ဂျနီဖာ အန်နစ္စတန်နှင့် ဘရက်ပစ်တို့၏ ဘီဗာလီဟေးလ် ချစ်ဗိမ္မာန်ဟောင်း ကန်ဒေါ်လာ ၄၉ သန်းဖြင့် ရောင်းချမည်

ဟောလိဝုဒ်ကြယ်ပွင့်စုံတွဲဖြစ်သော ဘရက်ပစ်နှင့် ဂျနီဖာ အန်နစ္စတန်တို့ ခြေချခိုလှုံခဲ့ရာ လော့စ်အိန်ဂျလိမြို့ ၊ ဘီဗာလီဟေးလ်အရပ်ရှိ ချစ်ဗိမ္မာန်စံအိမ်ကြီးကို ကန်ဒေါ်လာ ၄၉ သန်းဖြင့် ရောင်းချရန် ဈေးကွက်ဝင်လာသည်။

၁၉၃၄ ခုနှစ်က ဆောက်လုပ်ခဲ့သည့် စံအိမ်ကြီးဖြစ်ပြီး တင်းနစ်ကွင်းတစ်ခုနှင့် ဧည့်ဂေဟာအိမ်တို့လည်း ပါဝင်သည်။

ယခုဈေးကွက်တင်လာသည့် ဈေးနှုန်းမှာ အများခန့်မှန်းထားသည့် ဈေးနှုန်း ကန်ဒေါ်လာ ၅၆ သန်းအောက် ၇ သန်းခန့် နည်းပါးသည့် ခေါ်ဈေးလည်း ဖြစ်သည်။

“မကြာသေးမီက အရောင်းအဝယ်ဖြစ်ခဲ့မှုတွေကို အခြေခံပြီး ကန်ဒေါ်လာ သန်း ၅၀ အောက်နဲ့ပဲ ဈေးကွက်တင်ဖို့ ကျွန်မတို့ ဆုံးဖြတ်ခဲ့ပါတယ်။ ကျွန်မတို့ဟာ ဈေးကွက်ကို စမ်းသပ်တာမျိုး မလုပ်ပါဘူး။ လက်တွေ့ကျတဲ့ ဈေးနဲ့ပဲ ဒီနေအိမ်ကို ရောင်းချနေတာ ဖြစ်ပါတယ်” ဟု Hilton & Hyland မှ ဈေးကွက်တင်ပေးသည့် အကျိုးဆောင် ဆူဇန် စမစ်က ပြောကြားသည်။

အိပ်ခန်း ၄ ခန်းပါ နေအိမ်ကို ၁၉၃၄ ခုနှစ်တွင် ဆောက်လုပ်ခဲ့ခြင်းဖြစ်ပြီး ထပ်ဆင့် အော်စကာဆုရှင် ဖရက်ဒရစ် မာ့ခ်ျ နေထိုင်ရန်အတွက် ဆောက်လုပ်ခဲ့ခြင်း ဖြစ်သည်။

ဖရက်ဒရစ် မာ့ခ်ျသည် ၁၉၃၁ ခုနှစ်တွင် ထုတ်လုပ်ခဲ့သော Dr. Jekyll and Mr. Hyde ရုပ်ရှင်ဇာတ်ကားနှင့် ၁၉၄၆ ခုနှစ်တွင် ထုတ်လုပ်သော The Best Years of Our Lives ဇာတ်ကားများဖြင့် နာမည်ကျော်သည်။

စံအိမ်ကို ဒီဇိုင်းရေးဆွဲပေးခဲ့သူမှာ ကယ်လီဖိုးနီးယား တောင်ပိုင်းမှ နာမည်ကျော် ဗိသုကာပညာရှင် ဝေါလေ့စ် နက်ဖ် ဖြစ်သည်။

နေအိမ်မှာ ၃ ထပ်အဆောက်အအုံဖြစ်ပြီး လူ ၂၀ ခန့် စားသောက်နိုင်သည့် ညစာစားခန်း၊ မူရင်း မီးလင်းဖိုပါဝင်သည့် အရက်ဘားခန်း၊ အားကစားလေ့ကျင့်ရာနေရာ၊ ရေကူးကန်၊ နေအိမ်ပြင်ပတွင် မီးလင်းဖိုပါဝင်သော အပန်းဖြေနေရာတစ်ခုတို့ ပါဝင်ကြောင်း ဈေးကွက်တင်မှတ်တမ်းတွင် ဖော်ပြသည်။

ဂျနီဖာ အန်နစ္စတန် (ယခု အသက် ၅၀ အရွယ်) နှင့် ဘရက်ပစ် (၅၅ နှစ်) တို့သည် အဆိုပါ စံအိမ်ကြီးကို ၂၀၀၁ ခုနှစ်အတွင်း ကန်ဒေါ်လာ ၁၂ ဒသမ ၅ သန်းဖြင့် ဝယ်ယူခဲ့ခြင်းဖြစ်ကြောင်း PropertyShark ၏ မှတ်တမ်းများတွင် ဖော်ပြသည်။

ဘရက်ပစ်တို့ စုံတွဲသည် ဝယ်ယူပြီးနောက် နှစ်ပေါငြ်းများစွာ ကာလအတွင်း နေအိမ်ကို အဆင့်မြှင့်မွမ်းမံမှု များစွာပြုလုပ်နေခဲ့ရာ တင်းနစ်ကွင်းနှင့် ဧည့်ဂေဟာဆောက်လုပ်မှုအတွက်ပင်လျှင် ဒေါ်လာသန်းပေါင်းများစွာ ကုန်ကျခဲ့သည်ဟု ဆိုသည်။

စံအိမ်ကြီးကို မွမ်းမံပြင်ဆင်ခြင်းများ ပြုလုပ်သည်ဟုဆိုသော်လည်း အခန်းတိုင်းတွင် မူလဗိသုကာဆိုင်ရာ သရုပ်သကန်များကို ဆက်လက်ထိန်းသိမ်းထားသည့်အပြင် အခန်းဖွဲ့စည်းပုံကိုလည်း မူလအတိုင်း ထားရှိသည်ဟု ဆိုသည်။

လက်ရှိပိုင်ရှင် ဂျိုနသန် ဘရွတ်ခ်သည် ယခုနေအိမ်ကို ဘရက်ပစ်နှင့် ဂျနီဖာ အန်နစ္စတန်တို့ စုံတွဲထံမှ ၂၀၀၆ ခုနှစ်အတွင်း ဝယ်ယူခဲ့ခြင်း ဖြစ်ပြီး ကန်ဒေါ်လာ ၂၂ ဒသမ ၅ သန်း ပေးခဲ့ရကြောင်း အိမ်ခြံမြေ မှတ်တမ်းများတွင် ဖော်ပြသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)