ဒေါ်နယ်ထရမ့် ပိုင်ဆိုင်ထားသော၊ ပိုင်ဆိုင်ခဲ့သော စံအိမ်များ

(၁) ကွန်နက်တီကပ်ပြည်နယ်၊ ဂရင်းဝစ်ခ်ျမြို့ရှိ စံအိမ်

Trump Only Paid $4 Million -Greenwich, Connecticut

၁၉၈၀ ပြည့်လွန် အစောပိုင်းကာလများတွင် ဒေါ်နယ်ထရမ့်နှင့် ဇနီး (ဟောင်း) အိုင်ဗန်ကာတို့သည် ကွန်နက်တီကပ်ပြည်နယ်၊ ဂရင်းဝစ်ခ်ျမြို့တွင် နေအိမ်တစ်လုံး ဝယ်ယူခဲ့သည်။

(၁၉၉၂ ခုနှစ်တွင် ပြန်လည်ရောင်းချခဲ့သည်)

ထရမ့်တို့ ဇနီးမောင်နှံ ဝယ်ယူစဉ်က ကန်ဒေါ်လာ ၄ သန်းသာ ပေးခဲ့ရသည်။

၂၀၁၈ ခုနှစ်တွင် အရောင်းဈေးကွက်သို့ ပြန်ဝင်လာခဲ့၏။

လက်ရှိခေါ်ဈေးမှာ ကန်ဒေါ်လာ ၄၅ သန်း ဖြစ်သည်။

စံအိမ်အတွင်း အိမ်တွင်း၊ အိမ်ပြင် ရေကူးကန်များ၊ ဂေါက်ရိုက်ရန်နေရာ၊ တင်းနစ်ကွင်းများ ပါဝင်ပြီး လောင်းအိုင်းလန်းမြစ်ဝ၏ လှပသော ရေပြင်မြင်ကွင်းများကို တွေ့မြင်နိုင်သည်။

နေအိမ်အကျယ်အဝန်းမှာ စတုရန်းပေ ၂၀၀၀၀ နီးပါးရှိပြီး အိပ်ခန်း ၁၀ ခန်း၊ အိမ်တွင်းရုပ်ရှင်ရုံတို့လည်း ပါဝင်သည်။

(၂) ထရမ့်သည် စကော့တလန်ကို ချစ်မြတ်နိုးသည်မှာ လျှို့ဝှက်ချက်မဟုတ်

ဒေါ်နယ်ထရမ့်သည် စကော့တလန်မြေကို အကြွင်းမဲ့ချစ်မြတ်နိုးသည်မှာ သံသယဖြစ်ဖွယ်မရှိချေ။ ဗြိတိန်၏ မြောက်ဖျားစွန်း စကော့မြေတွင် ထရမ့်ပိုင်ဆိုင်ထားသော ဂေါက်ကွင်း အပန်းဖြေစခန်း ၂ ခုရှိနေသည်။

Trump Organization မှ နောက်ဆုံးဝယ်ယူခဲ့သည်မှာ အဘာဒင်းရှိုင်းယား ကောင်စီနယ်မြေတွင် တည်ရှိပြီး တန်ကြေးမှာ ကန်ဒေါ်လာ ၁ ဒသမ ၃ ဘီလီယံ တန်ကြေးရှိသည်ဟု ဆိုသည်။

ကလပ်အဖွဲ့ဝင်များသည် ရဟတ်ယာဉ်ကွင်း၊ ဂေါက်ရိုက်သင်ခန်းစာများ၊ ကြယ်ငါးပွင့်အဆင့် စားသောက်ဆိုင်များ၊ ရဲတိုက်များ လေ့လာရေးခရီးနှင့် နှင်းလျှောစီးခြင်း အခွင့်အရေးများ ရရှိမည် ဖြစ်သည်။

၂၀၁၈ ခုနှစ်အတွင်း Trump Organization က ကြေညာချက်တစ်ခု ထုတ်ပြန်ခဲ့ရာတွင် အပန်းဖြေစခန်းနှင့် ဂေါက်ကွင်းများကို ကန်ဒေါ်လာ သန်း ၂၀၀ သုံးစွဲပြီး ချဲ့ထွင်မှုများ ပြုလုပ်သွားမည်ဟု ကြေညာထားသည်။

(၃) လေထဲတွင်လည်း အိမ်ရှိသည်

ထရမ့်၏ နေအိမ်ပေါများမှုမှာ လေယာဉ်ပေါ်အထိ ရောက်သည်။

အမေရိကန်သမ္မတတို့သာ စီးနင်းခွင့်ရှိသော Air Force One နှင့် Marine One လေယာဉ်ကြီးများအပြင် ထရမ့်၏ ကိုယ်ပိုင် ဂျက်လေယာဉ် တစ်စင်းလည်း ရှိသေးသည်။

Trump Force One ဟု အမည်ပေးထားသည့် ကိုယ်ပိုင်ဂျက်လေယာဉ်မှာ သာမန်လေယာဉ်တစ်စင်း မဟုတ်။

Trump Force One အဖြစ် လက်ရှိအသုံးပြုထားသည်မှာ ဘိုးအင်း 757 လေယာဉ်ကြီးဖြစ်ပြီး မူလက သုံးခဲ့သည်မှာ ဘိုးအင်း 727 ဖြစ်ကာ ၂၀၁၁ ခုနှစ်တွင် ပြောင်းလဲအစားထိုးခဲ့ခြင်း ဖြစ်သည်။

