လိုအပ္တယ္။ အဲဒါက ဘာေတြလဲဆိုေတာ့ အခ်က္ေတြအမ်ားႀကီးရွိတယ္။ေျမငွားမယ္၊လမ္းပန္းဆက္သြယ္ေရးေတြ လုပ္ေပးရမယ္စသျဖင့္ေပါ့ေလ။ ျဖည့္ဆည္းတာက ပတ္ဝန္းက်င္ထိန္းသိမ္းေရး၊ EIA, SIA လုပ္မယ္ေပါ့။ဒါေတြက မၾကာေသးခင္ကာလကမွ ၿပီးသြားတာျဖစ္ပါတယ္”ဟု ေျပာၾကားသည္။

ခြန္ေနာင္လြင္ထူး မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

ထားဝယ် အထူးစီးပွားရေးဇုန်အပါအဝင် တနင်္သာရီတိုင်းဒေသကြီးတစ်ခုလုံး ဖွံ့ဖြိုးတိုးတက်ရေးလုပ်ကိုင်ရန် ဂျပန်နိုင်ငံက စိတ်ဝင်စားနေပြီး စီမံကိန်းဆိုင်ရာစာတမ်းတစ်ခု ပြုလုပ်ထားပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယ ဝန်ကြီး ဦးအောင်ထူးက ပြောကြားသည်။

လွန်ခဲ့သည့် ၁၀ နှစ်ကျော်ကတည်းက ထားဝယ်အထူးစီးပွားရေးဇုန်စီမံကိန်း စီစဉ်ခဲ့သော်လည်း တိုးတက်မှုနှေးကွေးခဲ့ကြောင်း၊ အီတာလျံ-ထိုင်းကုမ္ပဏီ ပထမလုပ်ခဲ့တာဖြစ်ပြီး ဘဏ္ဍာရေးအခြေအနေခိုင်မာမှုမရှိကြောင်း ၊ နောက်ပိုင်းမှာ ဂျပန်ကစိတ်ဝင်စားမှုပိုပြီးမြင့်တက်လာ ကြောင်းသိရသည်။

ဂျပန်အနေဖြင့် ထားဝယ်အထူးစီးပွားရေးဇုန်တင်မကဘဲ တနင်္သာတိုင်းဒေသကြီးတစ်ခုလုံး ဖွံ့ဖြိုးတိုးတက်ဖို့အတွက် လုပ်ချင် တဲ့ Survey မကြာခင်က လုပ်ထားတာရှိကြောင်း သိရသည်။

ဒုတိယဝန်ကြီး “ တစ်ဖက်မှာလည်း ဒီဟာကိုအောင်မြင်ဖို့အတွက် အခြေခံလိုအပ်ချက်တွေ ဖြည့်ဆည်းပေးဖို့ လိုအပ်တယ်။ အဲဒါက ဘာတွေလဲဆိုတော့ အချက်တွေအများကြီးရှိတယ်။မြေငှားမယ်၊လမ်းပန်းဆက်သွယ်ရေးတွေ လုပ်ပေးရမယ်စသဖြင့်ပေါ့လေ။ ဖြည့်ဆည်းတာက ပတ်ဝန်းကျင်ထိန်းသိမ်းရေး၊ EIA, SIA လုပ်မယ်ပေါ့။ဒါတွေက မကြာသေးခင်ကာလကမှ ပြီးသွားတာဖြစ်ပါတယ်”ဟု ပြောကြားသည်။

ခွန်နောင်လွင်ထူး မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com