လှိုင်နှင့်မရမ်းကုန်းမြို့နယ်တွင် ရန်ကုန်မိုးပျံရထားလမ်းစီမံကိန်းနှင့် မလွတ်ကင်းသည့်အိမ်နှင့်မြေများအတွက် ကာလပေါက်ဈေးအတိုင်းပေးလျော်ရန် တင်ပြမှုများပြား

လှိုင် နှင့် မရမ်းကုန်းမြို့နယ် အတွင်းရှိ ရန်ကုန် မိုးပျံရထားလမ်းစီမံကိန်းဧရိယာ နှင့်မလွတ်ကင်းသည့် အိမ်နှင့်မြေ များကို ကာလပေါက်ဈေးအတိုင်း လျော်ကြေးပေးရန် တင်ပြမှုများကြသည်။

ဇွန် ၈ ရက် မရမ်းကုန်းမြို့နယ် ကုန်းမြင့်ရိပ်သာလမ်းရှိကုန်း မြင့်ရိပ်သာဓမ္မာရုံတွင် လှိုင် နှင့် မရမ်းကုန်းမြို့နယ်တို့မှ ပြည်သူများ ကို မိုးပျံရထားလမ်းစီမံကိန်းဆိုင်ရာအသိပေးရှင်းလင်းပွဲပြုလုပ်ခဲ့ရာ တက်ရောက်သူအများစုက အထက်ပါအတိုင်း တင်ပြကြခြင်း ဖြစ်သည်။

မရမ်းကုန်းမြို့နယ် ၁၀ရပ် ကွက်နေ ဦးထွန်းက""ဒီစီမံကိန်း ကို မဖြစ်မနေလုပ်ရတော့မယ်ဆို ရင် မတရားလည်းလိုချင်လို့မရဘူး။ သူ့ရဲ့သတ်မှတ်ထားတဲ့ စံနှုန်းရှိတယ်လေ။ ဥပမာ နှစ်ကျပ်လောက်တန်နေတာကို သုံးကျပ်လောက် ပိုပေးရင် သူသူကိုယ်ကိုယ် ဝမ်းသာကြမယ်လေ။ အဲလောက်အထိပေးဖို့လည်း ကျွန်တော်တို့က မတောင်းဆိုဘူး။ ကာလပေါက်ဈေး အတိုင်းပဲ ပေးလျော်မှုကိုအများ ပြည်သူကလိုတာပေါ့""ဟု ပြောသည်။

ရန်ကုန်မိုးပျံရထားလမ်းစီမံကိန်း တည်ဆောက်မည့်ဧရိယာအတွင်း မိမိတို့၏ နေအိမ်၊ တိုက်ခန်း၊ ခြံများမည်မျှထိခိုက်မှုရှိ၊ မရှိ၊ ထိခိုက်မှုတွင်ပါဝင်ခဲ့ပါကပေးလျော်မည့် လျော်ကြေးငွေတန်ဖိုးစသည့် အသေးစိတ်အချက်အလက်များကို သိရှိလိုကြောင်းဆွေးနွေးပွဲသို့ တက်ရောက်လာသူများက တောင်း ဆိုခဲ့ကြသည်။

ထို့ပြင်စီမံကိန်း၏ အကျိုးအ မြတ်ကိုချိန်ဆ၍ ဆုံးရှုံးနစ်နာမှုများသာ ရှိမည်ဆိုပါကစီမံကိန်း အား အကောင်အထည်မဖော်သင့်ကြောင်း စီမံကိန်းကိုမဖြစ်မနေ ဖော်ဆောင်မည် ဆိုပါကလည်းလူနေအိမ်များကို ထိခိုက်မှုအနည်းဆုံးဖြင့် ဆောင်ရွက်ပေးရန်နှင့် လူနေအိမ်ခြေ ကျဲပါးသည့် လမ်းအူ ကြောင်းကို ရွေးချယ်လုပ်ဆောင်ရန်တက်ရောက်သူအချို့ကတင်ပြ ခဲ့ကြသည်။ မရမ်းကုန်းမြို့နယ် ၇ရပ် ကွက်နေ ဦးမြင့်စိုးက""စီမံကိန်း တစ်ခုကိုဖော်ရင် နိုင်ငံအတွက်အ ကျိုးရှိမယ်။ သူများကိုလည်း ထိခိုက်မှုအနည်းဆုံးပေါ့လေ။လူတွေရဲ့ဘဝကိုမြှင့်တင်မပေးနိုင်တာ အပထား။ သူတို့ကိုတော့ပိုပြီး ဆိုးရွား မသွားအောင်စဉ်းစားပေးစေချင်တယ်။ အခြားနေရာတွေမှာ မြေယာ ဥပဒေတွေ ထွက်လာပြီ။ ရထားလမ်းဖောက်ရင် မြေသိမ်းတာတွေ ရှိမယ်။ မြေသိမ်းမယ်ဆိုရင်မြန်မာနိုင်ငံက ပြဋ္ဌာန်းထားတဲ့ ဆက်နွှယ်နေတဲ့ဥပဒေတွေနဲ့အညီ လုပ်ဆောင်ပေးစေချင်တယ်""ဟု ပြော သည်။

