သီရိလင်္ကာ၏ ကူးသန်းရောင်းဝယ်ရေးဗဟိုချက် ကိုလံဘိုမြို့တော်တွင် မြေဈေးနှုန်း ၁၈ ရာခိုင်နှုန်းအထိ မြင့်တက်လာ

သီရိလင်္ကာနိုင်ငံ၏ ကူးသန်းရောင်းဝယ်ရေး ဗဟိုချက်မြို့တော် ကိုလံဘိုတွင် မြေဈေးနှုန်းများမှာ လွန်ခဲ့သော တစ်နှစ်ခန့်ကနှင့် နှိုင်းယှဉ်လျှင် ၁၈ ရာခိုင်နှုန်းအထိ မြင့်တက်ခဲ့ကြောင်း သီရိလင်္ကာဗဟိုဘဏ်က ထုတ်ပြန်သော မြေယာဈေးနှုန်းညွှန်းကိန်း(LPI) ကို ကိုးကားပြီး ကိုလံဘိုအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

အဆိုပါ မြေယာဈေးနှုန်းညွှန်းကိန်း(LPI) တွင် ပါဝင်သော ကဏ္ဍခွဲ ၃ ခုဖြစ်သည့် လူနေ၊ ကူးသန်းရောင်းဝယ်ရေးနှင့် စက်မူဆိုင်ရာ မြေယာ ဈေးနှုန်းကဏ္ဍများတွင် ယခုကဲ့သို့ မြင့်တက်မှုများ တွေ့ခဲ့ရခြင်း ဖြစ်သည်။

လူနေကဏ္ဍ မြေယာများမှာ ၁၇ ဒသမ ၂ ရာခိုင်နှုန်း၊ ကူးသန်းရောင်းဝယ်ရေးမှာ ၁၇ ဒသမ ၄ ရာခိုင်နှုန်းနှင့် စက်မှုဇုန်ဆိုင်ရာမှာ ၁၉ ဒသမ ၄ ရာခိုင်နှုန်း နှစ်အလိုက် (YOY) တန်ဖိုးမြင့်တက်မှုများ ရှိခဲ့သည်။

ကိုလံဘိုခရိုင်၏ မြေယာညွှန်းကိန်းမှာ ၂၀၁၈ ခုနှစ် ဒုတိယနှစ်ဝက်ကာလအတွင်း ၁၂၅ ဒသမ ၉ သို့ရောက်ရှိခဲ့ရာ ၂၀၁၇ ခုနှစ်၊ ဒုတိယနှစ်ဝက် ညွန်းကိန်းဖြစ်သော ၁၁၆ ဒသမ ၃ နှင့် နှိုင်းယှဉ်လျှင် ၁၈ ရာခိုင်နှုန်းမြင့်တက်ခဲ့ခြင်း ဖြစ်သည်။

သီရိလင်္ကာဗဟိုဘဏ်သည် အိမ်ခြံမြေကဏ္ဍ ဖြစ်ပေါ်ပြောင်းလဲမှု အခြေအနေများကို စောင့်ကြည့်ရန်အတွက် ညွှန်ပြချက်များစွာကို စုဆောင်းသုံးသပ်ခဲ့ခြင်း ဖြစ်သည်။

မြေယာဈေးနှုန်းညွှန်းကိန်း(LPI) ကို တစ်နှစ်လျှင် နှစ်ကြိမ်ထုတ်ပြန်ခြင်းဖြစ်ပြီး ကိုလံဘိုခရိုင်အတွက်ဖြစ်ကာ ၁၉၉၈ ခုနှစ်မှ စတင်ခဲ့သည်။

သီရိလင်္ကာသည် မြေယာပိုင်ဆိုင်မှုနှင့် စပ်လျဉ်းပြီး ဥပဒေအမျိုးမျိုးရှိနေသောကြောင့် ရှုပ်ထွေးမှုများစွာရှိသည့် နိုင်ငံတစ်ခု ဖြစ်သည်။

ဒတ်ခ်ျတို့ အုပ်စိုးစဉ်အခါက ပြဌာန်းခဲ့သည့် Roman Dutch ဥပဒေ၊ ဗြိတိသျှတို့ အုပ်စိုးစဉ်အခါက ပြဌာန်းခဲ့သော ဗြိတိသျှဥပဒေများအပြင် လူပုဂ္ဂိုလ်ဆိုင်ရာ ဥပဒေများလည်း အမျိုးမျိုးရှိနေသည်။ လူပုဂ္ဂိုလ်ဆိုင်ရာ ဥပဒေတွင် ကန်ဒျန်ဥပဒေနှင့် ဆဝါလာမိုင် ဥပဒေဟူ၍ ၂ မျိုးထပ်မံကွဲပြားသည်။

ကန်ဒျန်ဥပဒေမှာ ကန်ဒျန်ဘုရင့်နိုင်ငံတော်ကို ဗြိတိသျှတို့ သိမ်းပိုက်ခဲ့စဉ်က အဆိုပါဘုရင့်နိုင်ငံတော်တည်ရှိရာ နယ်နိမိတ်အပိုင်းအခြားတွင် နေထိုင်ခဲ့သည့် သင်ဟာလူမျိုးအားလုံးအတွက် အကျုံးဝင်သည်ဟု ဆိုသည်။

ဆဝါလာမိုင်ဥပဒေမှာမူ ဂျက်ဖ်နာပြည်နယ်တွင် နေထိုင်သော တမီလ်မျိုးနွှယ်များအပေါ် သက်ရောက်သည့် ဥပဒေ ဖြစ်သည်။

ထို့ကြောင့် သီရိလင်္ကာတွင် မြေယာပိုင်ဆိုင်မှု၊ အမွေဆက်ခံမှု၊ လွှဲပြောင်းမှု၊ စွန့်လွှတ်မှုတို့သည် သက်ဆိုင်ရာမျိုးနွှယ်၊ ဒေသဆိုင်ရာ ဥပဒေအသီးသီးအပေါ် မှီတည်နေသည်။

ဆဝါလာမိုင်ဥပဒေအရ အမျိုးသမီးတစ်ဦးသည် ခင်ပွန်းတို့၏ သဘောတူညီချက်မပါဘဲ အိမ်ခြံမြေများကို အဆုံးစွန်ပိုင်ဆိုင်ခွင့် မရှိသောကြောင့် ခင်ပွန်းကွယ်လွန်ပါက ဘဏ်တွင်အပေါင်ထားခြင်းအတွက် များစွာ အခက်တွေ့ကြရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)