ဘဏ်တိုးနှုန်း နည်းပါးခြင်းနှင့် စီးပွားရေးပြန်လည်ဦးမော့လာခြင်းတို့ကြောင့် အိမ်ခြံမြေရင်းနှီးမြှုပ်နှံသူများက ဥရောပကို အာရုံစိုက် လျက်ရှိ

တရုတ်ပြည်မကြီးနှင့် ဟောင်ကောင်တို့ အပါအဝင် အာရှတစ်ဝန်းမှ အိမ်ခြံမြေကဏ္ဍ ရင်းနှီးမြှုပ်နှံသူတို့သည် ဥရောပတိုက်တွင် ရင်းနှီး မြှုပ်နှံမှုများ ပြုလုပ်ရန် ပိုမိုအာရုံစိုက်လာလျက်ရှိကြောင်း သုတေသီတို့က ပြောကြားသည်ဟု ဟောင်ကောင် အခြေစိုက် သတင်း ဝက်ဘ်ဆိုက်တစ်ခုတွင် ဖော်ပြသည်။

ဥရောပတွင် ဘဏ်တိုးနှုန်း နိမ့်ပါးခြင်းနှင့် စီးပွားရေး ပြန်လည်ဦးမော့မှုများ ဆက်လက်ဖြစ်ပေါ်နေမှုများကြောင့် ရင်းနှီးမြှုပ်နှံသူတို့ အာရုံ စိုက်လာကြခြင်းလည်း ဖြစ်သည်။

အဆိုပါ အခြေအနေသည် ဥရောပသမဂ္ဂမှ ဗြိတိန်နှုတ်ထွက်မှုဆိုင်ရာ အဖြစ်အပျက်နှင့်လည်း တစ်စိတ်တစ်ပိုင်း သက်ဆိုင်နေသည်။

ဗြိတိန် အိမ်ခြံမြေဈေးကွက်သည် မကြာသေးမီကာလအတွင်း နိုင်ငံခြားရင်းနှီးမြှုပ်နှံမှုများ အလုံးအရင်း ရရှိခဲ့သည်ဟု ဆိုသည်။

“ရင်းနှီးမြှုပ်နှံသူတွေဟာ ဥရောပဈေးကွက်တွေက ကောင်းမွန်တဲ့အခြေအနေတွေအပေါ် အာရုံစိုက်နေကြပါတယ်။ ဥရောပ ဗဟိုဘဏ် ဟာ အတိုးနှုန်းကို အလွန်နည်းပါးစွာ ထားရှိတာကြောင့် အကြွေးစရိတ်က သိပ်ကိုနည်းပါးပါတယ်”ဟု Knight Frank မှ ကမ္ဘာလုံးဆိုင်ရာ သုတေသနအကြီးအကဲ လီယမ် ဘိုင်လေက ပြောကြားသည်။

ဖရန့်ဖတ်အခြေစိုက် ဥရောပဗဟိုဘဏ် (ECB) သည် အတိုးနှုန်းများကို ယခင်အတိုင်း မပြောင်းလဲဘဲ ဆက်လက်ထားရှိရာ marginal lending rate - ၀ ဒသမ ၂၅ ရာခိုင်နှုန်း၊ main refinancing rate ၀ ရာခိုင်နှုန်း ဖြစ်သည်။

“ဥရောပဈေးကွက်တွေဟာ ဘဏ္ဍာရေးအကျပ်ဆိုက်ပြီးရင် ပြန်လည်ကုစားနိုင်ဖို့ တော်တော်အချိန်ယူရပါတယ်။ ဒီလိုအချိန်၊ ဒီလိုနေရာမှာ ရင်းနှီးမြှုပ်နှံမှုတွေလုပ်ဖို့ အခွင့်အလမ်းကို ရင်းနှီးမြှုပ်နှံမယ့်သူတွေက သိကြပါတယ်”ဟု လီယမ် ဘိုင်လေက ပြောကြားသည်။

ပဲရစ်၊ ဘာလင်၊ လစ္စဘွန်းနှင့် မက်ဒရစ်ကဲ့သို့ မြို့ကြီးများမှာ အလားအလာကောင်းနေသည်ဟု Knight Frank က သုံးသပ်ကြောင်းလည်း ဘိုင်လေက ဆက်လက်ပြောကြားသည်။

ဟောင်ကောင်အခြေစိုက် အိမ်ခြံမြေဥပဒေအကျိုးဆောင်အဖွဲ့ Linklaters ၏ အကြီးအကဲ ဇေဗီးယား ဟန့်တာက ပြောကြားရာတွင် အာရှ ရင်းနှီးမြှုပ်နှံသူတို့သည် ဗဟိုဥရောပနှင့် အခြားသမားရိုးကျမဟုတ်သော ဈေးကွက်များတွင် ရင်းနှီးမြှုပ်နှံမှုများ ပြုလုပ်ရန် စိတ်ဝင်စားနေကြကြောင်း ပြောကြားသည်။

၂၀၁၇ ခုနှစ်အတွင်း တရုတ်၊ ဟောင်ကောင်နှင့် အခြား အာရှနိုင်ငံတို့မှ ရင်းနှီးမြှုပ်နှံသူများသည် ဥရောပတွင် ကန်ဒေါ်လာ ၂၁ ဒသမ ၄၅ ဘီလီယံဖိုးအထိ ရင်းနှီးမြှုပ်နှံမှုများ ပြုလုပ်ခဲ့ရာ ၂၀၁၆ ခုနှစ်က ပမာဏဖြစ်သော ကန်ဒေါ်လာ ၇ ဒသမ ၅၅ ဘီလီယံနှင့် နှိုင်းယှဉ်လျှင် ၃ ဆနီးပါး မြင့်တက်လာခဲ့ကြောင်း Real Capital Analytics ၏ အချက်အလက်များတွင် ဖော်ပြသည်။

၂၀၁၈ ခုနှစ်တွင် အာရှမှ ရင်းနှီးမြှုပ်နှံမှုများမှာ ကန်ဒေါ်လာ ၁၂ ဒသမ ၅ ဘီလီယံသို့ ကျဆင်းသွားခဲ့သော်လည်း ၂၀၁၆ ခုနှစ်နှင့် နှိုင်းယှဉ်လျှင်မူ ၆၆ ရာခိုင်နှုန်း များပြားနေဆဲဖြစ်သည်။

ယခု ၂၀၁၉ ခုနှစ် ပထမ ၃ လပတ်ကာလအတွင်း အာရှရင်းနှီးမြှုပ်နှံသူများသည် ဥရောပအိမ်ခြံမြေဈေးကွက်တွင် ကန်ဒေါ်လာ ၉၂၅ ဒသမ ၂၇ သန်းဖိုး ရင်းနှီးမြှုပ်နှံမှုများ ပြုလုပ်ထားပြီး ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)