ေဟာင္ေကာင္အိမ္ၿခံေျမဝယ္လက္မ်ား ကေနဒါႏွင့္ ၿဗိတိန္သို႔ အာ႐ံုေျပာင္း

### Zawgyi Version ###

ေဟာင္ေကာင္တြင္ မၾကာေသးမီကျဖစ္ပြားခဲ့ေသာ အဓိက႐ုဏ္းမ်ားက ရင္းႏွီးျမႇဳပ္ႏွံသူမ်ားအား ႏိုင္ငံေရးပိုမိုတည္ၿငိမ္ေသာေနရာမ်ားသို႔ ေငြေၾကးရင္းႏွီးျမႇဳပ္ႏွံေစရန္ တြန္းအားေပးခဲ့သည္။

ေဟာင္ေကာင္၏ မတည္ၿငိမ္ေသာ ႏိုင္ငံေရးအေျခအေနမွ လြတ္ေျမာက္လိုၾကသည့္ ရင္းႏွီးျမႇဳပ္ႏွံသူမ်ားအတြက္ တို႐ြန္တို၊ ဗန္ကူးဗားႏွင့္ လန္ဒန္အစရွိသည့္ ၿမိဳ႕ႀကီးမ်ားက ဆြဲေဆာင္မႈရွိေသာ ေနရာမ်ားအျဖစ္ ေပၚထြက္လာၾကၿပီျဖစ္သည္။

အိမ္ၿခံေျမပြဲစားမ်ားက သူတို႔သည္ ကေနဒါႏွင့္ ၿဗိတိန္တို႔တြင္ သင့္ေလ်ာ္ေသာ အိမ္ၿခံေျမရင္းႏွီးျမႇဳပ္ႏွံမႈမ်ားအတြက္ စံုစမ္းေမးျမန္းခံေနၾကရေၾကာင္း Bloomberg သတင္းေအဂ်င္စီသို႔ ေျပာၾကားခဲ့ၾကသည္။

“တည္ၿငိမ္ၿပီး တရားဥပေဒစိုးမိုးတဲ့ ဘ႑ာေရးအခ်က္အခ်ာေနရာတစ္ခုအျဖစ္ အၿမဲတမ္းတံဆိပ္ကပ္ခံလာခဲ့ရတဲ့ ေဟာင္ေကာင္ဟာ အခုေတာ့ သူတို႔ရမယ့္ ရင္းႏွီးျမႇဳပ္ႏွံမႈေတြကို တျခားၿမိဳ႕ႀကီးေတြဆီ လႊဲေျပာင္းေပးေနရတာကို ျမင္ရတာဟာ အရမ္းကိုအံ့အားသင့္ရပါတယ္” ဟု CBRE အိမ္ၿခံေျမကုမၸဏီ၏ အာရွရင္းႏွီးျမႇဳပ္္ႏွံမႈမ်ားဆိုင္ရာအက်ဳိးေဆာင္ ေဒးဗစ္ဟိုက မွတ္ခ်က္ျပဳခဲ့သည္။

အလားတူပင္ ဗန္ကူးဗားရွိ Macdonald အိမ္ၿခံေျမလုပ္ငန္းစုမွ တ႐ုတ္လူမ်ဳိးအိမ္ၿခံေျမအက်ဳိးေဆာင္မ်ားကလည္း ေဟာင္ေကာင္အေျခစိုက္ အိမ္ၿခံေျမဝယ္လက္မ်ားထံမွ စိတ္ဝင္စားမႈမ်ားျမင့္တက္လာသည္ကို ေတြ႕ရွိခဲ့ၾကသည္။

ေဟာင္ေကာင္ေဒသခံတို႔က ဗန္ကူးဗားတြင္ ေဈးႏႈန္းျပင္ဆင္မႈကို ေဈးကြက္ျပန္လည္ဦးေမာ့ရန္ အခြင့္အလမ္းတစ္ရပ္အျဖစ္ အကဲခတ္ေနၾကစဥ္ အခ်ဳိ႕က နည္းပညာႏွင့္ ဘ႑ာေရးလုပ္ငန္းက႑တို႔ ဖြံ႕ၿဖိဳးတိုးတက္ေနသည့္ တို႐ြန္တိုဘက္သို႔ ဦးတည္ေနၾကေၾကာင္း ေဒးဗစ္ဟိုလက္ေအာက္ရွိ အေရာင္းကိုယ္စားလွယ္ ေရာဘတ္ဗီယာမန္က Bloomberg သို႔ ေျပာၾကားခဲ့သည္။