ကိုယ်ပိုင်ဂျက်လေယာဉ်၏ တန်ဖိုးမှာ ကန်ဒေါ်လာ သန်း ၁၀၀ ခန့် တန်ကြေှးရှိပြီး ဇိမ်ခံလေယာဉ်ကြီးဖြစ်သည်။

လေယာဉ်ပေါ်တွင် အိပ်ခန်း ၂ ခန်း ပါဝင်ပြီး master bedroom မှာ ပိုးသားများဖြင့် လိုင်နင်အုပ်ထားသည်။

လေယာဉ်အတွင်း တပ်ဆင်ထားသည့် ဘေစင်၊ ရေပိုက်ခေါင်း အစရှိသည်တို့ အပါအဝင် အရာအားလုံးနီးပါးကို ၂၄ ကာရက်ရွှေအစစ်ဖြင့် ပြုလုပ်ထားသည်။ ခရီးသည် ၄၂ ဦးစာ ထိုင်ခုံများ ပါဝင်ပြီး လူတစ်ဦးချင်းစီအတွက် ဖျော်ဖြေရေးစနစ်တစ်ခုစီ သီးသန့်ပါဝင်ပြီး အိပ်ယာတစ်ခုအသွင်လည်း ပြောင်းလဲ၍ ရသည်ဟု ဆိုသည်။

(၄) ထရမ့်ကလေးဘဝကနေထိုင်ခဲ့သည့်နေအိမ်တွင် တစ်ညလျှင် ၇၂၅ ဒေါ်လာဖြင့် တည်းခိုနိုင်

နယူးယောက်မြို့၏ ရပ်ကွက်ကြီး ၅ ခုအနက် အရှေ့ဖျားစွန်း ကွင်းစ်ရပ်ကွက်တွင် တည်ရှိသော စတုရန်းပေ ၂၅၀၀ ရှိ နေအိမ်ကလေးတစ်လုံးတွင် အမေရိကန်သမ္မတ ဒေါ်နယ်ထရမ့် လူငယ်ဘဝကို ဖြတ်သန်းခဲ့သည်။

သူ၏ ဖခင် ဖရက်ဒရစ် ထရမ့်က အိပ်ခန်း ၅ ခန်းပါ နေအိမ်ကို ၁၉၄၀ ပြည့်နှစ်တွင် တူးဒေါ်ဗိသုကာဟန်ဖြင့် ဆောက်လုပ်ခဲ့ပြီး ယနေ့တိုင် တည်ရှိနေခြင်း ဖြစ်သည်။

ယနေ့ကာလတွင် ထိုနေအိမ်ကို ထရမ့်မိသားစုက မပိုင်ဆိုင်တော့သော်လည်း နေအိမ်အတွင်း ၎င်းတို့မိသားစု၏ သမိုင်းကြောင်း အရိပ်အငွေ့များစွာ ကျန်ရှိနေဆဲ ဖြစ်သည်။

နေအိမ်ပိုင်ရှင်သစ်များက အဆိုပါသမိုင်းကြောင်းတန်ဖိုးကို သိနားလည်သူများ ဖြစ်ကြသည်။

ထရမ့်ရေးသားထားသည့် Trump: The Art of the Deal စာအုပ်၊ ဒေါ်နယ်ထရမ့်၏ အမှတ်ရဖွယ် ဓာတ်ပုံများ၊ နေအိမ်ဧည့်ခန်းတွင် ထရမ့်၏ ကိုယ်လုံးပြည့်ပုံစံ ဖြတ်ပိုင်းရုပ်ပုံတို့ ယနေ့တိုင်ပြသထားသည်။

(၅) အင်ပိုင်ယာစတိတ် အဆောက်အအုံ

အင်ပိုင်ယာစတိတ် အဆောက်အအုံကြီးကို ဒေါ်နယ်ထရမ့်ပိုင်သည်ကို အံ့အားသင့်ဖွယ်ရှိသည်။ အမှန်ပင် ဖြစ်ပါသည်။

နယူးယောက်ဇာတိသား ထရမ့်သည် နယူးယောက်၏ အထင်ကရ အင်ပိုင်ယာစတိတ် အဆောက်အအုံကြီးကို တချိန်က ၅၀ ရာခိုင်နှုန်း ပိုင်ဆိုင်ခဲ့ဖူးသည်။ ထရမ့်နှင့် စီးပွားဖက်တစ်ဦးတို့က အဆောက်အအုံကြီး၏ တစိတ်တဒေသကို ၁၉၉၄ ခုနှစ်တွင် ဝယ်ယူခဲ့ကြသည်။

၎င်းတို့က အဆောက်အအုံကြီးကို ထိန်းချုပ်နိုင်ရန် ကြိုးပမ်းခဲ့ကြပြီး master leaseholder ကို နှင်ထုတ်ရန် ကြိုးပမ်းခဲ့ကြသည်။

ထရမ့်က အိမ်ခြံမြေလောကတွင် သူ၏ပါဝါကို ပြသရန် ကြိုးပမ်းခြင်းလည်း ဖြစ်သည်။

Colliers International ၏ ဥက္ကဌ မိုက်ကယ် ကိုဟင်က ပြောကြားရာတွင် “ကျွန်တော် အဲ့လိုအဖြစ်အပျက်မျိုး အရင်က မတွေ့ခဲ့ဖူးသလို အဲဒီနောက်ပိုင်းမှာလည်း မတွေ့ခဲ့ဖူးပါဘူး”ဟု ဆိုသည်။

မိုက်ကယ်ကိုဟင်က လက်လျှော့လိုက်ပြီး ရောင်းထုတ်လိုက်သည်ဟု ဆိုသည်။

ရှေရီ မှ ( iMyanmarHouse.com အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။ Credit: iMyanmarHouse.com