ကမၻာေက်ာ္ ဟစ္ေဟာ့မက္တယ္ အဆိုေတာ္ ကစ္ဒ္ ေရာ့ခ္၏ ဒက္ထရြိဳက္ျမိဳ႕ရွိ စံအိမ္ ကန္ေဒၚလာ ၂ ဒသမ ၂ သန္းျဖင့္ အေရာင္းေစ်းကြက္ဝင္လာ

### Zawgyi Version ###

ကမၻာေက်ာ္ ဟစ္ေဟာ့မက္တယ္ အဆိုေတာ္ ကစ္ဒ္ ေရာ့ခ္၏ ဒက္ထရြိဳက္ျမိဳ႕ရွိ စံအိမ္ ကန္ေဒၚလာ ၂ ဒသမ ၂ သန္းျဖင့္ အေရာင္းေစ်းကြက္ဝင္လာသည္။

ကစ္ဒ္ေရာ့ခ္၏ အမည္ရင္းမွာ ေရာဘတ္ ဂ်ိမ္းစ္ ရစ္ခ်ီျဖစ္ျပီး ၁၉၇၁ ခုႏွစ္၊ ဇန္နဝါရီလ ၁၇ ရက္တြင္ ေမြးဖြားသည္။

အေမရိကန္ ေတးေရး၊ ေတးဆို၊ ရက္ပ္အဆိုေတာ္၊ ဂီတပညာရွင္၊ ေတးထုတ္လုပ္သူႏွင့္ ရုပ္ရွင္သရုပ္ေဆာင္ဘဝမ်ား ျဖတ္သန္းခဲ့သည္။

ဂီတသက္တမ္း ႏွစ္ေပါင္း ၂၀ ေက်ာ္ကာလအတြင္း ကစ္ေရာ့ခ္၏ ဂီတဟန္မ်ားမွာ ေရာ့ခ္၊ ဟစ္ပ္ေဟာ့၊ ကန္းထရီးဟူ၍ အမ်ဳိးမ်ဳိး ေျပာင္းလဲခဲ့ျပီး ဟစ္ပ္ေဟာ့ႏွင့္ ေရာ့ခ္ဂီတကို ေပါင္းစပ္ေပးခဲ့မႈျဖင့္ နာမည္ေက်ာ္သည္။

ကစ္ဒ္ေရာ့ခ္သည္ ၎ဖြဲ႔စည္းထားေသာ Twisted Brown Trucker တီးဝိုင္းတြင္ တူရိယာတိုင္းကို ဝင္ေရာက္တီးခတ္ႏိုင္စြမ္းရွိသည့္ ဂီတပညာရွင္တစ္ဦးလည္း ျဖစ္သည္။

ကစ္ဒ္ေရာ့ခ္၏ စံအိမ္ကို အေမရိကန္ေတာင္ပိုင္းတြင္ ေဆာက္လုပ္ၾကေလ့ရွိေသာဟန္ျဖင့္ ေဆာက္လုပ္ထားျခင္းျဖစ္ျပီး စတုရန္းေပ ၆၀၀၀ ခန္႔ က်ယ္ဝန္းသည္။

အိပ္ခန္း ၆ ခန္းပါဝင္သည့္ ျမစ္ကမ္းေဘးစံအိမ္ျဖစ္ျပီး ဒက္ထရြိဳက္ျမိဳ႕၊ ဒြိဳက္ထ္လမ္းေပၚတြင္ တည္ရွိကာ ဒက္ထရြိဳက္ျမိဳ႕ေတာ္ဝန္ မိုက္ခ္ ဒပ္ဂန္ ေနထိုင္သည့္ Manoogian စံအိမ္ၾကီးႏွင့္ အိမ္အနည္းငယ္သာ ကြာေဝးသည္။

ကစ္ဒ္ေရာ့ခ္က “Cowboy” ဟူေသာ သီခ်င္းတြင္ ဟစ္ပ္ေဟာ့၊ ကန္းထရီးႏွင့္ ေရာ့ခ္ဂီတတို႔ကို ထူးျခားစြာ ေပါင္းစပ္ေပးခဲ့ဖူးသည္။

