အဂၤလန္တြင္ တခ်ိန္က ကမၻာေက်ာ္ စာေရးဆရာမ ဂ်ိန္းေအာ္စတင္ပိုင္ဆိုင္ခဲ့သည့္ အဌဂံပံုေနအိမ္တစ္လံုး ေပါင္ ၈ သိန္းေက်ာ္မွ်ျဖင့္ အေရာင္းေစ်းကြက္ဝင္လာ

### Zawgyi Version ###

အဂၤလန္ႏိုင္ငံတြင္ တခ်ိန္က ကမၻာေက်ာ္ စာေရးဆရာမ ဂ်ိန္းေအာ္စတင္ပိုင္ဆိုင္ခဲ့သည့္ အဌဂံပံုေနအိမ္တစ္လံုး ေပါင္ ၈ သိန္းေက်ာ္မွ်ျဖင့္ အေရာင္းေစ်းကြက္ဝင္ လာသည္။ ဂ်ိန္းေအာ္စတင္သည္ ၁၈ ရာစုေႏွာင္းပိုင္းတြင္ ေပၚေပါက္ခဲ့ေသာ စာေရးဆရာမတစ္ဦးျဖစ္ျပီး အဂၤလန္ႏိုင္ငံေတာင္ပိုင္း ဟမ့္ရႈိင္းယားခရိုင္၊ စတီဗင္တန္ေက်းရြာကေလးတြင္ ၁၇၇၅ ခုႏွစ္၊ ဒီဇင္ဘာလ ၁၆ ရက္တြင္ ေမြးဖြားသည္။

သူ၏ ဝတၳဳ ၆ အုပ္မွာ ကမၻာ့စာေပသမိုင္းတြင္ အထင္ကရစာအုပ္မ်ားျဖစ္ျပီး Sense and Sensibility (၁၈၁၁ ခုႏွစ္)၊ Pride and Prejudice (၁၈၁၃ ခုႏွစ္)၊ Mansfield Park (၁၈၁၄ ခုႏွစ္) ႏွင့္ Emma (၁၈၁၆ ခုႏွစ္) တို႔ပါဝင္သည္။

အသက္ ၄၂ ႏွစ္အရြယ္ ၁၈၁၇ ခုႏွစ္ႏွစ္တြင္ ကြယ္လြန္သြားသည္။

သမားရိုးက်မဟုတ္ေသာ အဆိုပါ ၈ ေထာင့္ပံုေနအိမ္ကို ၁၂ ရာစုေခတ္ ဘုန္းေတာ္ၾကီးေက်ာင္းဝန္းတစ္ခုအတြင္း ေဆာက္လုပ္ခဲ့ျခင္းျဖစ္သည္။

အဂၤလန္ႏိုင္ငံ၊ ဝါးဝစ္ခ္ရႈိင္းယားအရပ္ရွိ စတုန္းေလး ဘုန္းေတာ္ၾကီးေက်ာင္းဝန္းအတြင္း တည္ရွိသည္။

အဆိုပါ ဘုန္းေတာ္ၾကီးေက်ာင္းကို ၁၁၅၄ ခုႏွစ္တြင္ စစ္စတာစီယန္ ဘုန္းေတာ္ၾကီးမ်ားက တည္ေဆာက္ခဲ့ျခင္း ျဖစ္သည္။

ဂ်ိန္းေအာ္စတင္သည္ ၁၈၀၆ ခုႏွစ္တြင္ အဆိုပါေနအိမ္သို႔ ေျပာင္းေရႊ ႔ေနထိုင္ခဲ့ျပီး ထိုစဥ္က ေအာင္ျမင္သည့္ စာေရးဆရာမတစ္ဦး ျဖစ္မလာေသးေခ်။ မိခင္၏ အစ္ကိုျဖစ္သူ ဘုန္းေတာ္ၾကီး ေသာမတ္စ္ေလးထံမွ အေမြရရွိခဲ့ျခင္းျဖစ္သည္ဟု ဆိုသည္။

ေသာမတ္စ္ေလးက ဂ်ိန္း၏ မိခင္ျဖစ္သူ ကာဆန္ဒရာ ေအာ္စတင္ကို ၎ႏွင့္အတူ ေနထိုင္ရန္ ေခၚယူခဲ့ရာ ဂ်ိန္းႏွင့္ သူ၏ညီမ ကာဆန္ဒရာတို႔ လိုက္ပါေနထိုင္ခဲ့ၾကသည္။ ထိုစဥ္က စံအိမ္၏ ဥယ်ာဥ္မွဴးမွာ ဟမ့္ဖေရး ရက္ပ္တန္ျဖစ္ျပီး ေအာ္စတင္က သူ၏ တတိယေျမာက္ လံုးခ်င္းဝတၳဳျဖစ္ေသာ Mansfield Park တြင္ ဇာတ္ေကာင္တစ္ခုအျဖစ္ ထည့္သြင္းေရးသားခဲ့ဖူးသည္။

