ကမ္ဘာ့တတိယမြောက်ဆန်းသစ်တီထွင်မှုအရှိဆုံးမြို့အဖြစ် စင်္ကာပူဖော်ပြခံရ

ဆန်းသစ်တီထွင်မှုသည် ယခုအခါ အိမ်ခြံမြေရင်းနှီးမြှုပ်နှံမှုမဟာဗျူဟာများတွင်လည်း အဓိကအခန်းကျလာပြီဖြစ်သည်။ ကမ္ဘာတွင် စင်္ကာပူသည် ဆန်ဖရန်စစ္စကိုနှင့် တိုကျိုပြီးလျှင် တတိယမြောက်ဆန်းသစ်တီထွင်မှုအရှိဆုံးမြို့ဖြစ်ကြောင်း The Business Times က JLL ကမ္ဘာ့အိမ်ခြံမြေကုမ္ပဏီ၏ အစီရင်ခံစာတစ်စောင်ကို ကိုးကား၍ ဖော်ပြခဲ့သည်။

စင်္ကာပူသည် ပြည်တွင်းပြည်ပမှ ရင်းနှီးမြှုပ်နှံမှုများအား အခိုင်အမာအားကောင်းစွာ ရရှိနေစဉ် ၎င်းအစီရင်ခံစာထွက်ရှိလာခဲ့ခြင်းဖြစ်သည်။

စင်္ကာပူသည် သုတေသနနှင့် ဖွံ့ဖြိုးတိုးတက်မှု (R&D) နှင့် ဝန်ဆောင်မှုများနှင့်ပတ်သက်လျှင် ဒေသတွင်းအချက်အချာနေရာတစ်ခုဖြစ်လာသည့်အပြင် နည်ပညာမြင့်စက်မှုလုပ်ငန်းများတွင် နိုင်ငံခြားတိုက်ရိုက်ရင်းနှီးမြှုပ်နှံမှုဆိုင်ရာ ကမ္ဘာ့ထိပ်တန်းနေရာလည်း ဖြစ်ကြောင်း JLL ၏ ဆန်းသစ်တီထွင်မှုနေရာများအစီအရင်ခံစာတွင် ဖော်ပြထားသည်။

စင်္ကာပူအိမ်ခြံမြေရင်းနှီးမြှပ်နှံမှုနှင့် ရုံးခန်းဈေးကွက်သည် ရေတိုနှင့် ရေလတ်ကာလတွင် ဆက်လက်၍အားမာန်အပြည့်ဖြင့်တက်တက်ကြွကြွရှိဦးမည်ဟု JLL ၏ ယုံကြည်ချက်အား ထိုအစီရင်ခံစာက အားဖြည့်ပေးကြောင်း JLL Singapore ၏ အတိုင်ပင်ခံနှင့် သုတေသနခေါင်းဆောင် တေဟွေးယင်က ပြောကြားခဲ့သည်။

မြို့ပြများတွင် ဆန်းသစ်တီထွင်မှုဂေဟစနစ်များသည် စီးပွားရေးတိုးတက်မှုကို ဦးတည်သော ကုန်ထုတ်စွမ်းအားကို မောင်းနှစ်ရာတွင် အရေးပါသောအခန်းကဏ္ဍတစ်ရပ်အဖြစ် ပါဝင်ပြီး သွယ်ဝိုက်သောအားဖြင့် အိမ်ခြံမြေဝယ်လိုအားကို မြင့်တက်စေသည်ဟု JLL က ဖော်ပြခဲ့သည်။

JLL ၏ အာရှပစိဖိတ်သုတေသနရေးရာခေါင်းဆောင် မီဂန်ဝေါ်လ်တာကလည်း ဆန်းသစ်တီထွင်မှုသည် ကုမ္ပဏီများနှင့် ရင်းနှီးမြှုပ်နှံသူများကို ဆွဲဆောင်ရာတွင် မြို့ပြများအား ကူညီပေးကြောင်း ပြောကြားခဲ့သည်။

၎င်းအစီရင်ခံစာသည် ကမ္ဘာ့မြိုကပေါင်း ၁၀၉ မြို့ကို ဆန်းစစ်လေ့လာခဲ့ခြင်းဖြစ်သည်။ ထိုမြို့များအနက် အာရှပစိဖိတ်ထိပ်တန်း ၇ မြို့သည် ပြီးခဲ့သည့်ဆယ်စုနှစ်အတွင်း အာရှပစိဖိတ်ဒေသ၏ စုစုပေါင်းအိမ်ခြံမြေရင်းနှီးမြှုပ်နှံမှုပမာဏ၏ ၅၀ ရာခိုင်နှုန်းကျော်ရှိကြောင်း သိရသည်။

ထို ၇ မြို့မှာ တိုကျို၊ စင်္ကာပူ၊ ဆိုးလ်၊ ပေကျင်း၊ ရှင်းကျန်း၊ ရှန်ဟိုင်းနှင့် ဆစ်ဒနီတို့ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)