အမေရိကန်သမ္မတ ဒေါ်နယ်ထရမ့်က လော့စ်အိန်ဂျလိရှိ စံအိမ်ကို အင်ဒိုနီးရှား စီးပွားရေးလုပ်ငန်းရှင်ထံ လျှို့ဝှက်ရောင်းချ

ရောင်းချသူ- The Trump Organization

တည်နေရာ- ကယ်လီဖိုးနီးယားပြည်နယ်၊ လော့စ်အိန်ဂျလိမြို့၊ ဘီဗာလီဟေးလ်အရပ်

ဈေးနှုန်း-ကန်ဒေါ်လာ ၁၃ ဒသမ ၅ သန်း

အကျယ်အဝန်း- စတုရန်းပေ ၅၃၉၅၊ အိပ်ခန်း ၅ ခန်း၊ ရေချိုးခန်း ၆ ခန်း

အမေရိကန်သမ္မတ ဒေါ်နယ်ထရမ့်သည် လော့စ်အိန်ဂျလိမြို့၊ ဘီဗာလီဟေးလ်အရပ်တွင် ကာလကြာရှည်စွာ ပိုင်ဆိုင်ထားခဲ့သော စံအိမ်ကို အင်ဒိုနီးရှား စီးပွားရေးလုပ်ငန်းရှင်ထံ လျှို့ဝှက်ရောင်းချလိုက်ကြောင်း နယူးယောက်အခြေစိုက် သတင်းဝက်ဘ်ဆိုက် တစ်ခုတွင် ဖော်ပြသည်။

အဆိုပါစံအိမ်သည် အနောက်ဘက်ကမ်းရိုးတန်းတွင် ထရမ့်ပိုင်ဆိုင်ထားသည့် နောက်ဆုံးစံအိမ်ဖြစ်ပြီး ကန်ဒေါ်လာ ၁၃ ဒသမ ၅ သန်းဖြင့် ရောင်းချခဲ့ခြင်းဖြစ်သည်ဟု ဆိုသည်။

ထရမ့်က အဆိုပါစံအိမ်ကို ဝယ်ယူခဲ့စဉ်က ကန်ဒေါ်လာ ၇ သန်းသာ ပေးခဲ့ရရာ ယခုအရောင်းအဝယ်ဖြစ်သွားသော ဈေးနှုန်းအရ ဝယ်ဈေး၏ ၂ ဆနီးပါး ရရှိခဲ့ခြင်းလည်း ဖြစ်သည်။

၂၀၀၇ ခုနှစ်၊ ဖေဖော်ဝါရီလအတွင်း ဝယ်ယူခဲ့ပြီးနောက်ပိုင်းမှစပြီး ထရမ့်သည် အဆိုပါစံအိမ်တွင် နေထိုင်ခြင်း အလွန်နည်းပါးသည်။

ဝယ်လက်မှာ အင်ဒိုနီးရှား စီးပွားရေးလုပ်ငန်းရှင် ဘီလျံနာကြီး ဘမ်ဘန် ဟာရီ တာနိုဆိုဒစ်ဂျိုဖြစ်သည်ဟု သိရသည်။

အင်ဒိုနီးရှားဘီလျံနာကြီးသည် ယခုစံအိမ်ကို British Virgin Islands အခြေစိုက် Hillcrest Asia Limited ကုမ္ပဏီမှတဆင့် ဝယ်ယူခဲ့ခြင်း ဖြစ်သည်။

ဟာရီ တာနိုးဟုလည်း လူသိများသူ အင်ဒိုနီးရှား ဘီလျံနာကြီးသည် အသက် ၅၃ နှစ်အရွယ်ရှိပြီး မီဒီယာ၊ ဘဏ္ဍာရေးနှင့် အိမ်ခြံမြေ လုပ်ငန်းများ လုပ်ကိုင်သည့် နိုင်ငံစုံကုမ္ပဏီကြီး MNC Group ကို ပိုင်ဆိုင်သူတစ်ဦးလည်း ဖြစ်သည်။

ဒေါ်နယ်ထရမ့်ကဲ့သို့ပင် တာနိုးသည်လည်း ထင်ပေါ်ကျော်ကြား လူသိများသူဖြစ်ပြီး အင်စတာဂရမ်တွင် Follower တစ်သန်းခန့်ရှိသည်ဟု ဆိုသည်။ ဒေါ်နယ်ထရမ့်နှင့် ထပ်မံတူညီသည်မှာ နိုင်ငံရေးနယ်တွင် စိတ်ဝင်စားခြင်း ဖြစ်သည်။

၂၀၁၅ ခုနှစ်တွင် ဟာရီတာနိုးသည် အင်ဒိုနီးရှား စည်းလုံးရေး ပါတီ (IUP) ကို စတင်တည်ထောင်ခဲ့သည်။

အင်ဒိုနီးရှား၏ ပင်မပါတီကြီး ၂ ခုအပေါ် ပြည်သူတို့က သဘောထားမတိုက်ဆိုင်မှုများ ပေါ်ပေါက်ပြီးနောက်ပိုင်း ထိုသို့ပါတီထောင်လိုက်ခြင်း ဖြစ်သည်။

သူသည် ထရမ့်ကို ထောက်ခံသူ၊ ထရမ့်၏ မိတ်ဖက်တစ်ဦးဖြစ်ပြီး ၂၀၁၇ ခုနှစ်အတွင်း ဒေါ်နယ်ထရမ့်၏ ကျမ်းသစ္စာကျိန်ဆိုပွဲကို ဇနီးဖြစ်သူ လီလီယာနာ တာနာဂျာနှင့်အတူ တက်ရောက်ခဲ့သည်။

ထို့အပြင်ဘာလီကျွန်းတွင်လည်း ထရမ့်အမှတ်တံဆိပ် အပန်းဖြေစခန်းတစ်ခု တည်ထောင်ဖွင့်လှစ်ခဲ့သေးသည်။

တာနိုးသည် ဒေါ်နယ်ထရမ့်၏ မဲဆွယ်ကြွေးကြော်သံဖြစ်သော “Make America Great Again” ဟူသည့် စာတန်းပါသော ဦးထုပ်တစ်လုံးကို သူ၏ ရုံးခန်းတွင် သိမ်းဆည်းထားရှိထားသည်ဟု သိရသည်။

စံအိမ်ကို တူးဒေါ်ရီဗိုက်ဗယ်လ် ဗိသုကာဟန်ဖြင့် ၁၉၂၇ ခုနှစ်တွင် ဆောက်လုပ်ခဲ့ခြင်းဖြစ်ပြီး မြက်ခင်းပြင်များ၊ ခြံစောင့် နေအိမ်ခန်းပါသော ကားဂိုဒေါင်နှင့် ရေကူးကန်ဘေးအိမ်တို့ ပါဝင်ကာ ခြံဝန်းအကျယ်မှာ ၀ ဒသမ ၆၇ ဧက ဖြစ်သည်။

Trump Org သည် အဆိုပါနေအိမ်ခြံဝန်းအတွင်းရှိ သံလွင်မျိုးစိတ်ဝင် အပင်များကို ထိန်းသိမ်းခုတ်ချိုင်ခြင်း မပြုလုပ်သောကြောင့် ဘီဗာလီဟေးလ်အုပ်ချုပ်ရေးအဖွဲ့သို့ ၂၀၁၇ ခုနှစ်အတွင်း ဒဏ်ငွေ ကန်ဒေါ်လာ ၁၁၀၀ ပေးဆောင်ခဲ့ရဖူးသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)