G.I. Joe: The Rise of Cobra ဇာတ္ကားျဖင့္ လူသိမ်ားခဲ့ေသာ ရုပ္ရွင္မင္းသမီး ဆီယန္နာ ေမလာ အပန္းေျဖခဲ့သည့္ နယူးေယာက္ျမိဳ႕ ကမ္းေျခစံအိမ္ၾကီးတစ္လံုး အေရာင္းေစ်းကြက္ဝင္လာ

### Zawgyi Version ###

ဆီယန္နာ ေမလာသည္ ျဗိတိသွ်- အေမရိကန္ ရုပ္ရွင္မင္းသမီးတစ္ဦးျဖစ္ျပီး အမည္ရင္းမွာ ဆီယန္နာ ရို႕စ္ ဒိုင္ယာနာ ေမလာျဖစ္ကာ ၁၉၈၁ ခုႏွစ္၊ ဒီဇင္ဘာလ ၂၈ ရက္တြင္ ေမြးဖြားသည္။

အေမရိကန္ျပည္ေထာင္စု၊ နယူးေယာက္ျမိဳ႕တြင္ ေမြးဖြားကာ အဂၤလန္ႏိုင္ငံ၊ လန္ဒန္ျမိဳ႕တြင္ ၾကီးျပင္းခဲ့သည္။

တစ္ႏွစ္သမီးအရြယ္တြင္ မိဘမ်ားႏွင့္အတူ လန္ဒန္ျမိဳ႕ေျပာင္းေရႊ႕ေနထိုင္ခဲ့ၾကျခင္း ျဖစ္သည္။

မိခင္ျဖစ္သူ ဂ်ဳိးဆက္ဖင္းမွာ ေတာင္အာဖရိကႏိုင္ငံဖြား ျဗိတိသွ်လူမ်ဳိး ေမာ္ဒယ္တစ္ဦးျဖစ္ျပီး ဖခင္ျဖစ္သူ အက္ဒ္ဝင္ ေမလာမွာ အေမရိကန္ဘဏ္လုပ္ငန္းရွင္တစ္ဦးျဖစ္ျပီးေနာက္ပိုင္းတြင္ တရုတ္အႏုပညာလက္ရာမ်ား အေရာင္းအဝယ္ျပဳလုပ္သူတစ္ဦး ျဖစ္လာသည္။

ျဗိတိသွ် ရုပ္ရွင္မ်ားတြင္ ဦးစြာပါဝင္သရုပ္ေဆာင္ခဲ့ျပီး ၂၀၀၄ ခုႏွစ္က ထုတ္လုပ္ခဲ့သည့္ မႈခင္းအေျခခံသည္းထိတ္ရင္ဖို ရုပ္ရွင္ကားတြင္ ဇာတ္ပို႔တစ္ဦးအျဖစ္ ပါဝင္ခဲ့ျပီး ၂၀၀၄ ခုႏွစ္အတြင္းတြင္ပင္ ထုတ္လုပ္ခဲ့သည့္ Alfie တြင္လည္း ပါဝင္သရုပ္ေဆာင္ထားသည္။

နယူးေယာက္ျမိဳ႕၊ ဟမ့္ပ္တန္အရပ္သို႔ ေႏြရာသီေရာက္ျပီဆိုသည္ႏွင့္ အေက်ာ္အေမာ္ပုဂၢိဳလ္မ်ား ေရာက္ရွိလာကာ အပန္းေျဖေလ့ရွိၾကရာ ဆီယန္နာ ေမလာလည္း အပါအဝင္ျဖစ္သည္။

လြန္ခဲ့ေသာ ရက္သတၱပတ္အတြင္း ေမလာသည္ အဆိုပါေဒသတြင္က်င္းပသည့္ Animal Haven ပရဟိတအဖြဲ႔၏ ပြဲတစ္ခုသို႔ တက္ေရာက္ခဲ့သည္။

Animal Haven သည္ အက်ဳိးအျမတ္အတြက္မဟုတ္သည့္ အဖြဲ႔အစည္းတစ္ခုျဖစ္ျပီး စြန္႔ပစ္ခံ ေခြး၊ ေၾကာင္ကေလးမ်ားအတြက္ ေနစရာ အိမ္မ်ား ရွာေဖြေပးသည့္ အဖြဲ႔တစ္ခုျဖစ္သည္။

ယခုအခါ ဟမ့္ပ္တန္အရပ္၊ Sag Harbor ေက်းရြာတြင္ ေမလာတည္းခိုေနထိုင္ခဲ့သည့္ စံအိမ္မွာ ကန္ေဒၚလာ ၁၁ ဒသမ ၂၅ သန္းျဖင့္ အေရာင္းေစ်းကြက္ဝင္လာသည္။