ကစ္ဒ္ေရာ့ခ္၏ စံအိမ္ကို Skyline Realty Group အိမ္ျခံေျမကုမၸဏီက အေရာင္းေစ်းကြက္တင္ေပးခဲ့ျခင္း ျဖစ္သည္။

အသက္ ၄၈ ႏွစ္ရွိျပီျဖစ္ေသာ ကစ္ဒ္ေရာ့ခ္သည္ ယခုေနအိမ္ကို ၂၀၁၂ ခုႏွစ္အတြင္း ကန္ေဒၚလာ ၄၆၅၀၀၀ ျဖင့္ ဝယ္ယူခဲ့ျခင္းျဖစ္ရာ ယခုေခၚေစ်းျဖင့္ ေရာင္းထြက္ပါက ကန္ေဒၚလာ ၁ ဒသမ ၇ သန္းေက်ာ္ ျမတ္စြန္းမည္ ျဖစ္သည္။

“ဒက္ထရြိဳက္က ျမစ္ကမ္းေဘးမွာ ျမိဳ႕ေတာ္ဝန္စံအိမ္နဲ႔အတူ ရႏိုင္တဲ့ေနအိမ္ လက္တစ္ဆုပ္စာေလာက္ပဲရွိပါတယ္။ ဒီအိမ္မွာ ေလွေတြထားတဲ့အိမ္တစ္လံုးပါဝင္ျပီး jet-ski ေတြ ထားဖို႔ ေနရာလည္း ပါပါတယ္။ အေပၚမွာရွိတဲ့ ကြက္လပ္ဟာဆိုရင္လည္း တစ္ႏွစ္ပတ္လံုး ေဖ်ာ္ေျဖေရးေတြ လုပ္ဖို႔အတြက္ ရည္ရြယ္ေဆာက္လုပ္ထားတာျဖစ္ပါတယ္”ဟု အေရာင္းေစ်းကြက္တင္သည့္ မွတ္တမ္းတြင္ ေဖာ္ျပထားသည္။

ျခံဝန္းအတြင္းတြင္ ခမ္းနားစြာေျမယာအလွျပဳျပင္ထားသည့္အျပင္ လက္ရွိပိုင္ရွင္ ကစ္ဒ္ေရာ့ခ္သည္ ေလွမ်ားထားသိုသည့္အိမ္၊ ေနအိမ္ျပင္ပ ေရပန္းေနရာ၊ ကား ၂ စင္းဆန္႔ ကားဂိုေဒါင္၊ ေနအိမ္ျပင္ပ ရုပ္ျမင္သံၾကားမ်ား ထည့္သြင္းမႈမ်ား အပါအဝင္ ျပဳျပင္မြမ္းမံမႈမ်ားစြာ ျပဳလုပ္ခဲ့သည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ကမ္ဘာကျော် ဟစ်ဟော့မက်တယ် အဆိုတော် ကစ်ဒ် ရော့ခ်၏ ဒက်ထရွိုက်မြို့ရှိ စံအိမ် ကန်ဒေါ်လာ ၂ ဒသမ ၂ သန်းဖြင့် အရောင်းဈေးကွက်ဝင်လာသည်။

ကစ်ဒ်ရော့ခ်၏ အမည်ရင်းမှာ ရောဘတ် ဂျိမ်းစ် ရစ်ချီဖြစ်ပြီး ၁၉၇၁ ခုနှစ်၊ ဇန်နဝါရီလ ၁၇ ရက်တွင် မွေးဖွားသည်။

အမေရိကန် တေးရေး၊ တေးဆို၊ ရက်ပ်အဆိုတော်၊ ဂီတပညာရှင်၊ တေးထုတ်လုပ်သူနှင့် ရုပ်ရှင်သရုပ်ဆောင်ဘဝများ ဖြတ်သန်းခဲ့သည်။

ဂီတသက်တမ်း နှစ်ပေါင်း ၂၀ ကျော်ကာလအတွင်း ကစ်ရော့ခ်၏ ဂီတဟန်များမှာ ရော့ခ်၊ ဟစ်ပ်ဟော့၊ ကန်းထရီးဟူ၍ အမျိုးမျိုး ပြောင်းလဲခဲ့ပြီး ဟစ်ပ်ဟော့နှင့် ရော့ခ်ဂီတကို ပေါင်းစပ်ပေးခဲ့မှုဖြင့် နာမည်ကျော်သည်။