ေနအိမ္ကို Knight Frank မွ အက်ဳိးေဆာင္မ်ားက ေစ်းကြက္တင္လာေပးျခင္းျဖစ္ျပီး ေနအိမ္သည္ ႏွစ္ေပါင္း ၈၀၀ ေက်ာ္ သမိုင္းေၾကာင္းကို ျဖတ္သန္းလာျခင္းျဖစ္ေၾကာင္း ၎တို႔က ေျပာၾကားခဲ့ျခင္း ျဖစ္သည္။

အဝင္ခန္းမလမ္းမွ ဝင္လာလွ်င္ အုတ္မ်ားကို ေဖာ္၍ေဆာက္လုပ္ထားသည့္ ညစာစားခန္းသို႔ေရာက္ရွိမည္ျဖစ္ျပီး ျမင့္မားသည့္ မ်က္ႏွာၾကက္မ်ား၊ ေဘးႏွစ္ဘက္တြင္ ျပတင္းေပါက္မ်ားျဖင့္ ဖြဲ႔စည္းထားသည္။

မီးဖိုေဆာင္သည္ ညစာစားခန္းႏွင့္ ဆက္သြယ္ထားသည္။

ေနအိမ္၏ ေနာက္ဘက္တြင္ တိုးခ်ဲ ႔ေဆာင္တစ္ခု တည္ရွိျပီး အိပ္ခန္း ၂ ခန္းႏွင့္ ေရခ်ဳိးခန္းတို႔ ပါဝင္သည္။

ပင္မေနအိမ္ႏွင့္ အတန္ငယ္လွမ္းေသာ ေနရာတြင္လည္း သီးျခားတိုးခ်ဲ ႔ေဆာင္တစ္ခု ပါဝင္ေသးျပီး ျပင္သစ္တံခါးမ်ား ပါဝင္သည့္ နားေနခန္း၊ က်ယ္ဝန္းသည့္ အိပ္ခန္း ၂ ခန္းႏွင့္ မီးဖိုေဆာင္ငယ္တစ္ခု ပါဝင္သည္။

ပန္းဥယ်ာဥ္မွာ အလြန္သာယာလွပျပီး ယာဥ္ေမာင္းလမ္းတစ္ေလွ်ာက္တြင္ သံလြင္ပင္ၾကီးမ်ား စီရရီ တန္းေနသည္။

မိုဘိုင္းဖုန္းႏွင့္ ခ်ိတ္ဆက္ ထိန္းခ်ဳပ္ႏိုင္ေသာ ျခံတံခါးမ်ား တပ္ဆင္ထားျပီး ယာဥ္ေမာင္းလမ္းဆံုးလွ်င္ အလြန္က်ယ္ဝန္းေသာ ကားရပ္နားရန္ေနရာသို႔ ေရာက္ရွိမည္ ျဖစ္သည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

အင်္ဂလန်နိုင်ငံတွင် တချိန်က ကမ္ဘာကျော် စာရေးဆရာမ ဂျိန်းအော်စတင်ပိုင်ဆိုင်ခဲ့သည့် အဌဂံပုံနေအိမ်တစ်လုံး ပေါင် ၈ သိန်းကျော်မျှဖြင့် အရောင်းဈေးကွက်ဝင် လာသည်။ ဂျိန်းအော်စတင်သည် ၁၈ ရာစုနှောင်းပိုင်းတွင် ပေါ်ပေါက်ခဲ့သော စာရေးဆရာမတစ်ဦးဖြစ်ပြီး အင်္ဂလန်နိုင်ငံတောင်ပိုင်း ဟမ့်ရှိုင်းယားခရိုင်၊ စတီဗင်တန်ကျေးရွာကလေးတွင် ၁၇၇၅ ခုနှစ်၊ ဒီဇင်ဘာလ ၁၆ ရက်တွင် မွေးဖွားသည်။

သူ၏ ဝတ္ထု ၆ အုပ်မှာ ကမ္ဘာ့စာပေသမိုင်းတွင် အထင်ကရစာအုပ်များဖြစ်ပြီး Sense and Sensibility (၁၈၁၁ ခုနှစ်)၊ Pride and Prejudice (၁၈၁၃ ခုနှစ်)၊ Mansfield Park (၁၈၁၄ ခုနှစ်) နှင့် Emma (၁၈၁၆ ခုနှစ်) တို့ပါဝင်သည်။

အသက် ၄၂ နှစ်အရွယ် ၁၈၁၇ ခုနှစ်နှစ်တွင် ကွယ်လွန်သွားသည်။

သမားရိုးကျမဟုတ်သော အဆိုပါ ၈ ထောင့်ပုံနေအိမ်ကို ၁၂ ရာစုခေတ် ဘုန်းတော်ကြီးကျောင်းဝန်းတစ်ခုအတွင်း ဆောက်လုပ်ခဲ့ခြင်းဖြစ်သည်။