စီမံကိန်းဧရိယာနှင့် မလွတ် သဖြင့်ပြောင်းရွေ့ပေးရမည့်ပြည် သူများ ထိခိုက်နစ်နာမှုအနည်း ဆုံးဖြစ်အောင်လုပ်ဆောင်မည်ဖြစ် ပြီးမလွတ်ကင်းသည့် မြေ၊အိမ်အစ ရှိသည့်နေရာ မည်မျှရှိသည်ကို စက်တင်ဘာအတွင်း အသေးစိတ်သိရှိနိုင်မည်ဖြစ်ကြောင်း မြန်မာ့မီးရထား (အောက်မြန်မာပြည်)မှ အထွေထွေမန်နေဂျာ ဦးထွန်းအောင်သင်းက ပြောသည်။

""ခုဆောင်ရွက်တာက ဒီစီမံကိန်းနဲ့ပတ်သက်ပြီး တင်ပြတဲ့အဆင့်ပဲရှိပါသေးတယ်။ စီမံကိန်း မတိုင်ခင် သုံးခါ၊ လေးခါလောက်ရှင်းပြပြီး ပြည်သူ့သဘောထားတွေ အကြံညဏ်တွေ အကုန်လုံးယူပြီး တင်ပြပါမယ်။ ပြည်သူတွေက ဒီထက်ပြည့်စုံတဲ့ သတင်းအချက်အလက်တွေ ရယူလိုချင်တယ်။ အသေးစိတ်ဒီဇိုင်းထွက်လာရင် ဒီထက်ပြည့်စုံတဲ့ အရင်းကျေကာလ ဘယ်လောက်ရှိမလဲ။ ဘယ်လောက် အမြတ်စွန်းရှိမှာလဲ။အားလုံးထပ် ပြီးတင်ပြသွားမှာဖြစ်ပါတယ်""ဟု ၄င်းက ပြောသည်။

စီမံကိန်းဆောင်ရွက်မည့်ဧရိယာတစ်လျှောက်တွင် ကာကွယ်ရေးဝန်ကြီးဌာနပိုင် မြေနေရာငါးနေရာကို ဖြတ်သန်းသွားရမည်ဖြစ်ရာ ယင်း ငါးနေရာစလုံးကိုဝန်ကြီး ဌာနက အသုံးပြုခွင့်ပြုထားပြီဖြစ်ကြောင်း သိရသည်။ယင်းရထားလမ်း စီမံကိန်းသည် လှိုင်သာယာ၊ မရမ်းကုန်း၊တောင်ဥက္ကလာနှင့် ရန်ကင်းမြို့နယ် တို့သို့ ဖြတ်သန်းသွားမည်ဖြစ်သည်။

ထို့ကြောင့် ဇွန်၂ ရက်က လှိုင်သာယာမြို့နယ် ရှိ ပြည်သူများကို လည်းကောင်း၊ ဇွန် ၈ ရက်က လှိုင် ၊ မရမ်းကုန်း၊ ရန်ကင်း နှင့် တောင်ဥက္ကလာပမြို့နယ် တို့ရှိ ပြည်သူများ အားလည်းကောင်း စီမံကိန်းနှင့် ပတ်သက်သည့် အကြောင်းအရာများ ရှင်းလင်းတင်ပြခဲ့သည်။

လှိုင်သာယာ-ပါရမီ မိုးပျံ ရထားလမ်းစီမံကိန်းအတွက် ကန်ဒေါ်လာ ၁ ဒသမ ၅ ဘီလီယံ ကုန် ကျမည်ဟု ခန့်မှန်းထားပြီး ၂၀၂၇ ခုနှစ်တွင် ရထားစတင်ပြေးဆွဲနိုင် ရန်လျာထားသည်။

စီမံကိန်းဖော်ဆောင်လျှင် ပါရမီလမ်းတစ်လျှောက်ရှိ ကာကွယ်ရေးဝန်ကြီးဌာနပိုင်မြေ၊ ပညာ ရေးဝန်ကြီးဌာနပိုင်မြေ၊ ဆောက်လုပ်ရေးဝန်ကြီးဌာနပိုင်မြေ၊ ရန်ကုန်မြို့တော်စည်ပင်ပိုင်မြေ၊ ဂရန် မြေ၊ ဘိုးဘွားပိုင်မြေအချို့နှင့် အဆောက်အအုံအချို့ စီမံကိန်းနှင့် မလွတ်သဖြင့် နေရာရွှေ့ပြောင်းခြင်းခံရဖွယ်ရှိသည်။

Credit: Democracy Today