ကစ်ဒ်ရော့ခ်သည် ၎င်းဖွဲ့စည်းထားသော Twisted Brown Trucker တီးဝိုင်းတွင် တူရိယာတိုင်းကို ဝင်ရောက်တီးခတ်နိုင်စွမ်းရှိသည့် ဂီတပညာရှင်တစ်ဦးလည်း ဖြစ်သည်။

ကစ်ဒ်ရော့ခ်၏ စံအိမ်ကို အမေရိကန်တောင်ပိုင်းတွင် ဆောက်လုပ်ကြလေ့ရှိသောဟန်ဖြင့် ဆောက်လုပ်ထားခြင်းဖြစ်ပြီး စတုရန်းပေ ၆၀၀၀ ခန့် ကျယ်ဝန်းသည်။

အိပ်ခန်း ၆ ခန်းပါဝင်သည့် မြစ်ကမ်းဘေးစံအိမ်ဖြစ်ပြီး ဒက်ထရွိုက်မြို့၊ ဒွိုက်ထ်လမ်းပေါ်တွင် တည်ရှိကာ ဒက်ထရွိုက်မြို့တော်ဝန် မိုက်ခ် ဒပ်ဂန် နေထိုင်သည့် Manoogian စံအိမ်ကြီးနှင့် အိမ်အနည်းငယ်သာ ကွာဝေးသည်။

ကစ်ဒ်ရော့ခ်က “Cowboy” ဟူသော သီချင်းတွင် ဟစ်ပ်ဟော့၊ ကန်းထရီးနှင့် ရော့ခ်ဂီတတို့ကို ထူးခြားစွာ ပေါင်းစပ်ပေးခဲ့ဖူးသည်။

ကစ်ဒ်ရော့ခ်၏ စံအိမ်ကို Skyline Realty Group အိမ်ခြံမြေကုမ္ပဏီက အရောင်းဈေးကွက်တင်ပေးခဲ့ခြင်း ဖြစ်သည်။

အသက် ၄၈ နှစ်ရှိပြီဖြစ်သော ကစ်ဒ်ရော့ခ်သည် ယခုနေအိမ်ကို ၂၀၁၂ ခုနှစ်အတွင်း ကန်ဒေါ်လာ ၄၆၅၀၀၀ ဖြင့် ဝယ်ယူခဲ့ခြင်းဖြစ်ရာ ယခုခေါ်ဈေးဖြင့် ရောင်းထွက်ပါက ကန်ဒေါ်လာ ၁ ဒသမ ၇ သန်းကျော် မြတ်စွန်းမည် ဖြစ်သည်။

“ဒက်ထရွိုက်က မြစ်ကမ်းဘေးမှာ မြို့တော်ဝန်စံအိမ်နဲ့အတူ ရနိုင်တဲ့နေအိမ် လက်တစ်ဆုပ်စာလောက်ပဲရှိပါတယ်။ ဒီအိမ်မှာ လှေတွေထားတဲ့အိမ်တစ်လုံးပါဝင်ပြီး jet-ski တွေ ထားဖို့ နေရာလည်း ပါပါတယ်။ အပေါ်မှာရှိတဲ့ ကွက်လပ်ဟာဆိုရင်လည်း တစ်နှစ်ပတ်လုံး ဖျော်ဖြေရေးတွေ လုပ်ဖို့အတွက် ရည်ရွယ်ဆောက်လုပ်ထားတာဖြစ်ပါတယ်”ဟု အရောင်းဈေးကွက်တင်သည့် မှတ်တမ်းတွင် ဖော်ပြထားသည်။

ခြံဝန်းအတွင်းတွင် ခမ်းနားစွာမြေယာအလှပြုပြင်ထားသည့်အပြင် လက်ရှိပိုင်ရှင် ကစ်ဒ်ရော့ခ်သည် လှေများထားသိုသည့်အိမ်၊ နေအိမ်ပြင်ပ ရေပန်းနေရာ၊ ကား ၂ စင်းဆန့် ကားဂိုဒေါင်၊ နေအိမ်ပြင်ပ ရုပ်မြင်သံကြားများ ထည့်သွင်းမှုများ အပါအဝင် ပြုပြင်မွမ်းမံမှုများစွာ ပြုလုပ်ခဲ့သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)