တည္ေနရာမွာ နယူးေယာက္ျမိဳ႕၊ အေရွ႕ဟမ့္ပ္တန္၊ Hillside Drive East လမ္း၊ အမွတ္ ၁၁၀ တြင္ တည္ရွိျပီး ကမ္းေျခေနအိမ္တစ္လံုး ျဖစ္သည္။

ဗိသုကာပညာရွင္ ပီတာကြတ္ခ္ ခမ္းနားေသာလက္ရာႏွင့္ အိမ္တြင္းဒီဇိုင္းအဖြဲ႔ Stedila Design ႏွင့္ ေျမယာအလွျပဳျပင္မႈ အဓိကလုပ္ကိုင္သည့္ Buttercup Design တို႔၏ လက္ရာမ်ား ေပါင္းစပ္ထားသည္။

ေဆာက္လုပ္ေပးခဲ့သည္မွာ Galvagni Building ကုမၸဏီမွ ျဖစ္သည္။

ရင္သပ္ရႈေမာဖြယ္ ေနအိမ္အတြင္းပိုင္းကို ဝင္ေရာက္သြားမည္ဆိုလွ်င္ အိပ္ခန္း ၉ ခန္းႏွင့္ ေရခ်ဳိးခန္း ၁၂ ခန္း ေတြ႔ရမည္ ျဖစ္သည္။

ၾကမ္းျပင္မွ မ်က္ႏွာၾကက္ထိ ျမင့္မားသည့္ ျပတင္းမ်ား၊ အိမ္တြင္းရုပ္ရွင္ရံု၊ အပူခ်ိန္ထိန္းခ်ဳပ္စနစ္ပါဝင္သည့္ ဝိုင္သိုေလွာင္ခန္း၊ စက်င္ေက်ာက္ လက္ရာမ်ား၊ အီတလီ ဗီရိုအံဆြဲမ်ား၊ က်ယ္ဝန္းသည့္ လသာေဆာင္မ်ား၊ ကား ၂ စင္းဆန္႔ ကားဂိုေဒါင္တို႔လည္း ပါဝင္ေသးသည္။

အက်ယ္အဝန္း ၆၇၆၀ စတုရန္းေပရွိေသာ ကမ္းေျခစံအိမ္ၾကီးကို အေရာင္းေစ်းကြက္တင္ေပးသည္မွာ Douglas Elliman အိမ္ျခံေျမ ကုမၸဏီမွ အက်ဳိးေဆာင္မ်ားျဖစ္ေသာ အီရီကာ ဂေရာ့စ္မန္း၊ ဂ်ပ္စတင္ အက္ဂ္နဲလိုႏွင့္ ဟာရာ ကန္တို႔ ျဖစ္ၾကသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ဆီယန်နာ မေလာသည် ဗြိတိသျှ- အမေရိကန် ရုပ်ရှင်မင်းသမီးတစ်ဦးဖြစ်ပြီး အမည်ရင်းမှာ ဆီယန်နာ ရို့စ် ဒိုင်ယာနာ မေလာဖြစ်ကာ ၁၉၈၁ ခုနှစ်၊ ဒီဇင်ဘာလ ၂၈ ရက်တွင် မွေးဖွားသည်။

အမေရိကန်ပြည်ထောင်စု၊ နယူးယောက်မြို့တွင် မွေးဖွားကာ အင်္ဂလန်နိုင်ငံ၊ လန်ဒန်မြို့တွင် ကြီးပြင်းခဲ့သည်။

တစ်နှစ်သမီးအရွယ်တွင် မိဘများနှင့်အတူ လန်ဒန်မြို့ပြောင်းရွှေ့နေထိုင်ခဲ့ကြခြင်း ဖြစ်သည်။

မိခင်ဖြစ်သူ ဂျိုးဆက်ဖင်းမှာ တောင်အာဖရိကနိုင်ငံဖွား ဗြိတိသျှလူမျိုး မော်ဒယ်တစ်ဦးဖြစ်ပြီး ဖခင်ဖြစ်သူ အက်ဒ်ဝင် မေလာမှာ အမေရိကန်ဘဏ်လုပ်ငန်းရှင်တစ်ဦးဖြစ်ပြီးနောက်ပိုင်းတွင် တရုတ်အနုပညာလက်ရာများ အရောင်းအဝယ်ပြုလုပ်သူတစ်ဦး ဖြစ်လာသည်။