ဆႏၵျပမႈမ်ားက လန္ဒန္တြင္ ေဟာင္ေကာင္မွ အလားအလာရွိေသာဝယ္လက္မ်ား၏ ဝယ္ယူရန္စံုစမ္းေမးျမန္းမႈမ်ားကို ျမင့္တက္လာေစသည္။ “ေဟာင္ေကာင္ရွိ ကၽြန္ေတာ္တို႔ရဲ႕ ေဖာက္သည္ေတြဆီကေန စိတ္ဝင္စားမႈေတြကို ႐ုတ္တရက္ႀကီးအမ်ားႀကီး ရရွိလာခဲ့ပါတယ္” ဟု လန္ဒန္ရွိ Citigroup ရင္းႏွီးျမႇဳပ္ႏွံမႈဘဏ္လုပ္ငန္းမွ ႏုိင္ငံျခားေငြလဲလွယ္မႈအတိုင္ပင္ခံတစ္ဦးျဖစ္ေသာ ဂ်ဳိးဘြန္းက Bloomberg သို႔ ေျပာၾကားခဲ့ေၾကာင္း သိရသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ဟောင်ကောင်တွင် မကြာသေးမီကဖြစ်ပွားခဲ့သော အဓိကရုဏ်းများက ရင်းနှီးမြှုပ်နှံသူများအား နိုင်ငံရေးပိုမိုတည်ငြိမ်သောနေရာများသို့ ငွေကြေးရင်းနှီးမြှုပ်နှံစေရန် တွန်းအားပေးခဲ့သည်။

ဟောင်ကောင်၏ မတည်ငြိမ်သော နိုင်ငံရေးအခြေအနေမှ လွတ်မြောက်လိုကြသည့် ရင်းနှီးမြှုပ်နှံသူများအတွက် တိုရွန်တို၊ ဗန်ကူးဗားနှင့် လန်ဒန် အစရှိသည့် မြို့ကြီးများက ဆွဲဆောင်မှုရှိသော နေရာများအဖြစ် ပေါ်ထွက်လာကြပြီဖြစ်သည်။

အိမ်ခြံမြေပွဲစားများက သူတို့သည် ကနေဒါနှင့် ဗြိတိန်တို့တွင် သင့်လျော်သော အိမ်ခြံမြေရင်းနှီးမြှုပ်နှံမှုများအတွက် စုံစမ်းမေးမြန်းခံနေကြရကြောင်း Bloomberg သတင်းအေဂျင်စီသို့ ပြောကြားခဲ့ကြသည်။

“တည်ငြိမ်ပြီး တရားဥပဒေစိုးမိုးတဲ့ ဘဏ္ဍာရေးအချက်အချာနေရာတစ်ခုအဖြစ် အမြဲတမ်းတံဆိပ်ကပ်ခံလာခဲ့ရတဲ့ ဟောင်ကောင်ဟာ အခုတော့ သူတို့ရမယ့် ရင်းနှီးမြှုပ်နှံမှုတွေကို တခြားမြို့ကြီးတွေဆီ လွှဲပြောင်းပေးနေရတာကို မြင်ရတာဟာ အရမ်းကိုအံ့အားသင့်ရပါတယ်” ဟု CBRE အိမ်ခြံမြေကုမ္ပဏီ၏ အာရှရင်းနှီးမြှုပ်နှံမှုများဆိုင်ရာအကျိုးဆောင် ဒေးဗစ်ဟိုက မှတ်ချက်ပြုခဲ့သည်။

အလားတူပင် ဗန်ကူးဗားရှိ Macdonald အိမ်ခြံမြေလုပ်ငန်းစုမှ တရုတ်လူမျိုးအိမ်ခြံမြေအကျိုးဆောင်များကလည်း ဟောင်ကောင်အခြေစိုက် အိမ်ခြံမြေဝယ်လက်များထံမှ စိတ်ဝင်စားမှုများမြင့်တက်လာသည်ကို တွေ့ရှိခဲ့ကြသည်။

ဟောင်ကောင်ဒေသခံတို့က ဗန်ကူးဗားတွင် ဈေးနှုန်းပြင်ဆင်မှုကို ဈေးကွက်ပြန်လည်ဦးမော့ရန် အခွင့်အလမ်းတစ်ရပ်အဖြစ် အကဲခတ်နေကြစဉ် အချို့က နည်းပညာနှင့် ဘဏ္ဍာရေးလုပ်ငန်းကဏ္ဍတို့ ဖွံ့ဖြိုးတိုးတက်နေသည့် တိုရွန်တိုဘက်သို့ ဦးတည်နေကြကြောင်း ဒေးဗစ်ဟိုလက်အောက်ရှိ အရောင်းကိုယ်စားလှယ် ရောဘတ်ဗီယာမန်က Bloomberg သို့ ပြောကြားခဲ့သည်။

ဆန္ဒပြမှုများက လန်ဒန်တွင် ဟောင်ကောင်မှ အလားအလာရှိသောဝယ်လက်များ၏ ဝယ်ယူရန်စုံစမ်းမေးမြန်းမှုများကို မြင့်တက်လာစေသည်။ “ဟောင်ကောင်ရှိ ကျွန်တော်တို့ရဲ့ ဖောက်သည်တွေဆီကနေ စိတ်ဝင်စားမှုတွေကို ရုတ်တရက်ကြီးအများကြီး ရရှိလာခဲ့ပါတယ်” ဟု လန်ဒန်ရှိ Citigroup ရင်းနှီးမြှုပ်နှံမှုဘဏ်လုပ်ငန်းမှ နိုင်ငံခြားငွေလဲလှယ်မှုအတိုင်ပင်ခံတစ်ဦးဖြစ်သော ဂျိုးဘွန်းက Bloomberg သို့ ပြောကြားခဲ့ကြောင်း သိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)