အင်္ဂလန်နိုင်ငံ၊ ဝါးဝစ်ခ်ရှိုင်းယားအရပ်ရှိ စတုန်းလေး ဘုန်းတော်ကြီးကျောင်းဝန်းအတွင်း တည်ရှိသည်။

အဆိုပါ ဘုန်းတော်ကြီးကျောင်းကို ၁၁၅၄ ခုနှစ်တွင် စစ်စတာစီယန် ဘုန်းတော်ကြီးများက တည်ဆောက်ခဲ့ခြင်း ဖြစ်သည်။

ဂျိန်းအော်စတင်သည် ၁၈၀၆ ခုနှစ်တွင် အဆိုပါနေအိမ်သို့ ပြောင်းရွှေ့နေထိုင်ခဲ့ပြီး ထိုစဉ်က အောင်မြင်သည့် စာရေးဆရာမတစ်ဦး ဖြစ်မလာသေးချေ။ မိခင်၏ အစ်ကိုဖြစ်သူ ဘုန်းတော်ကြီး သောမတ်စ်လေးထံမှ အမွေရရှိခဲ့ခြင်းဖြစ်သည်ဟု ဆိုသည်။

သောမတ်စ်လေးက ဂျိန်း၏ မိခင်ဖြစ်သူ ကာဆန်ဒရာ အော်စတင်ကို ၎င်းနှင့်အတူ နေထိုင်ရန် ခေါ်ယူခဲ့ရာ ဂျိန်းနှင့် သူ၏ညီမ ကာဆန်ဒရာတို့ လိုက်ပါနေထိုင်ခဲ့ကြသည်။ ထိုစဉ်က စံအိမ်၏ ဥယျာဉ်မှူးမှာ ဟမ့်ဖရေး ရက်ပ်တန်ဖြစ်ပြီး အော်စတင်က သူ၏ တတိယမြောက် လုံးချင်းဝတ္ထုဖြစ်သော Mansfield Park တွင် ဇာတ်ကောင်တစ်ခုအဖြစ် ထည့်သွင်းရေးသားခဲ့ဖူးသည်။

နေအိမ်ကို Knight Frank မှ အကျိုးဆောင်များက ဈေးကွက်တင်လာပေးခြင်းဖြစ်ပြီး နေအိမ်သည် နှစ်ပေါင်း ၈၀၀ ကျော် သမိုင်းကြောင်းကို ဖြတ်သန်းလာခြင်းဖြစ်ကြောင်း ၎င်းတို့က ပြောကြားခဲ့ခြင်း ဖြစ်သည်။

အဝင်ခန်းမလမ်းမှ ဝင်လာလျှင် အုတ်များကို ဖော်၍ဆောက်လုပ်ထားသည့် ညစာစားခန်းသို့ရောက်ရှိမည်ဖြစ်ပြီး မြင့်မားသည့် မျက်နှာကြက်များ၊ ဘေးနှစ်ဘက်တွင် ပြတင်းပေါက်များဖြင့် ဖွဲ့စည်းထားသည်။

မီးဖိုဆောင်သည် ညစာစားခန်းနှင့် ဆက်သွယ်ထားသည်။

နေအိမ်၏ နောက်ဘက်တွင် တိုးချဲ့ဆောင်တစ်ခု တည်ရှိပြီး အိပ်ခန်း ၂ ခန်းနှင့် ရေချိုးခန်းတို့ ပါဝင်သည်။

ပင်မနေအိမ်နှင့် အတန်ငယ်လှမ်းသော နေရာတွင်လည်း သီးခြားတိုးချဲ့ဆောင်တစ်ခု ပါဝင်သေးပြီး ပြင်သစ်တံခါးများ ပါဝင်သည့် နားနေခန်း၊ ကျယ်ဝန်းသည့် အိပ်ခန်း ၂ ခန်းနှင့် မီးဖိုဆောင်ငယ်တစ်ခု ပါဝင်သည်။

ပန်းဥယျာဉ်မှာ အလွန်သာယာလှပပြီး ယာဉ်မောင်းလမ်းတစ်လျှောက်တွင် သံလွင်ပင်ကြီးများ စီရရီ တန်းနေသည်။

မိုဘိုင်းဖုန်းနှင့် ချိတ်ဆက် ထိန်းချုပ်နိုင်သော ခြံတံခါးများ တပ်ဆင်ထားပြီး ယာဉ်မောင်းလမ်းဆုံးလျှင် အလွန်ကျယ်ဝန်းသော ကားရပ်နားရန်နေရာသို့ ရောက်ရှိမည် ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)