ပြည်ပပို့ကုန်ဈေးကွက် အေးနေသောကြောင့် တရုတ်အစိုးရက အိမ်ခြံမြေဈေးကွက်အပေါ် ဖြေလျော့မှုများ ပြုလုပ်ပေးဖွယ်ရှိ

ကုန်သွယ်ရေးစစ်ပွဲ အရှိန်မြင့်လာနေမှုနှင့်အတူ ပြည်ပပို့ကုန်ဈေးကွက် အေးနေသောကြောင့် တရုတ်အစိုးရက အိမ်ခြံမြေဈေးနှုန်း ထိန်းနိုင်ရန် တင်းကြပ်မှုများ ပြုလုပ်ထားခဲ့သည့်အပေါ် ပြန်လည်ဖြေလျော့မှုများ ပြုလုပ်ပေးဖွယ်ရှိကြောင်း ကျွမ်းကျင်ပညာရှင်များက ခန့်မှန်းသည်ဟု ဟောင်ကောင်သတင်းဝက်ဘ်ဆိုက်တစ်ခုတွင် ဖော်ပြသည်။

အိမ်ခြံမြေနှင့် ဆက်နွှယ်သော လုပ်ငန်းကဏ္ဍများသည် တရုတ်ပြည် ဂျီဒီပီ၏ ၂၅ ရာခိုင်နှုန်းကျော်ရှိကြောင်း ဟောင်ကောင်အခြေစိုက် ရင်းနှီးမြှုပ်နှံမှုကုမ္ပဏီ CLSA Ltd. ၏ အချက်အလက်များတွင် ဖော်ပြသည်။

သို့ဖြစ်ရာ အိမ်ခြံမြေကဏ္ဍ ပြန်လည်ဖွံ့ဖြိုးအောင် လုပ်ဆောင်နိုင်မည်ဆိုပါက ယိုယွင်းနေသော ကုန်သွယ်ရေး အခြေအနေကို ပြန်လည်ခုနှိမ်နိုင်မည်ဖြစ်သည်။

ဧပြီလအတွင်း ပြည်ပပို့ကုန်မှာ ၂ ဒသမ ၇ ရာခိုင်နှုန်းကျဆင်းသွားကြောင်း အချက်အလက်များတွင် ပြသနေရာ ယခု မူဝါဒဖြင့် ချဉ်းကပ်ပါက လူတို့၏ ထောက်ခံမှုကို ရရှိနိုင်မည် ဖြစ်သည်။

“မြင်း ၃ ကောင်ကတဲ့ စီးပွားရေး ရထားလုံးမှာ တစ်ကောင်က ကောင်းကောင်း အလုပ်မလုပ်တော့ဘူးဆိုရင် ကျန်တဲ့နှစ်ကောင်က နေရာ ပိုရလာလိမ့်မှာပါ”ဟု Kaisa Group ၏ အမှုဆောင်အရာရှိချုပ် မိုင်းဖန်က ပြောကြားသည်။

တရုတ်ပြည်စီးပွားရေး၏ ပင်မဒေါက်တိုင်ကြီးသုံးခုအဖြစ် ပို့ကုန်၊ စားသုံးသူကဏ္ဍနှင့် ရင်းနှီးမြှုပ်နှံမှုတို့ကို ရည်ညွှန်းလေ့ရှိသည်။

အိမ်ခြံမြေကဏ္ဍသည် ရင်းနှီးမြှုပ်နှံမှုတွင် အရေးပါသော အခန်းကဏ္ဍမှ ပါဝင်ပြီး ၂၀၁၇ ခုနှစ်အတွင်း အိမ်ခြံမြေရောင်းချရမှု စုစုပေါင်းမှာ ယွမ်ငွေ ၁၃ ဒသမ ၃၇ ထရီလီယံ (ကန်ဒေါ်လာ ၁ ဒသမ ၉၃ ထရီလီယံ) ဖိုးခန့် ရှိခဲ့ရာ ဂျီဒီပီ၏ ၁၆ ဒသမ ၄ ရာခိုင်နှုန်းအထိရှိကြောင်း The Handbook of China’s Financial System တွင် ဖော်ပြသည်။

အမေရိကန်ပြည်၊ မြောက်ကယ်ရိုလိုင်းနား အခြေစိုက် ရင်းနှီးမြှုပ်နှံမှုဘဏ်ကြီး Bank of America Merrill Lynch (BofA Securities) မှ သုတေသီတို့၏ သုံးသပ်ချက်အရ တရုတ်ဗဟိုဘဏ်သည် လာမည့် စက်တင်ဘာနှင့် ဒီဇင်ဘာလများတွင် အတိုးနှုန်းများ လျှော့ချပေးနိုင်ပြီး ၂၀၂၀ တွင်လည်း ဆက်လက်၍ အခြားသောနှုန်းထားလျှော့ချမှုများ ဆက်လက်ပြုလုပ်သွားဖွယ်ရာရှိကြောင်း သုံးသပ်ထားကြသည်။

“တရုတ်ပြည်ဟာ စားသုံးသူ လှုံ့ဆော်မှုတွေ ပိုမိုပြုလုပ်လာဖွယ်ရှိပြီး အခြေခံအဆောက်အအုံနဲ့ အိမ်ခြံမြေ ရင်းနှီးမြှုပ်နှံမှုတွေအပေါ် အားပေးမှုတွေ ပြုလုပ်သွားဖွယ်ရှိပါတယ်”ဟု BofA Securities မှ သုတေသီများဖြစ်သော ဟယ်လင်ချောင်နှင့် ရှောင်ကျား ကျီတုန်းတို့၏ သုတေသနစာတမ်းတွင် ဖော်ပြသည်။

ထရမ့်အစိုးရသည် ကန်ဒေါ်လာ ၃၀၀ ဘီလီယံဖိုးရှိသော တရုတ်ပြည်မှ ပို့ကုန်များအပေါ် ပြီးခဲ့သောနွေက အကောက်ခွန် ၂၅ ရာခိုင်နှုန်းအထိ ကောက်ခံခဲ့သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)