ဗြိတိသျှ ရုပ်ရှင်များတွင် ဦးစွာပါဝင်သရုပ်ဆောင်ခဲ့ပြီး ၂၀၀၄ ခုနှစ်က ထုတ်လုပ်ခဲ့သည့် မှုခင်းအခြေခံသည်းထိတ်ရင်ဖို ရုပ်ရှင်ကားတွင် ဇာတ်ပို့တစ်ဦးအဖြစ် ပါဝင်ခဲ့ပြီး ၂၀၀၄ ခုနှစ်အတွင်းတွင်ပင် ထုတ်လုပ်ခဲ့သည့် Alfie တွင်လည်း ပါဝင်သရုပ်ဆောင်ထားသည်။

နယူးယောက်မြို့၊ ဟမ့်ပ်တန်အရပ်သို့ နွေရာသီရောက်ပြီဆိုသည်နှင့် အကျော်အမော်ပုဂ္ဂိုလ်များ ရောက်ရှိလာကာ အပန်းဖြေလေ့ရှိကြရာ ဆီယန်နာ မေလာလည်း အပါအဝင်ဖြစ်သည်။

လွန်ခဲ့သော ရက်သတ္တပတ်အတွင်း မေလာသည် အဆိုပါဒေသတွင်ကျင်းပသည့် Animal Haven ပရဟိတအဖွဲ့၏ ပွဲတစ်ခုသို့ တက်ရောက်ခဲ့သည်။

Animal Haven သည် အကျိုးအမြတ်အတွက်မဟုတ်သည့် အဖွဲ့အစည်းတစ်ခုဖြစ်ပြီး စွန့်ပစ်ခံ ခွေး၊ ကြောင်ကလေးများအတွက် နေစရာ အိမ်များ ရှာဖွေပေးသည့် အဖွဲ့တစ်ခုဖြစ်သည်။

ယခုအခါ ဟမ့်ပ်တန်အရပ်၊ Sag Harbor ကျေးရွာတွင် မေလာတည်းခိုနေထိုင်ခဲ့သည့် စံအိမ်မှာ ကန်ဒေါ်လာ ၁၁ ဒသမ ၂၅ သန်းဖြင့် အရောင်းဈေးကွက်ဝင်လာသည်။

တည်နေရာမှာ နယူးယောက်မြို့၊ အရှေ့ဟမ့်ပ်တန်၊ Hillside Drive East လမ်း၊ အမှတ် ၁၁၀ တွင် တည်ရှိပြီး ကမ်းခြေနေအိမ်တစ်လုံး ဖြစ်သည်။

ဗိသုကာပညာရှင် ပီတာကွတ်ခ် ခမ်းနားသောလက်ရာနှင့် အိမ်တွင်းဒီဇိုင်းအဖွဲ့ Stedila Design နှင့် မြေယာအလှပြုပြင်မှု အဓိကလုပ်ကိုင်သည့် Buttercup Design တို့၏ လက်ရာများ ပေါင်းစပ်ထားသည်။

ဆောက်လုပ်ပေးခဲ့သည်မှာ Galvagni Building ကုမ္ပဏီမှ ဖြစ်သည်။

ရင်သပ်ရှုမောဖွယ် နေအိမ်အတွင်းပိုင်းကို ဝင်ရောက်သွားမည်ဆိုလျှင် အိပ်ခန်း ၉ ခန်းနှင့် ရေချိုးခန်း ၁၂ ခန်း တွေ့ရမည် ဖြစ်သည်။

ကြမ်းပြင်မှ မျက်နှာကြက်ထိ မြင့်မားသည့် ပြတင်းများ၊ အိမ်တွင်းရုပ်ရှင်ရုံ၊ အပူချိန်ထိန်းချုပ်စနစ်ပါဝင်သည့် ဝိုင်သိုလှောင်ခန်း၊ စကျင်ကျောက် လက်ရာများ၊ အီတလီ ဗီရိုအံဆွဲများ၊ ကျယ်ဝန်းသည့် လသာဆောင်များ၊ ကား ၂ စင်းဆန့် ကားဂိုဒေါင်တို့လည်း ပါဝင်သေးသည်။

အကျယ်အဝန်း ၆၇၆၀ စတုရန်းပေရှိသော ကမ်းခြေစံအိမ်ကြီးကို အရောင်းဈေးကွက်တင်ပေးသည်မှာ Douglas Elliman အိမ်ခြံမြေ ကုမ္ပဏီမှ အကျိုးဆောင်များဖြစ်သော အီရီကာ ဂရော့စ်မန်း၊ ဂျပ်စတင် အက်ဂ်နဲလိုနှင့် ဟာရာ ကန်တို့ ဖြစ်ကြသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)